اصبح يوم جديد لكن بالنسبة لمحمد فهو كابوس جديد فلم ينام طوال الليل ، كان يفكر كالمجنون ، اصبح الصباح عليه وقرر الا يترك ملك وحدها فى الفيلا حتى فى وجود الحرس
محمد : انتى صاحية
ملك : مانمتش من امبارح اصلا
محمد : ولا انا ، طب بقولك ، البسى
ملك : ليه
محمد : هتيجى معايا
ملك : اجى فين !!!
محمد : هتيجى معايا الشغل ، مش هسيبك هنا
ملك : اجى القسم ، لا لا
محمد : ماتخافيش انتى معايا وبعدين مش هطمن عليكى غير وانتى معايا ، يلا قومى
ملك : حاضر
وصل رامى الى الفيلا
رامى : ايه يا محمد محدش كلمك
محمد : لا ، انا هاخد ملك معايا
رامى : نعم
محمد : مش هسيبها لوحدها ، مش هطمن عليها غير وهى معايا
رامى : طب سيبها وانا هوديها لبابا وماما تقعد معاهم لغاية اما تيجى
محمد : لا مش هينفع لان الناس دى هيوصلولها
رامى : ياعم ماتقلقش
محمد : لا لا هاخدها معايا
رامى : طب هم خطفوا يارا ليه ، اشمعنى يعنى
محمد : ما هى واضحة يا رامى ، علشان اروحلهم ، ويقتلونى
رامى : ومالك بتتكلم اكنه عادى يعنى
محمد : ياعم ، مانا شوفت الموت اكتر من مرة
رامى : لا لا علشان انت قطة وعندك 9 ارواح فحاطط فى بطنك بطيخة صيفى
محمد : يابنى والله ما ليا نفس اضحك ، ربنا يستر بقا
طارق : تفتكر هننجح فى المهمة اللى هنعملها دى
تامر : ان شاء الله
طارق : ان شاء الله نخلص منهم ، مع ان اللى السبب فى موت هايدى محمد قتله بس دول اللى مشغلينه ويعتبر تارنا بردو
تامر : بس نعرف مين اللى ماسك المنظمة دى ، لان اما نعرف هو مين هنكون انجزنا كل حاجة بنسبة كبيرة
طارق : ان شاء لله
تامر : يلا اجهز علشان فاضل ساعتين على ميعاد الطيارة
طارق : حاضر