وقفت بصدمه وانا بتأكد من الصور عُمر مُستحيل يعمل كدا…هو بيحبني ومستيحل يفكر يخوني …لكن كنت بتصدم أكتر وانا بقلب في الصوره مره وهو في حضنها ومره تاني وهو ماسك ايدها…بصيت على الصور للمره المليون
بعد فتره كانت قاعده وهي عيونها حمرا من كتر العياط…كانت حاسه إنها في كابوس
هنا عمر دخل واتفاجأ من منظر بسمله “بسمله مالك يا حببتي”
بسمله وقفت قدامه وفجأه بدون مُقدمات نزل قلم على وشه
●●●●
_وقفنا لما بسمله ضر”بت عمر بالقلم..
بسمله رمت التليفون في وشه وقالت بغضب “شوف شوف يا محترم، وياتري بقا مين دي زميله ليك ولا الحب الأول”
عمر بغضب أكبر ومسك شعرها”القلم اللي اضربته دلوقتي هتاخديه أضعافه، واللي بتتكلمي عليها دي مراتي على سنة الله ورسوله يعني زيها زيك بالعكس هي أحسن منك بمليون مره”
فلت شعري منه بصعوبه بعد ما غالبا إيده خدت نص شعري…وقفت قدامه بغضب وقولت بدموع”بتقارني بواحده رضيت إنها تتجوز واحد متجوز بتقارني بدي يا عمر دي أخرت حبي ليك وأنا العبي’طه اللِ كنت بحضرلك مفاجأه عشان عيد ميلادك بس أنا اللِ غلطانه”
وقف قبالي واتكلم بهدوء “بسمله لمي الدور انتِ مش اول واحده ولا آخر واحده جوزها يتجوز عليها”
بسمله بزعيق”أنا هاخد عيالي وهمشي وورقة تلاقي توصلني عند بيت أهلى فاهمم ولا لا”
عمر بقلة صبر”لمي الدور يا بسمله…دا مش كلام يتقال”
بصتله بدموع وقالت بشهقات”أنا عمري ما عملت ليك حاجه وحشه ولا قصرت في حاجه سألتك قاعد بتحبها يا عمر قولتلي لا مبحبش غيرك انتِ …وانت كنت حر في اختيارك للجواز منها زي مانا حره إني أختار الشخص اللي أعيش معاه ودا آخر كلام عندي”
عمر بقلة صبر “بسمله أنا بحبك انتِ وهي وعايزك انتِ وهي وانتو الاتنين هتتعايشوا مع الامر”
بصتله بصدمه …هو للدرجاتي وق’ح…سابته ودخلت لبست عيالها وخرجت تاني
عمر بحده “انا قولت إنك عقلتي رايحه فين وآخده العيال يا هانم؟”