السلام عليكم لو سمحتم اقروا مشكلتي واحكموا بالحق فيها
انا انسه ولسه مخطوبه عن جديد خطيبي له اخوات صبيان وكلهم متجوزين
،بس عنده اخ قريب منه اوي ذي التوأم كده لان الفرق بينهم سنه فهم قريبين اوي من بعض ،المهم اخوه ده متزوج من بنت عمه من العيله يعني ومتجوز جديد بقالهم حوالي سنه كده
وطبيعي بيحصل خلاف بين اي اتنين متجوزين جداد ،فحصل خلاف بين اخو خطيبي ومراته وهم ساكنين في عمارة اخوهم الكبير ساكن فوقيهم وكان عامل عيد ميلاد لبنته واحنا رايحين العيد ميلاد فاخو خطيبي التوأم قالوا لو انتم جايين متعدوش علينا لاني متعارك مع مراتي ،فانا قولتله لا احنا لازم نعدى نصلح ما بينهم دول يعتبروا عرسان جداد فخطيبي كان معترض في الاول بس انا اقنعته بالصلح بينهم فوافق
وطلعنا وخبطنا واخو فتح ودخلنا الصراحه وكل حاجه تمام ومرات اخوه قاعده غضبانه في اوضه النوم قام خطيبي دخل يكلمها ويهدي بينهم جيت انا بقى ادخل وبخبط على الباب لقيتها بتقولي لو سمحتي انتي متدخليش فأنا اتحرجت ورجعت وقولت لخطيبي انا طالعه فوق العيد ميلاد بس دمي محروق انا كنت عايزة اصلح بينهم والله دي نيتي
،لاقيت خطيبي طلع بيزعق معايا وقالي مش قولتلك منروحش وانتي صممتي وقالي ان مرات اخوي كانت مضروبه منه ومكنتش عايزكي تشوفيها كده فقولتله اسكت بقى لاني سكت عن كرشتها ليه من الاوضه اللي مفروض انا اللي ادخل مش انت لاني انا الست قالي انت حتعكي بقى في الكلام
صوتنا على فلاقيت اخوه صاحب العيد ميلاد ومراته بيقولولي اهدوا كده وخطيبتك مش غلطانه قولتلهم ايوه قولوله ده الاصول اني انا اللي ادخل مش انت الراجل قالي وفيها ايه دي مرات اخويا وكمان بنت عمي قولتله لا ميصحش والمشكله كبرت وهو شايف انه صح وانا شايفه اني صح وشايفه ان ممكن متكنش مرات اخوه لا انضربت ولا حاجه وهو بيقولي كده عشان يبقى في حجه بسببها مدخلش عليها وفي نفس الوقت خوفت منه لانها عروسه جديده وبتضرب عادي كده ياريت انتم تحكموا بينا مين فينا اللي غلطان وشكرا ليكم