حسين قعد لوحده يحاول يتاكد ايه اللى بيحصل معاه ولكنه مش عاوز يدى الموضوع اكتر من حقه وقال لنفسه عادى يمكن بس شويه إرهاق
وفى المدرسه اللى شغاله فيها منار بتدخل والكل فرحان بيها لأنها النهاردة هيتم تكريمها انها افضل مدرسه على مستوى المدرسه اما شوشو بتدخل من بعيد وهى برضو ماسكه التليفون ويتتتكلم فيه ،شوشو مدرسه معاهم فى المدرسه ولكنها شقيه حبتين وتحب اوى الضحك والهزار ولبسها مش اد كده يعنى تقدر تقول متحررة شويتين تلاته
شوشو مدرسه معاهم فى المدرسه ولكنها شقيه حبتين وتحب اوى الضحك والهزار ولبسها مش اد كده يعنى تقدر تقول متحررة شويتين تلاته
منار بتبص عليها وتقول
حمدالله على السلامه يا شوشو بقالك يومين غايبه ولا حس ولا خبر يارب يبقى المانع خير ولا تكونيش اتجوزتى ومش عاوزة حد يعرف
شوشو
جواز ايه الجواز ده مشروع فاشل ، هى الست اللى تكون متجوزة وربنا يريحها منه تبقى هبله لو جابت لنفسها القرف تانى ، انا يا حبيبى زى الطير اطير زى منا عاوزة واحط مطرح ما انا عاوزة
منار
اممم عموما ربنا يهديكى با شوشو ويريح قلبك
وهنا بتتكلم واحده صاحبتهم وتقرب من منار وتقول
مالك يا منار مش طايقه شوشو ليه ، وبتساليها عن الجواز ليه مهو احنا كلنا عارفين شوشو مش ليها فى الاحترام هى ليها فى العك وبس
منار
مش عارفه با مس الهام قلبى مش مطمن ليها وحاسه ان فى حاجه ما بينها وما بين جوزى وولو اللى فى دماغى طلع صحيح هاعرف ازاى اخد حقى منها ومنه
الهام
عموما اهدى كده واعرفى ازاى تتصرفى من غير ما تخربى بيتك حكم شوشو دى شيطان ياما خربت بيوت
منار
العيب مش عليها العيب على جوزى اللى اداها فرصه تدخل حياته ، سيبينى بس كام يوم اتكتك كده واتاكد ان هى اللى عليها الكلام لان لسه برضو شكوكى مش اتأكدت
وسرحت منار بخيالها لزمان وازاى علاقتها مع شوشو اتكسرت اوى كده
وفلاش باك لكام شهر عدو…
حسين حبيبى من فضلك عاوزة فلوس ضرورى
خير يا حبيبتى هى قصه فلوس كل يوم والتانى
معلش بقى صاحبتى لسه مطلقه طازة وظروفها مش احسن حاجه وعاوزة ازورها واخد معايا شويه طلبات للبيت
مطلقه ، مين دى انا عارف معظم صحابك
لا ما هى دى جايه الشغل جديد اسمها شوشو اقولك تعالى معايا ونرجع بسرعه
انا اجى معاكى ازاى يعنى هو انا فاضى ليكى انتى وصاحبتك
معلش يا سمسم علشان خاطرى علشان خاطرى انا هاتصل بيها واعرفها انك جاى معايا
وراح حسين مع منار بيت شوشو وطبعا منار معرفاها ان حسين معاها واول ما فتحت شوشو الباب كانت لابسه لبس جرىء جدا اول ما حسين شافها بلم وتنح واتسمر مكانه
منار بصت ليها واعتبرت الموضوع عادى ودخلوا انما حسين مش عارف يركز فى حاجه من جمال واغراء شوشو
شوشو
استاذ حسين تشرب ايه ، انا حاسه انك قاعد زهقان ولا تكونش منار عطلتك عن شغلك انا اسمع ان حضرتك موظف كبير اوى فى شغلك ومتميز
حسين
ها لا خالص انا مبسوط اوى انى قاعد معاكوا، وكنت عاوز اتعرف عليكى من زمان حكم منار طول الوقت تشكر فيكى بصراحه هو اللى خسران فى حد يطلق
الجمال الساحر ده
شوشو.
ههه لا يا استاذ حسين انا اللى خلعته حضرتك انا محدش يقدر يطلقني
حسين
ايوة كده صح انا برضو باقول كدة ربنا يعوضك خير
منار طيبه جدا ومش قادرة تفهم ان شوشو من اليوم ده اعتبرت حسين هو الفريسه الجديده ولازم توقع بيه فى غرامها وتتجوزة ولكن منار من قلبها الطيب كانت على طول تشكر فيها قدامه وتقول انها مظلومه وتقعد مع شوشو وتتكلم عن جوزها وتحكى انه كريم وجنتل وزوق ورومانسي وكل حاجه حلوة فيه ومن هنا كانت اول بوابه للشيطان اللى اسمه شوشو يدخل منها لبيت وعقل حسين
يتبع
رواية ” ذكاء زوجة ” الجزء الثالث من هنااااااااااا