كنت حاطه في دماغي إني أسمع منها وأشوف حكاية العقد دا إيه وبعدها أبقى أقرر هعمله ولا لا،، فبعد ماردت عليا وخلصنا السلامات والمقدمات لقيتها بتقولي الكلام مش هينفع في التليفون قوليلي عنوانك وانا اجيلك ،،
ساعتها اتوترت شويه لكن قلت لازم أشوف آخرة الحكاية دي إيه،، فملّيتها عنواني ومافيش ساعة وكانت عندي وبعد ما قعدت جنبي على كنبة الانتريه حطت ايدها على رجلي وقالت_هاتيلي ورقه وقلم
فروحت جبتهم ورجعتلها في ثواني وانا حاسه إن حماستي للموضوع بتزيد على الرغم من التوتر اللي كان كل شويه بيعلى جوايا
_قوليلي بقا اسم جوزك واسم أمه
=اسمه بدر وأمه الله يرحمها كان اسمها نور الصباح
= طب بصي يا فاطنة يا بنتي،، إنتي هتجيبي مكعب سكر صغير وهتيجي من فجر يوم الحد الأول من الشهر العربي اللي هو على نصيبك يوم الحد الجاي وتصومي صيام روحاني عن كل حاجه فيها الروح صيام كامل لمدة تلات أيام بلياليهم،،
وعلى قد ما تقدري هترددي علي المكعب دا لمرات كتير من غير عدد،، الجمله اللي هكتبهالك دي في نهار التلات أيام،، وبدأت تكتب على الورقة وهي بتنطق
..المدد المدد،، مدد بلا عدد،، من سطوة سمسطافيل،، ألتمس التابع الأقرب،،ليحل على جسد،، بدر ابن نور الصباح،، باغورميد وطرانو ميوسا،، بوهقراي كلمانتي هاتوريش،، المدد المدد مدد بلا عدد،،
ومجرد ما خلصت كتابه رفعت سعيدة عينها ناحية ركن الانترية لمدة ثواني وكإنها شايفه حاجه فيه لما بدأت أحس أنا إن في ريحة ظهرت في الشقة زي ما تكون ريحة فنيك أو فورمالين كانت خفيفة في الأول وقت ما بدأت تقول العهد وكنت بنكر وجودها لكن كل شويه كانت بتتقل مع إحساسي إن الجو حرارته عليت على الرغم من إننا في عز الشتا،،
بعدها لقيتها التفتت لي وقالت
_شكل عقدك هيبقى مبروك يا فاطنة..
ساعتها كنت بدأت أخاف خاصة لما بدأت أحس إننا مش لوحدنا في الشقة كنت حاسه إني سامعه همسات واطيه،، جايه من حوالينا ولما بتلفت مابشوفش حاجه،، كنت حاسه بحضور روح أو طيف لكن مش متشافه،، بس اتمالكت نفسي وقلت =طب وبعدين؟؟
_هتيجي بعد الغروب بساعه في اليوم الأول من صيامك تطلعي على السطوح وتنجّمي مربع السكر بعد ماترددي المكتوب عليه تلات مرات
=أنجّمه إزاي يعني؟؟
قصة خاتم في صباعي. الجزء الرابع هناااااااااااا