السلام عليكم انا متجوز اتنين بس الفارق بينهما شاسع الاثنين حلوين ومتدينين والفارق بينهم حتى مش كبير ٥ سنين بس الأولى متفهمه وعاقلة اكثر وبتعرف تحتويني .. وحتى بالرغم اني اتحوزت عليها وزعلت وراحت اسبوع عند اهلها لكن علاقتنا رجعت افضل من ما كانت
اما الثانية بحسها خفيفه و غير ناضجة وبتدلع دلع زياده وكثير و متسلطة جدا في ارئها و بتحاول تسيطر عليا ودايما تحسسني اني مجبور اني افضلها على الأولى .
واحيانا اشعر برغبة بالتخلي عن الثانية لأن الأولى بصراحة مش ناقصها اي شي هتقولي امال اتجوزت الثانيه ليه هقولك كانت نزوة وعرفتها كان وقت مضايق ومهموم ومشاكل مع زوجتي الاولي الله يهديها لو كانت كده من الأول ماكنتش اتزوجت عليها ولا حتى افكر
بفكر اطلق التانيه بس المشكلة اني لسه متجوزها من سنه
وهي اخت صديق ليا واهلها يعرفوني ووافقوا بالعافيه على جوزاي منها علشان عارفين اني متزوج وحاسس ان لو طلقتها هيبقى عيب في حقهم وممكن تحصل مشاكل منهم وهخسرهم بس مش عارف اعمل ايه لاني مش مبسوط بحياتي بالشكل ده وعاوز اصحح غلطي واعيش في هدوء
تنصحوني اعمل ايه في الموقف ده