حاتم: ياعم براحتك قولي بس هى عزه عملت إيه؟
شريف: زعقت شوية وزعلت وهصالحها عادي بكلمتين وأراضيها وهى يعني بتتصالح بسرعة.
وبعدين خليك في حالك عايزني أبقى زيك وأفضل أحب في واحده متجوزة وكمان معها ولد.
حاتم: أنا بحبها من قبل ما تتجوز يا شريف أكيد يعني مش هبص لواحدة متجوزة وأروح أحبها بس أنا اللي حبيتها والمفروض تبقى ليا أنا وهتبقى ليا.
شريف: افضل احلم كدا كتير لغاية ما تعجز وهى عايشة حياتها يعني أكيد مش هتسيب جوزها وابنها وتتطلق عشان خاطر الحب بتاعك.
حاتم: كفاية يا شريف ملكش دعوة بموضوعي أنا هعرف أخليها ليا وبكرة تقول إن قد كلمتي سلام بقى.
شريف بسخرية: سلام يا أخويا بيدور على ماضي ملوش وجود وخليك تتـ،ـعذب طول حياتك وعيش في وهم.
(حاتم أحد أبطال الرواية بيعيش في حلم غير واقعي يبلغ من العمر 30 عامًا لم يتزوج بعد لأنه مُصر على إن حبيبته هترجعله في يوم من الأيام ويعيشوا قصة حبهم، ذو شعر طويل وابتسامته هادية بتحسسك بالأمان وحبه صادق ومتمسك به ولكن ليس في صالحه.
يكون ابن خالة شريف ويعرفوا أسرار بعض وهنعرف الباقي بعدين)
دخل شريف المطبخ لكي يبحث عن عزه لأنها مش ظاهرة في البيت.
فبص في ساعته وعرف إن دا وقت خروج ابنه من المدرسة واتصل عليها يشوف هتتأخر ولا إيه ويعرف ليه مقالتش ليه إنها خارجة.
اتصل شريف عليها ولكن أتاه صوت شخص آخر.
قال شريف باستغراب: حضرتك مين وموبايل مراتي بيعمل معك ايه؟!
ولكن شريف اتصدم بعدما أخبره ما حدث وعرف خبر ابنه خرج بسرعة وهو يجري دون أن يعرف نرمين وكان قد أخذ مفاتيح عربيته
وساق بأقصى سرعة ولكن جاءت سيارة أخرى بسرعة أمامه وحدث……..
ياترى هيحصل إيه معه وهل هيتفادى العربية أم لا؟!
وهل ابنه حي أم ميت؟!
وهل سيطلق نرمين أم ما؟!
وهل هى تحبه أم تكذب عليه وتخدعه؟!
وهل عزه ستكمل مع شريف أم ماذا؟!
شريف اتصدم لما عرف إن مراته أغمى عليها في الشارع وبنته بتعيط وكمان ابنه جوا في المدرسة وفي حريقة فيها ونص الأطفال ماتوا.
وأخذ مفاتيح عربيته ونزل بسرعة وركبها وساق بأقصى سرعة ولكن جاءت أمامه عربية بسرعة، ولكن هو لوح بسرعة وداس فرامل.
وعدت العربية وهو اتنهد لأنه كان على لحظة وحياته تنتهي، ورجع لف العربية وذهب إلى المدرسة.
كانت الناس بتفوق في عزه وبنتها جنبها بتبكي وفي داخل المدرسة رجال المطافي بتحاول تنقذ الأطفال وفي ضجة في الطرقات وهناك ثلاث مدرسين توفوا.
أحد رجال المطافي: بسرعة هات العيال اللي مستخبية هناك دي الشباك هيقع بسرعة عليهم وهو ذهب لكي ينقذ أطفال كانوا في الدور اللي فوقهم.