لو سمحت يا جماعة من غير تجريح عشان العروسة غريبة مش من هنا انا اتعرفت علي واحدة مش مصرية وخطبتها بس للاسف اكتشفت ان ريحة بؤها صعبة جدا لدرجة اني بقيت بدوخ كل ما اتكلم معاها لحد
ما جيت في مرة وقلتلها ان ده ما ينفعش ولازم تاخد بالها من نضافتها الشخصية شوية فزعلت مني جامد حكيت لصحبي الموضوع قالي انت غلطان جدا البنات ما ينفعش تتكلم معاهم كده لازم تلفت نظرها
بطريقة غير مباشرة قلتله ازاي قالي قولها مثلا حبيبتي انتي كنتي عند دكتور السنان هتقولك ليه يا حبيبي قولها اصل ريحة بؤك بنج فتاخد بالها قلتله تمام رحت جبتلها هدية عشان اصالحها ولسة بتكلم معاها
شميت نفس الريحة قلتلها انتي كنتي عند دكتور السنان قالتلي ايوة يا حبيبي وعملي كوبري قلتلها طب خدي بالك عشان تقريبا فيه عيل شخـــ.لك تحت الكوبري اتقمصت تاني وزعلت فمش عارف اتصرف ازاي وهل فعلا الكوبري اللي بيتعمل في السنان ده بيعمل ريحه وحشه
مؤقتا وبيروح بعد كده ولا بيستمر على طول وخصوصا ان فرحنا قرب وانا خايف الموضوع ده يستمر على كده وياريت اصحاب الخبره اللي عملوا الموضوع ده يقولولنا الكلام ده صحيح ولا لأ وبدون تجريح فيه معلش الواحد بيتجوز مرة واحده في العمر