أما ندى فهى متضايقة من بعد كلام عدى معاه واللى سمعته عن ابوها وأنه باعها ، شعور صعب لما الاب يبيع بنته ، لما تحس انها مكسورة وملهاش حد فى الدنيا ، لما اقرب شخص ليها يتخلى عنها علشان شوية فلوس ، للدرجة دى هى رخيصة فى نظره علشان مش عايزها ، حتى مطلبش يشوفنى أو يطمن عليا لآخر مرة ، ليه يعمل فيا كده ، على الاقل كنت اعمل حاجة حلوة فى اخر مرة هشوفك أو افكر فيك ، ساعات بحس انى مش بنتك وانك مش ابويا بس انا زيك فى الشكل والطبع بس مخدتش منك الجحود والجشع ده ، حرااااام كده
ندى انهارت حرفيا وقعدت تعيط ومش قادرة تتحرك وقعدت فترة تعيط لحد ما هديت وقامت اتوضت وصلت وارتاحت ودعت ربنا يعمل ليها الصالح
عند سليم
سليم قرر يعيش حياته ويشوف مستقبلة وكفاية لحد كده حزن ، ليه اربط نفسى لواحدة عايشة حياتها مع زوجها ومش بتفكر فيا من أصله ، أنا تعبت كفاية
سليم اتصل بعدى وقاله انه راجع الشغل لانه كان طالب منه إجازة وعدى وافق لانه كان عارف ان خبر زواج روح تعبه
عدى أنا بجد فرحان انك هترجع للشغل تانى يا سليم
سليم انا كمان مبسوط ، أنا هجتهد وأعمل مستقبل كويس لنفسى
عدى وتشوفلك عروسه
سليم الله اعلم ، سيبها لوقتها
عدى باذن الله خير
تانى يوم
فؤاد راح وقابل سلمى
سلمى ايوه يا حبيبى هتودينى فين
فؤاد اللى يعجبك يا سلمى
سلمى فى محل ممتاز بنت خالتى راحت عنده ، جميل جدا وحاجاته فخمة كده
فؤاد ماشى يا سلمى يلا نروح
سلمى استنى يا فؤاد ، مالك بتتكلم كده ، كانك مش مهتم ولا فارق معاك
فؤاد انا بتكلم عادى
سلمى لأ مش عادى ، شكلك زى ما يكون مجبر تعمل اللى بطلبه منك ، فين فؤاد اللى بيحبنى وبيشجعنى
فؤاد منا معاكى اهو ، كل الحكاية انى مليش فى جو الفساتين وكده بس جيت معاكى علشان مزعلكيش
سلمى الحكاية مش حاجة انت بتحب كده ولا لأ ، الحكاية انك تهتم بشىء بهتم بيه
فؤاد يوووه ، قولتلك مهتم ، المشكلة انك مأفورة الموضوع وكل اللى هامك ان الفستان يكون احسن من بنت خالتك ، ليه متجبيش حاجة انتى عايزاه علشان تفرحى بيها علشان ده فرحك ومتحطيش حد فى دماغك ، ملكيش دعوة بحد
سلمى انت بتزعقلى وبتتعصب عليا يا فؤاد ؟
يتبع…..
الفصل الخامس عشر من هنا
فؤاد يوووه ، قولتلك مهتم ، المشكلة انك مأفورة الموضوع وكل اللى هامك ان الفستان يكون احسن من بنت خالتك ، ليه متجبيش حاجة انتى عايزاها علشان تفرحى بيها علشان ده فرحك ومتحطيش حد فى دماغك ، ملكيش دعوة بحد
سلمى انت بتزعقلى وبتتعصب عليا يا فؤاد ؟
فؤاد مش قصدى يا روح بس
سلمى روح !!؟ ياااه للدرجة دى ملخبط ومش عارف تفرق بين روح وبينى
فؤاد والله يا سلمى مش قصدى ، كل الحكاية انى متضايق لأن كل هامك تكونى احسن من غيرك ، ناسية أن دى ليلة العمر وأننا هنكون سوا مع بعض طول العمر ونحقق حلمنا
سلمى تمام بس ازاى قولت عليا انى روح
فؤاد علشان بزعق لروح كتير علشان كده قولتلك روح بس انتى مش زى روح ، انتى حبيبتى وشوية ايام وهتكونى مراتى وبعدها ام عيالى فليه نفكر فى الناس ، عايزين نعمل فرحنا بنفسنا وباسلوبنا ولا ايه رايك يا حبيبتى وبعدين مسك ايديها وباسها
سلمى معاك حق يا فؤاد ، مش عايزين نركز على حاجات تافهة ، المهم انت وحشتنى اوى
فؤاد وانتى كمان يا حبيبتى بس هانت هنكون روح واحدة فى جسمين ، اليوم ده هيكون احلى يوم فى العمر ، اليوم اللى بحلم بيه
سلمى وانا كمان ، اخيرا هكون مرات المهندس فؤاد واكون حلاله ونعيش سواء فى حب بس صحيح يا فؤاد ، انت هتقضى اول شهر معايا أنا وهتودينى شهر عسل فى مكان حلو
فؤاد باذن الله يا حبيبتى
سلمى بتحبنى يا فؤاد
فؤاد اكتر مما تتخيلى وفى اللحظة دى روح جت فى دماغه
فؤاد فى نفسه روح ، يا ترى عامله ايه ، حاسس انى عايز اكلمها واطمن عليها ، حاسس انى اشتقتلها ، ايه اللى بقوله ده ، اعقل يا فؤاد ، انت دلوقتي مع سلمى ، روح دى مش حبيبتك ، دى فترة وهتمشى وهتخليك طول العمر مع سلمى
سلمى رحت فين يا فؤاد