شاب رايح يشتري الشبكة لعروسته ، فدخل محل الدهب هو وخطيبته و مامتها و خالتها وبنت خالتها
هو دكتور لسة متخرج ، وكان متفق معاهم على 20 ألف ودي إمكانياته و قالهم أنا مش هستلف ، لأن الجنيه اللي هستلفه هاخده من راحتي و راحة مراتي بعدين علشان أسدد الفلوس اللي عليا ..
العروسة نقت الدهب دبلة و محبس و خاتم عملوا 22 ألف فجأة لقى خالتها بتقوله : الـ 20 ألف بتاعتك دي مش مغطية نص صباعها
قالها : أنا كنت متفق على 20 و دي ب22 و مش عامل حسابي في زيادة علشان فيه ألتزامات تانية عليا وظروفى متسمحش
قالتله : بنتنا غالية علينا و لو مكنتش تتقلها بالدهب متلزمناش ياعين أمك
صاحبنا فيه دمعة لمعت في عينه وصعبت عليه نفسه قوى وبص على خطيبته اللي المفروض تدافع عنه لكنها بصت الناحية التانية
و المحل كان فيه ناس ومكانش عارف يتكلم و لا ينطق وكان محرج قوى
فبص لمامتها و قالها : أنا بيني و بينكوا إتفاق
قالتله : أنت برضه كلك نظر ياعينيا
قالها : أنا فعلاً كلي نظر و قال للعروسة إخلعي الدهب و رجعيه للصايغ
وقالهم بنتكم عندكم أدوها للي يشتريها بدهب أكتر و ساب المحل و مشي
شارك برأيك وقول هل هو أخطأ بتسرعه ولا كويس أنه خلص منهم ؟