السلام عليكم .. انا متزوجه من راجل الحمدلله محترم و أهله كلهم محترمين من كام يوم كان فرح ابن اخو جوزي و كنت فرحانه جدا كأنه ابني بالظبط لاني مربياه .. المهم لبست طقم جميل و لبست دهبي كله و من ضمنه كانت اسوره دهب بحبها اوي ، رحت الفرح و اول م دخلت رحت باركت للعريس و والده و والدته و قعدت عالتربيزه شويه و بعدين قلت اقوم بقا اسقف معاهم انا كدا كدا ست كبيره مش هرقص انا بس افرحهم و اقف معاهم .. المهم سلفتي الصغيره اول م شافتني
جت ترقص جنبي و بقت تمسك ايدي و نسقف مع بعض و كنا مبسوطين بس انا تعبت من الوقفه قلت اروح اريح شويه علي التربيزه .. المهم يدوب لسه بقعد عالكرسي لقيت الأسورة مش ف ايدي جتلي ص*دمه و بقيت الف حولين نفسي و ادور عليها و ملقتهاش قلبت
الدنيا عليها انا و جوزي و بناتي مفيش اختفت خالص .. المهم قلت استني أما الفرح يخلص عشان منكدش ع الناس ف فرحهم و الحمدلله حظي كان حلو و القاعه فيها كاميرات ف فتحنا الكاميرات و شفت الصد*مه شفت سلفتي الصغيره و هي …
بتوطي جنب التربيزه بتاعتي اول م قمت ف انا صراحه شكيت فيها اصلي قايمه من علي التربيزه و متأكده أن الاسوره في أيدي فجـ ـأه اختفت يعني العفريت هيكون اخدها ؟ المهم روحت واحنا ساكنين في بيت عيله جيت اول م وصلت البيت لقيت سلفتي الصغيره دي في
وشي فضلت ازعق و عملت مشكله كبيره و جوزي كان ف صفي لانه شافها بعينه وهي بتوطي .. و هي فضلت تقول انها مخدتهاش و كانت بتوطي عشان تظبط هدومها من تحت بس انا مصدقتهاش و قلتلها لو مجتش الاسوره بيني و بينك ربنا و ملناش كلام مع بعض تاني ..
المهم تاني يوم حصل اللي صدم*نا كلنا و خلاني مش عارفه اتصرف
لقيت جارنا جاي و بينادي علينا من تحت و بيقول أنه لقي الاسوره قدام باب بيته انهارده الصبح ف انا صراحه محتاره مش عارفه هل الاسوره وقعت مني و انا رايحه الفرح ولا هل هي بليل راحت حدفتها قدام بيت جارنا عشان تبعد عنها الشبهات ولا ايه بالظبط ف حاليا احنا مبنكلمهمش و مش عارفه انا غلطانه ف اللي عملته ولا ايه ؟