فانا مرضتش وزعقت معاه قالي بصي سكه الجحود اخرتها مش حلوه قولتله :
انت عملتلي ايه قالي يكفي ان من اول الجواز سايبك تنامي لحد الضهر
ومدلعك لاعملتيلي فطار ولاغداء ولاعشاء انا مش متجوز علشان امي تخدمني
رغم انك متدلعه وكل اللي انتي عاوزاه بيجيلك فييه كتيره غيرك يتمنو يعيشو
ويلاقو ربع الدلع اللي انتي فيه احمدي ربنا علشان متروحش منك وتروح لغيرك
وكان فيه عيد ميلادي ماما طلبت اني احتفل معاها قالي لا احنفلي معايا
وبعدين روحي احتفلي مع مامتك قولتله والله لراحه قالي لوروحتي متجيش
دوخت ووقعت وباباه قالي روحي يابنتي بس المره دي هعديها لكن متعنديش تاني
جيت من عند عيد الميلاد مكلمنيش هو عنده ان امي بتقلبني علطول
رغم انها بتوعيني بس لان خبرتي قليله ماما كانت عاوزاني ابات عندها يومين
بس اتلككت بصراحه وقولتيله انا راحه بيت اهلي
قالي انا مش موافق ولو مشيتي يبقي انتي ماشيه بمزاجك
راح الشغل ماما بعتتلي توكتوك ولميت هدومي وروحت
بعد لما اجي من الشغل كلم عمي وقاله هات قايمتها وتعال خد حاجتها
وحتي معزمنيش علي فرح اخته حتي لو نفسيتي تعبانه وغضبانه
المفروض يعزمني علي فرح اخته من ساعتها مرفعش سماعه التليفون وسال حتي
وبصراحه ماما قالتلي اعملي كده علشان يجي نفرض عليه انك تباتي معايا كشرط