انا و مراتي متجوزين بقالنا ٥ سنين .. بس حبيت اتجوز تاني فمقولتش لمراتي و اتجوزت من وراها .. بس هي عرفت من شوية علامات كده يعني ببات برة البيت مثلا الخ الخ..
انا كنت خايف من رد فعلها احسن ترفع قضية طلا٨ق للضرر و انا معيش فلوس المؤخر دلوقتي .. بس هي قالت (ده بيتي انا و بما انك اتجوزت تاني فأنت معاك فلوس .. من اللحظة دي انا مش همد ايدي في شغل البيت .
هاتلي خدا٧مة و مربية اطفال و هتجيبلي منتجات و ميك اب اصليين انا كنت بجيب الفيك عشان مكانش معاك فلوس و بالمناسبة انت محرم عليا مش عاجبك طلقني او اتجوز التالتة او الرابعة .. انما انا وظيفتي انك تصرف عليا و بس )
فأنا عاندت معاها و جبت مراتي الجديد تعيش معاها .. راحت مراتي الاولي المفترية شغلتها خد٨امة عندها و بتعاملها و٧حش و كل يومين تضر٨بها زي الجارهية .. انا طفح الكيل منها رحت مدي لمراتي الاولي قلم
فإدتني بالاباجورا علي دماغي و جالي ارتجاج متوسط في المخ.
دلوقتي انا مش عارف اعمل معاها ايه و هي من النوع اللي بتعتمد علي نفسها و مش بتشتكي لاهلها خالص ، قادرة يعني .. بفكر اط٧لق التانية لكن بردو معيش المؤخر وخايف تعملي فضايح .. هي دلوقتي مش بتعمل اي حاجة في البيت و قاعدة بتقرا كتب وتتفرج علي التلفزيون و العيال بيعيطو و انا خايف عليهم فبقيت انا المتكفل بيهم لان قلبها جامد و مش بتهتم باطفالها و انا خايف عليهم .. معرفش بجد مالها