نغم مسكت مراد من دراعه وقالت: انت فعلا ناوي تسبنى لوحدي
مراد بعدم تركيز: طول ما فيا النفس مش هسيبك أبدا
الابتسامه اترسمت على وش نغم ومراد هز رأسه وقال: اقصد على اتفاقنا عن اذنك
نغم فضلت واقفه مكانها ومراد وهو واقف عند الباب: متخافيش راضي هنا
نغم هزت رأسها ومراد طلع وقال: راضي راضي
جري عليا وقال: نعم يا بيه
_في واحد جوا مع نغم عايزك تكون معاهم لحد ما يمشي
هز رأسه وقال: أوامرك يا بيه
مراد لبس النظاره وركب العربيه ليمشي عالطول
نغم دخلت المكتب وبدر قال: انتى تعرفي مراد منين واتجوزتوا
نغم:_________
_نغم انتى كويسه
نغم هزت رأسها وقالت: انا آسفه سرحت شويه كنت بتقول اي
_انسي المهم اي اللى مش فاهمه
نغم بدأت تتكلم مع بدر اللى كان شاغل بالو أوى بعلاقه مراد ونغم
بقلمى دعآآء حجآآج———————————
في قصر عائله السيوفي
قعد على الكرسي وقال: ماما استعجلى شويه
عفاف حطت فنجان القهوه وغسان قال: حور فين
عفاف بغيره: ليه
_مش باينه يعنى
عفاف حست أن غسان متغير أوى خلال الفتره الاخيره وخصوصا اول ما حور دخلت حياته
_ماما انتى كويسه
هزت رأسها وقالت بابتسامه: حور فوق عند ماما
غسان خد فنجان القهوه وقال: هروح اسلم على تيته وهنزل عالطول لان مراد على وصول
غسان طلع فعلا
وعفاف اتعصبت اوى وقالت: اول ما عرف أن حور مع ماما فوق قال هطلع اسلم عليها ومن امتى بيعمل كده
عفاف هزت راسها وقالت: لا لا مستحيل يحصل كده
_وممكن يحصل يا مدام عفاف
عفاف التفت ليها وقالت: نرمين
نرمين راحت عندها وقالت بذكاء:انا آسفه انى بدخل بس احب اقولك أن حور هتاخد غسان منك واكبر دليل على كلامى اللى عملوا من شويه
عفاف بدأت تفكر في كده والاخري بدأت تكرها في حور اكتر
عفاف باندفاع: محدش يقدر ياخد ابنى منى
نرمين حطت أيدها على كتف عفاف وقالت بشر: حور تقدر يا مدام عفاف
عفاف بارتباك: طب طب والعمل
نرمين بخبث: حور وغسان لازم يبعدوا عن بعض ومينفعش يتقربوا من بعض خالص
_بس ده ازاى
نرمين مدت أيدها لعفاف وقالت: انا مستعده اساعدك يا مدام
عفاف بفضول: وهتساعدينى ليه يا نرمين
_انتى عملتى معايا كتير اوى يا مدام وواجب عليا اردلك اللى عملتى معايا
عفاف مدت أيدها وقالت بشر: وانا موافقه
الاتنين بصوا لبعض وابتسموا بخبث
في اوضه وفاء
_رد عليا عشان خاطري
امير بعياط: مش عايز اكلم حد فيكم
غسان دخل وقتها وقال: في اي هنا
وفاء بصت لغسان وقالت بعصبية: اطلع برا يا غسان
غسان باستغراب: ليه
_بقا تنسي عيد ميلاد امير
غسان ابتسم وراح عند امير ونزل لمستواه وقال: مين قال كده
امير حضن حور وقال بعصبية: انا مش عايز اكلمك تانى
_بجد
امير هز رأسه وقال: اه بجد انت وحش يا خالو
غسان قام وقال وهو بياخد شهيق: على العموم انت حرا سلام
غسان طلع وحور بصت لوفاء اللى قالت باستغراب: ده اول مره يسيب امير زعلان كده
امير قعد يعيط وقال: خالو اتغير يا اميرتي خالو مكنش كده
حور نزلت لمستواه وقالت: اي رايك نروح الملاهى
امير بعصبية: مش عايز اروح الزفته
بعد ما قال كده طلع يجري عالطول وحور بصت لوفاء اللى قالت: مش عارفه غسان عمل كده ليه
حور في سرها: اكيدا عامل ليا مفاجاه
حور هزت رأسها وقالت بتردد: المغرور يعمل كده مستحيل
غسان نزل تحت ولقي ريناد في وشه
_ياسر رجع
هزت رأسها وقالت: اه رجع وحالياً عند ماما
_يعنى كلوا تمام
هزت رأسها للمره الثانيه وقالت: أمير لازم يطلع من هنا بأي طريقه يا غسان ثم كملت: بس ازاى
حور نزلت وغسان بصلها وقال: تعالى هنا
حور بصت حواليها وقالت وهي بتشاور على نفسها: انا
غسان بتريقه: هو في حد غيرك يعنى
حور هزت رأسها وقالت: لا
غسان بدأ يتعصب اوى من غباءها وحور راحت عندهم عالطول وقالت: اي
غسان بص لريناد وقال: حور اللى هتطلع امير من هنا
ريناد بفضول: ازاى
غسان مسك ايد حور اللى ارتعشت (انتفضت) حين مسك ايدها
_حور هتقول لأمير اي حاجه واعتقد أنه هيوافق
ريناد بتفكير: تفتكر