حور بصت لأمير اللى حط الطبق في أيدها
غسان كان بصص ليها ومبتسم
حور بصت للطبق ثم بصت لغسان اللى قال: مالك مكسوفه كده ليه هو انا مش جوزك ولا اي
حور مسكت الشوكه وخدت حته من التورته فيها ورفعتها لمستوي المغرور
غسان مسك أيدها وقرب فمه من الشوكه اللى انحطت في فمه عالطول مما جعلتوا يتخض
غسان مكنش قادر يبلع وقال بصوت مقطع: انتى مجنونه
عفاف ابتسمت وقالت بعصبية: انتى عايزه تموتى ابنى صح
حور هزت رأسها وغسان حط أيدوا على خصرها وقال: حور متقدرش تعمل كده يا ماما متخافيش صح يا حور
حور ابتسمت وبصت لتحت
_خلاص يا ماما حصل خير
عفاف اتعصبت اوى وخدت بعضها وطلعت على فوق
امير مسك في هدوم غسان وقال: فين الهدايه
_بكره أن شاء الله
امير هز رأسه وقال: المفاجاه كانت حلوه اوى يا خالو انا هروح انام عشان اصحى بدري وأشوف الهديه
غسان ابتسم وقال: ماشي يا قلب خالو
امير طلع وياسر وريناد راحوا عند غسان
_غسان احنا لازم نمشي
غسان باستغراب: تمشوا
_ماما تعبانه اوى الفتره ده وهتكون محتاجنا معاها
غسان هز رأسه وقال: الف سلامه
_الله يسلمك
غسان بص لريناد اللى حضنته عالطول وقالت: خد بالك من امير الفتره ده
_امير في عيني اطمنى
بعدت عنه وقالت بابتسامه: عارفه يا قلبي
ياسر مسك ايد ريناد وقال: يلا عن اذنكم
غسان هز رأسه وريناد وياسر مشوا فعلا
حور كانت طالعه الا ان غسان مسك أيدها وقال: عملتى كده ليه
حور التفت ليا وقالت: غصب عنى
غسان شدها ليا وقال: ولا عايزه تقت”لينى
حور هزت رأسها وقالت: قولتلك غصب عنى
_تعرفي ان الشوكه دخلت جوا خالص
حور بصت لتحت وقالت: انا آسفه
غسان زقها وقال: فنجان قهوه فورا
حور خدت نفس عميق وقالت: انا ازاى سمحت لقلبي يحب واحد مغرور زيك
عند مراد ونغم
نغم جهزت السفره وحطت الأكل وكانت منتظره نزول مراد اللى اتاخر أوى
نغم فضلت واقفه وقالت: اتاخر اوى
خدت نفس عميق وطلعت فوق
طلعت فوق فعلا ووصلت عند الاوضه ومسكت الاوكره وكانت رايحه تفتح الباب إلا انها سمعت مراد وهو بيتكلم مع حد
_موافق ارجعلك يا مريم بس على شرط
_شرط اي
_نتقابل بكره وهقولك عليا
_وانا هوافق على اي حاجه تطلبها يا مراد انت متعرفش انا بحبك قد اي
_سلام
مراد قفل التليفون ونغم حطت أيدها على فمها وحبست دموعها بالعافيه
الاخر فتح الباب وقال باستغراب: بتعملى اي هنا
نغم حاولت تكون عاديه خالص قدام مراد وقالت: العشا جاهز تصبح على خير
مراد مسك أيدها وقال: مش هتاكلى
نغم هزت رأسها وقالت: مش جعانه عن اذنك
نغم دخلت الاوضه وقفلت الباب ومراد قال باستغراب: ده كانت من شويه فرحانه اوى اي اللى حصل
نغم قعدت على الكنبه وحطت أيدها على شعرها وقالت: وانا زعلانه كده ليه
نغم قامت وقالت: هو انا فعلا بحب مراد
بصت في المرايه وقالت: معقول بحبوا ؟؟
هزت رأسها وقالت: مستحيل احب واحد بيحب واحده تانيه ومش شايف غيرها مستحيل
مراد نزل تحت وبص على السفره وقال: طب عملت الأكل ده لمين طالما مش هتاكل
بعد شويه مراد أكل وطلع فوق وحاول يفتح الباب لكن مفتحش
_نغم نغم
مراد حط ايدو في جيبه وقال: حتى المفتاح مش معايا
وفجاه الباب انفتح
مراد بابتسامه: فكرتك نمتى
نغم خدت البطانيه وقعدت على الكنبه ولم تعطى اي اهتمام لمراد
_نغم انتى كويسه
نامت على الكنبه وبخارج إرادتها دموعها نزلت
مراد قعد على ركبته وبقا في مستواها وقال بخوف: في اي
نغم مسحت دموعها وقالت: مش مهم تعرف
مراد مسك أيدها وقال: لا مهم عارفه ليه ثم كمل: عشان مهمه عندي
نغم انعدلت وقالت: انت كداب أوى
مراد بصدمه: اي
_بتلعب بمشاعر كل الناس وفي الاخر تقول أنا عملت اي
مراد مكنش فاهم قصدها وقال بهدوء: نغم انا فعلا مش عارف بتتكلمى عن اي
_اتجوزتنى ليه طالما بتحب مريم وناوي ترجعلها
حينها مراد أدرك ان نغم سمعت حديثه مع مريم
_سمعتينى وانا بكلم مريم صح
_اوعك تفتكر انك فارق معايا انا ولا بحبك ولا انت فارق معايا بس مستغربه ازاى تكون بالحقاره ده
مراد ضم حواجبه وقال: حقاره
نغم هزت رأسها وقالت: بتقولى كلام وبتعمل عكسوا
_وانا قولتلك اي وعملت عكسوا
نغم بتهرب: معرفش
_قولتلك انى هكون معاكى لآخر نفس
_ثلاث شهور بس وكل واحد فينا يروح في حاله
_طب لو قولتلك ان مريم ده اخر همى
نغم بتريقه: انا موافق اننا نرجع يا مريم بس بشرط
مراد كتم ضحكته وحس بغيرتها الزايده عن حدها
_على العموم ده حياتك وانت حرا فيها تصبح على خير
مراد مسك ايد نغم للمره التانيه وقال: طب لو قولتلك انك كل حياتى
نغم عينها اتسعت أوى لتصبح اجمل خصوصاً ان لون عيونها زرق
_هتقولى اي
نغم بارتباك: هقول هقول
مراد هز رأسه وقال: كملى
_هقول تصبح على خير
مراد قام وقال بابتسامه: وانتى من أهل الخير
نغم لفت الناحيه التانيه وشدت البطانيه عليها وكانت فرحانه اوى ومش مصدقه أن مراد قالها كده
عند غسان وحور