انا زعلانه اوى انا قربت اولد ودى تانى ولادة ليا
اول ولادة قعدت فى بيتى ومردتيش اقعد عند امى وكان شكلى وحش قدام اهل جوزى وامى مجبتليش اى حاجه ساعت ولادتى جت ساعدتنى بسيط وقعدت تسمعنى كلام يضايق وانتى تعبتينى وعملتلك وسويتلك وانا كنت والدة قيصرى
انا بردو الولادة التانيه مش هولد عندها لانها مش بتستحمل ابنى الكبير واكيد مش هتستحمل البيبى ومرة مشيتنى من البيت عندها ومش بتستحملنى خالص عندها وتقولى انا كبيرة وهى عندها ٦٥ وحتى مش بتحب استخدم حاجه فى مطبخها ولا بتحبنى اساعدها بحاول اساعدها ف حاجه بتقولى مبحبش عمايلك.
مع العلم انا الوحيدة اللى متجوزة وليا اخ وحيد ودايما يقولها مش عارفين نرتاح من ابنها ده وبتنفذ كلامه ومرة حصل ظروف فى شقتى وقعدت كام يوم وطردونى وقالولى ارجعى شقتك وانا ابنى انا اللى بشيله وبهتم بيه ومحدش بيشيله عنى ومش بخليه يبهدل هوه بس ييحب يلعب والبيت واسع ومفيهوش اطفال لما اهلك ميستحملكش مين يستحملك حتى ساعت جهازى كنت بشتغل و بشارك معاها فى الفلوس وجبتلى حاجات قليله ورخيصه وخلت شكلى وحش قدام الناس
زعلانه ليه امى بتعمل معايا كدة عمرها ماجبتلى موسم ولا بتدى ابنى عيدية خالص ولا بترضى تخلينى اسيب ابنى عندها خالص وانا مليش حد غيرهم مين يشلنى وهى بتحب اخويا اوى وجايين عليا عمرى مابرتاح فى بيتهم ومحبش اروح خالص ودايما بنقاطع بعض بالشهور ولما بعاتبها على كدة سلطت اخويا ومنعنى دلوقتى اجى عندهم
فى المقابل جوزى مش مخلينى محتاجه حاجه اللهم بارك و حماتى بتجيبلى المواسم وبتحب ابنى كأنه ابنها وبتعمله اللى نفسى امى تعملهوله وبيتها مفتوحلى فى اى وقت وبتقولى انتى زى بنتى.
بس هى وجوزى بتنتقد مواقف اهلى وازاى مش بروحلهم كتير بس اكيد مش حكيالهم اللى بشوفو منهم وازاى مش بيقوموا بالواجب لانى فى بيت عيله وكل حاجه شايفنها.
زعلانه شكلى وحش اوى وقليله قدام اهل جوزى
طول عمرها امى مصغرانى ومخليه شكلى وحش قدام نفسى وقدام الناس مش سند ليا ومعاملتهم كلها قسوة.
حطوا نفسكم مكانى وقولولى اعمل ايه واتصرف ازاى
مش فرحانة بالبيبى لانى عارفه انى مش هلاقى اللى يشيلنى ومواقف امى معايا بتزعلنى.