وتمر الايام ومكالمات شوشو لمنار زادت اوى ، وطلبات شوشو من حسين زادت النهاردة عاوزة يروح معايا المحكمه وبكرة نروح للمحامى وبعده شركه الكهربا طالبه حد وبعده وبعده ، ومنار الطيبه تقول لجوزها عيب يا حسين الست لوحدها وملهاش حد فى الدنيا من فضلك لازم تروح معاها وتقضى طلباتها وحسين كان بيرد ويقول
حسين
يااه يا منار الله يسامحك انتى وصاحبتك الست دى تقيله اوى على قلبى ودمها يلطش ، معقول مش عندها اخ ولا اب ولا اى راجل وكل حاجه عاوزاها منى انا لا كده كتير اوى وبعدن لو حد شافنى معاها يقول عليا ايه معقول يقولوا باخونك باخون منار مراتى وحبيبتي
منار
لا متخافش يا روحى محدش هيقول حاجه ولو حد قال انا مصدقاك انت وبس ، انت جوزى وانا واثقه فيك وهى صاحبتى الانتيم وانا واثقه فيها جدا جدا وبعدين شوشو اصلا خلاص كرهت الصنف كله ومش ناويه تتجوز تانى
حسين
والله عندها حق هى اصلا مين يتجوزها دمها تقيل وكلامها سم
منار
غريبه يا حسين مش عارفه اشمعنى انت اللى رايك فيها كده مع ان اى راجل يشوف شوشو يحبها ويطلب انه يتجوزها
حسين
رجاله عبيطه مش بتفهم شوشو ايه وبتاع ايه انا قلبى خلاص اتسحر واتقفل على واحده وبس وهى انتى يا قلبى
منار مبسوطه اوى من كلام حسين ورأيه فى الست الجميله دى وواثقه جدا فيه ومطمنه كمان لصاحبتها وسايبه ليهم الحبل على الغالب لدرجه ان شوشو كانت تروح تسهر معاهم والوقت يتأخر وتبات عندهم كمان
وفى يوم من الايام منار شافت حاجه غريبه ….
منار
شوشو حبيبتى ممكن تليفونك اعمل مكالمه لان تليفونى فصل شحن
شوشو
اتفضلى حبيبتى طبعا اتكلمى براحتك
منار مسكت الفون واتصلت على رقم جوزها وفى دماغها انه مش متسجل على تليفون شوشو
ولكن اول ما اتصلت الرقم طلع مكتوب بيبى ….
فتحت الرسايل وشافت اللى مكنتش تتصور انها تشوفها
رسايل ما بين شوشو وما بين حسين جوز منار ومش اى رسايل
قصة كاملة بعنوان ” ذكاء زوجة ” بقلم مروة ماجد
منار
معقول ايه كميه الرسايل دى ، معقول بتقولها حبيبه قلبى اخص عليك يا حسين بتخونى انا ومع مين مع صاحبتى اللى انا فتحت ليها بيتى وااتمنتها على بيتى وعلى اسرارى
شوشو
فى ايه با منار انتى خلصتى المكالمه ولا لسه وانتى بتكلمى مين
منار
ها لا حبيبتى مش عمل مكالمه اصلا اصلى نسيت الرقم وكنت عاوزة اكلم بنت عمى اتفضلى شكرا
شوشو
طيب باقولك ايه رايك انا محتاجه حسين بيه يجى معايا النهاردة سحبوا منى الرخصه ومش عارفه اتصرف لوحدى وحسين بيه كان قالى مرة ان ليه حد معرفه فى المرور ها حبيبتى ممكن استلفه منك النهاردة ولا لا
منار
ها اه طبعا يا روحى تحت امرك هاكلمه لما اروح واخليه يفضى نفسه خالص ويروح معاكى اى مكان واعتبريه زى اخوكى تمام حسين جوزى ده اصله صاحب مبدأ، صاحبك تدليه عنيك
يتبع
رواية ” ذكاء زوجة ” الجزء الرابع من هناااااااااااا