اتجوزت من خمس شهور
من تاني اسبوع اتشاكلنا كسرلي حاجات ف المطبخ قولتله انت مريض و زقيته قام ضرىىبني علقه عوىرلي وشي و شتمني احقىىر شتاىىيم و امه طلعت سخنته اكتر قالتلي م كل الستات بتضىىرب و مش هيضرىىبك من غير سبب انا ابني محترم رديت عليها قولتلها بتسخنيه قام ضارىىربني قدامها و شد شعري و قالي دي امي يا بنت كذا و كذا
و غضبت و عملنا قعده رجاله و رجعت
امه بتسخنه عليا علي طول يسمع منها و يطلع يتشاكل معايا
و امه زعقتلي كذا مره ع السلم و هو ميردش
و اخر مره طلعت زعقتلي بسبب اني بقوله انت حكيت ليه لابوك اني باخد تمر بلبن عشان احمل مش كل حاجه تحكيها لهم قامت طالعه قالتلي انتي مش متربيه هاتيلي اهلك و لو مجوش همشيكي من هنا و هو جه مردش علي امه قالي مهاش غلطانه و قالت لابويا قدامه خدها ربيها دي مش نافعه
و هو ساكت قولتله انت مش راجل قالي روحي اتربي و حتي اخواته لما بيضايقوني مش بيغلطهم و اما اهلي بيزروني ياخد بعضه و يدخل اوضته و يستقبلهم وحش عشان امه بردو مسخناه من نحيه اهلي و غضبت بقالي شهرين اهو
و اهلي مصممين ع الطلاق و هو حاول يصالحني كذا مره بس بعد شهر من الغضوبه و بعت ناس تصلح بس مش مغلط امه بردو
اهلي قالوله هنرجعها بشرط تكتب قايمه قالهم لا ميتلويش دراعي
اعمل اي انا بجد متدىىمره و ملحقتش افرح 💔 و كنت مخطوبه ٤ سنين ضيع عمري 💔 مميزاته انه هو لو بعيد عن امه بيبقى كويس و مش بيدقق لو الاكل باظ مني و مجتهد ف شغله و مش عينه زايغه خالص
مستحيل يجيب شقه بره لان عليه ديون و ظروفه الماديه وحشه