___________________________________________________
محمد : اقعدى بقا هنا على الكنبة دى وماتعمليش صوت
ملك بحزن : حاضر ، مفيش طيب واى فاى علشان الباقة بتاعتى خلصت
محمد : واى فاى فى القسم !!!! ، خدى موبايلى اهو فيه باقة افتحى نت من عليه
ملك : ماشى
محمد : ها يا حسام ، ماعندكش خطة
حسام : والله يا محمد الموضوع اتعقد اوى ، وبعدين مدام يارا ازاى تخرج كدا
محمد : هو ده اللى مطير النوم من عينى
حسام : طب فيه هدف من خطفها !!
محمد : كمان بالظبط ساعة اكيد هيكلمونى
حسام : اشمعنى ساعة
محمد : هتكون الساعة 1 وده وقت العصابات بتحب تتصل فيه
حسام : يمكن ، بس بردو هيتصلوا ليه !!
محمد : هيطلبوا اكرم مكان يارا
حسام : وبعدين !!!
محمد : طبعا هروح اوديلهم اكرم فيقتلونى انا ويارا
حسام : وانت فعلا هتعمل كدا
محمد : والله ما عارف ، يتصلوا بس الاول واشوف هيطلبوا كدا فعلا ولا لا
________________________
• كلمه دلوقتى وقوله اللى فهمتهولك
– حاضر يا باشا
• الرقم بعد ما تكلمه ارميه
– طبعا يا باشا
رن هاتف محمد
ملك : موبايلك بيرن يا محمد برقم غريب
محمد : هاتى هاتى
حسام : الساعة فعلا 1
محمد : ايوة
– محمد ادهم معايا !!!
محمد : ايوة
– لو عايز تشوف مراتك تانى ، يبقى تعمل اللى هقولك عليه
محمد : اخلص ، عايز ايه
– عايزك تيجى فى العنوان اللى هبعتهولك كمان ساعتين ومعاك اكرم واختك ملك
محمد بعصبية : ملك !!!!!!
___________________________________________________