انا كنت خاطب من سنه تقريبا ومحصلش نصيب وفركشنا بعد 5 شهور من الخطوبة وبلغتهم ان كل شئ نصيب وربنا يكرمها بالخير دايما ..فرجعوا كلموني عشان ارجع بس كنت اخدت قرار اني مش قادر اكمل
فلما كلمنا والدها ف الشبكة (كانت ٥٠ الف )قال انا صرفت ٣٠الف ابعتهملي وابعتلك الشبكة
حصل ظروف عندنا وبعدها بشهر كلمناه فحصلت المفأجاة انه غير رأيه وقال انه باع الشبكة
فحاولنا نتواصل مع حد من اهل البلد .
.الحمد لله ربنا كرم وعرفنا نوصل لكذا حد هناك الردود كلها احمد ربنا ان موضوعك مكملش ربنا بحبك يابني واحنا حاولنا نبلغه ان دا حق الراجل ورجعله حقه ودا حرام وهو رافض ،،اخر محاوله كانت مع خالها فقالي انا مش راضي باللي هما بيعملوه دا وهحاول اكلمه تاني وربنا يهديه ، فكان رده عليا انه هيرجعلي ٧٠٠٠ بعد محاولات معاه ….
فالواحد حرفيا منهار ومش عارف اعمل ايه واكل عليا حقي وخصوصا انا شاب لسه في بداية حياتي ومع زيادة الاسعار اللي عايشين فيها دي وهو مش عايز يرجعلي حقي ومحدش عارف يعمل معاه حاجة
فهل دا جزاء اني دخلت بالمعروف وقررت اخرج بالمعروف ؟!