-أنا مفيش أي شيء أقدر أديهولك، أنا بس بطلب منك إنك تكون كويس لمرة واحدة في حياتك،
حتىٰ عشان كرامتك أكيد مش هتقبل تتجــوز واحدة مش طيقاك، عشان كده اتمنىٰ تبعد بهدوء،
وتسيب أي أثر حلو حتىٰ قبل ماتمشي.
-مش طيقاني! ده أنا آلاف البنات تتمنىٰ نظرة مني، تيجي جنبهم إيه أنتِ؟
ده أنتِ واحدة مُعــقدة ومُتَخــلفة، أنا اللي أقرف تكوني مراتي.
“قال الكلمتين دول وأستأذن من بابا وقاله إنه مش هيقدر يكمل و فسخ الخطوبة ونزل علىٰ طول”
“بغضـب”- أنا هنزل أشوف الراجل مشي لي بس والله العظيم لأطين عيشة أهلك أما أرجع.
” لوهلة حسيت بخــوف بس هيحصل إيه؟ هيضربني؟ عادي ماأنا أتعودت،
بس حاليًا أنا فرحانة إني خلصت من كابوس حياتي”
-عملتي إيه ياحلـوفة؟ طفشتي الواد ياحيـوانة تعرفي أنا مش هعملك حاجة
أنا هسيب أبوكي يموتك يكش نخلص من قرفك.
“لقيت ماما داخلة عليا وهي متعصــبة وقالت الكلمتين دول،
ومسـكتني من شعري ور*متني في الاوضة وقفلت عليا ومشيت،
اتنهدت بحزن إستعدادًا للمواجهة والضرب اللي هاخده،
بس أهم شيء إني خلصت من البلوة دي، فرشت المصلية وصليت ركعتين شكر لله،
ودعيت إنه يقويني علىٰ اللي جاي ويديني الشجاعة عشان أقدر أواجه”
“زعق”- فين الحيـوانة اللي هنا طلعيهالي الكـلبة دي.
” سمعت زعيق بابا حسيت برعشة خوف بس تمالكت نفسي وفتحت الباب وطلعت بهدوء”
-أنا هنا يابابا.
“أول ماشفني شدني من شعري وهو بيزعق”
“بغضــب”-يابجاحتك ياشيخة يعني طفشتي الراجل وطالعة بكل برود ولا كأنك عملتي حاجة.
” كنت بعيــط من الألم وحاولت اخليه يفك إيده من على شعري عرفت أفكه وبعدت عنه وأنا بعيط”
“بعياط وصو*ت عالي”-حـرام عليكم بقا حرام عليكم أنتوا حسستوني إني مش بنـتكم وإني عبـدة عندكم
تبيعوا وتشتروا فيها براحتكم، كُل يوم ضــرب وإهانة، عمري ماحسيت بحنيتكم،
كُل يوم بتمنىٰ إني أموت عشان أخلص من العذاب ده، كُل مرة أقول أكيد هيجي في يوم ويحنوا عليا بس لأ أبدًا،
عمركوا ماأتغيرتوا، حسستوني باليُتم وأنتوا لسه عايشين،
بشوف حنية أبهات وأمهات صحابي علىٰ ولادهم بتقهر،
وبقول هو أنا للدرجة دي مستحقش أي حُب؟
لــي تحسسوني بإني مكروهة ومنبوذة، أنا كرهت حياتي بسببكم،
معنديش صحاب ولا عندي ثقة في نفسي بسببكم، أنتوا دمرتوا حياتي.
“ضحكت بسخرية وسط عياطي وكملت”
-تعرف فين المشكلة؟ إني عُمري ماكرهتكم، كنت مستنية كلمة واحدة بس منكم،
كلمة واحدة بس فيها شوية حنية وكنت مستعدة أنسىٰ كُل اللي مريت بيه،
بكلمة واحدة بس، كُل يوم بنام ع أمل أني أصحىٰ علىٰ شوية حنية، بس دايمًا بتصدم بالحقيقة،
كُل يوم قسوة، وذُل، أنت حتىٰ عمرك ماأهتميت بيا إذا كنت كويسة ولا لأ تعبا*نة ولا لأ،
مبتفتكرش إنك عندك بنــــت غير لما تكون عاوز شيء وأمر لازم يتنفذ،
كل شيء في حياتي مجبرة عليه، مفيش شيء طلبته ووافقتوا عليه،
حتىٰ الشيء الوحيد اللي كنت عاوزاه عشان أقرب من ربنا بيه الست الوالدة رفضته
ومش كده وبس لأ وكمان فوق الرفض ضرب وإهانة فوقه هدية،
أنتوا لي بتعاملوني كده؟
ذنبي إيه إني بنتكم؟ ذنبي إيه إني جيت في عيلة مُشتتة؟
ذنبــــي إيه إني معرفش أنام كُل يوم من وجــع قلبي؟ هه هو أنتوا متعرفوش؟
مش أنا بقيت مريضة قلب؟ وهتعرفوا ازاي أصلا ومحدش فيكم مهتم
يعرف أي شيء يخصني، أنا محستش بالهزيمة غير منكم، حرام عليكم والله.
يتبع
الجزء الاخير من هناااااااا