#غرور_وكبرياء_عاشق
مريم بابتسامه: انتى متعرفيش يا نغم ان مراد جالى بليل وقعد معايا ومراد عارف الباقي بقا
نغم بصت لمراد والدموع امتلئت عينها ربما حست بالإهانة
مراد مسك أيدها جامد اوى وقال: امتى ده يا روح امك
_كفايه كدب بقا
مراد بص لنغم وقال: انتى مصدقه المجنونه ده
نغم هزت رأسها وقالت: ممكن أعرف كنت فين امبارح
_موضوع ميخصش حضرتك
_عندك حق انا مين اصلا انا واحده اشتريتها بالفلوس عشان تكون خدامه ليك مش اكتر
_نغم انتى فاهمه الموضوع غلط
نغم مسحت دموعها وقالت بابتسامه: وانا زعلانه ليه انت ولا فارق معايا ولا انا فارقه معاك
مراد بص لتحت ونغم خدت بعضها وطلعت على فوق
مراد بانتهاد: نغم
مريم مسكت مراد من دراعه وقالت: مالك زعلان كده ليه
مراد بصلها وقال: ليه عملتى كده
مريم ابتسمت ومراد قال بصوت جهوري: انطقي عملتى كده ليه
مريم بزعيق: عشان بحبك ومقدرش اشوفك مع حد تانى
_وانا بكرهك
الدموع نزلت من عين مريم وقالت: من قلبك
_اول مره اقول حاجه وتطلع من قلبي كده
_يعنى اي
مراد مسك أيدها جامد اوى وقال بصوت جهوري: يعنى برا مش عايز اشوف وشك هنا تانى
مريم زقت مراد وقالت بعصبية: مقولتش ليها ليه على اللى كان بيحصل بينا
_اي اللى كان بيحصل بينا انا ولا مره قربت منك ممكن اعرف اي اللى كان بيحصل بينا
مريم حوطت مراد من رقبته وقالت: قريب اوى يا مراد قريب اوى هتكون ليا
مراد ابتسم وقال: في احلامك يا مريم
_هتكون ليا صدقنى
_ثقه ده ولا اي
_ايوه ثقه ومتاكده من كلامى كمان
مراد زقها وقال: احب اقولك انى مش هسيب نغم خالص ووعدتها بكده حتى لو مش بحبها بس هكون معاها لآخر نفس
مريم غارت اوى وقالت: انت ليا انا لوحدي يا مراد
_وكان فين الكلام ده يا مريم لما قولتلك بحبك ومستعد اتجوزك
مريم:_________
_ردي ساكته ليه
مريم حضنت مراد وقالت بعياط: كنت مجنونه ايوه كنت مجنونه لما رفضت واحد زيك
مراد زقها وقعد يضحك وقال: طب كويس انك عارفه نفسك مجنونه
مريم بدموع: مراد انا مش بهزر انا كنت مجنونه فعلا لما رفضتك
_طب ما تروحى مستشفي امراض عقليه واهو نخلص من جنان حضرتك
مريم مسكت ايد مراد وقالت: مراد تعالى نرجع زي الأول
مراد قعد يضحك للمره الثانيه وقال: انا فعلا اتاكدت انك مجنونه
ثم كمل بصوت جهوري: برااا
مسحت دموعها وقالت: هطلع يا مراد ثم قالت بتحذير بس اوعك تفكر انى هسيبك يا مراد أوعك تفكر
مريم طلعت فعلا ومراد قال بعصبية: زباله
في قصر السيوفي خصوصاً في غرفه غسان
حور دخلت لقت غسان قاعد على السرير وماسك دراعه وكان بيتالم اوى
_غسان بيه
غسان بصلها وقال: اخلصي
حور قعدت جنبه وقالت: اكيدا ده من اللى حصل امبارح
_خليكى في حالك
حور كتمت ضحكتها وغسان رفع حاجب وقال: بتضحكى على اي ولا فرحانه فيا
حور هزت رأسها وقالت: مش قصدي بس حضرتك زودتها شويه
غسان بغيره:يعنى يقول عليكى حوريه واسكت
حور حست بغيره تلك المغرور وقالت: وانت غيران ليه
_انا مش غيران ولا حاجه بس طول ما حضرتك على ذمتى مينفعش حد يقولك كلمه حلوه ولا يرفع عينه بس عليكى
_على العموم انت حاسس بأي دلوقتى
غسان بص على دراعه وقال: انا مش بتالم متفرحيش أوى
حور قامت وقالت بغيظ: جبروت
_هاتى التليفون ورنى على مراد
_وايدك انقطعت
غسان قبض ايدو وحور خافت اوى من قبضه ايدو
مسكت التليفون عالطول وبدأت تدور على اسم مراد اللى مش لاقيه
_احم انت متاكد ان معاك حد اسمه مراد على تليفونك
_بتعرفي في اللغه السويديه
حور حطت التليفون جنب غسان وقالت بغيظ: لا معرفش عن اذنك
غسان أبتسم ومسك التليفون ورن على مراد
مراد طلع التليفون من جيبه وقال: غسان
_بقولك عدي عليا هروح للدكتور
مراد بخوف: ليه في اي
غسان بص على دراعه وقال:هقولك على الطريق
مراد بص في الساعه وقال: ربع ساعه
غسان باستغراب: ليه
_ منتظر حد واول ما يوصل الحد ده هجيلك عالطول
غسان هز رأسه وقال: هكون في انتظارك متتاخرش
_تمام
غسان قفل التليفون وفتح الدولاب
وقتها عفاف دخلت وقالت: مالك يا حبيبي
_مفيش يا ماما
_طب رافع دراعك كده ليه
_قولتلك مفيش
غسان حاول يقلع التيشيرت لكن معرفش
عفاف ساعدته وقالت: الدكتور قال لازم ترتاح رايح فين بس
غسان بكدب: الشركه
_مهم يعنى
غسان حط ايدو السليمه على خدها وقال: متخافيش عليا انا بخير
هزت رأسها وقالت بابتسامه: وانا عايزاك تكون دايما بخير
_ماما ممكن اسالك على حاجه
عفاف حست بالارتباك وقالت: أسأل يا حبيبي
_هي حور فعلا قالتلك أنها رايحه عند أهلها
عفاف بلعت ريقها وقالت: لما طلبت منك ترتاح وبلاش تروح الشركه حضرتك رفضت ساعتها اتعصبت اوى ومشيت ومن وقتها مشوفتش حور خالص
غسان قال بعدم تصديق: ومالك خايفه كده ليه
عفاف هزت رأسها وقالت: مش خايفه ولا حاجه وبعدين انت مصدقها ولا اي
_مصدقك انتى طبعا
وقتها الابتسامه أترسمت على وشها وقالت: ربع ساعه والفطار هيكون جاهز
غسان هز رأسه وعفاف طلعت عالطول
غسان حط ايدو السليمه في جيبوا وقال: لا يا ماما المره ده غلطانه انتى مفكره انى معرفش امتى بتقولى الحقيقه وامتى لا
عند مراد ونغم
جرس الباب رن
مراد فتح الباب وقال بابتسامه: بدر اتفضل
_انا اسف أوى على التاخير
_ولا يهمك عادي
مراد شاور على الكنبه وقال: اتفضل هنا دقيقه ونغم هتكون عندك
هز رأسه وقال: تمام
مراد ابتسم وبدر قعد فعلا
مراد طلع فوق وقال بصوت هادئ جدا: نغم نغم
كانت نايمه على السرير ومتغطيه بالبطانيه ومفيش ولا حته باينه منها
_نغم
نغم:_________
مراد بدأ يتعصب وقال: نغم ردي عليا
كانت متعصبه أوى وقالت بضيق: عايز اي
مراد وقف مكانه وقال: بدر وصل ومنتظرك تحت
_مش نازله ولا رايحه الزفته اطلع بقا
مراد ابتسم وقال: براحتك انتى الخسرانه مش انا يلا عن اذنك
وقتها نغم اتعصبت اوى لتقوم من على السرير وتقول: انا عارفه انك مش عايزنى اكمل بس عندا فيك هنزل وهنجح
مراد كتم ضحكته وقال: بحب التحدي أوى
نغم زقته ونزلت عالطول
مراد انعدل وقال: يا بت المجنونه
نغم نزلت تحت ووقفت مكانها حين شافت بدر
_نغم
نغم راحت عنده وقالت: مستر بدر اخبارك اي
_الحمدلله بخير انتى اخبارك اي
نغم ابتسمت وقالت: الحمدلله بخير مكنتش اعرف ان حضرتك اللى هتدرسلى ولا حتى فكرت في اسمك
مراد نزل ولقي الاتنين مبتسمين وقتها غار أوى لينزل تحت ويقول: الظاهر انكم عارفين بعض
نغم مسكت ايد بدر وقالت: الاستاذ بدر كان بيدرسلى في سنه أولى من اكتر الشخصيات المحترمه اللى شوفتها في حياتى
مراد شال ايد نغم وقال بغيره: مش لازم تمسكى ايدو وانتى بتتكلمى يعنى
نغم حست بغيره مراد وقالت بهمس: مالك يا ابن الألفي غيران ولا اي
مراد بهمس أيضا: وهغار ليه قولتلك انتى بالنسبالى خدامه مش اكتر
_هههه وانا مش خدامه حد
_احم على العموم المكتب على ايدك اليمين يا بدر
بدر بابتسامه: انا حافظ الفيلا كويس يا مراد مفيش داعي انك توصفلى اي مكان بعد كده
مراد ابتسم ايضا وقال: تمام وعلى العموم البيت بيتك خد راحتك
بدر هز رأسه وخد بعضه واتجه إلى المكتب فعلا
_انت رايح فين
_بتسالى ليه
نغم بارتباك: اقصد هتسبنى لوحدي هنا
مراد قال بتريقه: استاذ بدر من اكتر الشخصيات المحترمه اللى شوفتها في حياتى
نغم بغيظ: اه فعلا
_اممم عن اذنك