السلام عليكم .. انا طالبه في أولي ثانوي و حصل معايا موقف مزعلني اوي و مأثر ف نفسيتي وانا الفتره دي عندي امتحانات و مش عارفه اتخطاه ..
كانت خطوبه بنت عميف البيت و احنا ف بيت عيله ف بنات عمي متعودين أنهم بيخرجو كلهم مع بعض بعد اي مناسبه مع جوازاتهم و عيالهم و كدا ف انا عشان اصغر واحده ف البيت ف مكانوش
بياخدوني معاهم بس اليوم ده انا كان نفسي اروح معاهم اوي لأنهم كانوا خارجين ف كافيه تحفه في اسكندريه اسمه سان چيوڤاني وانا طول عمري نفسي ادخله لاني بشوفه دايما من برا بس .. المهم بنت عمي الكبيره قالتلهم انا مش هاجي معاكم المره دي عشان انا معايا عيالي و مش عاوزه اتبهدل بيهم ف خدو بنت عمكو الصغيره معاكوا
تفرح اللي هي انا .. ف انا اتبسطت أنهم وافقوا و اهلي كمان وافقوا رحت ظبطت لبسي و كل حاجه و جهزت نفسي و ظبطت شعري و كدا و طلعت من اوضتي لقيت بنت عمتي بتقولي بلاش تروحي انتي المره دي خليكي مع العلم انها كبيره و جوزها كبير يعني ف الاربعينات ف انا اساسا بقول ل جوزها يا ابيه .. لقيتها بتقولي اصل بت عمك الكبيره
غيرت رايها و هتيجي معانا ف جريت بسرعه ع المطبخ لقيت بت عمي الكبيره و بتقولي لا مش هروح روحي انتي صغيره و تتبسطي .. لسه بطلع لقيتهم نزلو و قفلوا الباب وراهم ف انا وقفت كدا جنب الباب سمعت بنت عمتي بتقول لجوزها كلام عني خلاني مصدومه قالتله …
البت دي مش هتيجي معانا ف هو بيقولها حرام عيله صغيره واهي تمسك بناتنا و تلعب معاهم لان اصلا بناتهم ف تانيه و تالته اعدادي يعني قريبين ل سني ف لقيتها بتقوله انا بغير عليك و بعدين دي م بشعرها و لا هي مخطوبه ولا متجوزه زينا عشان تخرج معانا .. انا
سمعت الكلمتين دول رحت فتحت الباب و زعقت معاها و قلتلها انتي مش محترمه ف جه بابا و ماما زعقولي من غير م يعرفو اصلا حاجه عشان انا بزعق و بغلط ف بنت عمتي طيب م هي مش محترمه اعمل ايه انا ؟ ف ي جماعه انا كدا غلطت ؟ و فهمت اهلي اللي سمعته قالولي انتي غلطانه انك اتصنتتي اساسا عليهم …