حسين طلع الصاله ومنار بتضحك عليه وشالت التورته وطلعت الصاله وكل شويه يقوم مفزوع ويقول اقسم بالله انا شوفت راسها
منار
لا كده كتير انت عاوز تبوظ علينا السهرة ولا ايه
حسين
لا معلش انا شكلى تعبان شويه انا هادخل انام دلوقتى وبكرة تفرج
منار
ازاى بقى ومش هتسهر معاها
حسين بيتخض ويقول
ها هى مين دى اللى اسهر معاها مش فاهم
منار
قصدى الشغل يا روحى مش انت قولت انك عندك شغل ولازم تسهر فيه الليله
حسين
لا انا لازم انام دلوقتى مش عاوز اسهر و عاوز عيد ميلاد ولا زفت
ودخل حسين نام ومنار اخدت تليفونه وحطته جنبها وعملت فنجان قهوة علشان بصراحه دماغها تستاهل
وفتحت موبيله وهو نايم وقرات كل الرسايل وشافت المكالمات اللى ما بينهم
وجتلها فكرة بنت مجنونه ، منار نزلت بسرعه اشترت تليفون صغير واشترت خط بدون اسم ، واخدت الرسايل اسكرين وكل الصور الجريءه اللى بعتتها شوشو لحسين
ودخلت من الخط الجديد بعتت الصور لشوشو والمكالمات وطبعا شوشو اتصدمت وعرفتها ان واحد موزع صورها ومحادثتها على أصحابه
وطبعا تليفون حسين بيرن وشوشو عاوزة تفهم هو عمل كده ليه
منار ردت عليها من تليفون حسين وقالت
شوشو انتى واحده رخيصه عمرى ما افكر انى اتجوزك انا وزعت رقمك وصورك على اصحابى يعنى يمكن تعرفى تطلعى بعريس ولا راجل يصرف عليكى ولو فكرتى تتصلى بيا تانى هابعت الصور والمحادثات على جروب شغلك ولاهلك كلهم وعلى فكرة مراتى عرفت كل حاجه وسامحتنى وقالت انها عارفه انك رخيصه
شوشو بعتت شتيمه وحشه جدا لتليفون حسين وطبعا منار ضبطت اللى عاوزاه يفضل من كلامها ومسحت الباقى
شوشو تانى يوم غيرت رقمها وسابت الشغل ونقلت شغل تانى
اما حسين فبدا يصلى كتير اوى ويقرا قرآن لانه اعتقد انه دخل فى مرحله هبل بسبب ذنوبه وكل فترة يراجع نفسه وخايف احسن الذنب ده يفضل يطارده طول
العمر
اما منار فباتصل بصاحبتها وتقول
تسلم ايدك التورته طلعت تحفه عرفتى تعملى الراس بإتقان بجد دخلت عليه وكان هيتجنن
الصديقه
ههههه يا منار يا اختى دى لعبتي لو عاوزة راس نابليون ذات نفسه اعملها من عجينه السكر ، المهم انتى حوار الغسيل واللبس ماشى كويس ولا لا
منار
كله تمام انا جايبه من القمصان اللى بيحبها طقمين واتعلمت التمثيل والحمد لله مشيته على العجين ميلخبطوش ورغم انه صعبان عليا الا انه لازم يرجع لربنا ويعرف ان الله حق
وعلى فكرة بيفكر يطلع عمرة هههه
وخلصت حكايه منار وحسين الست العاقله اللى اتعرفت بإتقان ومن غير ما تخرب بيت