فؤاد معلش يا سلمى نسيت حاجة مهمة فى البيت ولازم اعملها ، بكره نبقى نجيب الفستان ، معلش انا اسف بس حقيقى مستعجل ، سلام يا حبيبتى ❤️ وسابها ومشى
سلمى بضيق اول مرة تعمل كده يا فؤاد ، اتغيرت اوى ، كل ده بسبب الأستاذة روح ، بس اتجوز فؤاد وانا هوريكى ازاى مش هيبقى طايق يبص فى وشك
عند زياد
زياد قاعد علطول بيفكر فى ياسمين وقد ايه هو منجذب ليها بطريقة غريبة ، حاسس فيها حاجة مختلفة عن باقى البنات ، زى نجمة فى السما ، عايز اشوفها واكلمها تانى بس ازاى وانا مش معايا نمرتها وبعد شوية جاتله فكره انه يسال على بيتها ويروح يشوفها من بعيد ويعمل انها صدفة ويتمشوا ويتكلموا شوية مع بعض والمرة دى ياخد نمرتها
زياد نزل وبدأ ينفذ خطته وقعد ياسل على مكانها لحد ما فى واحد دله على البيت فقعد مستنى كتير لحد ما نزلت وبعدين قرب مشى من جمبها وقال بدهشة
زياد ياسمين ، عامله ايه
ياسمين أنا الحمد لله بخير ، انت بتعمل ايه هنا
زياد كنت رايح اجيب حاجة وقعدت اتمشى وشوفتك ، فرصة حلوة
ياسمين اه ، انت عامل
زياد أنا الحمد لله بقيت بخير بعد ما شوفتك
ياسمين انگسفت من كلامه وسكتت
زياد كمل كلام وقال انتى راحة فين دلوقتي
ياسمين راحة عند السوبر ماركت اجيب حاجة
زياد تمام هوصلك
ياسمين بكل أدب معلش يا استاذ زياد ، مينفعش تمشى معايا كده فى وسط الشارع ، الناس هتفهمنا غلط وانا مش عايزة حد يتكلم عليا ولا على اهلى
زياد فرح أنها محترمة ومتمسكة بمبادئها بس في نفس الوقت زعل أنه مش هيعرف يتكلم معاها بس فهم وقدر موقفها وزادت فى عينه اكتر وقال
زياد ماشى يا انسه ياسمين ، انتى صح ، وقفتنا دى متنفعش ، أنا فاهمك
ياسمين فرحة أنه فهمها وقالت طب استأذن أنا بقى
زياد طب على الأقل ادينى نمرتك
ياسمين والله مينفعش
زياد تمام سلام وسابها ومشى
ياسمين زعلت أنه زعل منها بس هى بتعمل الصح ، ده دين مش اى حاجة
زياد رجع البيت وهو متضايق أنها رفضت تديله النمرة بس هو عارف انها صح
عند ياسمين
ياسمين راحت السوبر ماركت وروحت وهى زعلانه لان زياد زعل منها ومش عارفه ليه زعلانه لزعلة ، مش اول مرة تعمل كده مع شاب بس ممكن علشان هى ارتاحت لزياد اوى
الام لاحظت وقالت مالك يا ياسمين
ياسمين مفيش يا ماما ، مخنوقة شوية مش اكتر
الام ماشى يا حبيبتى ، وقت ما تحبى تتكلمى تعالى قوليلى وانا هسمعك
ياسمين حضتها وقالت ربنا يخليكي ليا يا ماما وميحرمنيش منك ابدا ، ادعيلى لانى متضايقة شوية
الام ربنا يصلح لك الحال يا بنتى ❤️
عند فؤاد
فؤاد رجع البيت ودخل بسرعة على روح يشوف هى فين
فؤاد روح انتى فين
روح أنا هنا يا فؤاد
فؤاد قرب منها وقال انتى كويسه ، قلقت عليكى
روح بفرح من اهتمامه أنا بخير ، متقلقش
فؤاد الحمد لله ، حسيت انك تعبانه فجيت
روح ربنا يخليك ليا بس انا كويسه ، ادخل غير عقبال لما اجهز الاكل
فؤاد أنا هاجى اشوفك وانتى بتطبخى
روح مسكت أيده وقالت تعالى
روح خدت فؤاد وراحوا المطبخ وروح بدأت تحضر الاكل وفؤاد عمال يبص عليها وهو فرحان وافتكر والدته وهى بتعمل الاكل وهى مبسوطه ولما سألها ليه مبسوطه مع ان الشغل ده صعب فردت وقالت إنها فرحانه علشان بتعمل حاجة لشخص بتحبه وهى ليهم لأولادها ومفيش احسن من انك تهتم بغيرك