محتاجه مساعدتكم ضروري متجوزه من 8 شهور وحامل
مشكلتي ان جوزي كان بيوافق امي ابات عند مامتي في اول الجواز
وبعد كده اتغير ورفض وماما كل شويه بتعيط عاوزاني اكمل معاها الحمل
جوزي كنت طلبت منه اقعد 3 شهور في اول الحمل عند مامي ووافق وبعدها
رافض اني ابات نهائي بيقولي اخرك عندي يوم في الاسبوع من اوله لاخره
هو شخصيه عنديه جدا بس طيب وحنين جدا من اول الجواز لما اقوله تعبانه
مابيخلنيش اعمل اي حاجه يمكن عملتله فطار مره واحده من اول الجواز
بس عايرني بيها حصل مشكله كبيره في اخر اسبوع في رمضان
علشان ماما عاوزاني ابات فمرضاش قالي روحي وتعالي ماما كانت حزينه وبتعيط
جيت من عندها وده الحوار اللي حصل بينا
بقوله انت كنت في الخطوبه بتقولي اقعدي في المكان اللي انتي عاوزاها
قالي ايوه حصل بس بالاصول مفيش حد بيتجوز ومراته تبات باليومين والتلاته في الاسبوع
انا مش هقبلها وانا قعدت من الشغل المفروض تقعدي معايا
فانا مرضتش وزعقت معاه قالي بصي سكه الجحود اخرتها مش حلوه
الجزء الاخير من المشكلة من هنااااااااااااااااااااااا