السلام عليكم .. انا عارفه أن اللي هحكيه صعب بس حصل معايا للأسف و لازم اوعيكم كلكم .. مخطوبه بقالي تمن شهور و خلاص قدامنا حوالي ست شهور و نتجوز ، خطيبي ده كنا بنحب بعض فالكليه ٤ سنين و اتخرجنا مع بعض و استنيت عليه لما خلص جيشه واشتغل و كل ده انا معاه لحد م أموره اتحسنت و اتقدملي و اتخطبنا .. المهم
اللي حصل أنه من فتره لقيته بيكلمني علي التحاليل بتاعه قبل الجواز و الكشوفات عند الدكتور و كدا .. ف انا قلتله تمام نروح نعملها بس لسه بدري قالي لا محتاجين نعملها ضروري عشان فالاخر ممكن ننسي و الحاجات دي بتتطلب ساعه كتب الكتاب عشان دي اوراق مهمه و كدا المهم استأذنت اهلي و رحت معاه مستشفي كدا فيها جميع
التخصصات ف قالي ايه رايك نعمل كشف عام علي صحتنا و نتطمن قلتله ماشي عاوز تكشف ايه انت قالي هكشف اسنان و اعمل تحاليل كامله و كدا و أساسا انا حجزت كل حاجه قبل م اجي ف يدوب هندخل علي طول قلتله تمام .. اتفاجئـ ـت أنه بيدخلني عياده النسا ف استغربت قلتله ليه ده قالي اصل بيحتاجو كشف نسا و شويه تحاليل
بتتعمل هنا ف عياده النسا و اول م دخلنا عند الدكتوره لقيته بيقولها الي صدم،ني فيه صد،مه عمري قالها احنا عاوزين نكشف عليها بخصوص ….
كشف العذرية و يشوف انا عذراء ولا لا .. انا جتلي حاله صد،مه و قلتله احنا متفقناش علي كدا و فضلت ازعق و الدكتوره هدتني و قالتلي ده كشف بسيط و كدا اتاري الدكتوره دي صاحبه ممته و هو متفق اساسا معاها من قبل م نيجي تخيلوا ؟
ف انا زعقت معاه و مشيت و سيبته ورحت البيت قفلت علي نفسي و طلعت قلت ل اهلي اني هسيبه و مقولتش سبب و اهلي زعلانين مني بيقولولي ده شاب كويس هتسيبيه ازاي من غير سبب قلتلهم مش مرتاحه ..
مع اني بحبه بس فعلا اتص،،دمت فيه .. ف عاوزه اول حاجه اوعيكم كبنات ف المواقف اللي زي دي لازم تصرفك يكون سريع و تاني حاجه عاوزه اعرف انا كدا فعلا بخرب علي نفسي وكان ممكن اطاوعه ولا ايه ؟