السلام عليكم .. انا عارفه أن مشكلــتي ملهاش حل و عارفه أن كلكو هتغلطوني بس بالله عليكم اسمعوني و قولولي الحل ..
انا متجوزه بقالي ١٧ سنه جوازه صالونات ، الجوازه عاديه زيها زي اي جوازه و معايا بنتين واحده ١٦ سنه و التانيه ١٢ سنه المهم في واحده جوزي كان بيشتغل معاها ف مشروع كدا و الست دي اتطلقت ف نفسيتها اتخنقت ف قالت إنها عاوزه تطلع مصيف و اتكلمت ف
الموضوع ده قدام جوزي ف الشغل ف جوزي اتفق معاها أنها تيجي ب بنتها معانا فى المصيف و اهو نكون كلنا مع بعض .. انا الست صراحه مفيش بيني و بينها شر و مش بقلق منها بس انا استغربت من أن جوزي جاي يقولي انها هتطلع معانا المصيف و هيحجزلها شاليه جنبنا ف قلت خلاص ماشي .. المهم الست دي غنيه ما شاء الله و عندها خدامه بتطبخلها بس بصراحه مش مريحه الخدامه دي خالص و كمان بيبي سيتر ل بنتها الصغيره دي .. المهم جت معانا و جوزي اتفق معايا
هنعمل اكل كلنا سوا طبعا احنا يوم و هما يوم ف انا عملت اول يوم و لقيت الست بتقول هتاخد الاكل و تاكل مع نفسها ف الشاليه يعني عشان الاحراج و كدا ف عبيتلها الاكل المهم الاقي جوزي راح يوديهولها و طول هناك اتاريه اكل معاها و سايبني انا و البنات قلت اعدي
الموضوع و ده للاسف غلطتي .. تاني يوم بقا المفروض الخدامه بتاعتها هتعمل الاكل ف قلت اريح انا فالنوم شويه .. المهم صحيت بدور علي بنتي اللي عندها ١٦ سنه مش لقياها قلبت الدنيا قلت فالاخر اروح اسال الست دي و اول م دخلت الشماليه شفت اللي صدم*ني لقيت بنتي قاعده مع الخدامه و ……
بتعمل معاها محشي ؟! انا بصيت و اتصدمت يعني انا بنتي تطبخ مع خدامين اتاري ابوها هو اللي قايلها من قبلها بيوم تروح تساعد هناك و قالها متقوليش انا شفت المنظر ده رحت خدت بنتي و طلعت بيها برا و زعقت معاهم و رحت لجوزي ازعق معاه لقيته بيقولي انتي مفكره
نفسك مين يعني م تطبخي انتي و بناتك مع الخدامه فيها ايه و انا عارفه أن دي غلطتي م الاول بس دلوقتي جوزي مقموص و خلانا نرجع م المصيف و بيقولي كله بسبب نكدك … قولولي اعمل ايه بجد و بدون تجريح