مريم كانت بتحاول اغاظه نغم
_انا وانت كنا بنحب بعض احم اقصد حضرتك كنت بتحبينى
_واي دخل حبي ليكى في الفستان
_مش عايزه اكون يوم فرحى وحشه في نظرك
ابتسم وقال: وانا مهم عندك كده
مريم بصت لمراد وقالت: شوف انا مهمه عندك قد اي وهتكون مهم عندي كده بالظبط
نغم مشت عالطول
مراد بص على نغم وقال بانتهاد: نغم
مريم مسكت مراد من دراعه وقالت: الفرح بكره هكون في انتظارك
_وانا قولتلك من عيونى
مريم قربت من مراد وقالت بهمس: قربت منها ولا لسه
مراد بهمس أيضا: مقدرش
مريم بفضول: ليه
حط ايدو على خصرها وقال: عشان لسه بحبك
_بجد
هز رأسه وقال: اه بجد
حطت أيدها على رقبته وقالت: طب ما تيجى نتجوز
_اي ده وخطيبك يروح فين
_مش مهم خطيبي المهم انت
شدها ليا اكتر وقال: اي رايك النهارده
مريم بابتسامه: النهارده اي
_نتجوز
حطت ايدها على دقنه وقالت بمايعه: موافقه
مراد بص وراء وقال بصدمه: اي ده عمر
مريم بعدت عن مراد عالطول وقالت بارتباك: ع عمر
كان واقف والصدمه عنوانه
مراد عدل الجاكيت وقال: شوفت اللى هتتجوزها قالت اي اعتقد سمعت كل حاجه
مريم هزت رأسها وقالت: لا يا حبيبي ده هو اللى طلب منى اتجوزه
_تؤ تؤ بلاش الكدب يا مريم
مراد راح عند عمر وقال: انا واحد متجوز وبحب مراتى ومستحيل افكر لو لثانيه اتجوز عليها
مريم راحت عندهم وقالت: عمر ده كداب اوعك تصدقه
صفعه قويه تنزل على خدها
عمر قلع الدبله وقال: ماما حذرتنى منك وانا زي الحمار وافقت اتجوزك
حط الدبله في أيدها وخد بعضه ومشي
مراد كان سعيد جدا فهو عمل كده عشان شاف عمر جاي عليهم
_سلام بقا يا حلوه
مراد مشي ومريم حطت أيدها على رأسها وقالت: يا حيوان
بعد مرور ربع ساعه تقريبا وخصوصاً في الطريق
نغم مكنتش عارفه هي زعلت ليه اول ما شافت مراد مع مريم
_هنزلك اول الشارع وتكملى مع نفسك
نغم:__________
مراد شاور بايدو وقال: سرحانه في اي
نغم هزت رأسها وقالت: معلش مخدتش بالى كنت بتقول اي
مراد داس فرامل وقال: انزلى اركبي اي عربيه
نغم باستغراب: ليه
مراد بعصبية: من غير ليه اخلصي
نغم نزلت ومراد فتح الشنطه وهي خدت كل الفساتين اللى اشترتها ووقفت عربيه ومشت
مراد شغل العربيه ومشي
في قصر عائله السيوفي
حور نزلت وعفاف قالت: لسه بدري
حور مردتش عليها ودخلت المطبخ
عفاف دخلت وراءها وقالت: انا بكلمك
حور:_________
عفاف مسكت حور من دراعه وقالت: مفكره نفسك اي يا معفنه
حور شالت ايد عفاف وقالت: انا ساكته عشان مينفعش اغلط في واحده كبيره في السن ولا تربيتى تسمح بكده
_انتى بتقولى اي
حور بعصبية: انا زقيتك امتى
عفاف:_______
حور بعياط: انتى ترضي على بناتك كده
عفاف سكتت وبصت في الأرض
_اكيدا مترديش ولو حماتهم عملت معاهم كده مش هتسكتى
_انا عملت معاكى اي عشان تقولى كده
حور قعدت تضحك وقالت بسخرية: انتى عملتى كل حاجه يا مدام عفاف
عفاف اتعصبت اوى وحور خدت ازازه مياه وطلعت
_ماشي وربنا لتدفعى تمن غالى اوى على كلامك ده
حور طلعت على اوضتها وقعدت على السرير وقالت: بسببك حاسه انى مكسوره
بصت على صوره غسان اللى كانت ملزوقه على الحيطه وقالت: بكرهك بكرهك
قامت وكان في سكينه وجنبها تفاح
حور مسكت السكينه وبدأت تغرزها في صوره غسان والدموع نازله من عينيها
_بكرهك بكرهك
قالت تلك الكلمه بكل عصبيه وزعيق
_حور
سماح كانت بتخبط على الباب وحور لم ترد عليها
_معقول جرالها حاجه
_انتى كويسه يا بنتى
حور بعصبية: مش عايزه اشوف حد
_غسان بيه
_في اي يا سماح
_حور شكلها متعصبه اوى
غسان قفل التليفون وسماح باستغراب: يا تري اي اللى حصل
_سماح
راحت عند عفاف عالطول وقالت: اخبارك اي يا مدام عفاف
_انتى رجعتى امتى
_غسان بيه بعتلى عربيه ولسه واصله حالا
_طب تعالى معايا ورانا شغل كتير اوى النهارده
هزت رأسها ونزلت معها فعلا
حور قعدت على الأرض وكل ما تفتكر وهي بتمسح جزمه غسان تتجن
مسكت السكينه وفتحت بيها أيدها وقامت لتحط الدم اللى نازل من أيدها على صوره غسان
_مش هسمحلك تعمل كده تانى يا مغرور
هزت رأسها وقالت بزعيق: مش هسمحلك
في شركه السيوفي والالفي (شراكه )
فتح الباب وقال: انا وصلت
غسان:________
مراد قعد على الكرسي وقال: مالك يا غسان
غسان بص لمراد وقال: انت جيت
مراد بص حواليا وقال: لا ده خيالى
غسان مسك كوبايه فيها مياه وبدأ يشرب منها
مراد قام وقال: غسان انت كويس
رمى الكوبايه على الارض وقال بصوت جهوري: مفكره نفسها اي وربنا لتعيش في جحيمى من النهارده
مراد ضم حواجبه وقال باستغراب: هي مين
قام وخد الجاكيت وقال: خد بالك من الشغل
مراد مسك غسان من دراعه وقال: في اي مالك
غسان بعصبية: رنيت على سماح عشان تدي التليفون للحلوه رفضت وقالت مش عايزه اشوف حد وماما كلمتنى وقالتلى انها عاملتها وحش اوى
_طب اهدي
هز رأسه وقال بشر: لا مش ههدا ولازم اعرفها مين غسان السيوفي
غسان طلع ومراد قال: غسان استنى غسان
الموظفين اول ما شافوا غسان كده حطوا وشهم في الأرض عالطول
ركب الاسانسير وحرفيا كان متعصب جدا
في فيلا مراد الألفي