ومشيت منار و كل تفكيرها فى طريقه تخلى حسين وشوشو الخاينه يندموا على اللى عملوه معاها
ونرجع تانى لمنار اللى قررت انها تكمل الخطه وتعمل عيد ميلاد لحسين وراحت طلبت تورته مخصوص عملتها ليها واحده صاحبتها لان التورته دى بالذات مينفعش حد يعملها الا اذا كانت خدمه لمنار
ورجعت منار ولبست فستان جميل جدا وحطت التورته فى التلاجه واتجهزت وقعدت فى انتظار حسين
حسين رجع وقال
منار حبيبتى مساء الخير ايه الفستان الحلو ده اوعى تكونى مكلفه نفسك وعامله عيد ميلاد
منار
طبعا با روحى امال أعمل لمين ده انا الليله هاعملك احلى سهرة فى حياتك
ااااا للاسف مش هينفع لانى عندى شغل ولازم اسهر معاه ااااا قصدى اسهر فى الشغل
منار فهمت ان اكيد شوشو عامله ليه حفله بمناسبة عيد ميلاده علشان كده قالت
اخص عليك يا سمسم بقى انا عامله ليك تورته بايدى وانت تقولى كده طيب والله مش اكلت التورته بتاعتى هاكون زعلانه منك
لا خلاص متزعليش انا هاكل التورته بتاعتك ونقعد شويه وبعدين اروح الشغل
ايوة كده با حبيبى انت برضو لازم تعدل ما بينا
حسين اتلخبط وقال
ها اعدل ما بينكم ازاى يعنى هى مين دى اصلا اللى اعدل ما بينك وما بينها
منار
الشغل يا سمسم قصدى يعنى يا روحى تعدل ما بينى وما بين الشغل مهو انا باعتبر الشغل ده ضرتى
حسين
اه عندك حق لازم اعدل،
منار
يلا بقى قوم هات التورته من التلاجه لانى تعبانه موت ومش قادرة
وقام حسين ودخل المطبخ واول ما دخل النور قطع ،،، فتح التلاجه بكشاف الموبيل وفجأه بيصرخ حسين ويقول
الحقينى يا منار احقينى
خير يا حسين فى ايه
انا شوفت راسها على التورته
راس مين يعنى مش فاهمه تلاقيك خوفت لما النور قطع انا رايحه الصاله أنور الكشاف
حسين فتح التلاجه تانى وعاوز يتأكد هو شاف راس فعلا ولا تهيوأت
حسين
يااالهوى الحقينى يا منار انا متاكد ان فى راس ايوة هى راسها ووشها انتى ازاى عملتى كده حرام عليكى
وطلع يجرى برة الصاله
منار دخلت المطبخ تتأكد والنور جه ونادت عليه وقالت
حسين تعالى بقى وبطل هزار التورته جميله اهى
حسين دخل وفتح التلاجه ولاقى التورته جميله وعليها اسمه
حسين
مش ممكن انا بيتهايلى انى شوفت راسها على التورته
راس مين بس يا سونه يا حبيبى اهدى كده وصلى على النبى
حسين
راس اااااا مش عارف مش عارف
حسين طلع الصاله ومنار بتضحك عليه وشالت التورته وطلعت الصاله وكل شويه يقوم مفزوع ويقول اقسم بالله انا شوفت راسها
يتبع
رواية ” ذكاء زوجة ” الجزء الخامس و الأخير