مساء الخير على الجميع
انا متجوزه بقى لي تقريبا اسبوعين اتجوزت رابع يوم العيد المهم انا عارفه ان جوزي كان خاطب بنت خالته كان بيحبها جدا جدا وهي بعد م فسخت الخطوبه بشهرين اتجوزت جوزها اللي معاها دلوقتي وكانت العيله كلها مستغربه ازاي في الوقت القصير هتتجوز على طول وبعدين اكتشفوا ان هي ايام ما كانت مخطوبه لجوزي كانت على علاقه براجل ثاني وجهزت الشقه معها وكل شيء وبعدين حددت اهلها ان هي لو ما اتجوزتوش هتهرب معاه فاهلها تماموا الجوازه اتجوزته
المهم ان جوزي من وقتها مش عارف يتخطى الموضوع وبيحبها جدا هي بكل بجاحها لما بيكون في تجمع للعيله في بيت جدهم بتيجي هي وجوزها المهم عشان ما اطولش عليكم اتجمعنا الجمعه اللي فاتت في بيت جد جوزي ولما انا هزرت مع جوزي وكانت اخت جوزي واقفه هي دخلت علينا وقالت لجوزي معقول يا عبد الله قلبك يبقى مع غيري وراحت ضحكها انا سكت ما عرفتش ارد عليها وبعدين جوزي قال لها عيب احترمي جوزك على الاقل قالت له جوزي بيحبني متقبل مني اي شيء زيك بالظبط وراحت ضحكه تاني وسابتني
ومشيت جوزي بص لي بقله حيله وسكت وموقف ثاني في نفس التجمع حماتي كانت بتدعي لي بالذريه الصالحه ردت وقالت كملت دعوه يا خالتي وقولي يا رب عيالها يبقوا حلوين زيي انا مش زيها هي وضحكت ولما جوزي العين واقفه في البلكونه عمل لي كوبايه شاي ودخلها لي وقف معايا دخلت وراها تجري وتقول له انت نسيتني انا ولا ايه انا اللي طلبت منك الشاي قال لها لا انا عامل الشاي لمراتي ضحكت وقالت له وانت بتخاف ولا ايه المهم انا من يومها وانا موجوعه قوي وما رضيتش ابين لحد لغايه امبارح رحنا نزور خالت جوزي اللي هي امها علشان عملت عمليه قلب المهم رمي التعليق مستفز تاني رحت قلت لها
انت مركزه قوي معايا انا وجوزي كده ليه خليك في حياتك يا حبيبتي واحده غيرك تبقى مكسوفه من نفسها انها كانت على علاقه برجلين في وقت واحد عيطت ومشيت من قدامي وجوزي زعل مني يقول لي انت كسفتيها جدا ما كانش ينفع تقولي كده واحنا في بيت اهلها وهي اتصل بحماتي واشتكيت لها واتصل باخت جوزي واشتكت لها وحماتي كلمتني وقالت لي انت جدعه انا فعلا اتخنقت من جوزي وكرهته جدا وعايزه اروح بيت اهلي بس عاوزه اوجعه قبل ما أمشى رايكم ايه