لسلام عليكم ورحمه الله وبركاته … انا لسه مخطوبه بقالي اسبوع و خطيبي اول مره يجيلنا البيت .. انا والدي مش حابب خطيبي اوي مع انه ولله شخص كويس و محترم بس هو مش عاجبه و وافق عليه بالعافيه عشان انا اتحايلت عليه لاني بحبه .. المهم المره دي بابا مكنش عاوز أن خطيبي يجي البيت مع انها اول مره بعد الخطوبه و المفروض يجي عندنا و نعزمه و كدا و كمان بابا مش راضي يخلينا نخرج مع
بعض ف قلت خلاص يبقي يجي و نعزمه ع الغدا بابا بقا مش راضي خالص المهم حاولت اقنعه و فالاخر وافق وانا كنت حاسه أنه هيعمل حاجه معرفش ليه واللي خفت منه فعلا حصل .. اول م خطيبي وصل بابا مطلعش يستقبله ف انا قلت يمكن شويه و يطلع و كل شويه خطيبي عمال يسأل هو بباكي فين وانا اقوله اهو بيلبس اهو فالحمام اي حاجه لحد من الحمد لله ماما اقنعته و طلع و اول م طلع سلم عليه بطريقه مش حلوه و للأسف قعد ع الكرسي اللي جنب خطيبي و راح
حط رجل علي رجل ف وش خطيبي .. انا جتلي صدمه و حاولت اتكلم معاهم ف اي حاجه بس خطيبي وشه قلب و بان عليه أنه اتضايق جامد اوي .. ف قال معلش ي جماعه انا والدي كلمني و هروحله عشان عاوزني معاه ف مشوار و اعتذر و مشي .. وانا دخلت اوضتي و فضلت اعيط و مبقتش عارفه حتي اتكلم م هو ابويا .. بعد ساعه لقيت خطيبي بيرن عليا و قالي الي صدمني …
قالي انا من ايام م جيت اتقدم و انا حاسس ان بباكي مش طايقني وانا فضلت احاول أفهمه اقوله ولله الحركه دي مش مقصوده اكيد و بابا متعود يقعد كدا رجل علي رجل و عادي بس هو متفهمش الموضوع و
شاف أن دي اهانه له و أنه جاي البيت المفروض يتم احترامه فالبيت .. المهم فالاخر قالي انا بحبك و مقدرش اسيبك بس طول م احنا مخطوبين و لحد الجواز انا مش داخل بيتكو تاني … انا حقيقي مش عارفه اعمل ايه ياريت تقولولي حل …