انا متجوزه بقالي شهور
عندى مشكله غريبه
ان جوزى ملهوش ميعاد نوم
والصراحه اول مره بحياتي اشوف حد كده
مثلا يصحي ٢ بليل
وعاوز يبدأ يومه ويصحيني
واروح الغرفه التانيه
يفضل يصرخ عليه اصحي اصحي عاوز افطر
واجي علي نفسي واصحي
وبكده الغدا بقي بيبقي ٧ الصبح
وحاجه مرار
اعمله سندوتشات يقولي انا مكولش الاكل بارد وانا زهقان
هو خريج كليه تجاره لكن عنده مكتب سمسره ومقعد فيه ٢ موظفين
وبيديهم نسبه فقايمين بالشغل كله وهو مش مخلي البيت ناقص حاجه فقاعد بالبيت وشغله عباره عن كام مكالمه باليوم
المشكله مش انه بيصحي بليل لاء منا كمان مش بشتغل فممكن ااقلم نفسي اصحي وانام معاه …لكن ده بيقلب يعني كل يومين تلاته بحال جديد يوم يصحي ٦ الصبح يوم تاني ٦ بليل قلت له اكيد ضغطك عالي قيسه؟رفض
كلمته بهدوء وقلت له مفيش مشكله بحياتنا غير دى
انت قوللي انام كام واصحي كام وانا هنفذ
انا معرفش النوم المتقطع
انا محتاجه ٦ او ٧ علي بعض انا موافقه
يقولي انت مراتي تصحي وقت ما اصحي وتنامي وقت ما بنام
بقي وشي اصفر وتحت عيوني اسود …واخرتها ؟
انا بشتكي لاهلي يقولولي انت وراكي ايه تعالي علي نفسك
انا صعبانه عليه نفسي