السلام عليكم ..انا اول مره اكتب مشكلتي وبجد محتاجه حل لان اعصابي بجد تعبت
انا متزوجة في بيت عيله من 10سنين
الحمد لله علاقتي بحماتي كويسه ومتفاهمين مع العلم انا وهي اللي في البيت بس لغاية ما اختها زوجها توفي وجت عاشت مع حماتي لان هي مش معاها اولاد واولاد زوجها قطعوا الاتصال بيها وهما كبار ومتزوجين
تركت بيتها وسلمت الشقه الايجار وجت استقرت عند حماتي ومن هنا بدات المشاكل منها والتدخلات في كل شئ واسلوبها السيئ جدا فوق الوصف واسرار البيت اللي معظم الجيران حوالينا تعرفها وتسألنا فيها وانا اساسا ماليش علاقه بحد ومافيش حد بيدخل بيتي ولا يعرف عني حاجه
وبدأت اتجنبها بدأت تتطاول وللاسف وصلت انها شتمتني وللاسف بتقول لولادي يابن كذا عليا
وحصل مشاكل كتير بينها وبين حماتي لعدم تدخلها في حياتنا وتطاولت على حماتي وعلى زوجي وبقت
والله فضحانا في المكان اللي احنا عايشين فيه لدرجة ان الجيران قالوا لحماتي اختك لما بتكون موجوده احنا بنعرف من المشاكل ومايحلاش ليها الزعيق الا بليل قبل الفجر والناس نايمين والصوت بيكون صعب جدا لدرجة ان اولادي بيصحوا ويتخضوا وبتطلع تخبط عليا وتنادي على زوجي لاني مابفتحش ليها اصلا وزوجي بيكون نايم لشغله وحماتي كلمت قرايبهم واجتمعوا انها تاخد شقه ايجار وتسيب البيت عندنا وهي رفضت او تروح دار مسنين وهي رفضت والموضوع مش مادي هي معاشها عالي وتعيش بيه مرتاحه جدا بس تقول مش هقعد لواحدي انا بخاف ابن اختها التانيه قالها تعالياقعدي معايا
عملت مشاكل معاه ومع مراته من تجسس على خصوصيتهم والتصنت وعمل معاها مشاكل ومشاها من عنده للعلم كل اخوتها ماتوا
حماتي بس اللي موجوده ربنا يبارك في عمرها وصحتها ورجعت عندنا تاني لانها صعبت على حماتي وقالت مش هرمي اختي في الشارع و دا ابتلائي من ربنا ولازم اصبر عليه
انا بجد فكرت امشي من البيت بس مش هقدر اقول لزوجي كده لانه متعلق بمامته اوي ومش هيهون عليا اسيب حماتي
بس انا مش قادره ونفسيتي تعبت من الست دي اوي وكرهتها لانها بتكرهني انا واولادي.وزجي وحماتي وبتغل مننا ماعرفش ليه والناس اللي حوالينا بقوا تقريبا يوميا يسمعوا خناقهم والفاظها الخارقه واسلوبها القذر ودعائها علينا بالخراب …
اعمل ايه بالله عليكم
تعديل
بجد كلامكم مريح جدا وبجد فعلا هعمل بنصيحتكم
بالنسبه للي بيقول اكيد دي خناقات ليها سبب اكتر سبب للمشاكل هي النضافه حماتي نضيفه جدا وشقتها ديما نضيفه وكل شء ليه استخدام للاسف هي بتستفزها من النقطه دي ممكن تستخد م مقص الطعام لقص ضوافرها وحماتي بتقرف جدا تستخدم مناديل وترميها في اي مكان الادوية بتاعتها بتسيبها في اي مكان تقولها لميها في شنطه لان في اطفال وتحصل الخناقه حماتي خايفه على الاولاد وبتتكلم معاها بالراحه في الاول
اللي بيقول نجوزها هي عندها 70سنه وحماتي 67
واللي بيقول عندها نقص والله ولادي كانوا بيقولولها يا تيتا ولما بنتجمع مابنعملش فرق ومش بنحسسها بحاجه في الاول بس بعد المشاكل دي ولادي اللي بقوا يخافوا منها ولما بيشفوها بيطلعوا لي فوق
واللي بيقولي ماتنزليش تاني حماتي كبيره في السن وارمله ومحتاجني معاها زي بنتها وانا ماما متوفيه وانا بحب اقعد معاها بس بجد والله اختها تعبالي اعصابي