رواية وقعت في غرامها

اترك تعليقاً / بواسطة /

في أحدي الفنادق الفخمة
ليلا
دخل حمزه المنشاوي زفاف بنت رئيسه ف الشغل
وسلم ع زمايله البودي جارد
بودي جارد ١/اهلا اهلا حمزه.. انا قلت انك مش هتيجي
حمزه /يعم عيب عليك.. مجيش فرح بنت المعلم بتاعي؟
لازم أوجب مع المعلم دا انا افديه ب روحي
بودي جارد ٢/بس اي الشياكه والجمدان دا.. هتخش توقع كل بنات الفرح. ابسط يعم
حمزة /هذا هو هدفي
بودي جارد ١/واحنا واقفين بره هنا زي الطور
حمزه /ايوا افضلو احسدو فيا لحد ما هيحصلي مصيبه جوه انا عارف
بودي جارد ٢ ضحك /لا يعم احنا مبنقرش ع حد
حمزه /واضح انكم مبتقروش.. بس ولا تزعلو نفسكم ليكو سهره ع حسابي ف اي مكان تحبوه..كلموني ف اي وقت نخرج
بودي جارد 1/تشكر ي برنس
حمزه دخل
بودي جارد ٢/شوف حتى بعد ما بقى غني ومعدش بيشتغل معانا عند المعلم . إنما لسه هو هو حمزه بتاع زمان
حمزه دخل الفرح وكان الاوتيل كبير والاغاني شغاله بصوت هادي و موجود في معازيم كتير بس العريس والعروسه لسه منزلوش
حمزه بيدور ب عينه ع المعلم
ولقاه
وراح له
حمزه سلم عليه /الف الف مبروك ي معلم سالم .. مبروك ل بنت حضرتك
المعلم سالم بفرحه /حمزه ي ابني.. اهلا اهلا وسهلا .. فرحت انك جيت.. مش انت كنت مشغول وقلت مش هعرف اجي؟

حمزه /هبقي قليل الاصل لو مجتش فرح بنت حضرتك .. متعرفش انت بالنسبه لي اي
سالم ابتسم /لاء عارف.. اقعد اقعد(سالم الدسوقي. عمره في الستينات.. اكبر تاجر قطع غيار سيارات في البلد.. واغناهم. عنده بنت واحدة بس وهي ال بتتجوز النهارده)
حمزه قعد جنبه
سالم /تشرب اي
حمزه /لا ولا حاجة دا هما ٥ دقايق وهمشي
سالم /لا لازم تشرب حاجة. عيب
حمزه /ال تشوفه ي معلم
سالم نده ع راجل البوفيه
و الجارسون راح لهم بسرعه
سالم /شوف المعلم حمزه يشرب اي
و فنفس الحظه جه راجل قال كلمة ف ودن المعلم سالم
والمعلم سالم اتوتر /اي؟
حمزه /في حاجة ي معلم؟
سالم /لا لامفيش حاجة. خليك انا راجعلك تاني
حمزه /تمام
وسالم مشي
الجارسون /تشرب اي ي معلم حمزه
حمزه /يعم معلم اي سيبك من الكلام دا و قولي.. المزز هنا اخبارها اي
الجارسون /اي ؟
حمزه /اه انت اطرش ولا مش سامع من الأغاني
الجارسون /اي؟
حمزه على صوته ع الاخر /بقولك المزز ال هنا أخبارها اي.. النسوان ياله عمرك ماسمعت عنهم ولا اى
وفجأة صوت الأغاني وقف ف نفس الوقت ال حمزه اتكلم في
كل المعازيم بصو ل حمزه
حمزة /احم
وبص ع ال متحكم ف الديجي والأغاني لقاه صاحبه اياد
(صاحبه ابتسم له بخبث وبعت له بوسه ف الهوا)
حمزه /ماشى ي إياد ي ابن ال ***
وبص ع الناس لقاها لسه بتبص له
حمزه المعازيم /اي ي جماعه نيتكم وحشة لي
وجاب برتقاله من الفاكهه ال موجودة ع طربيزه المعلم
حمزه /دا انا بقول ال برتقال ِمزز.. مش مسكر يعني. اسلكو شويه.
وبص ل اياد بحده
واياد ضحك ورجع شغل الأغاني تاني
والناس رجعت ترقص
حمزه /هنتقم منه بس مش فاضي دلوقتي
وعدل هدومه بثقه وبص ع البنات ال بتبص له ب إعجاب ف الفرح
(حمزه المنشاوي.. عنده ٣٠ سنه. وسيم جدا وجسمه رياضي.. شعره اسود وعينه سوده.. كان شغال مع المعلم سالم من وهو صغير. بس

close

دلوقتي كبر ف شغله وبقي لي ال بيزنس وال مصانع والشركات الخاصه بيه.)
في غرفه العروسه ال موجوده ف الاوتيل
العروسة قاعده ع السرير وحاوليها سالم ومامتها وصحابها
سالم بعصبيه /يعني اي عريسك مش جاي الفرح ؟ راح فين. الفرح شغال والمعازيم تحت وفي ناس مهمه جايه تحضر فرح بنت المعلم وصحافه وكله..دي فضيحه
العروسه عائشه بتوتر و دموع /معرفش ي بابي. معرفش.. بعتلي ماسدج قالي سامحيني مش هقدر اكمل. وقفل تليفونه بعدها
الام مسكت ايد عائشه /معلش ي حبيبتي هدي نفسك ي آش
سالم بعصبيه /مهو دا كله بسبب دلعك ليها ي هدي
هدي /وهو دا وقته ي سالم؟ وبعدين البنت زنبها اي. هتعرف منين انه ندل
سالم بنفس العصبيه /اه دا وقته. امال وقته امتى.. وبعدين مش بنتك ال مختاراه؟ و ف الاخر هرب الواطي.. ادي آخره مجايبك.. قعدتي تقولي عيزاه ي
بابي.. بحبه ي بابي. مناسب ليا ول مستوايا ي بابي.. ادي ال عاجبك اهو هرب.. مش عارف ازاي هنتصرف ف المصيبه دي. اناهتفضح
ومشي
عائشه بدموع /ونا زنبي اي ي مامي ف كل دا. انا كلمته العصر وقالي انه عند الحلاق. وكان الموضوع ماشى عادي. معرفش اي ممكن يخليه يهرب وميجيش يوم الفرح
الام حضنتها /متخافيش هنلاقي حل ان شاء الله
صاحبة عائشه (ديچا)مسكت ايدها /بس ي حبيبتي متعيطيش علشان خاطري
صاحبه عائشه التانيه (سما)/انا اصلا كنت عارفه انه واحد عديم المسؤوليه ي آش . هتلاقيه خاف من المسؤوليه وهرب.. لو شفته
هكسر دماغه علشان هو السبب ف دموعك
عند سالم
واقف ف طرقه الاوتيل راح جاي بتفكير وتوتر
حمزه كان بيدور عليه وشافه وراح له
حمزه /مالك ي معلم سالم.. مشيت فجأه لي.. وباين عليك متضايق من حاجة
سالم انتبه /احم. مفيش حاجة انا كويس
حمزه /لا اكيد في حاجة. هتخبي عني ي معلم؟ دا انت ال مربيني.. قولي لو في مشكلة ونا هحاول احلها معاك
سالم اتنهد /عريس بنتي عيشه
حمزه /ماله
سالم /هرب ومش جاي الفرح
حمزه /اي؟ هرب ازاي؟
سالم /المأذون والمعازيم مستنيين العريس والعروسة ينزلو علشان كتب الكتاب. بس بنتصل وبندور على الزفت كريم ال هيتجوز بنتي
ومفيش له أثر
حمزه /طب أهدي ان شاء الله هنلاقي حل
سالم /مش عارف اعمل اي. انا هتفضح ي حمزه. انت مش شايف كل الناس المهمه ال حواليك دي؟ انا عازم ناس شئ و شويات ف البلد وصحافه
.. رقبتي هتنحني قدامهم
حمزه /لا عاش ولا كان ال يقلل منك ي معلم. مش هسمح ل دا يحصل.. )وقال بدون تفكير( انا مستعد اتجوزها ف اللحظه دي لو حابب
سالم /اي؟
حمزه /متفهمنيش غلط . انا عايز اساعدك ب اي طريقه ف مشكلتك دي .. نص المعازيم هنا مشافوش ال عريس قبل كدا ف لو ظهرت
قدامهم ع اني العريس محدش هياخد باله.. ولو عايزني أطلقها تاني يوم انا موافق بس اهم حاجة راسك متنحنيش قدام حد

سالم /هتتجوز واحدة عمرك ما شفتها ف حياتك علشان بس تحل لي مشكلتي؟
سالم /انا عايز اردلك الجميل ال عملته معايا ب اي طريقه.. من ٢٠ سنه لما بيتنا ولع وحرق كل ال فيه. حتى اهلي ماتو هناك. مفضلش
الا انا عشان اهلي عرفو ينقذوني وماتو هما.. وقتها انت قابلتني ونا لوحدي وحكيتلك الحصل لي وانت ختني المصنع بتاعك وأكلتني وجبتلي
الدكتور وخت بالك مني وربتني.. لان معنديش قرايب ياخذوني.. واشتغلت معاك ف المصنع لحد ما كبرت بقى انا كمان عندي شغلي الخاص بيا وكمان خلتني اكمل تعليمي .. اعتبرتني ابنك. لولاك انا كنت هضيع .
كان زماني ف ملجأ ولا عيل صايع ف الشوارع .. ف بحاول اردلك جميلك ع قد ما اقدر
سالم حط ايده ع كتف حمزه وابتسم
سالم /طول عمرك ابن أصول ي حمزه. انا ال مربيك وبعتبرلك ابني .. ع بركة الله .. جميلك دا عمري ما هنساه.. انا واثق فيك وهسلمك بنتي الوحيدة
في غرفه عائشه
سالم طلع لها يقول لها الخبر
عائشه قامت بصدمه /اي؟ اي ال انت بتقوله دا ي بابي. عايزني اتجوز راجل من رجالتك؟ انا استحق اغني واحلى واحد ف العالم مش واحد شغال عندك. انا طبعا مش موافقه
سالم بحزن /انتي ليكي عين تتكلمي بعد ال حصل بسببك؟ ها؟ كسرتيني وحرجتيني قدام الناس بسبب عريسك الزفت ال هرب.. لولا حمزه جه قالي انا ممكن اتجوزها… كان زماني سيره ع كل لسان. وف الآخر جايه تتشرطي؟
عائشه بحزن دمعت /انا اسفه ي بابي. انت معاك حق. انا السبب ف كل دا.. بس مش تعاقبني لدرجة تجوزني واحد انا مبحبوش.
وعمري ما شفته ف حياتي. ولا هو شافني
سالم مسك ايدها /ي حبيبتي دا مش عقاب. دا حل مؤقت علشان الفضيحة.. الناس هيقولو عليكي اي لما يعرفو ان عريسك هرب؟ .. ف انتي و حمزه تتجوزو وبعدين هطلقك منه ع طول.. ونا واثق ف حمزة دا انا ال مربيه. ماشى؟
عائشه مسحت دموعها /ماشي
وامها مسكت ايدها وابتسمت بحزن
وعائشه بصت ل صحابها
ديچا /متخافيش ي حبيبتي. إن شاء الله كله هيبقى تمام
عائشه اتنهدت /ان شاء الله
سما /يلا ي آش علشان اعدلك الميكب ال باظ وتنزلي الفرح
(عائشه سالم الدسوقي… شعرها بني وعينها عسلي. و زي القمر عندها ٢٧ سنه. ال قريبين منها متعودين يقولو لها آش..هي البنت الوحيده ل بباها ومامتها علشان كدا متدلعه ومغروره شويه.. عندها صحبتين من الطفوله ديچا وسما.. وعائشه كانت لابسه فستان حلو اوي ابيض قصير
وب كم )
تحت في الفرح
المأذون و حمزه وسالم و عائشه بيكتبو الكتاب
واصحاب عائشه جنبها
وأم عائشه ماسكه ايدها ومبتسمه
المأذون /بارك الله لكما وبارك عليكما وجمع بينكما في خير… بالرفاء والبنين ان شاء الله
كل المعازيم صفقوا
سالم بص ل حمزة ب امتنان
سالم /الف الف مبروك
وسلم عليهم
والأم سلمت عليهم
صاحب حمزة (إياد) ال شغال (ديجي)واقف مصدوم
وقال ف الميكرفون وهو مصدوم وبيبص ل حمزه
إياد /يلا العريس والعروسة هيبدأو first dance ( الرقصه الاولي)
حمزه رفع له كتفه ب معنى (اهو ال حصل)
ووقفو ف مكان الرقص ورقصو سلوو ع اغنيه اجنبيه هاديه
عائشه بضيق /شيل ايدك من ع وسطى انت استحلتها
حمزه /انتي ليكي عين تتكلمي ي بت انتي
عائشه بصدمه /ينهارك اسود ؟بت؟ انا بت
حمزه /اه مالك مستغربه كدا لي.. وبعدين اي الرقصه الزفت ال احنا بنرقصها دي. ع اخر الزمن حمزه بيه المنشاوي يرقص سلوو
عائشه /انت عارف انت بتكلم مين؟ انا آش سالم الدسوقي. اكبر تاجر ف البلد. ف لم نفسك احسن لك

حمزه /انتي ال لمي نفسك واعرفي انتي بتكلمي مين. وبعدين اي الفستان ال انتي لبساه دا ؟فكرتك نازله البحر
عائشه /هاهاها.. دمك مش خفيف خالص. دا فستان معمول تحت ايد أكبر ديزاينر ف البلد
حمزه /اه علشان كدا نصب عليكي وعاملك الفستان بنص القماش.. فين بقى النص التاني.. اخر مره اشوفك لابسه قصير كدا تاني
عائشه بعصبيه /انت اتجننت ولا اى.. انت ازاي تكلمني كدا. بتقولي كدا بصفتك اي
حمزه /ششش عيب الناس بتتفرج علينا..
وابتسم للمعازيم
حمزه /بصفتي جوزك.. الختم ال ختمتي بيه ع القسيمة لسه موجود ع صباعك . لو نسيتي ابقى بصي عليه… وبعدين ابتسمي كدا.. في
مصور بيصورنا. هنقول أي ل عيالنا لما يشوفو ف الفديو مامي متعصبه ف ليله العمر
عائشه /عيال اي انت شكلك اتجننت رسمي.. بابي قالي هنتجوز فتره صغيره وتطلقني
حمزه /اي دا فعلا؟ انا اول مره اعرف. المعلم سالم مقاليش كدا خالص. حقيقي اتفاجئت
عائشه هتولع من الغيظ
عائشه بغضب /انت ا
حمزه /اي هتتحولي ولا اى ي عائشه
عائشه /اسمي آش
حمزه /يرحمكم الله… دا اسم وال عطستي.
عائشة /ي ربي هو اشمعنا دا ال اتجوزه من بين الموجودين
حمزه /هو انتي كنتي تطولي؟
عائشه /اه أطول ونص. انت متعرفش انا مين ولا اى
حمزه /يادي ام الغرور
حمزه بص ع بنت بتبص له ب أعجاب
و مبتسم لها
حمزه /مش شايفه البنات مصدومه ازاي من جوازي.. يتري حطمت قلب كام بنت من الموجودين.. ٦٠ مثلا
عند سالم و مراته
بيبصوا ع حمزه و عائشه
هدي /تفتكر ال عملناه دا صح؟
سالم /دا الصح ب عينه. مش هأمن ع بنتي الا مع حمزة. انا ال مربيه.. احسن من عريسها المتدلع التاني … وبعدين حمزه هيربي بنتك
من اول وجديد وغرورها ودلعها دا هينتهو.. علشان انا خلاص مبقتش قادر عليها
عند عائشه وحمزه
عائشه /٦٠ عفريت لما ياكلوك.. شايف نفسك ع اي.. مغرور
حمزه /لما انا مغرور انتي تبقى اي؟ دا انتي مناخيرك مش لاقيها علشان رفعاها للسما.. خطيبك ليه حق يسيبك ويهرب.. لو ينفع اهرب
كنت هربت انا كمان
عائشه بغضب وعصبيه /انت قليل الادب
حمزه /قلت اهدي ال عصبيه مش حلوه علشانك
وشاور ل صاحبه ينجز
(الديجي)إياد هز راسه بموافقة
إياد /ال first dance خلصت العريس والعروسة يقدروا يرتاحوا
عائشه بعدت عنه /اوعي كدا
حمزه /والله ل اوريكي
عائشه /انا مبتهددش
وراحت قعدت ع الكوشه
وحمزه راح قعد جنبها
عند إياد
بيكلم صاحبه التاني(جاسر)
إياد /يعم بقولك حمزه اتجوز النهارده…. انا نفسي مصدوم.. تعالي بسرعه وشوف بنفسك..
عند حمزه و عائشه قاعدين
و المعازيم بيسلموا عليهم
في بنت راحت تسلم عليهم
البنت سلمت ع عائشه /الف مبروك ي آش
عائشه /الله يبارك فيكي
وسلمت ع حمزه وابتسمت /الف مبروك
حمزه ابتسم لها /الله يبارك فيكي.. احب اُبدي إعجابي بشياكتك النهارده
عائشه باصه لهم ب قرف
البنت ابتسمت /اوه ميرسي. وانت كمان شيك اوي. وجديد عليا اشوف عريس مش لابس بدله ولابس قميص اسود وبنطلون اسود.. بس
شكلك حلو اوي
حمزه /معلش بقى.. مكنتش عامل حسابي اني هتجوز النهارده
البنت /اي؟
عائشه خبطته ف جنبه
حمزه /اااه. اقصد حبيت ابقى عريس مميز يعني وكدا
البنت ابتسمت /اوك عن اذنكم
ومشيت
حمزه /لو مكنتش اتجوزت النهارده كان زماني شاقط ٥ .٦ على الاقل.. ي خساره
عائشه /ما تحترم نفسك بقى في اي انا ساكته لك من بدري
حمزه /انتي ال فيه اي؟ غيرانه من البنات لي
عائشه ضحكت بسخريه
وحمزة اول مره يشوف ضحكتها وابتسم
عائشه /مين دي ال تغيير.. انا آش ي ابني. اتعرض عليا ادخل مسابقه ملكه جمال مصر بس رفضت
حمزه /اه رفضتي لي بقى. جدولك كان مليان ولا اى
عائشه اتنفست بغضب/يارب الصبر
وديچا راحت لهم
ديچا /المعازيم بتتفرج عليكم. اضحكو شويه
حمزه /هي سيبالي فرصه ابتسم حتى ي..( وابتسم ) وانتي اسمك اي
ديچا سلمت عليه /ديچا
حمزه /ونا حمزه.. عاشت الاسامي. هو الفرح كله قمرات كدا. لا انا كدا هيجلي سكته قلبيه
عائشه /يارب.. علشان اخلص منك …وبعدين ال بتعاكسها دي البيست فريند بتاعتي.. اهدي كدا
سالم شاور ل حمزه
وحمزة راح له
عائشه /مستفز
ديچا مسكت ايدها /حاولي تهدي.. تمام؟ انا مقدره ال انتي في بس بإذن الله كله هيعدي
عائشه اتنهدت /يارب
(ديچا سليمان .. عندها ٢٧ سنه. شعرها بني وعينها بني. صاحبه عائشه وسما من الطفوله.. طبعها هادي جدا وعاقله.. غير عائشه وسما)
سما ماشيه وبعدين خبطت ف حمزه غصب عنها
سما /اسفه جدا مكنش قصدي
حمزه /انا ال اسف مخدتش بالي
سما ابتسمت /اه انت ال عريس
حمزه /مع الأسف
سما بابتسامه /انا سما. البيست فريند ل آش
حمزه سلم عليها /ونا حمزه.. هي الشله كلها حلوة وال اى
سما ضحكت /تقريبا.
حمزه /انتو صحاب من زمان؟
سما /اه انا وآش وديجا صحاب من الطفوله
حمزه /انا برضو عندي ٢ صحاب
جاسر مش موجود دلوقتي. واياد ال متخلف ال هناك دا
وشاور ع إياد ال واقف عند الديجي وبيرقص مع الأغاني
سما بصت ع إياد وابتسمت /حرام عليك دا متخلف؟ دا so cute
حمزه /إياد بقى كيوت؟ الله يرحم …. عن اذنك ي سما هروح لل معلم سالم علشان بيندهلي
سما /اه طبعا اتفضل
ومشي
(سما الأحمدي.. ٢٧ سنه.. شعرها اسود وعينها سودا.. صاحبه عائشه وديچا زي ما قلت لكم قبل كدا)
سما راحت ل ديچا و عائشه الكوشه وقعدت جنبهم
سما /جوزك دا دمه خفيف وزي ال قمر. لسه متعرفه عليه من شويه
عائشه /حتى انتي؟ انا مش فاهمه لي كلكم شايفينه ملك جمال العالم.. دا مغرور ومستفز.. احلى حاجه اننا هنتطلق ع طول بعد ما الأمور تهدي

سما /اييي؟ تبقى غبيه ولو ضيعتيه من ايدك… شايفه كل البنات ال حواليكي دي. هيموتو عليه.. ولو حد منهم عرف انك ناويه تطلقي..
هينقضو عليه زي الفريسه
عائشه /يشبعو بيه ونا مالي
سما بصت ل ديچا /عرفيها مصلحتها . دي هبله
ديچا /آش تعمل ال هي شيفاه صح.. دي حياتها وهي ال تقرر ال مناسب ليها. بس انا شايفه انه احسن من خطيبك التاني.. مكنتش بعتبره
من صنف الرجاله اصال
سما /completely( تماماً)
حمزه راح لهم
ديچا قامت /يلا ي سما نسيبهم لوحدهم
حمزه /لي ما انتو قاعدين
سما /معلش بقى انتو عرسان لازم نسيبكم لوحدكم
وديچا مشيت و سما كانت هتروح وراها
حمزه /لو مفهاش رخامه ي سما .. ممكن الشال بتاعك.. لو مش محتاجه يعني
سما كانت شايله شال ع دراعها
سما / لا خده انا كدا كدا مش محتاجاه
حمزه خده و ابتسم /شكرا
ومشيت
وحمزه حط الشال ع رجل عائشه ال باينه بسبب قصر الفستان
عائشه /انت بتعمل اي
حمزه بجديه /ال حجات القرف القصيره ال انتي متعوده تلبسيها دي انسيها. من هنا ورايح لبس طويل
عائشه بغضب /انت ب اي حق تقولي البس اي وملبسش اي
حمزه /هو ال هنعيده هنزيده. ما قلنا جوزك. مش مقتنعه لسه ولا اى.. هقنعك لما نروح بيتنا ونبقى لوحدنا
عائشه خبطته ف صدره /احترم نفسك
حمزه /اااه.. ايدك ال ضربت الضربه دي؟ مش باين عليكي أنك قادره كدا
عائشه /اديك عرفت
حمزه /الواد مهربش منك من قليل.. مكنتش اعرف ان في سواد هيدخل عليا اول ما عملت نفسي شهم
عائشه /اتنيل .. انت تطول اصلا تتجوزني
هدي (الام) واقفه جنب ديچا وبيبصو ع حمزه وعائشه من بعيد
هدي/هما بيتخانقو؟
ديچا /عائشه متوتره وعصبيه اوي النهارده. هي طول عمرها عصبيه بس النهارده ب زياده.. اي حد مكانها كان هيعمل كدا واكتر
هدي /كنا هنعمل اي يعني ي ديچا.. اضطرينا نجوزها واحد سالم بيثق فيه. علشان الأمور تمشي.. بس انا الحمد لله مرتاحه للولد دا
معرفش لي مع اني اول مرة اعرفه واشوفه النهارده .
ديچا /ربنا يستر
عند سما
راحت ل إياد ال حاطط السماعه وواقف عند الديجي
سما ب ابتسامه /هااي
اياد خلع ال سماعه وبص
وراه وبعدين بصلها
إياد ب استغراب /انا!
سما /اه انت. مستغرب لي
إياد ابتسم /احم.. يعني اعزريني اول مره بنت حلوه تعبرني.
سما /انا سما صاحبه عائشه العروسه. حمزه قالي انك صاحبه
إياد /اه مظبوط. صحاب من زمان احنا و جاسر .
سما/طب مجتش تسلم عليهم ف الكوشه لي
إياد /مشغول هنا ف الديجي. دا شغلي.. وكمان عندي استديو صغير. يعني المغنين بيجو يسجلو فيه
سما بحماس /واااو
اياد /واو فعال
سما /في ناس مشهور بتيجي تسجل عندك
إياد /احيانا
سما /طب please خدني ف مره معاك
إياد /ياااه َاول مرة حد يقولي بليز
سما /هتاخدني؟
إياد /مش هتخافي اخدك و اشربك حاجة اصفره وكدا زي ما بيحصل في المسلسلات؟
سما /No مش خايفه علشان انا اهلي ناس واصله ولو فكرت تأذيني هيقطعو راسك
إياد بصدمه /اي التهديد الغريب دا
سما /سيبك انت من الكلام دا. واضح انك شاطر ف شغلك. بتعرف تختار الأغاني لاء كمان بتهدي الصوت بطريقه جميله.. َاي حد يقدر يتكلم مع التاني من غير ما يعلي صوته اوي
إياد ابتسم /شكرا ع المجامله الحلوه دي
سما ابتسمت
(إياد عبد الرحمن عنده ٢٩ سنه شعره بني وعينه عسلي. هو وحمزه وجاسر (لسه هنتعرف عليه) صحاب من زمان.. شغال ديجي ف
أفراح و عنده استديو خاص بيه
إياد /تحبي اعلمك ع الديجي ؟
سما بفرحه /ياريت
إياد بيشرح لها ازاي بنشغل اغنيه
إياد /ومن هنا بنعلي الصوت. وهنا بنوطي.. يلا جربي
سما ابتسمت /اشغل الاغنيه ع مزاجي
اياد /ايوا
سما /اوك
وداست ع زرار غصب عنها واشتغل اغنيه محمد هنيدي..) انتي ال طلبتي تطلقي ااااه… وتسيبي بيتك وتفلقي. ااااه (
المعازيم بصو لهم
oh my God/ سما
إياد قفل الاغنيه بسرعه /الله يخربيتك
عند حمزه /اعتبرها اشاره يعني ولا ايه

يتبع….

في الاوتيل ليلا.. الفرح لسه مستمر
وحمزة و عائشه قاعدين ف الكوشه
إياد راح لهم وسلم علي حمزه
إياد /الف مبروك ي ندل.. اتجوزت من ورانا.. يعني لو مكنتش انا ال مستلم الديجي مكنتش عرفت
حمزه /هبقي افهمك بعدين
إياد سلم ع عائشه /انا إياد صاحب حمزة
عائشه سلمت عليه /ونا عائشه
إياد /اهلا بيكي
حمزه /كلمت جاسر؟
إياد /اتصلت بيه وزمانه وصل الفرح
عند جاسر
دخل الفرح
جاسر /اكيد إياد بيعمل فيا مقلب.. حمزه اي ال بيتجوز النهارده… دا آخر واحد ممكن يفكر ف الجواز
وبص حواليه مش لاقي الكوشه علشان الاوتيل كبير
وهو بيبص حواليه عينه وقعت ع واحدة زي القمر لدرجه انه وقف مكانه فضل مبحلق فيها
إياد شافه وراح له
إياد /اتاخرت لي يعم.. تعالي سلم ع ال زوز علشان تصدق انه اتجوز النهاردة.. انت مبتردش لي يخربيتك
جاسر فاضل باصص ع البنت ومبتسم
إياد بص ع المكان ال جاسر بيبص عليه لقاه بيبص ع ديچا
إياد /انت جاي تشقط بنات ي سافل ولا جاي فرح صاحبك؟
جاسر انتبه /بتقول اي؟
إياد /بقول اول مره تشوف بنات حلوه؟ ما انت ع طول بتشوفهم ف اي حته.. ولا هو اي جشع وخلاص
جاسر مسكة من هدومه /احترم نفسك علشان مش اقل منك قدام الناس ي كلب
إياد /سبب هدومي الله يخربيتك برستيجي قدام الناس
جاسر سابه /طب لم نفسك
إياد عدل هدومه /بقى كدا؟ وانا ال كنت هعملك خدمة واقولك مين البنت ال مبحلق فيها دي
جاسر ابتسم /بجد؟ مين؟ اسمها اي
إياد /لا مش هقول الا لما تعتذر
جاسر كان هيضربه
إياد ضحك بسرعه /خلاص خلاص هقول
جاسر /ها
إياد/ تقريبا صاحبه عائشه.. ال اتجوزت حمزه…تعالي بقى اخدك ل حمزه
جاسر /لا اتكل ع الله انت. انا هعرف مكان حمزه واجيلك
إياد /طيب متعوقش علشان بتوحشني
جاسر /يلا ي وسخ من هنا
إياد ضحك ومشي
وجاسر بص ل ديچا وابتسم وراح لها
جاسر /احم… بعد اذنك
ديچا /اتفضل
جاسر /هو فرح مين دا.
ديچا /وانت بتدخل اي فرح كدا وانت مش عارف مين العريس والعروسة؟
جاسر /اكيد مش هعمل كدا علشان الجاتو والاوبن بوفيه… انا بس عايز اتأكد
ديچا/فرح عائشه وحمزة
جاسر /فعلا؟ دا حمزه صحبي ومقليش عن حاجة زي دي
ديچا /اه فعلا الموضوع حصل بسرعه… طالما انتو صحاب هيحكيلك
جاسر /اه صحاب .. طب معلش هتعبك معايا انا معرفش فين مكان حمزه و مراته.. ممكن تقولي لي هو فين؟
ديچا /اوك اتفضل معايا
ومشيو سوا
جاسر فرح علشان قدر يكلمها
جاسر /احم. انا جاسر بالمناسبة. صاحب حمزه زي ما قلت لك من شويه .
ديچا /ونا ديچا. صاحبه عائشه العروسة برضو
جاسر ابتسم /اهلا وسهلا
ووصلو الكوشه وشاف حمزه وهو قاعد جنب عائشه
حمزه /اهلا ي اخويا.. اتاخرت لي
جاسر بصدمه /لاء.. طول عمرها اسمها عجائب الدنيا السبعه.. بقو ٨ امتى.. بتتجوز ي حمزة؟
اياد/لا ومن ورانا
حمزه /ي جماعه اقسم بالله انا متجوز من ورايا انا كمان… لسه مش مقتنع لحد دلوقتي
(جاسر محمد.. ٣٠ سنة. شعره بني وعينه عسلي. صاحب إياد وحمزه من زمان. وهما ال ٣ اكتر من اخوات )
بعد شويه في واحد زميل عائشه راح يبارك لهم
الشاب /الف الف مبروك ي آش بجد فرحت لك
عائشه ابتسمت بخبث واستغلت الفرصه علشان تدايق حمزه
عائشه سلمت عليه /ميرسي ي أحمد بجد thank you
احمد ابتسم/مشاء الله شكلك حلو اوي النهارده.. مع ان طول عمرك حلوه
عائشه ابتسمت /ميرسي اوي
حمزه /ونا كيس جوافه عادي ف النص.. مين ال بني آدم دا
احمد سلم عليه /الف مبروك
حمزه /الله يبارك فيك ي اخويا.. روح كل جاتو بيوزعو هناك اهم
عائشه بصوت واطي /عامل معارفي باحترام شويه
احمد /طب عن اذنكم انا
ومشي
عائشه /ممكن اعرف اي ال مدايقك. انا حره
حمزه /جيبالي واحد بيسلم عليكي وبيبص لك ب إعجاب ونا قاعد عادي كدا. مين دا اصلا
عائشه رجعت شعرها ل ورا بثقه /كان زميلي ف الجامعه.. بس مقلكش بقى.. كان هيموت ويتجوزني
حمزه /مهو مفكرك بريئه. مشافش الوش التاني.
وحمزة و عائشه بيتكلمو جاسر كان بيبص ل ديچا ومبتسم ومش عارف ينزل عينه من عليها
وديچا بصت له باستغراب بمعنى ماله دا في اي.
الفرح خلص والمعازيم كلهم مشيو
قدام الفندق
واقفين سالم وهدى و حمزه وعائشه و ديچا و سما و إياد و جاسر
والعربيات جاهزه علشان يركبو فيها
سالم واقف مع حمزه ع جنب
سالم /خلي بالك منها ي ابني علشان خاطري. مش هوصيك عليها
حمزه /مش محتاج توصيني ي معلم سالم .. متخافش عليها
سالم /هي عنيده شويه وعصبيه وحنا مدلعينها بزياده بصراحه. علشان هي بنتنا الوحيده. ونا طول عمري مبقدرش عليها وعلى ِعٍندها.
بس صدقني قلبها طيب. ف استحملها الفتره دي لحد ما تطلقو.

حمزه /من ناحيه انها طيبه ف مظنش ي معلم سالم.. بس حاضر هي ف عنيا متخافش عليها
سالم ضحك
سالم /بس بلاش تطلقها ع طول. علشان كلام الناس وانت عارف
حمزه /لا متقلقش مش هطلقها غير لما انت تقولي طلقها
سالم ابتسم /تمام
عند عائشه
عائشه /انتو بتهزروا ي مامي؟ عايزني اروح معاه بيته ليه؟ محنا خلاص اتجوزنا قدام الناس. كل واحد يروح بيته بقى
هدي /مينفعش ي آش. في ناس هتيجي تبارك لكم ف الصباحيه. عيزاهم يقولو اي
عائشه /ي مامي دا بيتحكم فيا من دلوقتي.. بيقولي الفستان قصير واخر مره اشوفك لابسه كدا وكلام فارغ
هدي ابتسمت /طيب حلو اوي.. طلع راجل و غيور.. مش احسن من خطيبك التاني ال مكنش عنده ريحته الرجوله
عند جاسر و إياد مراقبين ال بيحصل ف هدوء
اياد /دا الموضوع ملعبك ع الاخر
جاسر /تقريبا كدا
حمزه وسالم راحو لهم
سالم /يلا ي حبيبتي روحي مع جوزك
عائشه /محدش يقول عليه جوزي علشان بتعصب
سالم /عائشه. استهدي بالله ويلا..
عايزه الناس يقولو علينا اي لما مش يلاقوكي ف بيت جوزك تاني يوم؟
عائشه /اوك ي بابي.. هعمل كل ال انتو عايزينه علشان ترتاحوا.. طالما كلام الناس فارق معاكم كدا.ونا مش فارقه معاكم
وفتحت باب عربيه حمزه وركبت
هدي /ي حبيبتي ا
سالم بمقاطعه /سيبيها ي هدي
هدي /هنسيبها تمشي زعلانه مننا؟
سالم /هنسيبها تهدي ونروح لها بكره
حمزه /عن اذنكم هنمشي
سالم /مع السلامة ي ابني
حمزه شاور ل جاسر و إياد
حمزه /سلام
جاسر /مع السلامة
حمزة ركب العربيه جنب عائشه
سما بصت ل عائشه من الشباك
سما /هنجيلك بكرة متقلقيش
عائشه هزت راسها بموافقة
وحمزة ساق ومشيو
وسالم ابتسم
ديچا وقفت جنبه وربعت ايدها وابتسمت
ديچا /مش عارفه لي ي اونكل حاسه انك مبسوط من كل ال حصل دا
سالم ابتسم /بصراحة آه.. فرحت اوي لما عائشه اتجوزت حمزه. كدا هبقي مطمن عليها اكتر معاه..مع ان حمزه وعائشه اول مره يشوفو بعض كان النهارده. فعلا كل حاجة وحشة فيها خير
ديچا ابتسمت
سالم/انا وهدي هنمشي هتيجو نوصلكم؟
ديچا /لا ي اونكل متقلقش معانا ال عربيه
هدى /مع السلامه ي حبايبي
سما و ديچا /مع السلامه
وسالم و هدي ركبو عربيتهم ومشيو
تبقى سما و إياد وديچا و جاسر
سما ل إياد /انت وعدتني هتاخدني الاستوديو بتاعك
إياد ابتسم /من عنيا
سما ابتسمت
عند جاسر
جاسر /تحبي اوصلك
ديچا /شكرا معايا عربيتي.. وبعدين مش هثق فيك ونا عرفاك من نص ساعة يعني
جاسر ضحك /صح انا بالغت شويه
ديچا ابتسمت /باي
جاسر /باي
سما ل ديچا/وصليني بقى علشان السواق مجبليش عربيتي النهارده
ديچا/اوك يلا
وركبو العربيه ومشيوا
وفضل إياد وجاسر
إياد /سحرتني ولا سحرتلي.
جاسر /عايز اي يلا
إياد /انت حبيتها من اول نظره؟
جاسر /مين قال الكلام دا
إياد /انت هتستعبط؟ طول الفرح عمال تبص لها وتبتسم ومنزلتش عينك من عليها.. اي اول مره تشوف بنات حلوة؟
إياد ابتسم /الغريبه ان مش اول مرة اشوف بنات حلوه بس معرفش هي عملت فيها أي من اول ما شفتها ونا بقيت واحد تاني ومش ع بعضي
اياد /طب يلا نمشي ي حنين
جاسر /يلا
وركبو العربيه ومشيو
في عربيه حمزة
سايق و عائشه جنبه
عائشه /بعد ما الناس ال جايه تبارك لنا بكره تمشي.. تطلقني بعدها ع طول
حمزه وهو مركز ف الطريق /يعيني ي حبيبتي. انتي فاكره هتطلقك بكره بجد؟
عائشه بغضب /مش دا اتفاقنا؟
حمزه بصلها /انا متفقتش معاكي ع حاجة.. لما يجي المعلم سالم يقولي طلقها هعمل كدا فورا
عائشه بعصبيه /حمزه متستفزنيش .. انت جايب البرود دا منين
حمزه ابتسمت /ياااه اول مره احب اسمي كدا
عائشه /وهتبقى اخر مره ان شاء الله
حمزه /هدي نفسك قلت لك قبل كدا ١٠٠ مره العصبيه مش حلوه علشانك
عائشه /لي أن شاء الله هو انا حامل؟
حمزه /قولي يارب
عائشه بغيظ مسكت ايده وعضته بكل غيظها
حمزه صرخ/اااااه يبنت المجانين
عائشه سابت ايده واتنفست بهدوء
عائشه /الحمد الله بقيت احسن
حمزه مسك ايده /انتي بتاكلي اللحم البشري؟ انتي اتجننتي؟
عائشه /انت ال استفزتني
حمزه وقف العربيه بعد ما وصلو
حمزه /طب يلا اتزفتي انزلي.. وصلنا
عائشه رفعت صباعها بتحذير /اتكلم معايا باحترام. انا بحزرك
حمزه /انا كدا خفت يعني ؟
عائشه نزلت من العربيه بغضب
وحمزة نزل
وعائشه رزعت الباب بقوه
حمزه /بالراحة العربيه غاليه.. مش فلوس حرام هي
عائشه/ فعلا؟
حمزه /فعلا.
عائشه فتحت الباب ورزعته تاني بقوه
حمزه بغيظ/طب اصبري.. ان ما ربيتك من اول و جديد
عائشه /لا ي حبيبي انا متربيه ف بيت اهلي كويس اوي
حمزه /طب ماشي
وحمزة فتح باب الفيلا
ودخلو
وحمزة شغل النور ال كان مطفي
و عائشه بصت حواليها وعجبها استايل الڨيلا.. نفس زوقها بالضبط
حمزه قفل الباب
حمزه /ها اي رايك ف الڨيلا.. عجبتك
عائشه /بشعه
حمزة /نظره الإعجاب ال ف عنيكي بتقول غير كدا
عائشه /
حمزه /انتي جعانه ؟اطلب لك اكل من بره
عائشه /لا شكرا
حمزه /لي دا انتي تلاقيكي هفتانه.. من اول يوم بتجهزي نفسك و الميكب وبتاع. وف الآخر عريسك طفش. ف اكيد بعد اليوم الشاق دا
هتجوعي
عائشه غمضت عينها بغضب /قولي اوضتي فين علشان مرتكبش جنايه دلوقتي حالا
حمزة /فوق تاني اوضه على الشمال.. اوضتنا
عائشه /دا ف أحلامك ان شاء الله. قال اوضتنا قال
وطلعت الاوضه وحمزة راح وراها
عائشه دخلت اوضه حمزه /انا هنام هنا.. لوحدي
حمزه سند ع الباب وابتسم /طب يصح برضو الكلام دا؟ انتي ف مكان وجوزك ف مكان تاني؟ والله عيب
عائشه / حمزه امشي من وشي
حمزه /طب دي اوضتي ع فكره َانا هنام فين
عائشه /ف اي زفت اوضه تانيه
وقفلت الباب ف وشه
حمزه من ورا الباب /طب اوك.. انا هسيبك تدلعي النهارده علشان أنا مقدر ال انتي فيه.. بس حركاتك دي لو اتعملت معايا تاني.. هيبقى ليا تصرف تاني
عائشه من ورا الباب /ماخفتش ع فكره
حمزه /طب انا طلبت اكل لو عايزه تاكلي انزلي
عائشه بكذب /قلت لك مش عايزه منك حاجة.. مش جعانه
حمزه /طيب انتي ال خسرانه
ومشي
وعائشه فضلت واقفه ثواني لما اتأكدت انه مشي
راحت قعدت ع السرير
عائشه /كائن مستفز
واتنهدت وبصت على ايدها لقتها لابسه دبله خطيبها القديم
خلعت الدبله ورمتها ع الأرض
ديچا وسما رنو عليها مكالمه جماعيه
عائشه /الو
ديچا /انتي كويسه؟
عائشه بعصبيه /لا مش زفت كويسه.. انا الكائن ال معايا دا معصبني.. مستفز ل ابعد درجة
سما /والله العظيم انتي ظلماه.. دا زي القمر و شيك و دمه خفيف
عائشه /كنتي اتجوزيه طالما عاجبك كدا
سما /لا عيب دا ف مقام جوز اختي.
ديچا/انتي عارفه ي آش انه وضع مؤقت.. استحملي شويه لحد ما نشوف هيحصل ايه
سما /تفتكري اونكل هيعمل اي لما يلاقي كريم (خطيبها القديم)دا هيخرب الدنيا لو لقاه

ديچا /انا رأيي يستاهل… اوعي يكون لسه كريم فارق معاكي ي آش
عائشه /لا طبعا.. انا دلوقتي بكرهه. هو السبب ف كل ال بيحصلي. و زعل بابي و خوفه من الفضيحه. انا اصلا قبلت اتجوزه علشان مناسب ليا وبس .مكنتش بحبه وانتو عارفين .كان مجرد اعجاب
ديچا/تمام ي حبيبتي .. حاولي ترتاحي انتي تعبتي اوي النهارده
عائشه /اوك هاتولي هدومي معاكم من البيت .. مش عارفه اغير الفستان دا
سما /حاضر. عايزه حاجة تانيه؟
عائشه /لا شكرا
وقفلو الخط
عائشه /طب انا دلوقتي جعانه.. اعمل اي… مهو قالك هطلب لك اكل. لازم تعملي نفسك جامده اوي وتقولي مش عايزه اكل
وطلعت من الغرفه براحه ونزلت ع السلم ملقتش حمزة
عائشه /شكله نام.
ودخلت المضبخ
عائشه /طب انا هاكل اي دلوقتي؟
وبصت ع الطربيزه لقت علبه بيتزا ومكتوب عليها ورقه
و قرأتها
حمزه /عارف انك جعانه و بتكابري. اتفضلي ي ستي بيتزا اهي يكشي يطمر…… حمزه
عائشه /مبيعرفش يكمل حاجة حلوه للآخر
و ابتسمت
وفتحت العلبه وبدأت تاكل
في اليوم التالي
حمزه بيخبط جامد ع اوضته ال موجود فيها عائشه
عائشه فتحت الباب بعصبيه
عائشه /اي في اي الدنيا طارت؟
حمزه بصلها من فوق ل تحت وكانت لابسة قميص من بتاعه و وواصل لها ل فوق الركبه و لامه شعرها كعكة عشوائيه وكان شكلها حلو اوي
حمزه لف الناحية التانيه بسرعه وعض ع ايده
حمزة /الله يخربيتك هستحمل حلاوت امك دي ازاي.. ااااه
عائشه /قلت حاجة؟
حمزه لف لها /لا ابدا مفيش
عائشه /احم.. سوري يعني اني لبست قميصك بس ممعيش هدوم وكان لازم اغير الفستان
حمزه سند ع الباب /فداكي الدولاب كله عادي.. بس يعني مش كنتي تناديني اساعدك تخلعي الفستان
عائشه بغضب خبطته ف رجلة /ما تلم نفسك
حمزه بوجع /ي بنت ال
عائشه /علشان تبطل قله ادب
حمزة /طب اخلصي انا عايز افطر. اعملي لي فطار
عائشه /لي أن شاء الله اتشليت؟ ما تعمل ل نفسك…وبعدين ما انت عايش لوحدك. مين كان بيعملك اكل
حمزه /كنت بعمل ل نفسي بس طالما انا اتجوزت هتعب نفسي لي
عائشه /لي حد قالك اني الخدامه ال فلبينيه بتاعتك
حمزه /اااه قولي كدا.. انتي فاشله ف عمل الاكل.. علشان كدا بتتهربي
عائشه /حد قالك اني مبعرفش اعمل فطار؟ بعرف طبعا
حمزه /فعلا؟ فرجيني كدا
عائشه نزلت المطبخ وحمزة راح وراها
عائشه دخلت المطبخ وقالت بصوت واطي /هعمل اي دلوقتي انا عمري ما دخلت مضبخ قبل كدا… اوووف
وبصت حواليها بحيره
حمزه /ي نهارك اسود. يعني حتى الفطار مبتعرفيش تعمليه؟ ما قولتيش لي قبل ما امضي ع قسيمه الجواز.. كنت هربت زي ما خطيبك التاني هرب
عائشه بعصبيه /حمزة.. بطل تستفزني
حمزه بغضب /انتي غلطاتك بتكتر معايا متخلنيش اتصرف معاكي تصرف تاني.. وبعد كدا وطي صوتك وانتي بتكلميني
عائشه بغضب /متقدرش تعمل حاجة. انت اخرك كلام وبس. وهعلي صوتي زي ما انا عايزه
حمزة بعصبيه /عائشه
عائشه /اي عائشه اي.. كدا خفت يعني

يتبع….

في فيلا حمزة صباحا
في المضبخ
حمزة بغضب/انتي غلطاتك بتكتر معايا متخلنيش اتصرف معاكي تصرف تاني.. وبعد كدا وطي صوتك وانتي بتكلميني
عائشه بغضب /متقدرش تعمل حاجة انت اخرك كلام وبس. وهعلي صوتي زي ما انا عايزه
حمزه بعصبيه /عائشه
عائشه /اي عائشه اي.. كدا خفت يعني
والجرز رن
حمزه/طب اطلعي الزفت الاوضه لحد ما اشوف مين
عائشه /ونا اسمع كلامك لي أن شاء الله.بصفتك اي. مش مضطره ع فكره
حمزه قرب منها بغضب /بلاش اخليكي تضطري.. اطلعي احسن لك بالزوق
عائشه طلعت الاوضه بغيظ
وحمزة راح يفتح الباب
وكانو سالم وهدى وسما و ديچا
سما /هاااي
هدي /ازيك ي ابني
حمزه ابتسم /اهلا وسهلا اتفضلو
سالم /يزيد فضلك
ودخلو
حمزه /حضرتك عامل اي معلم سالم
سالم /بخير ي ابني والله.. انتو عاملين اي
هدي/ فين آش؟
حمزه/في اوضتها فوق.. اتفضلو اطلعو لها
ديچا /اوك هنوديلها هدومها
وهدى وديچا وسما طلعو لها
حمزه /اتفضل اقعد ي معلم سالم
سالم قعد وحمزه قعد جنبه
حمزه /حضرتك عامل اي
سالم /بخير ي ابني والله.. قولي انت بس. عائشه عامله معاك اي
حمزه اتنهد /كويسه الحمد الله متقلقش
سالم /واضح انها معزباك.. مش عايز اشيلك فوق طاقتك ي ابني. لو عايز تطلقها علي طول براحتك. بس انا قلت يعني نستنى شويه
علشان كلام الناس
حمزه /عيب متقولش كده ي معلم سالم . انا هعمل كل ال تطلبه مني من غير ما ا ِمل ولا ازهق.. وعائشه ف عنيا و هخلي بالي منها طول فتره جاوزنا متقلقش عليها. هي آه تعباني من اول يوم بس هنعمل ايه
حمزه ضحك /معلش.. إن شاء الله عائشه هتهدي وكل دا هيعدي
حمزه /ان شاء الله
في غرفه حمزه
عائشة راحه جايه بعصبيه /مستفز.. وبيعصبني. وبيتحكم فيا.. ومش قادره اتحمل القعده معاه ف بيت واحد
ديچا /حصل أي لكل دا ي آش بس
عائشه /انا عايزه اتطلق
هدي /عايزه الناس يقولو علينا اي لما تطلقي ف الصباحيه… اعقلي كدا ي حبيبتي الناس جايه تبارك لك كمان كام ساعه ع الجواز ..
وبعدين كلها كام اسبوع وتطلقو
ديچا /انا رأيي من رأى طنط
عائشه بصدمه /كام اسبوع اي انتو بتهزوا ؟ انا مش طيقاه يومين ع بعض
سما ابتسمت /لي ي آش ما انتو لايقين ع بعض و قمرات وانتي لابسة قميصه والدنيا حلوه اهي
عائشه /والنبي انتي رايقه.
هدي ضحكت
هدي بصت حواليها /و زوقه نفس زوقك اهو مشاء الله. زي ما يكون انتي ال مجهزة الفيلا دي
ديچا /انا برضو لاحظت كدا.
عائشه /افضلو امدحو فيه قدامي وعصبوني زياده
هدي/لاء بصراحه ي آش الواد زي الفل ..يعني حلاوه و شياكه وأدب. و بباكي بيقول انه عنده شركاته الخاصه بيه ال عملها لوحده و بمجهوده..وبباكي ال مربيه و بيعتبره ابنه..ف خلينا نقول الحق برضو الواد مش وحش
سما/شفتي؟ اهو راي هدهد زي رأيي اهو
عائشه بغضب/ انا داخله اغير هدومي احسن
ودخلت الدريسنج
وبعد شويه نزلو الصالون ال فيه سالم و حمزه بعد ما عائشه غيرت هدومها
عائشه /ازيك ي بابي
وسلمت عليه
سالم /الحمد الله ي حبيبه ابوكي.. انتي عامله اي
عائشه /كويسه
ديچا/عن اذنكم انا همشي علشان ورايا شغل مهم.. عايزه حاجة ي آش؟
عائشه /ليه خليكي شويه
ديچا/معلش. كلموني من الشغل ضروري
سما /خديني معاكي ..يلا باي ي آش
عائشه /باي
حمزه /ابقى تعالو ديما بقى.. علشان عائشه لما تتهبل تبقو تهدوها
سما ضحكت /اوك.. عن اذنكم
سالم /مع السلامه ي حبايبي
ومشيو
وسالم وهدى و حمزه و عائشه قعدوا
عائشه /انا عايزه اعرف هنفضل مستمرين ف الوضع دا لحد امتى.. انا عايزه اتطلق
حمزة /هي بقت لبانه ف بوقك عايزه اطلق عايزه اطلق.. ما قلنا مفيش طلاق دلوقتي

عائشه بعصبيه /انت اصلا مين قالك تدخل.. شايف ي بابي بيكلمني ازاي ؟
سالم /عيب ي عائشه اتكلمي مع جوزك بصوت واطي
عائشه /برضو هيقولو لي جوزك. انتو عايزين تجننوني
هدي علشان تهدي الوضع /ع فكره قرايبنا كلهم جايين يباركو لكم العصر.. عماتك اخوات بباكي. وطبعا محتاجين يتغدو.. ف أنا رأيي تجهزوا من دلوقتي
عائشه بصدمه /اي؟ مين هيضبخ ؟
هدي /انتي
حمزه ضحك
حمزة /ما بلاش ي جماعه هتسمموا الضيوف كدا
عائشه بصت له بغضب
وبعدين بصت ل هدي
عائشه /اطبخي انتي مكاني ي مامي انا مش هعرف
هدي /مش هينفع. هما أكلو من ايدي كذا مرة. َلو عرفو ان مش انتي ال طابخه هيقعدو يتكلمو. وانتي عارفه عماتك طبعا
عائشه /اوووف
حمزه /انا من رأيي بلاش تطبخي ي عائشه صدقيني هنروح المستشفى كلنا
هدي ضحكت
عائشه /انت لي ُمصر تعصبني
حمزه /انتي ال مش طايقه نفسك انا مالي
هدي /انتو هتفضلوا ناقر ونقير كدا لحد امتي
سالم /ربنا يهديهم
وقام
سالم /يلا ي هدي نمشي
هدي قامت /اه يلا
حمزة قام /مستعجلين لي ما تفضلو شويه
هدي /هنجيلكم تاني مع قرايبنا متقلقش هتزهق مننا
حمزة ابتسم /ماشى
سالم ل عائشه /عايزه حاجة ي حبيبتي ؟
حمزه /ما بلاش السؤال دا بدل ما تقولك عايزه اتطلق َ.. مش ناقصين
سالم ضحك ومشي هو وهدى
وعائشه قاعده بتفكر هتعمل اي ف موضوع الطبخ وهي عمرها ما دخلت مطبخ قبل كدا
حمزه قعد /يعيني… زمانك محتاره دلوقتي. َعماتك هياكلو وشك
عائشه مسكت مخده ورمتها عليه بغضب
حمزه ضحك
عائشه /انت فرحان فيا؟
حمزه /لا ابدا
عائشه /طب انا عايزه اللاب توب بتاعك هجيب من عليه فديوهات تعلمني اطبخ
حمزه جاب اللاب توب من جنبه واداهولها
حمزه /اتفضلي.. حتى لو سمعتي ١٠٠ فديو هنتسمم برضو.. معروفه
عائشه خدت اللاب توب /استغفر الله العظيم يارب
ودخلت المضبخ
وحمزة ضحك وراح الصالون يشتغل
عند بيت ديچا
طلعت من البيت بعد ما غيرت هدومها علشان تروح الشغل
وقابلت ف وشها الراجل ال متأجره منه البيت
ديچا ابتسمت /عم محمد.. عامل اي
عم محمد /بخير ي بنتي.. انتي عامله اي
ديچا /انا كويسه.
عم محمد /كنت جاي هنا أفرج الشقه ال فوقيكي ل شاب كدا َ. عايز يأجرها
ديچا بصت ورا عم محمد لقت جاسر داخل من البوابه و رايح لهم
ديچا/اي دا جاسر؟
جاسر ابتسم /اي دا ديچا. دا صدفه غريبه جدا
ديچا /انت بتعمل اي هنا
عم محمد /انتو تعرفو بعض؟ دا الشاب ال قلت لك عليه عايز يأجر الشقه ال فوقيكي
جاسر /انتي ساكنه هنا؟ يا سبحان الله.. اي الصدفه الغريبه دي
جاسر فلاش باك
جاسر بيكلم حمزه ف التليفون
جاسر /وحياة امك ي شيخ
حمزه /امي ماتت
جاسر /وحياة ابوك اعملي ال انا عايزه
حمزه اتاوب/ابويا ميت
جاسر /ما تخلص بقى ي حمزه دا طلب سهل جدا ع فكره.. متحسسنيش اني متقل عليك يعني
حمزه /لا خالص.. متصل بيا يوم فرحي.. ال هو اصلا يوم مش باين من أوله

وال هانم طرداني من اوضتي.. وانت كمان جاي تقولي.. اعرفلي عنوان بيت ديچا صاحبه عائشه.. عايز عنوانها لي ي تافهه
جاسر /قولي عنوانها بس وملكش دعوه
حمزه /اه دا إياد عنده حق بقى.. وانت واقع… لحقت ي ابني دا انت لسه متعرف عليها النهارده
جاسر /طب لعلمك مش هسيبك تنام الا لما تتصرف وتجبلي العنوان
حمزه بعصبيه /يعم هو انا ساحر؟ اقفل بقى عايز انام.. انا مش خطيبتك
جاسر /متحاولش.. والله ما هسيبك تنام الا لما تتصرف وتجيب العنوان
حمزه /طيب ي زفت.. هحاول اجيبه.. انا مصاحب عيال ب راس كلبه
باااااك
جاسر /استغربت فعلا انك عايشه هنا.. غريبه اوي ي جماعه والله. فعلا. رب صدفه خير من ألف ميعاد
ديچا بستغراب/فعلا
جاسر /مش هنوقع العقد بقى ولا اى ي عم محمد
عم محمد /مش هتشوف الشقه الاول.؟مش يمكن مش تعجبك
جاسر /والله حتى لو خرابه.. هاخد الشقه
وبص ل ديچا وابتسم
عم محمد /ماشى. هطلع الشقه واجهز العقد فيها
عم محمد طلع الشقه
جاسر /بس غريبه يعني
ديچا /اي دي؟
جاسر /واضح انك من عيله غنيه.. لي عايشه ف شقه عاديه مش فيلا او كومباوند
ديچا /انا تعمدت اعيش ف المكان ال هادي والصغير دا علشان ع قدي واقدر احس فيه بالأمان. وكمان علشان هادي وانا بحب الهدوء.
جاسر /متخافيش مش هعملك اي ازعاج ان شاء الله
ديچا ابتسمت/لا مش قلقانه
جاسر ابتسم
ديچا /ع العموم فرصه سعيده.. وطالما هنبقى جيران هنشوف بعض ع طول.. عن اذنك هروح شغلي
جاسر /اه اكيد اتفضلي٠
وديچا مشيت
جاسر بفرحة /الحمد الله تمت المهمه بنجاح وبقينا جيران
وطلع فوق ل عم محمد
في ڨيلا حمزه
في المضبخ
عائشه بتسمع فديوهات عن الطبخ وبرضو منجحتش وبهدلت المضبخ
عائشه /اوووه ياربي اعمل اي انا مش عارفه اعمل حاجة
وقفلت اللاب توب و وطلعت ل حمزه
عائشه /حمزه
حمزه ساب الملف من ايده وبص لها
حمزه /خير يارب
عائشه /تعالي ساعدني مش عارفه اضبخ لوحدي.. وعماتي كلها كام ساعه وجايين
حمزه /لاء
عائشه /لي أن شاء الله
حمزه /اطلبي باحترام شويه.. قولي لو سمحت ي حمزه تعالي ساعدني
عائشه /ايه؟ لا طبعا
حمزه مسك الملف تاني /اوك براحتك
عائشه اتنهدت /لو سمحت ي حمزه تعالي ساعدني
حمزه قام /اوك
عائشه /لو ليك حاجة عند الكلب قوله ي سيدي
حمزه /انتي يبت طوله لسانك دي اعمل فيها أي
عائشه /متقدرش تعمل حاجة
حمزه /للأسف مظبوط.. يلا ندخل المضبخ
ودخلو
حمزه /ي نهار ابيض… انتي عملتي اي ف المضبخ
عائشه /كنت بحاول اضبخ عادي يعني
حمزه /يلا انا مالى.. انتي ال هتنضفي.. مش دا بيتك ولا اى ي عروسه.
عائشه /لا طبعا مش هنضف حاجة. هات خدامه
حمزه /اجيب لي ما انتي موجوده
عائشه مسكت كوبايه ازاز وقربت منه /قصدك ان انا خدامه
حمزه مسك ايدها بسرعه وحطها ورا ضهرها. وقربها منه
حمزه /اهدي ي مجنونه هتعملي أي
عائشه بعصبيه /هخبطك بيها. علشان انت بجد معصبني.. سبني بقى
حمزه سرح ف عنيها وقرب منها
حمزه /خلاص اهدي
عائشه بصت ف عينه
و حمزة رجع خصله من شعرها ورا ودنها
وقرب منها اكتر وعائشه باصه ف عنيه و ضربات قلبها ذادت
وبعدين حمزه رجع ل وعيه وبعد عنها بسرعه قبل ما يضعف
حمزه /احم.. هتخلصي واساعدك تطبخي ولا اروح اكمل شغل
عائشه حطت الكوبايه مكانها بسرعه/احم.. َاوك يلا
حمزه /عايزه تطبخي لهم أي
عائشه /مش عارفه محتاره… عماتي اصلا مبيعجبهمش العجب
حمزة /ف حاله ان الشيف حمزه موجود هيعجبهم العجب والصيام ف رجب كمان لو حابه
ولبس مريله المضبخ
وبدأ يطلع الخضار وال حجات ال عايزها من التلاجه وبدأ يطبخ
وعائشه واقفه بتتفرج عليه
حمزه وهو بيقطع الخيار /هتفضلي واقفه كدا. هو انا الخدامه ال معلم سالم جبهالك.. ما تساعديني
عائشه /تصدق فعلا لايق عليك الدور دا
حمزه قرب منها بغضب وعائشه بعدت بسرعه وهي بتضحك
عائشه /خلاص والله انا اسفه.. هساعدك
حمزه /اخلصي تعالي يلا
عائشه لمت شعرها كعكه عشوائيه وغسلت ايدها
عائشه /طب قولي اعمل اي ونا اعمله
حمزه /قطعي الطماطم.. لو هتفلحي هبقي سعيد جدا
عائشه مسكت السكينه بغضب
حمزه /اي هتقتليني ولا اى..اعقلي
عائشه /ياريت ينفع
وبدأت تقطع الطماطم
وحمزة بيكمل بقيت الاكل
عائشه بصت له /حمزه
حمزه /خير
عائشه /شكرا. علشان ب تساعدني . لو مكنتش عملت كدا مش عارفه كنت هتصرف ازاي
حمزه /الاه! ما انتي بتعرفي تتكلمي زي البني آدمين اهو
عائشه /تصدق انا غلطانه؟
حمزه ضحك /لا خلاص بهزر..
حمزه /العفو مفيش داعي تشكريني.. اصلا مبسوط من ال بيحصل دا. َيعني اهلك ال هيجو هنا ديما ف فتره جوازنا وعماتك وقرايبك.. دا
كله بيحسسني بشعور ال عيله ولمتها ال نسيته من زمان
عائشه /انت اهلك ماتو؟
حمزه ابتسم/اه من زمان… بس خلاص اتعودت .. اتعودت بس مقدرتش انسي
عائشه بحزن /ربنا يرحمهم
حمزه اتنهد /ال مهم…قرايبك ال جايين دول في معاهم شباب؟
عائشه /اه ولاد عمتي بتسأل لي؟
حمزه /طب اطلعي زي الشاطرة غيري ال لبس القصير دا قبل ما يجو.
عائشه /ماله لبسي.. انا متعوده ع كدا من ونا صغيره… وبعدين انت مالك

حمزه /متعوده تلبسي البس ال قصير دا قدامهم؟ انتى شكلك عايزه تتربى من اول وجديد ونا فعلا هعمل كدا
عائشه /احترم نفسك انا متربيه كويس… والشخص ال رباني المعلم بتاعك ف متغلطش
حمزه /انا مبغلطش ف تربيه المعلم سالم بس انتي مينفعش معاكي الا كدا.. يلا اسمعي الكلام واطلعي غيري
عائشه قربت منه بغضب /بطل تتحكم فيا .. دا لبسي ومتعوده البس كدا اذا كان عاجبك
حمزه /لا ي حلوه دا كان زمان وخلص.. دلوقتي نظام تاني.. مقبلش مراتي تلبس قصير كدا قدام حد غريب
عائشه /انت بتتشرط ع اي احنا كلها كام يوم ونتطلق ومش هشوف وشك تاني
حمزه /من هنا لحد ما نتطلق انتي مراتي وهتسمعي كلامي غصب عنك.. (وابتسم)وبعدين شكلك متدايقه اننا مش هنشوف بعض تاني..
للدرجة دي انا اتحب بسرعه
عائشه /لا وانت الصادق.. ال يعاشرك يوم واحد يموت من العصبيه والاستفزاز.. وبرضو هقابل عماتي ووالدها بالبس دا.. وشوف بقى هتعمل اي
وسابته وطلعت غرفتها
حمزه /يخربيت العيند ال راكبها.. ماشى ي عائشه ي انا ي انتي
عند سما
في عربيتها السواق سايق وهي راكبه ورا
تليفونها رن برقم غريب
سما ردت /الو مين معايا
إياد /احم.. انا إياد فكراني؟ اخدنا أرقام بعض في فرح حمزه
سما ابتسمت /اه طبعا فكراك. انت عامل ايه
إياد /كويس… كنت وعدتك اني هوريكي الاستوديو بتاعي. انا دلوقتي موجود فيه.. لو حابه تيجي ممكن ابعتلك العنوان
سما بحماس /اه طبعا نفسي اجي.. قول العنوان بسرعه
إياد ابتسم /اشطا
بعد شويه وقت
في ڨيلا حمزة
جهزو كل حاجة ومنتظرين الضيوف
الباب خبط وحمزه راح يفتح
حمزه ابتسم /اهلا وسهلا.. اتفضلو
ودخلو
ال دخل (ال عمه الكبيره ل عائشه وولادها الاتنين شباب في العشرينات.. و عمتها التانيه و سالم وهدى)
العمه الأولى /يزيد فضلك
سالم /اعرفك ي حمزة
اختي الكبيره هياتم
حمزه سلم عليها /اهلا بحضرتك
هياتم /اهلا ي ابني
سالم /واختي التانيه سنيه
حمزه سلم عليها /اهلا وسهلا
سنيه ابتسمت /اهلا بيك
سالم /و دول ولاد هياتم.. َمحمود ومحمد
حمزه /امممم…. اهلا وسهلا
محمد /هو اي ال اممم
حمزه /اه دا انت لمض بقى
هدي/احم.. ودا حمزه جوز بنتي
هياتم /بس انا شفتك قبل كدا من كام شهر َ… مكنتش انت.. شكلك اتغير اوي لي كدا
حمزه /احم.. ازاي.. اكيد انا بس حضرتك مش واخده بالك
سنية /اه يمكن احلو ي هياتم علشان الفرح بقى وكدا
هدي /اه اه اكيد.. امال يعني هنجيب حد تاني ونجوزو ل بنتنا.. هههههههه
حمزه ضحك /لا طبعا اكيد مش معقوله
سالم /واقفين لي ي جامعه اتفضلو
وكلهم قعدو
محمود /امال عائشه فين
حمزه /وانت بتسأل ع عائشه لي ي روح ام… اقصد ي حبيبي
محمد /عادي آش بنت خالنا وبنسأل عليها.عندك مانع
حمزه قال بصوت واطي/بتدلعها قدامي كمان.. ان ما كسرت دماغكم.. مبقاش حمزه
سنيه /اه والنبي ي ابني نادي ل عائشه أصلها وحشتني.. ملحقناش نيجي الفرح للأسف ف قلنا نسلم عليها ف الصباحية ونرجع البلد تاني
حمزه /حاضر هناديها ثانيه واحده
وطلع الغرفه وخبط ع الباب
عائشه فتحت
وحمزة ابتسم لما لقاها سمعت كلامه وغيرت هدومها ولبست طويل
عائشه /متفرحش اوي كدا انا غيرت علشان الهدوم التانيه اتوسخت بس مش اكتر
حمزه /عليا انا برضو الكلام دا… المهم عماتك وصلو وبيسألو عليكي
عائشه /اوك
حمزه /خدي هنا بس راحه فين
وكانت هتمشي بس حمزه مسك ايدها وقرب منها وهي لزقت ف الحيطه
عائشه بتوتر وضربات قلبها
زادت /خ خير في حاجة ؟
حمزه /ولاد عمتك الحلوين ال تحت دول الكلآم معاهم يبقى ف حدود.. ملقيش عيل تافهه منهم بيدلعك ب اسمك قدامي
عائشه ابتسمت /وانت بقى لحقت تغيير عليا
حمزة /لا متحلميش اوي كدا … انا لازم مراتي تحترمني ف وجودي وغيابي.. إن كنتي متعوده ع كدا بقى وولاد عمتك يهزرو معاكي
والكلام دا… أنسى
عائشه /وانت برضو ال مفروض تحترمني ف وجودي قبل غيابي طالما مضطرين نكمل فتره ف جوازنا ال عامله زي السجن دي..
يعني الصور دي ال ع اللاب توب بتاعك… ال مع بنات مايصه. مستحيل اقبل يحصل ونا ف حياتك
حمزه ابتسم
عائشه بغضب /انت بتضحك ع اي متستفزنيش
حمزه /دورتي ف صور اللاب توب لي؟ عايزه تعرفي انا مرتبط ولا لا…. لاني من حقي احب ونا متجوزك تقضيه واجب
عائشه بتوتر /لا اكيد طبعا مدورتش علشان كدا
وبعدت عنه
حمزه /ع العموم الصور دي قديمه ودول زمايلي ف الجامعه.. ولما الجامعه خلصت كل واحد راح ل حاله.. ارتاحتي؟
عائشه /يلا ننزل علشان الناس مستنينا تحت
حمزه ابتسم /يلا

يتبع….

في ڨيلا حمزة
نزلو من فوق وراحو الصالون للضيوف
عائشه ابتسمت /وحشتوني اوي ي عمتو
سنيه وهياتم سلمو عليها بفرحة
هياتم /وانتي كمان ي حبيبه قلبي وحشتنيا اوي
سنيه /عامله اى يبت مشفناكيش من زمان
عائشه /انا كويسه.. بس زعلانه منكم علشان مجتوش فرحي
سنيه /والله العظيم ي حبيبتي حصل مشاكل كدا ومعرفناش نيجي.. بس ادينا جينا اهو متزعليش نفسك
محمد /عامله اى ي بنت خالي
عائشه ابتسمت /كويسه الحمد الله.. انتو عاملين اي
محمود /بخير الحمد الله.. الف مبروك ع الجواز
عائشه كانت هتسلم عليهم بس لقت حمزه بيبص لها ف رجعت في كلامها ومسلمتش
عائشه /احم اتفضلو اقعدو
وقعدوا تاني كلهم
سنيه /شكل جوزك اتغير عن آخر مره شفناه فيها بس اتغير للأحسن متقلقيش.. بقى حليوه
حمزه /ربنا يخليكي
وقال بصوت واطي ل عائشه ال قاعده جنبه
حمزه /هو انتي كنتي مخطوبه ل ابو الهول ولا اى.. محدش كان طايقه
عائشه علشان تغيظه /كان احلى واحد ف الدنيا ف نظري
حمزه بغضب /يبقى اكشفي عند دكتور نظر احسن
عائشه ابتسمت
هياتم طلعت من شنطتها خاتمين
هياتم /هدي قالت لي ان خواتمكم ضاعت ف اشتريت لكم اتنين
عائشه بصت ل هدي
هدي /احم.. آه ضاعو للأسف
سالم قال ل هدي بصوت واطي
سالم/مش حابب فكره اني اكذب ع اخواتي.. هما ميعرفوش ان مقصوف الرقبه ال تاني هرب واحنا جوزناها ل حمزه
هدي/اسكت خليهم مفكرين كدا.. انت عايز بنتي تنفضح عندكم ف البلد… كدا احسن
سالم اتنهد
هياتم/خدو ي حبايبي البسو الخواتم
حمزه خادهم منها /حضرتك تعبتي نفسك لي
هياتم /لا ولا تعب ولا حاجه ي ابني دي حاجه بسيطه
حمزه لبس خاتمه وكان هيلبس عائشه
عائشه بصوت واطي /مش عايزه البس اي حاجه بتربطني بيك
حمزه /ونا مش واقع ف دباديبك ونفسي ابقى معاكي العمر كله… مضطرين نعمل كدا علشان عماتك وال ضيوف ال هتيجي تبارك
عائشه لبسته بغضب
محمد /فاكره ي عائشه واحنا صغيرين كنا ديما بنلعب سوا ازاي
حمزه بصوت واطي /اه ابتدينا
عائشه غيظا ف حمزه /اه طبعا فاكره.. دي كانت احلى ايام حياتي والله… مكنتش بلعب غير معاك انت و محمود
حمزه /لي البنات انقرضو من الدنيا ولا اى
عائشه ابتسمت
هياتم /لا بس هما ال ٣ كانوا متعلقين ببعض اوي.. حتى لما عائشه كانت بتمشي من البلد وتيجي بيتها هنا ف مصر كانو بيفتقدوها
سنيه /دا احنا حتى كنا بنفكر نجوز عائشه لواحد فيهم.
حمزه /ي مشاء الله . ونا بقى ضيعت عليكم الفرصه دي
سنيه /بصراحة آه.. هياتم كانت عايزه تجوز عائشه ل واحد من والدها بس انت لحقت واتجوزتها.. يلا كلة ف الاول والاخر نصيب
حمزه /ما تقومي ي عائشه هاتي حاجة يشربوها بدل ما اتشل
عائشه مبسوطه انها قدرت تدايقه /حاضر من عنيا
هياتم /شايف البنت مؤدبه وهاديه ازاي.. لازم تحمد ربنا ع وجودها ف حياتك
حمزه /طبعا…. ي نهار ابيض.. مشفتش ف أدبها وهدوءها.. ربنا يحميها يارب
عائشه بصوت واطي /اتريق اتريق
عائشه /المهم هقوم اجيب لكم حاجة تشربوها
سنيه/لا نشرب اي.. احنا عايزين ندوق حاجة من عمايل ايد عائشه.. ما نشوف اتعلمت الطبخ ولا لا
هدي /ربنا يستر
عائشه /هروح اجهز الاكل
ودخلت المضبخ
حمزه /عن اذنكم
سالم /اتفضل
وحمزة دخل المضبخ هو كمان
وعائشه كانت مشغوله ب تجهيز الطباق
حمزه/اساعدك؟
عائشه بخبث /لا متتعبش نفسك ممكن ابقى انادي محمد و محمود يساعدوني
حمزه بغضب /عائشه متحاوليش تعصبيني علشان هتندمي
عائشه ضحكت
حمزه /اي ال بيضحك مش فاهم
عائشه /انت بتغير كدا ف العموم ولا بتغير عليا انا بس؟
حمزه /ونا هغير عليكي لي أن شاء الله
عائشه /اوك انكر براحتك
حمزة /انا غلطان اني جاي اساعدك اصلا.. مبيطمرش ف الستات دول حاجة والله.. و لو جه يوم و مش ساعدناكم فيه تشتكو ل رضوي
الشربيني.. انا ماشي
عائشه ضحكت /لا خلاص انا اسفه تعالي ساعدني بجد.. مش هعرف اشيل الأطباق لوحدي اوديها السفره
حمزه /ماشى
وهو وعائشه حطو الاكل ع السفره
حمزه /اتفضلو الاكل جاهز
والكل راح قعد ع السفرا
وحمزة قعد وعائشه كانت هتقعد بعيد عنه ع كرسي جمب محمد. حمزة شدها وقعدها جمبه
حمزه /اتفضلو ابدأو اكل مستنين اي
وكله بدا اكل
حمزه /هتدوقو اكل إنما اي.. عائشه بقت طباخه شاطره الحقيقه
عائشه مصدومة انه بيشكر فيها
هياتم /مشاء الله الاكل تحفه اخيرا اتعلمتي ي حبيبتي ؟
محمد /ودا من امتى آش بتعرف تطبخ.. دا عمرها ما دخلت المضبخ

حمزه بصوت واطي /برضو مفيش دم وبيدلع اسمها قدامي… يارب الصبر
سنيه /اكيد هتتعلم مهي اتجوزت بقى.. بس الاكل طلع حلو اوي تسلم ايدك
سالم/تسلم ايدك ي حبيبه ابوكي
عائشه ابتسم /بالهنا والشفا
وهدى فرحت ان موضوع الطبخ عدي ع خير
عائشه همست ل حمزه /شكرا
حمزه ابتسم
في الاستوديو عند إياد
سما السواق وصلها لحد الاستوديو
ونزلت لقت إياد مستنيها قدام الباب
إياد ابتسم /عاملة ايه
سما ابتسمت /كويسه وانت
إياد /زي الفل.. المهم جبتك زي ما وعدتك اهو.
سما بفرحه /بجد ميرسي اوي.. يلا ندخل علشان اشوفه من جوه
إياد /يلا بينا
ودخلو الاستديو
وسما من بعيد شافت مغنيه بتحبها اوي
سما بفرحة وحماس /الله… الفنانه دي انا بحب صوتها اوي… انت طلع بيجيلك مشاهير بجد
إياد /ايوا طبعا انتي مستقليه بيا ولا اى
سما مسكت ايده /لو سمحت عايزه اروح اتعرف عليها واتصور معاها.. لو سمحت
إياد بص ع ايدها ال ماسكه ايده
وابتسم
سما سحبت ايدها بسرعه
سما ابتسمت /احم. يلا عرفني ع المغنيه بليز
إياد ابتسمت /ماشى تعالي اعرفك عليها
وراحو للمغنيه ال واقفه تراجع كلمات الاغنيه قبل ما تسجلها
إياد /معلش هقاطع حضرتك ي مايان سليم
مايان سابت ال ورق ال ف ايدها وابتسمت /لا عادي اتفضل
إياد /دي سما صحبتي كانت حابه تتعرف عليكي
سما بفرحه /اااه هيغمي عليا.. انتي بجد واقفه قدامي انا مش مصدقه نفسي.. انا بحب حضرتك جدا اقسم بالله
مايان ضحكت /مصدقاكي… باين عليكي.. انتي عامله اي ي قمر

سما /انا كويسه جدا.. ممكن بقى أتصور معاكي علشان انزلها ع انستجرام واعملك منشن
مايان /اه طبعا دا شرف ليا
سما بصوت واطي ل إياد /الله دي وافقت بسرعه عادي
إياد ضحك
سما /لو في اي مغنين جم هنا تاني بعد كدا وانت معرفتنيش بجد هدايقك منك اوي
إياد / روحي اتصوري ي هبله روحي
سما /اوك
وسما أتصورت معاها
سما ابتسمت /شكرا ليكي بجد انا مش عارفه اقولك أي
مايان ابتسمت /العفو ي حبيبتي ع اي. انا بجد انبسطت اني اتعرفت عليكي
سما ابتسمت /انا اكتر… هسيبكم بقى تشتغلو مش هعطلكم… هستناك بره ي إياد
إياد /اوك مش هتاخر ١٠ دقايق وهجيلك
سما /اوك
وطلعت
مايان /انا اعرفك من زمان ي إياد انت ازاي متقوليش ان عندك صاحبه بالجمال دا
إياد ابتسم
في منتصف الليل
في فيلا حمزة بعد ما اهل عائشه مشيو
عند حمزة ف الصالون بيشتغل ع اللاب توب
لقى عائشه راحة ناحية الباب
حمزه /انتي لسه صاحيه؟ فكرتك نمتي
عائشه /انا طالعه اتمشى شوية
حمزه قفل اللاب توب وقام
حمزه /اي الجنان دا.. تتمشى فين ف نص الليل
عائشه /وفيها اي يعني.. انا متدايقه شويه وبرتاح لما بشم هوا
حمزه /اطلعي نامي ي عائشه وبلاش هبل
عائشه /هو انت فاكر اني بستأذن منك؟ انا كدا كدا هنزل
وفتحت الباب
حمزه بعصبيه /عائشه اظبطي كدا واحترمي نفسك وانتي بتكلميني.. مش هتخرجي من الباب دا لوحدك ف نص الليل
عائشه /اووف خلاص تعالي معايا.انا بجد محتاجه اخرج
حمزه /طب يلا امشي قدامي ما نشوف آخرة الجنان دا أي
وطلعو من البيت وبيتمشو جنب بعض
حمزه /متدايقه من اي بقى
عائشه /لا ولا حاجة
حمزه /ولا حاجة ازاي.. انا عملت حاجة دايقتك؟
عائشه /انت ع طول بتدايقني دي حاجة معروفه.. اي الجديد
حمزة /ايوا صح
وشافت مقاعد للجلوس
عائشه /تعالي نقعد
وقعدو
وعائشه بدأت تبرد/الجو برد اوي
حمزه /طبعا هتبردي… نزلالي بليل تتمشى من غير جاكيت. عائشه /ما تخلي عندك دم وتديني الجاكيت بتاعك
حمزه شدها من شعرها براحه /ما تطلبي الحاجة ب أدب
عائشه ضربته /ااااه شعري
حمزه خلع الجاكيت واعطاه ل عائشه
حمزه /يكش يطمر
عائشه خدته منه بغضب /ياربي اقتله واخلص منه ولا اعمل ايه
ولبسته
عائشه مسكت ايدها ببرد /.. انا لسه بردانه برضو
حمزه /طب يلا هنرجع البيت.. هتاخدي برد وتتعبي
عائشه /لا علشان خاطري استنى شويه كمان
حمزه/طب هاتي ايدك ادفهالك
عائشه /احترم نفسك
حمزه /احترم نفسي اي هو انا متحرش.. انا جوزك عادي
ومسك ايدها
وعائشه ابتسمت
حمزه /مش هتقولي اي ال مدايقك يعني؟ ما انتي كنتي كويسه ومبسوطه لما اهلك وعماتك جم
عائشه بحزن /هو انا فعلا ممكن اكون انسانه لا تطاق ؟ علشان كدا كريم هرب وسابني يوم فرحنا.. ومقدرش يتحملني… انا معملتلوش

اي حاجة والله.. هو من غير مقدمات هرب.. يمكن فعلا انا محدش هيقدر يتحملني ويتحمل طبعي وما صدق يهرب.. زي ما انت بتقولي
ودمعت
حمزه /مين المتخلف ال قال محدش يقدر يتحملك… خطيبك القديم دا هو ال مبيفهمش وخسر حجات كتير .. مع انك مطلعه عيني حتى واحنا لسه متجوزين مكملناش اسبوع.. امال لو فضلنا سوا ازيد من كدا هتعملي فيا اي
عائشه ضحكت
وحمزه مسح لها دموعها /انا آسف
حمزه /بتعتذر ع اي هو انت عملت حاجة
حمزه /مكنتش واخد بالي اني بجرحك لما كنت بقولك هو هرب علشان مش قادر يستحملك.. بس انا كنت بقول كدا علشان ادايقك بس
عائشه /وكنت بتنجح تدايقني فعلا علشان انت مستفز َ
حمزه ابتسم
حمزة /خلاص متعيطيش وحياه ابوكي
عائشه /لي
حمزة /علشان بتبقي حلوه حتى وانتي بتعيطي ونا مبقدرش استحمل وبضعف
عائشه ضحكت
حمزه اتنهد /كنتي بتحبيه؟ خطيبك ال قديم
عائشه /لاء انا بس كنت شيفاه مناسب ليا .. بس بعد ال عمله كرهته
حمزه /تمام .بس ياريت متجبيش سيرته قدامي تاني راعي شعوري شويه
عائشه / انا اصلا مبقتش عايزه اشوفه ف حياتي ولا افتكره حتى
حمزه /اظن شميتي هوا بما فيه الكفايه.. يلا نروح
حمزه فرح انها مبتحبوش بس اضايق لانه لسه بيجي ع بالها وبتجيب سيرته
عائشه حست انه اتدايق
عائشه /اي الحصل فجأة انت كويس؟
حمزه /لا محصلش حاجه عايز اروح انام علشان هصحي بدري اروح شغلي
عائشه /اوك يلا
وكانو هيقومو بس تليفون حمزه رن
وعائشه بصت لقت اسم بنت اسمها سهيله
عائشه /مين سهيله دي ال بتتصل بيك ف نص الليل؟
حمزه / وانتي مالك .حاشره نفسك ف موبايلي ليه
عائشه بغضب /انا مالي ازاي… مالي ونص.. انا مراتك
حمزه /اي؟ مش احنا متجوزين ع الورق بس؟ حتى لو بنت شاقطها.. من حقي اشقط احب اي بنت تانيه..
عائشه بعصبيه /لاء مش من حقك … إحنا دلوقتي متجوزين واتفقنا نحترم بعض.. مش تشقط بنات وتقولها ف وشي
حمزه بغضب /لم نفسك ووطي ام صوتك دا احنا ف الشارع
عائشه قامت /يلا نرجع البيت.. وخد الجاكيت الزفت بتاعك اهو مش عايزه منك حاجة… اكيد اديته ل ٢٠ بنت قبلي
و كانت هتخلعه
حمزه /لاء سبيه هتبردي
عائشه بعصبيه /وانت مالك ابرد ولا لا
وخلعته ورمتهوله
قامت ومشيت وحمزه راح وراها
حمزه /خدي هنا ماشيه لوحدك وراحة ع فين الساعه ١ بليل … هو انا مكتوبلي اني اتجوز مجنونه انا عارف.
ومسكها من دراعها وقفها
حمزه /اقفى
عائشه /عايز اي
حمزه /البسي الجاكيت هتاخدي برد
عائشه /لا مش هلبسه. مش عايزه اي حاجه منك.. روح للبنت ال انت شاقطها. زمانها مستنياك دلوقتي.
حمزه /قلت لك البسي ام الجاكيت
ولبسهولها
حمزه /دي مش واحده شاقطها انا قلت كدا علشان ادايقك
عائشه / امال هي مين وبتتصل بيك ف وقت زي دا لي
حمزه /دي سكرتيرتي ف الشركة ونا طلبت منها شغل وهي بتتصل تقولي أن الشغل جاهز.. اكيد مش هجرح مشاعرك واشقط بنات
واحنا متجوزين
عائشه ابتسمت
حمزه ساب دراعها /بس قبل ما اتجوز هوهووو ع البنات ال شقطها… يلهواااي كنت عايش حياتي… يلا كلها كام يوم وارجع للعزوبيه تاني
عائشه /على اي ان شاء الله.. تامر حسني؟
حمزه ضحك /يلا يلا نروح
ومشيو
في اليوم التالي صباحا في ڨيلا حمزة
حمزه لبس و بيفطر ع السفرا قبل ما يروح الشغل وعائشه نزلت من فوق بعد ما صحيت من النوم
عائشه /صباح الخير
حمزه /صباح ال
وبص عليها
حمزه بصوت واطي /يادي النيله السودا حتى وهي لسه صاحيه قمر مش عارف اعمل اي انا كدا بضعف ي ربي
عائشه /انت بتكلم نفسك؟
حمزه /اه بدردش معاها شويه… انتي اي مصحيكي بدري
عائشه /انت ي استاذ ال صحتني.. وانت بتلبس ف الاوضه صحيت بسببك
حمزه /معلش بقى مش متعود ان حد عايش معايا والمفروض البس بهدوء وكدا
عائشه /انت لابس ورايح ع فين
حمزه ابتسم
عائشه /اي؟
حمزه /برضو مش متعود حد يقولي رايح فين وكنت فين عائشه /ودي حاجة حلوه ولا حاجة وحشه؟ اني بسألك
حمزه ابتسم /لا حلوه. قبلك كنت عايش ف وحده
عائشه ابتسمت
حمزه /انا رايح الشركه
وقام
حمزه /عايزه حاجة؟
عائشه /اه.. عايزه كريدت كارد علشان هخرج مع ديجا وسما
حمزه طلع كريدت من جيبه وادهالها
حمزه /حاجه تانيه؟
عائشه /لا شكرا
حمزه / انتي عارفه لو لمحتك لابسه لبس ماسخ من بتوعك دول وطلعتي من البيت هعمل فيكي اي؟ ملمحكيش لابسه ديق ولا قصير
عائشه بغيظ /انت مالك ها؟ وانت مالك… اعمل ال انا عيزاه انا حره.. انت جوزي مؤقتا ي حبيبي متنساش.. يعني ملكش كلمة عليا
حمزه /مين بقى الأهبل ال فهمك الكلام دا؟ انتي هتعملي ال بقولك عليه غصب عنك.. والا مش هتخرجي من البيت
عائشه /اوووف خلاص. هعمل ال انت عايزه…
هستحملك بس الكام يوم دول وبعدين هنتطلق وهعمل ال انا عيزاه
حمزه /مش عارف هتبطلي طوله لسان امتى.. هتجنني امي
وخد الجاكيت وتليفونه
وكان هيمشي
عائشه /حمزه
حمزه وقف /خير اي تاني.. هتخليني امشي اكلم نفسي ف الشارع بعد كدا
عائشه /متتاخرش عاشان ممكن يجيلنا ضيوف تبارك
حمزه ابتسم/حاضر.. مش هتأخر… اي أوامر تانيه؟
عائشه /لا شكرا تقدر تروح شغلك
حمزه ابتسم ومشي

يتبع….

بعد مرور بضعه ايام
في بيت ديچا صباحا
طلعت من البيت وبتقفل باب الشقه لقت جاسر نازل من فوق من شقته
ديچا ابتسمت له
جاسر ف سره /بحمد ربنا اني هشوف الإبتسامة دي كل يوم.. ياربي لي مظهرتش ف حياتي من زمان.. يلا مش مشكله. كل حاجة بتيجي ف وقتها
ديچا بابتسامة /صباح الخير
جاسر ابتسم /صباح الفل … عامله ايه
ديچا/بخير الحمد الله ها؟ مرتاح في بيتك الجديد
جاسر /هو حد يبقى جارك برضو وميكنش مرتاح؟
ديچا ضحكت /ي سلام
جاسر /اه والله
ديچا ابتسمت /اوك.. انا مضطره امشي علشان هقابل عائشه وسما
جاسر /اه طبعا اتفضلي.. اسفين ع المقاطعه
ديچا مشيت
جاسر ل نفسه /ما تجمد بقى ي جاسر متبقاش واقع كدا.
وابتسم
بعد ساعات في المول
عائشه و ديچا وسما عملو شوبنج وقعدو يرتاحو ف الكافيه الموجود في المول وبيشربو قهوة
عائشه /في حجات حلوه اوي.. محتاره اجيب اي ولا اى
ديچا/اه فعلا في كولكشن جديد نازل تحفه.. بس انتي هتشتري اي تاني دا انتي اشتريتي حجات كتير اوي
عائشه /ايوا منا عملت كدا قصدا علشان اخلص كل ال فلوس ال في الكريدت كارد بتاعت حمزه. انتقاما ليه… علشان بعد كدا يبطل يدايقني. وكمان بيأمرني اشتري كل البس واسع ومش قصير.. بس نسي ان محدش بيقدر يأمرني
سما ضحكت /يخربيت الشر
ديچا /بس انا عايزه اعرف لي متدايقه انه بيغير؟ الراجل ال بيغير كويس علشان عنده دم و نخوه .. مش احسن من كريم ال اوبن مايندد دا
سما /اتفق جدا مع ديچا.. صدقيني هتندمي لو ضيعتي ال شاب ال مفهوش غلطه دا من ايدك. ي هبله

عائشه ابتسمت /هو بصراحه مش وحش زي ما كنت فاكره ف الاول.. طلع طيب.. وراجل.. وحنين اوي.. انا طلعت ظلماه
سما حطت ايدها ع خدها /اممم واي كمان؟
ديچا ضحكت
عائشه ضربت سما/تصدقي انا غلطانه ان بحكيلكم ع حاجة.
سما /مش حمزه دا ال مكنش عاجبك ومستفز
عائشه /هو ديما بيستفزني.. بس طريقته الحنينه معايا بتخليني انسى كل حاجة
ديچا ابتسمت
سما /يارب تفضلو مع بعض ديما
عائشه /لا ي حبيبتي جاوزنا مؤقت متقلقيش … يلا نكمل شوبنج انتي وهي
ديچا /مفيش فايده فيكي والله العظيم
سما /اوووف
وقامو
فجأه عائشه حست انها داخت
عائشه /ااه
ديچا سندتها بسرعه /في اي
سما بقلق /انتي كويسه ي اش ؟ اي الحصل
عائشه مسكت رأسها /اه كويسه.. انا بس دخت شويه
ديچا /تعالي ارتاحي
و قعدتها تاني
سما/اي حصلك فجأه
ديچا/انتي فطرتي ولا لا؟
عائشه /لا ملحقتش افطر
ديچا /مهو طبعا لازم تدوخي وانتي عماله تلفي وانتي مش فاطره وكمان بتشربي قهوه ع الريق
عائشه /.. اتصلو بحمزه يجي ياخدني علشان انا تعبت من اللف خلاص وعايزه اروح
سما /حاضر ثانيه واحده
و رنت ع حمزه وقالت له ع الحصل وبعتت له اللوكيشن
سما ابتسمت /حمزه خاف عليها وساب الشغل وجاي بسرعة
عائشه ابتسمت وفجأة لقو كريم جنبهم /ازيك ي آش
عائشه بصت بصدمه لقت كريم خطيبها القديم
عائشه قامت /كريم
كريم /وحشتيني
سما بصدمه /كريم.. oh my God
عائشه بعصبيه /انت ليك عين تتكلم ي بجح؟ ها؟ ليك عين تيجي لحد هنا
كريم /صدقيني مكنش قصدي اسيبك يوم فرحنا بس كان غصب عني

عائشه /غصب عنك يعني اي…ايا كانت اسبابك دي مش مبرر يخليك تسبني يوم فرحنا… مشفتش نداله كدا.. وبعدين اي ال خلاك تظهر
تاني ف حياتي؟
كريم /انا لما الفرح قرب اتوترت من المسؤوليه وصحابي حواليا خوفوني اكتر من الجواز ف معرفتش اعمل اي وهربت.. بس انا عرفت غلطتي وجاي اصلحها… نقدر نعمل فرح من تاني ونتجوز
عائشه ضحكت /فعلا؟ ع اساس هستناك يعني… لا ي حبيبي انا اتجوزت خالص.. ودبلتك رمتها ف الزباله ولبست دي (ورفعت ايدها توريه دبلتها الجديده)
كريم بصدمه /اي ؟ اي ال انتي بتقوليه دا
عائشه /زي ما سمعت… ومش عايزه اشوفك ف حياتي تاني.. انت سامع؟
كريم بغضب /انتي بتاعتي انا وبس… انتي فاهمه؟ مش من حقك تتجوزي اي حد تاني
سما /كريم انت غبي ؟ فاكرها هتستناك وتبكي ع الاطلال وراك. هي عملت move on في ساعتين وكرهتك خالص ومش عايزا
تشوف وشك تاني.. ابعد بقى عن طريقها علشان جوزها بيغير اوي.. وهى دلوقتي مبسوطه ف حياتها
كريم بعصبيه /لا والله
ديچا /جماعه مينفعش كدا احنا ف مول ومكان عام… هتفضحونا
حمزه وصل المول بعد ما سما بعتت له اللوكيشن
وحمزة لقاهم وراح لهم بسرعة
ومسك ايد عائشه
حمزه بقلق /عائشه… انتي كويسه؟ اي الحصل؟ سما قالت لي انك تعبتي… ممكن نروح للدكتور دلوقتي
عائشه /اهدي .. انا خالص بقيت كويسه مش مستاهله دكتور .. دخت شويه بس مش اكتر. يلا نروح البيت؟
حمزه/اه طبعا يلا
كريم بغضب /هو دا ال اتجوزتيه مكاني؟ لحقتي تنسيني بالسهوله دي؟
حمزه /مين السكر ده؟
عائشه /دا ا. احم
كريم / انا كريم خطيب آش.. انت بقى تطلع مين… اتجوزتها غصب عنها صح؟
حمزه ساب أيد عائشه وراح وقف قصاد كريم
حمزه /بتقول اي ي حبيبي؟ خطيبها؟ قصدك خطيبها القديم… يعني اتنسيت واترميت ف الزباله… عايز اي تاني بقى
سما بصوت واطي /ديچا الموضوع هيكبر
ديچا اتنهدت
كريم /اي البجاحه ال انت فيها دي.. يعني متجوز خطيبتي وكمان بجح
حمزه قرب منه بغضب /انا رأيي تبطل تقول كلمة خطيبتي دي ل مراتي علشان مكسرش عضمك دلوقتي.. انا محترم ان في ناس حوالينا متخلنيش امسح بكرامه اهلك الأرض

عائشه ل كريم /انت مبتفهمش؟ قلت لك انا نسيتك خلاص ورميت دبلتك ومش عايزه اشوف وشك تاني .. روح بقى شوف حياتك بعيد
عني
كريم /انتي بتقولي اي ي اش؟ انتي مستحيل تبعدي عني بالسهوله دي انا لسه بحب
وقبل ما يكمل الجمله
حمزه بغضب مسكه من هدومه وزنقه ع الحيطه و لوي ايد كريم ورا ضهره
كريم بألم /ااااه
عائشه بتوتر /ح حمزه.. اهدي
كريم /اي متدايق لي؟ ما دي الحقيقه.. انا واش بنحب بعض وانت عارف كدا كويس
حمزه بغضب ضربه بوكس ف وشه
عائشه وسما شهقو بصدمه وال ف المكان بدأو يتفرجو ع البيحصل
حمزه بغضب /انت عارف لو مكناش ف مكان عام كنت عملت فيك اي؟ بس هنروح من بعض فين.. هجيبك وهربيك من اول وجديد يواطي.. ولو شفتك قريب من عائشه تاني قسما بالله ل اندمك ع اليوم ال اتولدت فيه… سامع ولا لا؟ اشكال وسخه
وسابه وبص ل عائشه
عائشه /اي ال انت عملته دا ي حمزه
حمزه /هو مينفعش معاه الا كدا.. خلينا نمشي من ام المكان دا
عائشه /اوك
سما /مع السلامة.
ومشيو هما الاتنين
كريم حط ايده ع وشه بألم /وحياه امي ل اربيك
سما بغضب /انت ليك عين تتكلم اصلا؟ اي البجاحه دي… انا رأيي تعمل زي ما اش قالت لك وتبعد عنها لأنها خلاص بقت وحدة
متجوزة
كريم /متجوزاه غصب عنها ي سما صح؟ قولو لي الحقيقه
سما /no …مش متجوزين غصب عنهم.. بيحبو بعض.. وحمزه مش هيسكت لو شافك بتجيب ف سيره اش كتير.. اظن دي مراته ومن
حقه يعمل كدا.. ولسه برضو مخدتش وعدك من اونكل سالم.. اصبر انت بس.. هيمرمطوك ع العمله ال انت هببتها دي… وبعدين هو في

حد عنده عقل يسيب اش؟ انت كنت تطول تتجوزها اصلا. بس يلا الحمد الله انها متجوزتش واحد زيك
ومشيت
ديچا/اي الفضايح ال انت عاملها دي ي كريم
كريم /انتي مش شايفه ي ديچا هما بيقولو اي… ازاي يعني اتجوزت وازاي بيحبو بعض.. هي مش كانت بتحبني انا
ديچا/اديك قلت.. كانت بتحبك وكمان مكنش حب .كان مجرد اعجاب … بس بعد النداله ال انت عملتها مكنش صعب عليها ابدا تشيلك من قلبها و من عقلها ف يوم و ليله.. واش مش ضعيفه
ونت عارف دا كويس.. لو عايزه تدوس ع قلبها وتنسى حد.. هتعمل كدا عادي جدا من غير تفكير .
كريم /بس انا مجتش الفرح علشان ا
ديچا/لا ي كريم.. المبررات ال انت بتقولها دي العيل الصغير ميقتنعش بيها.. اتوترت من الجواز او خفت من المسؤوليه المفروض
كنت تقعد معاها زي اي راجل متفهم وع الاقل تأجلو الفرح.. مش تسيبها وتهرب.. وبعدين تظهر لها بعد فتره. ال عملته دا مصيبه وميصحش اصلا
كريم /
ديچا/عن اذنك
ومشيت
في فيلا حمزه
دخل هو وعائشه وحمزه رمي بغضب الاكياس ال عائشه اشترتها من المول
عائشه /اي ال مشكله ال انت عملتها ف المول دي ي حمزه
حمزه بغضب /اي زعلتي عليه ولا اى؟ …وبعدين انا عايز اعرف انتي راحه المول ولا راحة تقابلي ال زفت ال كان خطيبك
عائشه /لا طبعا اي ال انت بتقوله دا.. انا كنت بعمل شوبنج مع البنات زي ما قلت لك.. وبعدين قابلته صدفه هناك
حمزه بعصبيه /وهو هيعرف مكانك منين ان شاء الله.. اكيد مش هتتقابلو صدفه.. انتي اكيد كذبتي عليا ورحتي تقابلي حبيبك بحجة ال
زفت الشوبنج
عائشه بعصبيه /حمزة احترم نفسك.. انا قلت لك الحقيقه عايز تصدق او لا دي حاجة ترجع لك.. وبعدين انت مالك. حتى لو قابلته قصدا
انت مش من حقك تتدخل علشان احنا كلها كام يوم ونتطلق ونا وانت عارفين ان الجواز دا مش حقيقي.
وكانت هتمشي من قدامه
حمزه مسكها من دراعها وقال بغضب
حمزه /انا بحاول اهدي علشان لو اتعصبت فعلا مش هيحصل خير ابدا… ومش عايز اشوفك مره تانيه معاه ف مكان واحد.. مش هقبل
ابدا مراتي تروح تقابل خطيبها القديم.. وبعد ما نتطلق ابقى اعملي كل ال نفسك فيه.. اما وانتي ع زمتي لاء
عائشه فلتت دراعها من ايده بغضب وطلعت غرفتها
والجرز رن
وحمزه مسح وشه بغضب وراح يفتح الباب
وفتحه وكان موجود ديچا وسما و هدي وسالم واياد جاسر
سالم /في اي ي ابني انتو كويسين؟
حمزه /اه كويسين ي معلم سالم اتفضلو
ودخلو البيت
سما /هو احنا بصراحه قلنا ل اونكل وطنط ع الحصل ف المول علشان يتصرفو مع كريم وميحصلش مشاكل
إياد /ونا وجاسر جايين نسلم عليك عادي
جاسر /بالضبط
هدي ل حمزه /انت كويس ي حبيبى؟ باين عليك متدايق
حمزه /لا ابدا ي مدام هدي انا كويس
.. اتفضلو اقعدو انتو مش غرب
وكلهم قعدو الا سالم
سالم /انا هطلع اتكلم مع عائشه شويه.. هي ف اوضتها؟
حمزه /اه
سالم طلع
جاسر ابتسم ل ديچا ال قاعده جنبه
جاسر /عامله اي
ديچا ابتسمت /كويسة.. انت اخبارك اي
جاسر /انا بخير الحمد الله.. عجباني اوي بصراحه فكره ان بينا صحاب مشتركة وكمان جيران. مبسوط اوي من البيحصل دا
ديچا /انت بتعاكسني؟
جاسر /لا انا محترم مبعملش الحركات دي
ديچا ابتسمت /ايوا ايوا واخده بالي… طب قولي بقى… قلت كلام حلو ل كام واحد قبلي
جاسر /يعني ١٢ بس
ديچا بصتله
جاسر ضحك /بهزر اكيد.. ولا واحده والله العظيم
عند سما و إياد ال قاعدين جنب بعض
سما /انتو و حمزه صحاب من امتى
إياد /من سنين كتيره… من ايام الجامعه
سما /اممم كويس… طب ارتبط قبل كدا؟
إياد /لاء. عائشه اول حد ف حياته..كان يعرف بنات وكدا بس مش ارتباط رسمي.مجرد تسليه
سما /اوووف. طب انا هعرف ازاي
إياد /آآآه انا فهمتك ي لئيمه.. عايزه تعرفي هو بيغير ف العموم كدا ولا بيغير ع عائشه بس
سما ابتسمت /ايوا كدا.. شاطر.. جاوب بقى.. بس بصوت واطي
علشان حمزه قااعد جنبنا
إياد /هو يعني مركز اوي.. مهو قاعد سرحان.. المهم ع حسب منا فاهم صاحبي. ال هو اكتر من اخويا.. حمزه بدأ يحب عائشه
سما بفرحة /كنت حاسه والله العظيم.الحمد الله يارب
إياد ضحك
فوق في غرفه عائشه
قاعده مع سالم ع ال كنبه
عائشه /هنتطلق امتى ي بابي؟.. انا مبقتش قادره استحمل وعايزه اتطلق خلاص.. انت قلت لي هنتطلق تاني يوم الفرح.. بس عدي ايام
كتيره ومتطلقناش
سالم /لي ي بنتي كدا… والله العظيم لو لفيتي الدنيا كلها ما هتلاقي حد زي حمزة.. ادب و رجوله واحترام وعنده نخوة.. لقيت حمزه وهو
عنده ١٠ سنين بيعيط وبيقولي اهلي ماتو.. الحمد الله ربنا وقعني ف طريقه علشان اخده اشغله معايا يكسب لقمه عيشه بعرق جبينه..حمزه اتعذب اوي ف حياته .مش اي حد يتحمل ال هو اتحمله

اتربي من غير اهل وبدأ يشتغل ويعتمد ع نفسه ويتعلم كمان.. بدل ما يستسلم للظروف ويقول انا يتيم ويشرب مخدرات ولا يطلع قتال
قتله.. لاء.. طلع راجل كدا يتسند عليه . قارني كدا بينه وبين كريم.. هتلاقي فرق السما والأرض بس هتلحقي تقارني ازاي وانتي لسه
عرفاه قريب وعايزه تتطلقي.. اسمعي كلامي ي بنتي وحافظي ع حمزه والله ما هتلاقي زيه.. دا انا فرحت فرحه كبيره اول ما قالي انا
عايز اتجوز بنتك.
عائشه /
سالم /بس متنكريش. انتي كمان لاحظتي حمزه قد اي هو معدنه كويس.. صح؟
عائشه ابتسمت وهزت راسها ب آه
سالم ابتسم
عائشه /بس احنا مبنحبش بعض.. حمزه متجوزني رد جميل ليك. ونا مش هينفع افرض نفسي عليه.. اتفاقنا من الاول اننا نتطلق. ياريت
تعملو زي ما اتفقنا..عن اذنك
وطلعت من الغرفه ونزلت لهم تحت
سالم اتنهد /ربنا يهدي سرك ي بنتي.. و يهديكي يارب
ونزل وراها
عائشه سلمت ع الموجودين دا وتجاهلت حمزة
هدي بهمس ل سالم
هدي /عقلت بنتك؟
سالم /هي بنتك دي حد قادر عليها ولا حد عارف يعقلها
عائشه /هروح اجيب لكم حاجة تشربوها
اياد /لا احنا عايزين ناكل
جاسر /انت همك ع بطنك ع طول كدا يلا
هدي ضحكت
عائشه ابتسمت /هو انا مبعرفش اطبخ بس هطلب لكم دلفري
إياد /اي حاجة مش فارقه المهم اننا هناكل
عائشه دخلت المضبخ
سالم /انا و هدي هنمشي بقى ي حمزة.. هنسيبكم انتو شباب مع بعضيكم
حمزة /لسه بدري خليكم شويه
هدي /هنجيلكم تاني ان شاء الله
حمزه /ان شاء الله .. مع السلامه
ووصلهم لحد الباب
ومشيو
وراح للشباب ال ف الصالون
إياد حط رجل ع رجل وشغل التلفزيون
إياد /حمزه اعملي شاي(وقال ل سما) لما بتطلبو حاجة بتقولي اي
سما /بليز
إياد /اه.. حمزه اعملي شاي بليز
حمزه /لو جتلك هوريك انا البليز ال بجد
إياد /لا خلاص وعلى أي.. هشربه ف بيتنا.. دا انتو ناس بخيله
سما ضحكت
حمزه /طب ماشي اصبر عليا
حمزه دخل المضبخ وعائشه بتصب العصير وبتقطع فاكهة
حمزه /طلبتي الاكل؟
عائشه /
حمزة /انا بكلمك
عائشه بصتله /اه طلبت.. عايز حاجة تانيه؟
حمزه /اه عايزك تتكلمي باحترام
عائشه /انا كدا بحب اتكلم بعدم احترام مع ال شايفني كذابه وبحور
حمزه /انا رأيي مش وقته الخناق دلوقتي.. لما صحابنا يمشو نبقى نشوف موضوع الخناق دا
عائشه سابت السكينه بغضب
عائشه /لاء ولا هنتخانق دلوقتي ولا بعدين.. متتكلمش معايا تاني اصلا.
حمزه /ماشى انا موافق.. ممكن الحبه ال هنبقى متجوزين فيهم نكملهم متخاصمين

عائشه /طب ممكن اعرف انت مش مصدقني لي.. انا باين عليا اني شخص بيكذب؟
حمزه قرب منها بغضب
حمزه /لا مصدقك.. المشكله اني مصدقك وعارف انكم اتقابلتم صدفه.. بس غصب عني حسيت بنار قايده جوايا لما لقيتك واقفه معاه..
ومفيش على لسانه غير كلمة خطيبتي خطيبتي وكمان البجح بيقولك انا بحبك.. كنتي عيزاني اعمل اي يعني
عائشه ابتسمت /يعني بتغيير اهو. امال بتنكر لي؟
حمزه / انا انكر زي ما انا عايز
عائشه ابتسمت /اوك براحتك
حمزه /انا آسف.. مكنش قصدي ابدا ازعلك مني او اتعصب عليكي.. بس زي ماقلتلك غصب عني
عائشه ابتسمت /لا خلاص مش زعلانه.. كفايه عندي انك مسبتنيش زعلانه
حمزه باس راسها
حمزه /لسه زعلانه مني؟
عائشه بابتسامه /لاء.. وشكرا انك مسبتنيش زعلانه
حمزه /متأكده؟ ممكن ابوسك اصالحك علشان يبقى ضميري مرتاح
عائشه ضربته /احترم نفسك ي مستغل الفرص
حمزه ضحك
عائشه ابتسمت /يلا نطلع العصير
حمزة /يلا
وخدو العصير وطلعو
عائشه /هما بابي ومامي مشيو؟
ديچا /اه من شويه
وحمزة و عائشه قعدو
إياد /يعم فين الاكل
حمزة ضربه /ف الطريق ي معفن
إياد /اه اذا كان كدا ماشي٠
ديچا جالها تليفون وقامت بعيد ترد وجاسر كان مراقبها بنظراته وسما لاحظت دا وراحت قعدت جنبه
سما /الموضوع صعب شويه.. بصراحة شبهه مستحيل
جاسر /موضوع اي
سما /مش انت معجب ب ديچا
جاسر /احم.. لا ابدا مين قال كدا
سما /خلاص براحتك لو مش عايز تعرف الموضوع صعب ليه
وكانت هتقوم
جاسر /لا استنى
سما /ها اعترف
جاسر ابتسم /بصراحة معجب بيها شويه.. مش شويه.. كتير.. ولما بشوفها ببقى واحد تاني ومعرفش اي البيحصلي.. عمري ما عملت
كدا مع واحده بس لما ببص ع ديچا مبعرفش اشيل عيني من عليها… بس انا كل ما احاول أقرب منها. هي بتبعد. مش عارف لي..
تفتكري هي معجبه بحد تاني؟
سما ابتسمت /الله. انا بحب قصص الحب اوي.. بس متقلقش هي مش معجبه بحد تاني
جاسر /الحمد الله.. طب هي بتبعد عني لي.
سما / علشان هي مبتفكرش ف الارتباطا ولا عمرها حبت قبل كدا.. مكرسه كل وقتها للشغل اسألني انا
جاسر /مش يمكن لو حاولت.. توافق.. ويحصل حاجة من عند ربنا. تخليها تحب الارتباط
سما /والله انت وشطارتك بقى.. بس هتعاني حبه حلوين لحد ما تقنعها
جاسر ابتسم /مش مهم.. ان شاء الله اتعب ١٠ سنين. هي تستاهل. هفضل وراها لحد ما تحبني
سما ابتسمت /اوك ربنا معاك… متخفش مش هقول لحد
جاسر ابتسم /شكرا ي سما
سما قامت من جنبه وراحت قعدت جنب إياد تاني
اياد /كنتي بتقولي ل صاحبي اي.
سما مسكت كوبايه العصير /وانت مالك ان شاء الله
إياد /بقى كدا.. مااشى… منشوف مين هيجيبك الاستديو تاني
سما ابتسمت

يتبع….

مساءا
بعد ما سهرو في فيلا حمزه و عائشه
جاسر أصر يوصل ديچا بعربيته
واياد بيوصل سما لان سواقها مش موجود علشان يرجعها البيت عند جاسر وديچا ف العربيه
ديچا /مريسي علشان وصلتني. عربيتي مكنتش معايا
جاسر ابتسم /العفو ع اي.
ديچا ابتسمت
جاسر /هو انتي طول الوقت بتبقي ساكته كدا؟
ديچا /اه بصراحة دا طبعي… بحاول اغيره بس مش عارفه
جاسر بصوت واطي /مش محتاجه تغيريه. انا حابك زي ما انتي
ديچا /قلت حاجة؟
جاسر /احم آه.. قلت انتي بتشتغلي أي؟ تصدقي اعرفك من فتره بس مسألتكيش السؤال دا قبل كدا
ديچا /مديره العلاقات العامة ف بنك ***
جاسر بصلها وابتسم /اممم شخصيه مهمه يعني
ديچا ضحكت /لا مش اوي كدا يعني
جاسر سرح في ضحكتها
ديچا /يعني لو مش هتقل عليك ممكن تبص قدامك علشان هنعمل حادثه
جاسر انتبه وبص قدامه بسرعه
جاسر /اه كويس فكرتيني ان انا سايق
ديچا ضحكت /مجنون دا ولا ايه
وبعد شويه وصلو
جاسر وقف العربيه قدام البيت
جاسر /للأسف وصلنا
ديچا /للأسف لي بقى؟ حابب نعمل حادثه؟
جاسر /لا يعني.. احم.. بصراحة كنت حابب اقضي وقت اكتر معاكي
ديچا ابتسمت /اممم اوك.. تمام.. تصبح ع خير
جاسر /وانتي من اهله
ديچا وجاسر نزلو من العربيه
وديچا دخلت بيتها وجاسر فضل مراقبها لحد ما دخلت البيت
جاسر ابتسم /ان شاء الله هخليكي تحبيني فيوم من الايام.. حتى لو اضطريت انط لك ف كل مكان لحد ما تزهقي مني وتحبيني
وطلع شقته
عند اياد وسما ف العربيه
إياد وهو سايق /الا قولي لي صحيح ي برنسيسه.. اي حكايه انك مبتعرفيش تسوقي دي.
سما /للأسف انا مبعرفش.. ديما معايا عربيتي ال ب سواق.. ولو السواق مش موجود باخد تاكسي او آش و ديجا يوصلوني
اياد /طب أي المشكله.. اتعلمي السواقة دي سهله
سما اتنهدت /بخاف… عندي فوبيا من السواقة.. مامي الله يرحمها ماتت ف حادثه وهي سايقه عربيتها.. وقتها كان عندي ١٦ سنه..
مقدرتش اتأقلم مع عدم وجودها.. بابا بيحاول يعوضني عن غيابها بس اكيد مفيش اي حاجة تعوض غياب الام… حاولت اتعلم اسوق اكتر
من مره بس مكنتش بقدر اتحمل وبفشل
ودمعت وبعدين مسحت دموعها
إياد وقف العربيه
إياد /ممكن متعيطيش؟ علشان خاطري… انا غبي اصلا اني فكرتك ب حجات بتحاولي تنسيها. انا اسف
سما ابتسمت /انت مغلطتش ف حاجة طبعا.. انا بس ال اتاثرت شويه…سيبك انت من النكد دا
إياد /بتثقي فيا كام ف الميه
سما /١٠
إياد بصدمه /اي؟
سما ضحكت /بهزر بهزر… بثق فيك شويه.. بالنسبه لواحد لسه متعرفه عليه قريب المفروض اصلا مثقش فيه.. بس مش عارفه اي
الحاجة ال جوايا مخاليني واثقه فيك اوي كدا
إياد /لما تثقي فيا ١٠٠ ف الميه تعالي عرفيني
سما /لي بقى
إياد /هعلمك السواقة وهنتغلب سوا ع مخاوفك.. بس علشان نقدر نعمل كدا.. لازم تثقي فيا
سما ابتسمت /ونا موافقه
في فيلا حمزه عائشه
عائشه قاعده ف غرفتها ع السرير ماسكه التليفون
حمزه دخل الغرفه
حمزه /لسه صاحيه؟
عائشه /اه مش جايلي نوم .. وانت بقى منمتش لي
حمزه قعد ع السرير
حمزه /لاء عايز انام
عائشه /ما تنام ف اوضتك
حمزه /بالضبط.. جيتي ف النقطه ال عايز اتكلم فيها من بدري .. دي اوضتي ال احنا بنتكلم فيها حاليا دي.. بس حضرتك مستوليه عليها
وسيباني نايم ف الاوضه التانيه لوحدي.. (وابتسم) ونا بخاف. َف احتويني ونيميني جنبك اكسبي فيا ثواب

عائشه ابتسمت وضربته /دا بعينك ان شاء الله.. وبعدين احترم نفسك
حمزه /ع فكرة انا جوزك لو مش واخده بالك يعني
عائشه /لا واخده بالي. وبعدين حد قالك اعمل فيها شهم وتقول ل بابي انا هتجوز بنتك.. مكنتش مضطر تعمل كدا
حمزه ابتسم / ومش ندمان اني قلت كدا
عائشه ابتسمت
حمزه / ها؟ هتكسبي فيا ثواب وتنيميني جنبك؟ والله انا غلبان
عائشه ابتسمت /ممكن افكر ف الموضوع
حمزه بفرحة /أحلفي
عائشه /علشان الثواب يعني مش علشان حاجة
حمزه /ي سلام. هو دا السبب يعني
عائشه /اه ع فكره هو دا السبب
حمزه ابتسم
وحد بعت له رساله وكانت من بنت بتقول هاي
عائشه بصت ف التليفون وقالت بغيظ
عائشه /مين دي؟ ال باعته لك رساله بليل
حمزه /دي.. احم.. واحده اسمها ساره
عائشه /والله؟ وتطلع مين ساره هانم ال باعته لواحد متجوز هاي ف نص الليل؟ مش انت قلت عمرك ما هتكلم اي بنت حتى لو جاوزنا مش حقيقي
حمزه /والله العظيم دي واحده زميلتي من ايام الجامعه ومتجوزه اصلا.. بعتالي علشان عايزا تشتغل ف الشركه عندي

عائشه /بطل كذب ي حمزه.. اقولك ع حاجه.. اعمل ال انت عايزه. كدا كدا هنتطلق. اطلع بره بقى علشان عايزه انام
حمزه /اي الوصل الموضوع للطلاق الله يخربيتك ي ساره.. ما احنا كنا كويسين
عائشه /يلا اخلص اطلع بره
حمزه /مش انتي لسه موافقه اني هنام جنبك
عائشه /اه دا قبل ما ساره هانم تقولك هاي.. روح بقى كلمها براحتك ف الاوضه التانيه
حمزه /حسبي الله ونعم الوكيل فيكي ي سارة
وطلع بره الغرفه
.
عائشه بغيظ /ابو شكلك .. قال ساره قال.. اخلص من سهيله تطلع لي ساره.. مبيضيعش وقت…. مش عارفه بدأت احبه ع اي دا
وابتسمت
وتليفونها رن وكان كريم
عائشه ردت بنفاذ صبر /انت بتتصل بيا لي؟ مش كفاك الضرب ال خدته من حمزه؟ عايز اي تاني .
كريم /قابليني بكره ف مطعم ***عايز اتكلم معاكي
عائشه /دا ف أحلامك ان شاء الله.. انا اصلا مش طايقه ابص ف وشك.. وحمزه هيقتلك لو شافك معايا. ف كفايه مشاكل وابعد عني
كريم /لو جيتي قابلتيني ف المطعم صدقيني هبعد عن حياتك خالص.. ومش هتشوفي وشي تاني.. هبعتلك العنوان. ونا رأيي تيجي علشان

لو مجتيش هفضل انط لك ف كل حته وهعمل مشاكل مع حمزة بتاعك دا. ف شوفي ال نفسك فيه
عائشه قفلت الخط بغضب
عند كريم
ابتسم بخبث
كريم /هتيجي انا عارف… ان شاء الله طلاقكم ع ايدي.. وهتبقى بتاعتى ف الاخر… وحمزة دا. َحسابه معايا عسير
عند عائشه
محتاره تروح تقابله.. مش هينفع تقول ل حمزه تقابل كريم لانه مستحيل هيوافق.. ولو كذبت عليه وراحت تقابله من وراه هيحصل مشكله
في اليوم التالي صباحا
حمزه ماسك التليفون وقاعد ع السفره علشان هيروح الشغل.. ومستني عائشه تيجي تفطر معاه
عائشه نزلت من فوق وهي متجاهلاه
حمزه ساب تليفونه وابتسم /صباح الفل
عائشه /
حمزه /تعالي افطري معايا
عائشه /مش عايزه افطر
حمزه /تعالي انا مستنيكي من زمان علشان نفطر سوا
عائشه بغضب /لي؟ ما تجيب ساره تفطر معاك تونسك.ولا نجيب سهيله؟ انا احترت بصراحة
حمزه ابتسم /طب تعالي بس اقعدي جنبي
عائشه راحت قعدت جنبه ع السفرا
حمزه مسك ايدها /انتي لسه زعلانه مني علشان موضوع امبارح؟
عائشه /ع اساس فارق معاك
حمزة /أيوا طبعا. زعلك فارق معايا.. انا اسف.. مع اني معملتش حاجة والله.. زي ما قلت لك امبارح دي واحدة متجوزة اصلا وعايزه تشتغل معايا ف الشركه. حتى بصي
وفتح الشات ال كان بينهم. وكان كله كلام عن الشغل
عائشه ابتسمت/يعني مفيش حاجة بينكم؟
حمزه شدها من شعرها بهزار/هو انا مش قلت لك قبل كدا. اني مستحيل اعمل حاجة زي دي؟
عائشه بوجع ضربته/اه شعري
حمزة بتريقه /اه شعري
عائشه /ما اعمل اي.. اي حد مكاني كان هيفكر انك شاقطها.. وانت بجد لو عملت كدا حتى لو جوازنا مش حقيقي َ..هكرهك وهتطلق منك ف نفس اللحظه
حمزه ابتسم /هتكرهيني؟ يعني دلوقتي بتحبيني؟ والا الكرهه هيجي منين طالما مفيش حب؟
عائشه بتوتر سحبت ايدها من ايده
عائشه /احم لا طبعا.. مفيش حاجه من ال بتقولها دي
حمزه ابتسم /متحاوليش تنكري كدا كدا انتي مفضوحه
عائشه /دي اوهام عندك مش
اكتر
حمزه /ماشى هسيبك تنكري براحتك بس كل حاجة هتظهر قريب.. وبعدين يعني نص بنات مصر بتحبني يعني جي جت عليكي
عائشه بغيظ /فعلا؟ نص بنات مصر بتحب فيك اي اصلا.. ها قولي

حمزة عدل هدومه بثقه /مش شايفه قد اي انا شاب كلي مميزات؟ طبعا هتشوفي ازاي منا قلت لك قبل كدا اكشفي نظر
عائشه مسكت سكينه من ع السفرا
عائشه /حمزه متستفزنيش احسن لك
حمزه ضحك/خلاص استهدي بالله الجنان هيطلع ولا اي
عائشه ضحكت/يارب الصبر
وبعدين افتكرت لقاء كريم
قالت بتوتر /احم. بقولك صحيح
حمزه وهو بيفطر ع السريع قبل ما يروح الشغل/قولي
عائشه /هخرج النهارده .. هقابل ديچا وسما.
حمزه /اوك مفيش مشكله.. انا هروح الشغل. عايزه حاجة؟
عائشه /لا شكرا
حمزه قرب كرسي عائشه عليه وبقت قريبه منه
حمزه/متأكده
عائشه بتوتر/احم..اها متأكده
حمزه باسها من خدها/تمام
وعائشه اتصدمت من ال عمله وحطت ايدها ع خدها مكان البوسة
حمزه ضحك /طب انا همشي بسرعه قبل ما تضربيني بحاجة
وخد جاكيته والتلفون ومشي
وعائشه ابتسمت
بس فنفس الوقت زعلت علشان كذبت عليه وهتروح تقابل كريم .. حمزه ف الفتره الصغيره ال عرفته فيها عمره ما كدب عليها ولا خبي عليها حاجة.. وعمره ما زعلها
ولو زعلت منه بيروح يصالحها ع طول. وعلى طول حنين عليها .. كل دا خلاها تبدأ تحبه ف فتره صغيره
عند حمزه
وصل مصنع المعلم سالم وهو مبسوط من وجود عائشه ف حياته. خلاص هو ميقدرش يستغنى عنها. قبل ما يعرفها كان عايش وحيد دلوقتي هي ملت عليه حياته
وراح مكتب المعلم سالم
حمزه دخل /ازيك ي معلم
سالم ابتسم /اهلا ي حمزه تعالي اقعد
حمزة قعد قصاده ع المكتب
حمزه بابتسامه /عامل اي
سالم /بخير ي حبيبي.. انت اخبارك اي وعائشه عامله معاك اي؟
حمزه ابتسم /الحمد الله كويسين
سالم ابتسم /باين عليك مبسوط. ربنا يجعلك مبسوط ديما.. بس انا بعفيك من عائشه لو حابب تسيبها وتطلقها مبقاش عندي مشكله. الناس
نسيت انشغلت عننا ولو اتطلقت مش هيبقى في مشكله.. مش عايز اتقل عليك

حمزه /احم…سيبك من الكلام دا دلوقتي ي معلم سالم . انا جاي ادردش معاك شويه قبل ما اروح الشركه.. ما تطلب لنا شاي
سالم ابتسم /من عنيا
وفجأه باب المكتب انفتح و كريم دخل والمساعد بتاع المعلم بيحاول يمنعه يخش
المساعد /ي فندم مينفعش كدا لازم اعرف المعلم سالم الاول
كريم /عيب.. والله عيب.. دا انا جاي ل عمي يعني مش حد غريب
سالم قام بغضب
سالم /انت بتعمل اي هنا ي جدع انت
المساعد /والله ي معلم سالم حاولت امنعه بس دخل فجأه
سالم /اطلع انت
المساعد خرج
كريم ابتسم /ازيك ي عمي
سالم بعصبيه /متقوليش ي عمي.. انا مش عمك. واطلع بره
كريم /بس انت كدا بتكسر بخاطري والله ي عمي..
وبص ع ال قاعد ع المكتب
كريم /اي دا أي دا؟ حمزة بيه؟ بتعمل اي هنا
حمزه وهو مازال قاعد وبيبص له ببرود /وانت مال اهلك
كريم ضحك /اجابه مقنعه…انا كنت عايز اتكلم مع المعلم سالم ع انفراد بس انت خالص يعتبر من عيله المعلم سالم ف مش مشكله بقى
خليك قاعد
سالم /مش عايز اتكلم معاك ف اي حاجه.
كريم /طب والشغل ال كان بين مصنعك وشركتي؟
سالم فتح الدرج و طلع عقد وقطعه نصين
سالم /كدا يبقى مفيش شغل بيني وبينك. انت سبت بنتي يوم الفرح وكسرت قلبها … بس اقولك ع حاجة.. الحمد الله انك عملت كدا لاني
خلاص لقيت الشخص ال مناسب ليها وال هيصونها ويشيلها ف عينه
كريم /واو! والشخص دا بقى مين؟ حمزه (وضحك)
حمزه قام ووقف قصاده
حمزه /بص ي كيمو ي حبيبي.. كل ما بشوفك بتعصب ومزاجي بيبقى زي الزفت .. ولما مزاجي بيبقى زي الزفت بيحب اضرب الناس
اوي.. اظن انت جربت الحكايه دي قبل كدا
وشاور له ع كدمه ف وشه
حمزة /ولا اى رايك؟
كريم بصله بغضب
حمزه /ف أنا من رأيي تطلع بره.
كريم /الا قولي ي حمزه… عائشه عامله اي
حمزه بغضب لف ايد كريم ورا ضهره
كريم اتوجع
حمزه /متجبش سيره مراتي مره تانيه ع لسانك.. بلاش اندمك
كريم /لا مهو انا نسيت اقولك. بقالي فتره مندمتش.. هموت واندم
سالم بغضب /انتو اتجننتو وال اى هتتخانقو قدامي؟
حمزة ساب كريم بغضب
سالم ل كريم /ويلا ي جدع انت اطلع بره المصنع مش عايز اشوف وشك تاني.. و عائشه انساها
كريم عدل هدومه /منا والله عايز امشي بس حمزه ال كان ماسك فيا تقريبا حبني ولا اى

وكريم بص ف الساعه /كدا كدا كنت ماشى.. اصل ورايا معاد مهم جدا جدا ف مطعم.. هبقي احكيلك ي حمزه.. محنا ان شاء الله هنبقى صحاب
ومشي
وحمزه اتنفس بغضب
سالم /اهدي ي حمزه ي ابني. انا ماسك نفسي بالعافيه عنه علشان مش قادر اعدي ال عمله ف عائشه.. انت كمان خلي بالك ومتعملش
اي حاجة تبوظ حياتك.. الحمد الله ان المره دا معملش بلاغ ضدك علشان ضربته. كان زمانك محبوس. ف اوعدني انك مش هتأذيه مره تانيه
حمزه /لا اسف ي معلم سالم مقدرش اوعدك.. طول ما هو بيحوم حوالين عائشه مش هسيبه.. عن اذنك همشي
سالم /ما تخليك قاعد هنشرب شاي
حمزه /مره تانيه علشان سايب الشركة تضرب تقلب
سالم /ماشى ي ابني مع الف سلامه
حمزه مشي وسالم اتنهد
في البنك ال ديچا بتشتغل فيه
جاسر كان عايز يشوفها وقرر يروح لها مكان شغلها ويتحجج ب اي حجه
ودخل البنت وسأل ع مكتب ديچا قبل ما يخش طلع الكريدت كارد بتاعته وكسرها نصين
وخبط ع الباب ودخل
ديچا وهي مشغوله /ادخل
جاسر ابتسم /اهلا
ديچا بصت ب استغراب /اي دا جاسر؟
وقامت
ديچا ابتسمت /انت بتعمل اي هنا
جاسر /اي دا ديچا؟ مكنتش اعرف انك بتشتغلي هنا. سبحان الله
ديچا /انا لسه قايله لك امبارح ع اسم البنك ال بشتغل فيه ع فكره
جاسر /والله؟ لا مخدتش بالي خالص.. هي الصدف ال بتجمعنا ديما هعمل اي. غصب عني
ديچا ابتسمت /طب اتفضل اقعد
وقعدو
ديچا /كنت جاي لي بقى
جاسر طلع الكريدت كارد المكسورة
جاسر/اتكسرت مني.. عايز أعمل كريدت كارد جديده. اي الاجراءات ال المفروض اعملها
ديچا/اه دي حاجة بسيطه جدا.. ممكن تاخد كريدت كارد دلوقتي
جاسر /براحتك انا مش مستعجل
ديچا /ثواني
وجابت ورقه من المكتب وبدأت تكتب فيها
وجاسر باصص لها وهي مندمجه ف الشغل ومبتسم
وديچا رنت ع موظف من بره من هاتف المكتب
الموظف خبط ودخل /حضرتك طلبتيني
ديچا ادتله الورقه /اه. عايزين نعمل كريدت كارد تانيه والمعلومات الشخصيه موجودة ف الورقه دي َياريت تعملها ف اسرع وقت
موظف /تمام. عن اذنك
وطلع
جاسر /عقبال ما ال كريدت تخلص.. اي رايك نشرب قهوه سوا ف الكافيه ال جنب البنك
ديچا /بس انا للأسف ورايا شغل كتير
جاسر اتنهد /خلاص تمام مش هعطلك عن شغلك اكتر من كدا ..ممكن اروح استني الكريدت كارد بره
وقام
ديچا ابتسمت /بس انا ممكن أأجل ال شغل شويه عادي.. وكمان انا حابه اشرب قهوه علشان مشربتش النهارده
جاسر ابتسم بفرحة/اشطا يلا بينا

يتبع….

عند ديچا و جاسر قاعدين ف الكافيه ال جنب البنك بيشربو قهوه
جاسر/انا مش عاجبني بصراحه الحوار دا
ديچا بعدم فهم/حوار اي
جاسر/حوار اني معرفش اي حاجه عنك غير انك ديچا صاحبه عائشه وسما وساكنه ف الشقه ال تحتي.
ديچا ضحكت
وجاسر ابتسم
جاسر/ما تيجي نتعرف من الاول
ديچا ابتسمت/اوك ..انا ديچا سليمان ٢٧ سنه ..معنديش اخوات و ببايا متوفي ..ومامتي اتجوزت تاني وعايشه مع جوزها ف دبي . بقالها سنين .ونا عايشه لوحدي واتعودت ع دا ..طبعا مامي ألحت عليا كتير اروح اعيش معاهم بس انا رفضت..معنديش اخوات بس آش وسما اكتر من اخواتي ..صحاب من الطفوله يعني عمرنا كله قضناه مع بعض..وبس كدا
جاسر/طب وبالنسبة ل خانة حبيبك .خطيبك ..مبتفكريش ف الموضوع دا ولا اي

ديچا شربت شويه من القهوه/ بصراحه لاء انا عمرتي ما فكرت ف الارتباط ولا عايزه افكر ف الموضوع اصلا ..أنا مكرسه كل وقتي ل شغلي ول اصحابي وبس
جاسر/طب لي مش حابه الموضوع..كنتي مرتبطه قبل كدا والشخص دة عقدك ف الصنف كله ولا المبدأ اصلا مش موجود عندك
ديچا/لاء مرتطبش قبل كدا .المبدأ فعلا هو ال مش موجود..وانت بقي .احكيلي عن نفسك
جاسر /انا ي ستي جاسر محمد ٣٠ سنه . ماما وبابا الحمد لله موجودين ف حياتي .ربنا يديهم طوله العمر .و معنديش اخوات بس حمزه واياد عندي بالدنيا.. وعندي اسهم ف شركه حمزه و شغال معاه .طبعا طلبنا من إياد يشتغل معانا بس هو بيحب شغله اوي وبيحب الاستديو بتاعه ف بيرفض.
ديچا/مامتك وبباك كان رد فعلهم اي لما قررت تسيب البيت وتسكن ف شقه تانيه ..لانك اكيد كنت عايش معاهم قبل ما تسكن فوق شقتي
جاسر/رد فعلهم كان هااادي خالص ومتفهمين جدا
جاسر فلاش باك
ف البيت
قاعد مع بباه ومامته ف الصالون
جاسر/ زوزو ..بابا..كنت عايز اقولك ان انا هروح اعيش ف شقه لوحدي..ومن بكره هلم هدومي وامشي
الام(زينب) شهقت/ي مصبتي..عايز تمشي وتروح فين ي جاسر..عايز تسيب امك وتمشي لي ..
جاسر/ي زوزو افهمي انا ا
الام عيطت/لالا ملكش كلام معايا ..عايز تسبني وتمشي ي جاسر؟
الاب/اشمعنا القرار المفاجئ ده ..انت اتجننت ي ابني
جاسر/يلهوي عليا و ع سنيني السودا بتعيطي لي ي ماما ..ي جدعان هو انا بقولكم مسافر الخليج اكون نفسي؟ دة انا هقعد ف شقه هنا الطريق من هنا لهناك نص ساعه .وهجيلكم كل يوم مش حوار يعني .
الام/ولي بقي ان شاءالله .اي ي خويا ال جابها ف دماغك فجأه..ل تكون عايز تتجوز ف السر يواد

جاسر ابتسم/ياريت..بس يكون الشخص ال ف بالي..مش بنت خالتي ال منمرالي عليها من ونا ف اللفه
الام ضربته/ومالها بنت خالتك يواد .والله منتا متجوز غيرها
جاسر بص ل ابوه/شوف بقيت عندي ٣٠ سنه وامي بتعاملني أكني عندي ١٩ سنه
الاب ضحك
جاسر قعد جنب مامته/بصي ي زوزو ي حبيبتي..انا والله هسكن ف شقه قريبه من هنا مش بعيده ولا حاجه. ووعد مني هاجي لكم كل يوم .انا بس عايز اركز ف شغلي وكدا ف خت شقه هاديه
وغمز لها
جاسر/وبعدين عايز برضو اسيبك انتي و بابا لوحدكم شويه …انا بقالي ٣٠ سنه عزول بينكم..الراجل اشتكي
وشاور ع ابوه
الاب/اه والله ..كويس ان لسه عندك دم
الام ضحكت
باااك
ديچا ابتسمت/انت لازم تخليني اقابل بباك و مامتك ف اقرب فرصه
جاسر ابتسم/ي سلام .بس كدا ؟..من عنيا
ديچا /ممكن اسالك اخر سؤال
جاسر /اتفضلي
ديچا/هو انت ليه سبت بيتكم وجيت سكنت فوقي
جاسر/احم ..يعني ..تقدري تقولي بحب التغيير .. وبعدين لقيته مكان هادي وجميل. ف عجبني بس مش أكتر
ديچا/امم اوك.
وبصت ف الساعه
ديچا/ممكن نمشي ؟ لان انا اتاخرت ع الشغل ولازم اروح اكمل
جاسر /اه اه طبعا يلا
وقامو
وجاسر دفع الحساب ومشيو
في منتصف اليوم
عند عائشه
راحت تقابل كريم ف المطعم ال اتفقوا عليه
وكريم شافها من بعيد وشاور لها
عائشه راحت له
كريم ابتسم/ازيك ي آش
عائشه/انا مش جايه اتبادل الهموم معاك ..قولي عايز مني اي خليني امشي
كريم/اكيد مش هنتكلم وحنا واقفين
وشد لها كرسي تقعد
عائشه مقعدتش ع الكرسي ال شده وقعدت ع واحد تاني
كريم اتنهد وقعد
كريم ابتسم/تشربي اي
عائشه بغضب/كريم..هتخلص تقول عايز اي ولا امشي
كريم/لا هقول ..انتي وحشتيني…انا جاي اعتذر ع ال عملته معاكي انا فعلا كنت ناوي اجي الفرح بس صحابي خوفوني و
عائشه /و هربت ..زي ما تكون عيل صغير سمعت كلام صحابك المتجوزين وسبتني يوم فرحي ب الفستان الأبيض .حطتني ف موقف زباله ..وكنت هتفضح ببايا رجل الأعمال المعروف ال عازم ناس مهمه جدا وصحافه كمان .سيرتي كانت هتبقي ع كل لسان لولا حمزه ..راجل بجد وقدر يلم الموقف ..وانت جاي ف الاخر تقولي (اسف) كريم انت مجنون؟ هو انت دست ع رجلي بالغلط؟ دا اي البجاحه دي
كريم/طب قولي لي اكفر عن ذنبي ازاي .
عائشه بعصبيه خفيفه/انا مش عيزاك تكفر عن زنبك ولا نيله انت مش فارق معايا خالص .ولا حتي بتيجي ع بالي . انا واحده متجوزه ومبسوطه مع حمزه ..ف لو خلصت كلامك ال ملوش لازمه دا انا همشي
وكانت هتمشي كريم مسك ايدها
وبص للشخص ال ف الطربيزه ال جنبه ال متفق معاه يصورهم ف السر
كريم/آش استني
والمصور صورهم وهو ماسك ايدها
عائشه فلتت ايدها بغضب وكبت كوبايه المايه ال ع الطربيزه ع وشه
وكل الموجودين ف المطعم بيتفرجوا
عائشه بتحذير/لو فكرت تتصل بيا تاني أو تظهر قدامي هندمك…واخر مره تفكر تمسك ايدي ي حيوان
وخدت شنطتها ومشيت
كريم بغضب خد مناديل من ع الطربيزه ومسح وشه
وراح عند طربيزه المصور
كريم/صورت
المصور/كله تحت السيطره
كريم ابتسم بخبث/حلو اوي
مساءا عند حمزه
رجع من الشغل ودخل وندهه ع عائشه بس محدش بيرد
طلع يدور عليها ف اوضتها برضو ملقهاش
رن عليها و مبتردش ..ورن أكتر من مره ومردتش
وحمزه قلق عليها
حمزه بقلق/هتكون راحت فين .
وافتكر انها قالت له انها مع ديچا و سما
رن ع ديچا ومبتردش
ورن ع سما بسرعه وسما تليفونها مغلق
حمزه رايح جاي بتوتر
حاول يرن عليها تاني
وعائشه فتحت الباب بمفتاحها و دخلت
حمزه اتنهد/الحمد لله
عائشه/في اي انت كويس؟
حمزه راح حضنها وعائشه انصدمت من ال عمله ..اول مره يحضنها ..فعلا حضنه حلو اوي وبيحسس بالأمان
وابتسمت
حمزه/ممكن افهم مبترديش ع موبايلك ليه؟ وقعتي قلبي
عائشه ابتسمت/قلقت عليا؟
حمزه/اه يختي قلقت عليكي ..إياك الحركه دي تحصل مره تانيه..ارن عليكي تردي ف نفس اللحظه
عائشه ابتسمت/اوك
حمزه طلعها من حضنه/شوفي لما بتسمعي الكلام بتبقي قمر ازاي
عائشه/متتعودش ع كدة بقي
حمزه/صحيح انتي اتاخرتي بره لي كدا ..كنتي فين
عائشه بتوتر/احم ..مش انا قلت لك قبل ما تروح الشغل هقابل البنات..روحنا المول نشتري حجات ولفينا سويه ورجعت
حمزه بص ع ايدها/فين الحجات ال انتي اشتريتيها
عائشه/م .مهو مش انا ال اشتريت ديچا ال اشترت ..وبعدين هو في اي ي حمزه هو تحقيق؟
حمزه ابتسم/ي باشا ولا تحقيق ولا حاجه .انا قلقت عليكي بس.. روحي غيري هدومك لحد ما اطلب لنا اكل من بره
عائشه ابتسمت/اوك
وطلعت الغرفه وهي مضايقه من نفسها عاشان بتكذب ع حمزه بكل بجاحه
وحمزه فتح موبايله يطلب أوردر وفجأه جات له ماسدج ع الواتس اب من رقم غريب

فتح الواتس اب لقي صور عائشه ف مطعم مع كريم ..وماسكين ايد بعض
حمزه بص ف الصور وانصدم من ال شافه ..معقوله عائشه كدبت عليه عاشان تروح تقابله ..معقوله لسه بتحبه ومنستهوش زي ما هي بتقول ..يعني هو غلط لما فكر ان عائشه ممكن تحبه زي ما هو حبها وبقت كل حاجه ف حياته واعتبرها عيلته الوحيده
عائشه نزلت من فوق بعد ما غيرت هدومها
عائشه ابتسمت/ها بقي طلبت لنا اي؟..لاني بصراحه جعانه اوي
حمزه يحاول ال هدوء والسيطرة ع اعصابه/ممكن اعرف اي دا؟
ووراها الصور
عائشه انصدمت
عائشه بتوتر/ا اي دا؟ مين ال بعت لك الصور دي
حمزه بعصبيه/فعلا؟ هو دا كل ال هامك؟ اي دا و اي الصور دي؟
قلتي هخرج مع ديچا وسما ونا صدقتك ووثقت فيكي..لاء وكمان راجعه من بره بتكملي كدب وانتي باصه ف عيني ..و ف الاخر رايحه تقابلي خطيبك ال قديم من ورايا؟ للدرجه دي وحشك ونا عائق بينكم
عائشه بتوتر وخوف من عصبيته/والله ي حمزه انت فاهم غلط خليني اشرح لك ..
حمزه بنفس العصبيه/انا مش عايز اسمع منك حاجه ..فاهمه؟
وحاول الهدوء/ من بكره هتكلم مع المعلم سالم وهجيب مأذون ونتطلق ..انا كدا خلاص عملت ال عليا ووقفت جنب المعلم بتاعي واتجوزتك رد جميل والموضوع انتهي .

عائشه دمعت /فعلا؟ انت شايف كدا ..انت متجوزني رد جميل وهنتطلق؟
حمزه بغضب/اه شايف كدا .. وبعد ما نتطلق ابقي اعملي ال انتي عيزاه مع حبيبك القديم ال انا كنت عزول بينكم ..وكنت زي الأهبل فكرت انك بدأتي تحبيني زي ما انا حبيتك
وخد موبايله ومفاتيح العربيه بغضب وطلع بره البيت وحاسس ان جواه ناار قايده ومش هتهدي وركب عربيته ومشي
وعائشه قعدت ع الكنبه وهي بتعيط
وفتحت موبايلها وبعتت فويس نوت ع الجروب المشترك بينها وبين ديچا وسما
عائشه بدموع/ممكن تجولي البيت علشان انا محتجاكم؟
عند حمزه دور ع عنوان شركه كريم ع الانترنت ولقاه ووصل الشركه
حمزه نزل من العربيه بغضب لقي كريم خلص شغل و نازل من الشركه بيصفر وشاف حمزه
كريم/اي دا حمزه..اهلا وس
وقبل ما يكمل الجمله حمزه ضربه ب البوكس ف وشه
كريم بوجع/اي ي حمزه العنف دا ..انت شفت الصور ولا اي .صدقني اتبعتت لك بالغلط
حمزه بغضب نزل في ضرب و كريم وقع ع الارض من كتر الوجع

حمزه/سبق و حزرتك قبل كدا ماتقربش من مراتي ..بس الظاهر انك مبتفهمش..قلت أأكد عليك يمكن تفهم ..ل اخر مره بقولك ..إياك ثم إياك تقرب منها خطوه واحده ..والا موتك هيبقي ع ايدي
كريم بوجع حاول يقوم/الظاهر انك انت ال مبتفهمش ..انا وعائشه بنحب بعض و انت ا
حمزه ضربه بالروسيه فتح دماغه وكريم وقع ع الارض
حمزه/المره الجايه مش هيبقي تحذير ..هيبقي موتك
وركب العربيه ومشي
والامن راح ل كريم بسرعه وحاول يقومه
الامن/حضرتك كويس ي كريم بيه
كريم بغضب/اوعي كدا انت لسه فاكر تيجي
وحط ايده ع راسه و وشه لقاهم بينزفو.
الامن/حضرتك لازم تروح المستشفي حالا
كريم بغضب/والله ل اندمك ع ال عملته ي حمزه
عند عائشه
جرز الفيلا رن وعائشه راحت تفتح وكان ديچا و سما
ديچا/مالك ي عائشه في اي ..انتي معيطه
سما/قلقتينا عليكي..وفين حمزه
عائشه دخلت وقعدت ع الكنبه وديجا وسما قفلو الباب وراحو وراها وقعدوا جنبها
ديچا حضنت عائشه/مالك ي حبيبتي اي الحصل؟
عائشه/مفيش حاجه ..انا وحمزه هنتطلق بكره او بعده بالكتير
سما/اي؟!
ديچا/اي الحصل فجأه يعني
عائشه طلعت من حضنها ودمعت/مستغربين لي ..هو دا ال كان مفروض يحصل ..كان المفروض اسيب حمزه من تاني يوم جواز عاشان محبش حمزه زي الغبيه واتعلق بيه ويمشي ويسبني بكل سهوله
سما/ايوا كان اتفاق من الاول بس بعد كدا لما شفناكي انتي وحمزه قد اي بدأتوا تتفاهمو و تتعلقو ببعض .وتحبو بعض .قلنا انكم هتنسو الاتفاق وتكملو مع بعض.اي بقي ال حصل فجأه
عائشه حكت لهم
سما بغضب/اكيد كريم الكلب هو ال بعت ل حمزه الصور ..مفيش غيره
ديچا/انتي ازاي ي آش تعملي حاجه زي دي من ورا حمزه ..ازاي تروحي تقابلي كريم من وراه ولاء كمان بتكدبي

عائشه/انا عملت كدة علشان اقوله يبعد و يحل عني علشان اعيش مع حمزه ف هدوء. لان حمزه بيتضايق من وجوده حواليا..ومقلتش ل حمزه عاشان اكيد مكنش هيوافق..و ف الاخر بعد ما عرف جاي يقولي هنتطلق وانا عملت واجبي واتجوزتك رد جميل؟ من غير حتي ما يسمعني و لا ابرر له وسابني ومشي؟ لاء بجد واضح انه بيحبني
ديچا/ايوا بيحبك بس انتي جرحتي رجولته و كدبتي عليه .دة اقل رد فعل ممكن يعمله.
عائشه /ديچا هو انت بجد بتدافعي عنه؟
ديچا/حبيبتي افهميني .انا مش بدافع عنه بس انتي فعلا غلطتي ي آش ..يعني واحد زي حمزه بيغير عليكي من اقل حاجه.. بيغير لما بيشوفك لابسه قصير..وغار عليكي لما قابلتي كريم صدفه ف المول … عايزه رد فعله يكون اي لما يشوف صوره ل الاكس بتاعك وهو ماسك ايدك وف مطعم؟ اكيد دا هيكون رد فعله ..بالذات انك كدبتي عليه وهو كان واثق فيكي .. فجأه حس نفسه عائق ف حياتك وانك مبتحبهوش ..ف انتي لازم تثبتيله عكس دة وتقولي له قد اي انك بتحبيه و ان دا سوء تفاهم .ونا متأكده مليون ف الميه انه هيسامحك فورا لان واضح جدا عليه انه بيحبك وانتي عارفه كدة كويس
سما/انا شايفه ان ديچا كلامها مظبوط بصراحه ..متخسريش حد بيحبك ي آش لو سمحتي
عائشه بغضب/انا ولا هثبت له اني بحبه ولا هبرر له حاجة..هو كان المفروض يسمعني قبل ما يجرحني ويقولي دي كانت جوازه رد جميل وخلصت وهنتطلق ..لو هو هيستغني عني بالسهوله دي انا كمان هستغني عنه..انا طالعه انام وانتو لو عايزين تمشو امشو انا كدا كدا بكره والصبح هلم هدومي واروح عند بابي .
وطلعت غرفتها
ديچا اتنهدت/عنيده
عند حمزه بعد ما لف بالعربيه كتير قرر يروح يبات عند إياد
وطلع الشقه وخبط
إياد فتح له وكان جاسر قاعد معاه جوه
اياد/اهلا ب البرنس حمزه
حمزه دخل وقعد ع الكنبه
جاسر /.ليك وحشه والله .الجواز خدك مننا ع الاخر
إياد قعد جنبهم
جاسر/مالك
حمزه /مفيش..هبات هنا النهارده
اياد/لي ؟ وهتسيب عائشه تبات لوحدها وتيجي هنا لي..للدرجه دي وحشناك
حمزه/انا وعائشه هنتطلق ف ياريت حد ياخدلي اقرب معاد من اي مأذون .ونا هبقي اتكلم مع المعلم سالم
جاسر واياد بصدمه/اي؟
حمزه/زي ما سمعتو
جاسر/طب لي يعني.اي السبب
حمزه بعصبيه/مفيش سبب .دا كان اتفاق من اول يوم اصلا وهيتنفذ
اياد/ماشي اتفاق بس فكرناه اتلغي لما لقينا علاقتكم مشاء الله بتبقي احسن مع الايام
حمزه بغضب/انا عايز انام .هتسبوني انام ولا اروح زفت أوتيل
جاسر/لاء خلاص نام مش هنتكلم
حمزه نام ع الكنبه واستغطي بالغطا ال كان موجود
وجاسر واياد بصو لبعض واتنهدو
في فيلا حمزه
عائشه ف الفيلا لوحدها
نايمه ف اوضتها
وديچا وسما سابوها لوحدها ع امل ان حمزه يرجع البيت وخلافهم ينتهي
عند ديچا وصلت بيتها ونزلت من عربيتها
و فنفس الوقت جاسر وصل ونزل من عربيته
ديچا /حمزه قالك؟
جاسر اتنهد/ حمزه عمره ما يحكي لحد ع ال بيحصل بينه وبين مراته .هو مقلش اي حاجه غير دورو ع مأذون هنتطلق
ديچا اتنهدت وقعدت ع السلم البيت
وجاسر قعد جنبها
ديچا/وعائشه مش كويسه خالص . ف العادي لما كانت بتتخانق مع كريم مكنش بيفرق معاها ولا بتهتم حتي ..بس دلوقتي الوضع مختلف
جاسر ابتسم/طب كويس دي حاجه كويسه .. دا معناه انها بتحب حمزه..بس متقلقيش ان شاءالله يتصالحو
ديچا/يارب
جاسر ابتسم/ما تيجي اعزمك ع حاجه نشربها ف الجنينه بتاعتنا الحلوه دي
ديچا ابتسمت/موافقه.. هغير هدومي عقبال ما تعمل ال حاجه السخنه
ودخلت البيت
وجاسر طلع ع السلم وهو بيرقص
جاسر/وافقت ..وافقت
عند إياد ف البيت
حمزه نايم ع الكنبه بس صاحي وباصص ف السقف وسرحان
واياد ف المضبخ بيعمل له حاجه يشربها وبيكلم سما ف الموبايل
سما/انا بقي متأكده ان الواطي كريم هو ال بعت ال صور ل حمزه
إياد/ مفيش غيره هو ال عمل كدة.. عايز يبوظ العلاقه بينهم .وطبعا لو احنا قلنا الكلام دا ل حمزه مش هيصدق..يأما عائشه ال تقوله وهو بيحبها وهيصدقها .يأما كريم الكلب دا ال يعترف ل حمزه
سما/بس آش مش هتبرر حاجه ل حمزه .. لانها من وجهه نظرها طالما حمزه قرر يتطلقو واستغني عنها .يبقي هي كمان هتستغني عنه
اياد وهو بيقلب السكر ف الكوبايه /طب والحل اي
سما/هو انت بتعمل اي
اياد/بعمل ل حمزه حاجه دافيه يشربها
سما ابتسمت/دة انت صاحب حنين بقي ع كدا
إياد ابتسم/لا ميغركيش دا انا أعجبك اوي
سما/يعني انت هتبقي حنين كدا برضو مع البنت ال هتحبها ؟
إياد/ع حسب البنت ال هحبها. يعني مثلا سماح ال كنت اعرفها من كام شهر متستاهلش. يمني بقي ال عرفتها قريب يعني تستاهل شويه
سما بغيظ وغضب/يعني ممكن اعرف مين سماح ويمني دول .انت مش قايل لي عمري ما ارتبط قبل كدة ..شكلك شخص بيحب يكدب وكدا
إياد ابتسم /اي استهدي بالله مش كدا. اي كل العصبيه دي
سما/ع فكره انت مستفز ونا هقفل السكه ف وشك
اياد/ع فكره انا بهزر .يمني وسماح دول اسماء من وحي خيالي
سما /احلف
اياد/احلف ؟ اي انعدام الثقه دا..مش واثقه فيا يعني
سما بغيره/ع فكره انا مقلتش كدا .وبعدين انت ف الاستديو بنات طالعه وبنات داخله ونا اي ال يخليني أثق فيك
اياد /اوك ي سما انا مضطر اقفل ..سلام
سما/ا انا اسفه انا مكنتش اقصد اقول كدا بالضبط انا ا
اياد قفل ال خط

يتبع….

ليلا عند بيت ديچا و جاسر
ديچا قاعده ع طربيزه ف الجنينه وفاتحه الاب توب بتكلم مامتها فديو كول
الام/ي بنتي طاوعيني بقي ..هفضل اتحايل عليكي كتير؟
ديچا/انا قلت لك قبل كدا ٥٠٠ مره مش هسيب بيتي وشغلي وصحابي عاشان اجي اعيش ف دبي معاكي انتي وال راجل ال حطتيته ف مكانه ابويا الله يرحمه
جاسر نزل من شقته وهو معاه فنجانين حاجه دافيه ورايح ل ديچا

الام/طب بصي..اتكلمي بس مع خالد ٥.دقايق صدقيني هيقنعك
ديچا/ماما …سلام
وقفلت الاب توب واتنهدت
جاسر قعد جنبها وحط الفنجانين ع الطربيزه
جاسر/انتي كويسه؟
ديچا/ماما مّصره اجي اعيش معاها ف دبي
جاسر /احم..وانتي اكيد مش هتوافقي يعني
ديچا/لا طبعا..مش كفايه قبلت انها تتجوز واحد غير بابي الله يرحمه …أنا بالنسبه لي ببايا ميتعوضش
جاسر علشان يطلعها من المود ال هي في
جاسر/بصي بقي .عملت لك احلي نسكافيه ب ايدي ..صحيح انا فاشل ف شغل المضبخ لان زوزو ال كانت بتعمل كل حاجه. بس دا نسكافيه يعني مش محتاج افتكاسه
ديچا /بتهزر ..انت مبتعرفش تضبخ؟
جاسر/لاء
ديچا/امال طول الفتره ال فاتت دي لما نقلت ف البيت دا وبقيت لوحدك ..بتاكل ازاي
جاسر/ دلفري كتير بقي
ديچا/امم اوك..لحظه هرن ع آش اطمن عليها
جاسر/اوك
ديچا رنت ع عائشه ومبتردش
ورنت اكتر من مره مبتردش
ديچا بقلق/آش مبتردش .تفتكر نامت؟
جاسر/اعتقد اه متقلقيش يعني
ديچا/لا انا قلقت عليها .احنا سايبينها ف البيت لوحدها.افرض حصلها حاجه
انا هرن ع حمزه اشوفه يمكن راح البيت ويطمني عليها
عند حمزه ف نص الليل
نايم ع الكنبه بس صاحي ومش عارف ينام
وتليفونه رن وكانت ديچا
استغرب و رد
حمزه/الو
ديچا/حمزه انت ف البيت صح؟اصل عائشه برن عليها ومبتردش ونا قلقت . لأنها ف البيت لوحدها
حمزه/ الوقت اتاخر ممكن تكون نامت .
ديچا/خلاص تمام..تصبح ع خير
حمزه /وانتي من اهله
وقفل
حمزه قلق ع عائشه
ورن عليها مردتش
وقرر يروح يطمن عليها
وقام من ع الكنبه
ولبس جاكيته وخد مفاتيح العربيه ونزل من البيت
بعد شويه حمزه وصل الفيلا وطلع غرفه عائشه لقاها نايمه
حمزه اتنهد ب راحه
وقرب منها وبصلها بحب وغطاها كويسه
وعائشه آنت بوجع وهي نايمه
حمزه/عائشه
وحط ايده ع وشها ولقاها سخنه جدا
حمزه بقلق/عائشه فوقي كدا معايا ..هتبقي كويسه متقلقيش. هتصلك ب الدكتوره حالا
وفتح تليفونه بسرعه ورن ع دكتوره يعرفها
الدكتوره /الو
حمزه بتوتر/الو ي دكتوره .مراتي حرارتها عاليه اوي ونايمة ومبتصحاش .ياريت تيجي ف اسرع وقت .
الدكتوره /تمام متقلقش انا ف المستشفى ولسه مخلصه شغل .نص ساعه مسافه الطريق

حمزه /تمام .انا بعتذر انا عارف ان الوقت متأخر بس هبعتلك عربيه ب سواق تيجي تاخدك .
الدكتوره/مفيش مشكله.
وقفل الخط
ورن ع الامن ال قدام الفيلا وفهمه يعمل اي وقفل الخط
حمزه بيحاول يفوق عائشه
حمزه بقلق/عائشه ..عائشه فوقي الدكتوره ع وصول متقلقنيش عليكي
عائشه بدوخه وتعب /ح حمزه
حمزه خدها ف حضنه/عيون حمزه وقلب حمزه من جوه ..يلا علشان اساعدك تاخدي دوش يمكن الحراره تقل
عائشه برعشه/لا لا انا بردانه
حمزه/طب استني هرجعلك تاني
حمزه نزل تحت بسرعه وعمل كمدات
وطلع تاني وقعد جنب عائشه
وساعدها تقعد وخلع لها ال بلوفر ال هي لبساه و كانت لابسه توب تحته وعائشه كانت بترتعش من البرد
حمزه/معلش اتحملي الدكتوره زمانها ع وصول و هتبقي كويسه

وبدأ يعمل لها كمادات ع رقبتها و ع دراعها ولبسها البلوفر تاني وغطاها كويس
و دور لها بسرعه ف الإدراج ع دوا خافض حراره ولقاه
وساعدها تقعد واعطاها حبايه وشربها مايه
عائشه بتعب خدت الدوا ونامت تاني وحمزه غطاها كويس
و باس ايدها
و بعد شويه الجرز رن وحمزه نزل يفتح وكانت الدكتوره
حمزه وباين عليه القلق/اتفضلي ي دكتوره..عائشه نايمه فوق..انا اسف تعبتك معايا
الدكتوره ابتسمت/ولا يهم حضرتك ي استاذ حمزه اهم حاجه المدام تبقي بخير. متقلقش ان شاءالله تبقي زي الفل. ممكن توريني الاوضه
حمزه/اتفضلي
وطلعو الغرفه والدكتوره بدأت تكشف عليها
حمزه/عملت لها كمادات و خدت خافض حراره .معرفش هيجيب نتيجه ولا لا
الدكتوره قاست درجه الحراره
الدكتوره/درجه حراره عاليه فعلا بس بتقل ..كويس اوي انك عملت لها الكمادات دي واعطتها دوا . لو مكنتش عملت كدة الحاله كانت هتسوء
حمزه بقلق/طب طمنيني هي عامله اي .
الدكتوره/هكتب لها ع شويه ادويه وخافض حراره ..وهسيب جهاز الحراره دا هنا تقيس حرارتها بشكل مستمر ولو ذادت تاني تتصل بيا فورا ..أما لو بتتخفض يبقي هي تمام و تيجولي المستشفي ف اقرب وقت اعيد عليها كشف بشكل تفصيلي..اهم حاجه بس تتابع درجه الحراره طول الليل ويبقي كويس اوي لو عملت لها كمدات
حمزه اتنهد/تمام شكرا ي دكتوره
الدكتوره كتبت الروشته
حمزه/ تعبتك معانا . اتفضلي وهخلي السواق يوصلك
الدكتوره/ميرسي
والدكتوره مشيت وحمزه بعت حد من رجالته يجيب الدوا ال ف الروشته . وبالفعل جابه وحمزه خده منه
وديچا رنت
وحمزه رد
حمزه/انا اسف معلش نسيت اطمنك ع عائشه
ديچا/ولا يهمك بس طمني هي كانت نايمه ونا قلقت ع الفاضي صح
حمزه/هي آه نايمه بس حرارتها كانت عاليه وجبت له دكتوره وهتبقى احسن ان شاءالله
ديچا بقلق/اي؟ بتتكلم جد.هي كويسه طيب
حمزه/اه الحمد لله هي كويسه و ان شاءالله تبقي احسن وانا موجود جنبها
ديچا اتنهدت/تمام ..تصبحو ع خير
حمزه/وانتي من اهله
وقفل الخط
وطلع ل عائشه بالدوا
و قعد جنبها وحاول يقومها وخدت حبايه وشربها مايه ونامت وفضل جنبها طول الليل يقيس حرارتها و يعمل لها كمادات
و نام جنبها وخدها ف حضنه وباس راسها
حمزه/انتي حياتي كلها ي عائشه .انا مليش غيرك ف الدنيا دي كلها ..ولا ليا اب ولا ام ولا اخوات. انتي عيلتي الوحيده …مش هقدر اتحمل لو بعدتي عني
في اليوم التالي صباحا
في فيلا حمزه ف الغرفه
عائشه صحيت وافتكرت امبارح لما حمزه كان خايف عليها ومهتم بيها طول الليل وابتسمت
وبعدين بصت حواليها لقت نفسها لوحدها
عائشه/هو انا كنت بحلم ولا اي.. وحمزه مكنش موجود معايا
واتنهدت
حمزه دخل الاوضه بعد ما عمل لها شربه خضار
عائشه ابتسمت /حمزه
وبعدين عملت نفسها مضايقه من وجوده
عائشه/انت بتعمل اي هنا
حمزه /بقيتي احسن دلوقتي؟
عائشه/تقريبا
حمزه راح لها وحط ايده ع راسها يشوف سخنه ولا لا
عائشه ابتسمت
حمزه/الحمد لله ال سخونيه راحت .
عائشه/وانت بقي عرفت منين اني تعبانه لاء وكمان جبت لي دكتوره .
حمزة/لا ابدا
.جيت البيت بالصدفه ولقيتك باين عليكي التعب جبت لك دكتوره .مش عاجبك كمان؟
عائشه بغضب /بالصدفه ها ..لا كتر خيرك .عملت الواجب تقدر تمشي بقي
حمزه/يلا قومي عملت لك شربه خضار
عائشه/انا مش عايزه منك حاجه
قعد جنبها ع السرير وحط صينيه الاكل ع رجله
حمزه/يلا ي عائشه مش عايز دلع
عائشه /ونا مش هشرب حاجه طول ما انت بتتعامل معايا
بالطريقه دي
حمزه قرب منها /و اي بقي الطريقه ال عيزاني اعاملك بيها
عائشه بتوتر من قربه/م معرفش
وقرب اكتر ورجع خصله من شعرها ورا ودنها وقرب اكتر
و عائشه غمضت عينها وكان هيبوسها
حمزه افتكر الصور وانها خانت ثقته وكذبت عليه وراحت قابلت كريم
حمزه بعد عن عائشه بغضب
وعائشه اتاكدت ان حمزه لسه زعلان منها ..بس حتي وهو زعلان لسه حنين عليها و قلق عليها حتي لما تعبت وفضل سهران جنبها طول الليل مع انهم اتخانقو خناقه كبيره
حمزه /هتشربي شربه الخضار من غير كلام كتير
عائشه هزت راسها بموافقة وحاولت تقوم تقعد بس مش قادره هي فعلا تعبانه
حمزه قرب منها وساعدها تقعد
وبدأ يشربها ف شربه الخضار
حمزه/في معاد عند الدكتوره بكره تطمن عليكي اكتر ان شاءالله
عائشه /مفيش داعي انا بقيت كويسه
حمزه/انا مش عايز نقاش كتير اسمعي الكلمه من اول مره
عائشه بغيظ/انت هتفضل كدا كتير يعني بتتكلم ب الأسلوب دا
حمزه/اه لو مش عاجبك كدا كدا هنتطلق بكره او بعده وبعدها هتخلصي من طريقتي ال مش عجباكي
عائشه بحزن حاولت اخفاءه/تمام ..انا شبعت
حمزه /استني هجبلك الدوا
وجاب لها الدوا وكوبايه مايه
وعائشه خدت الدوا
والجرز رن
حمزه/هروح افتح الباب
عائشه هزت راسها بموافقه
حمزه راح يفتح الباب وكان المعلم سالم وهدي و ديچا
هدي بقلق/بنتي مالها ي حمزه
سالم/ديچا قالت لنا انها سخنه وتعبانه هي كويسه؟
حمزه/متقلقوش هي بقت زي الفل .جيت لها دكتوره وكتبت لها ع دوا وبتتحسن
ديچا/الحمد لله
حمزه/تعالو اتفضلو اطمنو عليها
وطلعو غرفه عائشه
هدي/عائشه ..انتي كويسه ي حبيبتي
عائشه /كويسه ي مامي
متقلقيش
هدي/مش باين عليكي بخير يعني
عائشه بصت ل حمزه/لا كويسه
سالم/عامله اي ي حبيبه ابوكي
عائشه/الحمد لله بخير ي بابي متقلقوش ..بقيت كويسه
هدي مسكت ايدها/الحمد لله
ديچا/الف سلامه عليكي ي حبيبتي
عائشه ابتسمت/الله يسلمك ..امال سما فين
ديچا/هبقي أحكيلك بعدين ..ربنا يستر
عند سما راحت الاستديو عند اياد
و نزلت من العربيه ودخلت
وكان بيسجل اغنيه ل مغنيه
سما للسكرتيره/إياد موجود
السكرتيره/اه موجود ي سما هانم بس بيسجل اغنيه جوه ل نيللي حسام
سما/مين نيللي حسام دي كمان ان شاءالله
السكرتيره مي/يعني ..مغنيه لسه مبتدئه ومتشهرتش اوي.
سما /اه قولتي لي ..قوليلي بقي ي مي ي حبيبتي. معظم ال بيسجل الأغاني هنا ولاد ولا بنات
مي/بصراحه بنات..ومعظمهم مايصين كمان .مش كلهم محترمين

سما بغيظ/ي سلام ..منا طلع كلامي صح اهو ..أمال زعل مني لي وقفل السكه ف وشي ..ماشي ي إياد
مي/بس بصراحه إياد بيه شخص محترم. ملوش ف الصياعه والبنات المايعه دي
إياد طلع من الغرفه وهو و البنت ال سجل لها الاغنيه
البنت/الاغنيه هتخلص ف قد اي بالضبط
اياد/يعني كلها يومين بالضبط وتخلص .مي هتبقي تبلغك ع طول
البنت سلمت عليه بابتسامه/تمام .انا واثقه ف زوقك وان الاغنيه هتكسر آلدنيا
إياد /بإذن الله
والبنت مشيت
سما راحت له/ اهلا حضرتك ..انت ازاي تقفل السكه ف وشي امبارح .
اياد/خير ي سما ع الصبح في اي
سما/عايزه اتكلم معاك ف موضوع مهم
اياد/لاء مش فاضي ..هشتغل ع الاغنيه ال لسه مسجلها وعندي شغل كتير
سما/بقي كدا ي إياد؟ الاغنيه وشغلك اهم مني..اقصد يعني من البيست فريند بتاعتك؟ مش احنا صحاب؟
اياد/لاء ما انا مبحبش اصاحب حد مش واثق فيا
سما/انا والله مكنتش اقصد اقول كدا انا واثقه فيك صدقني ..بس انا اتغاظت لما لقيتك بتتكلم بالطريقه دي عن البنات. قلت اضايقك زي ما انت ضايقتني
اياد/ايوا منا مش فاهم اضايقتي لي ..مش احنا صحاب زي ما بتقولي ..ما اعرف بنت ولا اعرف ١٠ دا يضايقك ف اي
سما/إياد انا ماشيه ..انا غلطانه ان جيت لحد عندك
وكانت هتمشي اياد مسك ايدها بسرعه
اياد/خلاص استني.
سما/عايز اي
اياد ابتسم/ تعالي هنتكلم..كنتي عيزاني ف اي
سما /انا مش مبسوطه طول ما آش مش مبسوطه علشان كدا لازم نلاقي حل ونخلي كريم الكلب يعترف ب ان هو ال طلب من آش تقابله .وهو ال مسك ايدها وهو ال اتفق مع واحد يصورهم ..وبكدا علاقتهم تتصلح
اياد/وهنعمل كدا ازاي بقي ي فقيقه هانم ..تحت تهديد السلاح

سما/تعالي بس نروح له ونا هتصرف ..عيزاك تبقي معايا..أما بقي لو كنت مشغول .عاشان نيللي يعني .. ف مش هعطلك ممكن اروح لوحدي
اياد /يلا ي آخره صبري نمشي .يلا
سما ابتسمت/اوك
وخد مفاتيح العربيه وموبايله ومشيو
في فيلا حمزه عند عائشه بعد ما اهلها مشيو
نايمه ع السرير
وحمزه جه من المضبخ ومعاه فنجان حاجه دافيه وراح بيه ل عائشه
حمزه /اشربي دا هيدفيكي
عائشه من غير ما تبصله/انا مش عايزه حاجه
حمزه/دا لي بقي ان شاءالله
عائشه /زي ما سمعت .مش عايزه منك حاجه ..وبعدين مهتم ب واحده مش واثق فيها ومش مصدقها لي ..سبني و امشي
حمزه /عندك حق ..المفروض بعد ال عرفته امبارح دا ..مشفش وشك تاني..انتي متعرفيش حسيت ب اي لما شفته ماسك ايدك .متعرفيش كسرتيني قد اي لما اكتشفت انك كدبتي عليا و رحتي قابلتيه من ورايا ..ورجعتي من البيت بتكلمي كدب .. و لما رحت للبيه التاني بيقولي ما انت عارف اننا بنحب بعض انت مجرد عزول بينا
وحط فنجان الحاجه السخنه ع الطربيزه بغضب
حمزه/انا مش عايز افتح ف مواضيع وانتي لسه تعبانه ..انا هفضل هنا لحد ما تبقي كويسه وبعدين نبقي نجهز لموضوع الطلاق
وخرج من الاوضه
وعائشه دمعت وكرهت اليوم ال راحت فيه تقابل كريم
هي بتحب حمزه ومش هتقدر تسيبه بس كرامتها منعاها تروح تتحايل ع حمزه يسمعها وطالما اتخلي عنها ومستعجل ع الطلاق يبقي هي معندهاش مشكله تعمل زيه
عند سما و إياد
راحو المستشفى ال فيها كريم نتيجه الضرب ال حمزه ضربهوله
اياد/عرفتي منين ان كريم هنا
سما/اتصلت عليه سألته انت فين قالي هو فين
اياد/اي دا بالسهوله دي؟
سما/ايوا ي ابني محنا كنا صحاب ايام ما كان خاطب عائشه .بس بعد ال حصل مبقتش اطيق ابص ف وشه
اياد بغيظ/هو يعني انتي متعوده يكون عندك صحاب شباب يعني وكدة
سما/ايوا منا مصحباك اهو
اياد قرب منها /انتي هتقارنيني بيهم يبت ولا اي
سما/احترم نفسك..وبعدين نبقي نتكلم ف الحوار دا بعدين نخل مشكله آش وحمزه الاول
اياد /ماشي .
وسألو ع غرفه كريم وخبطو ودخلو
وكان كريم نايم ع السرير والممرضه بتضمد له جرحه
سما بتمثيل/كريم ..ي نهار ابيض .اي ال عمل فيك كدة
كريم قعد ع السرير/اكيد انتي عارفه مين عمل كدة كويس
الممرضه خلصت شغلها ومشيت
سما/لا بجد مكنتش اعرف ..انا كنت محتاجه اتكلم معاك ..ودة صاحبي اياد جه معايا يطمن عليك
اياد/ الف سلامه عليك
كريم/الله يسلمك..اتفضلو اقعدو
سما و إياد قعدوا
كريم/كنتي عيزاني ف اي
سما/انا بجد مش طايقه ل اسمه حمزه دا ..شخص مستفز وبارد ..ياريت عائشه مكنتش اتجوزته
اياد بصلها باستغراب
كريم/غريبه .دا مكنش رايك ف الاول ..كنتي متعصبه وبتقولي حمزه احسن منك وكلام كتير كدا
سما/كنت متعصبه ي كريم ..في اي .عايزني اعمل اي لما الاقيك سبت صحبه عمري يوم فرحها .اكيد كنت هنفعل. بس بعد كدا هديت .ولما فكرت لقيت انك الأنسب ل آش
كريم/بعد اي بقي .اديكي شايفه آش مش طيقاني .ولا طايقه تبص ف وشي
سما/لا متفقدش الامل.نعمل خطط نوقع بينهم عادي جدا .ونا معاك
كريم/اي؟
سما/ايوا بقولك انا مش طيقاه ..آش يمكن بتحبه بس انت الأنسب ل آش صدقني
كريم بص ل إياد
سما/متقلقش قلت لك دا البيست فريند بتاعي ..بثق فيه
كريم/انا عامة عملت خطه بسيطه كدا مش عارف جابت نتيجه ولا لا
سما /احم ..اي هي
كريم/طلبت منها تيجي مطعم نتكلم ع اساس اخر مره هتشوف وشي وهسيبها ف حالها ..هي مكنتش موافقه ف الاول بس اقنعتها .و جت المطعم مسكت ايدها غصب عنها وكنت متفق مع واحد يصورنا وفعلا عمل كدا وبعت الصور ل حمزه
اياد بصوت واطي/وسخ
سما بغضب قفلت التسجيل ال سجلته
سما/متشكرين اوي ي كريم ع الاعتراف الحلو دة

يتبع….

مساءا بعد المغرب
عند سما واياد ف المستشفى
في غرفه كريم
سما بغضب قفلت التسجيل ال سجلته
سما /متشكرين اوي ي كريم ع الاعتراف ال حلو دا..دلوقتي نبعته ل حمزه علشان علاقته ب آش تتصلح .
كريم بصدمه/اي
إياد/ان شاءالله ربنا يوقفلك ولاد الحلال زي ما صلحت علاقة اتنين متجوزين
كريم بغضب/يعني انتو كنتو بتنصبو عليا ..وحياه امي ل اوريكم
اياد/صباح الخير لسه فاكر ..يلا ي سما نمشي
سما/يلا بينا
وطلعو بره الاوضه والمستشفى
اياد/بس اي التمثيل الجامد دا يسطا دا انا صدقتك
سما /لا دا انا أعجبك اوي. ال يجي ع حبايبي اكله بسناني
إياد ابتسم/ماشي يعم الجامد
سما ابتسمت/شكرا بجد ي إياد علشان ساعدتني
اياد/يعني بذمتك كل ما تشوفي وشي تقولي لي.. احنا صحاب.. ومبسوطه اوي ان احنا صحاب..في شكرا ما بين الاصحاب؟
سما ابتسمت
علاقتها ب اياد بتتطور وبقو صحاب اوي وبيحكو لبعض كل حاجه وبيخرجو مع بعض ف اي مكان .وسما بقت مبترتحش ف الكلام ال معاه هو بس ..وبقي جزء من يومها
عند حمزه ف الفيلا
دخل اوضه عائشه يطمن عليها وكانت نايمه ع السرير بس صاحيه وسرحانه وباين عليها الزعل
حمزه مهنش عليها يشوفها زعلانه
حمزه قرب منها/احم ..جعانه اعملك اكل
عائشه /لاء شكرا مش جعانه
حمزه/مينفعش لازم تاكلي عاشان الادويه ال بتاخديها
عائشه/لاء متشغلش بالك بيا
حمزه/ا
وجاله ماسدج ع الواتس اب من سما
حمزه فتح الماسدج وكانت فويس نوت
حمزه شغله ب استغراب
كريم/طلبت منها تيجي مطعم نتكلم ع اساس اخر مره هتشوف وشي ..وهسيبها ف حالها ..هي مكنتش موافقه ف الأول بس اقنعتها…….
وكمل الريكورد للآخر
حمزه بغضب/ي كريم ي ابن ال *** ورحمة امي ل اوريك
عائشه قعدت ع السرير/واخيرا عرفت الحقيقه يعني
حمزه/انتي لي مقلتليش من الاول
عائشه بعصبيه/ع اساس ادتني فرصه يعني ..اول ما كريم بعتلك الصور قعدت تبخ ف وشي كلام بيجرح وخدت بعضك ومشيت وسبتني لوحدي.وبتقولي اجهزي هنتطلق .بدل ما تسمعني وتصدقني مش تصدق مجرد صوره ..المفروض كنت تثق فيا انا
حمزه بعصبيه/بس انتي برضو غلطتي لما ادتيله فرصه اصلا يمسك ايدك .غلطتي لما كذبتي عليا وقلتي خارجه مع صحابي ..غلطتي لما رجعت من بره كملتي كدب بدل ما تحكيلي الحقيقه..كان لازم اتجنن لما شفت الصوره و الحيوان دا ماسك ايدك..علشان انا بحبك وبموت من الغيره عليكي من اقل حاجه. مبالك لما الاقي الزفت خطيبك القديم مقابلك ف مطعم وماسك ايدك

عائشه فرحت لما اعترف لها بحبه ..وفرحت كمان انه عرف الحقيقه ..هي اصلا مكنتش هتقدر تعيش من غيره ولا تبعد عنه
بس قررت تندمه ع ال عمله وتعذبه شويه عاشان ميفكرش يبعد عنها تاني
حمزه قرب من عائشه وقعد جنبها ومسك ايدها/انا اسف حقك عليا..انا عارف اني غلطت واتسرعت وكان لازم اسمعك ..بس انا من غضبي مشفتش قدامي. انا بعشقك ي عائشه والله العظيم..سامحيني
عائشه سحبت ايدها من ايده/لاء ي حمزه مش هسامحك..واحنا لسه عند اتفاقنا هنتطلق.
حمزه/مفيش الكلام دا
عائشه بغضب/لاء فيه .مش انت كنت عايز كدا؟
حمزه /لاء مكنتش عايز كدا ..انا من البدايه عارف اني مش هقدر ابعد عنك..ومفيش طلاق هيحصل ..انسي
عائشه /لاء في طلاق هيحصل ..ونا من رأيي اقوم ألم هدومي وارجع اعيش مع بابي ومامي.. وخد معاد من المأذون ف اقرب وقت
وكانت هتقوم
حمزه مسك دراعها وقربها منه
حمزه/مش هتتحركي من هنا ..ومفيش مأذون ومفيش طلاق ومش هتبعدي عني ودا اخر كلام عندي .متفتحيش الموضوع دة تاني نهائي
عائشه /مش بمزاجك ع فكره
حمزه/لاء بمزاجي .. ويلا علشان نرن ع بباكي ومامتك نفرحهم ونقول لهم ان جوازنا هيكمل ومفيش طلاق
ورن علي المعلم سالم
عائشه /ا
سالم/السلام عليكم
حمزه/ وعليكم السلام ي معلم سالم ..حضرتك ف البيت
سالم/اه ي ابني ..خير في حاجه
حمزه/لا ابدا حبيت اقولك بس ان انا بحب عائشه مش هطلقها وهي كمان بتحبني وهنكمل مع بعض بإذن الله..وان شاء الله قريب يبقي عندكم أحفاد صغيره حلوه كدا
وابتسم وبص ل عائشه وعائشه ابتسمت
هدي سمعته وقالت بفرحه/بتتكلم جد ي حمزه ..يعني انتو مش هتسيبو بعض
سالم بفرحه/مش مصدق نفسي والله فرحتني ي حمزه ربنا يسعدكم يارب
حمزه ابتسم/ يارب ي معلم
هدي/لا معلم اي بقي
انت تقولي ي ماما وتقول ل سالم ي بابا .انت زي ابننا بالضبط..بعد كدا انت مش وحيد انت ف ضهرك عيله
حمزه/ربنا يخليكم ليا
سالم/مع السلامه ي حبيبي
ابقي سلملنا ع عائشه
وقفلو
عائشه ابتسمت بس بينت غير كدا
عائشه/ممكن افهم اي ال عملته دا..هو انت مبتسمعش ؟ قلت لك مش عايزه اكمل معاك وهنتطلق
حمزه قرب منها/هخليكي تسامحيني
عائشه بتوتر من قربه/احم ..معتقدش هتقدر تخليني اسامحك
حمزه قرب اكتر/لا هقدر..بس انتي اديني فرصه
وباسها من شفايفها وعائشه غمضت عينها وسرحت معاه
حمزه بعد عنها وعائشه ابتسمت بخجل
عائشه بخجل/اي ال انت عملته دا
حمزه مسك ايدها/انا بحبك اوي والله العظيم
عائشه مسكت مخده وضربته/حمزه اطلع بره .مشفش وشك هنا تاني الا ومعاك المأذون
حمزه/مفيش مأذون..مفيش طلاق ..مش هتبعدي عني ..ودا اخر كلام ومترغيش كتير ف الموضوع دا..خلصانه؟ بتكلم معاكي براحه اهو عاشان انتي لسه تعبانه

عائشه/ايوا يعني انت عايز تفهمني انك بتتكلم معايا بهدوء علشان انا تعبانه ولو انا مش تعبانه و بخير هتتكلم معايا بأسلوب وحش صح؟
حمزه/لا يابا مقدرش..متهونيش عليا
عائشه ابتسمت
وقالت ف سرها/يلهوي ع كلامه وحنيته ونظرته ..انا مش عارفه هندمه ازاي دا
حمزه/جعتي؟
عائشه /اه بس مش عايزه منك حاجه ..انا هنام
ونامت ع السرير
حمزه/لا مفيش نوم الا لما تاكلي وتاخدي العلاج..هروح اعملك حاجه تاكليها
عائشه/انا زهقت من القعده ف الاوضه دي وال بص ف السقف
حمزه/خلاص تعالي ننزل تحت
عائشه قامت من ع السرير وحمزه ساعدها
حمزه/بالراحة…حاسه انك دايخه؟
عائشه مسكت دماغها/شويه
حمزه /طب خلاص خليكي هنا ارتاحي ونامي احسن
عائشه قعدت ع السرير تاني
حمزه بص ف الادويه/هو الدوا مبيجبش نتيجه ولا اي..ازاي لسه بتدوخي
عائشه/لالا بيجيب نتيجه عادي..انا البرد بتاعي بيجي ب دوخه بسيطه ومبقدرش أقف ع رجلي ..متعوده ع كدا
حمزه رن ع صيدلي صاحبه يستفسر منه ع نوع الادويه
وعائشه بصاله بابتسامه وهو بيتكلم ف الموبايل ومبسوطه باهتمامه بيها و ب براحتها و ب علاجها ..قد اي هي محظوظه بيه وربنا عوضها ب حمزه
حمزه خلص كلام ف الموبايل
حمزه/الادويه تمام ..ان شاءالله ف اقل من اسبوع تبقي زي الفل..وبكره نعمل اعاده كشف عند الدكتوره
عائشه/ان شاءالله
حمزه/هروح اعملك اكل واجيلك ع طول
وراح المضبخ وعائشه ابتسمت
سما و ديچا رنو مكالمه جماعيه
عائشه ردت
سما/الف سلامه عليكي ي روح قلبي..اسفه والله معرفتش اجيلك
عائشه/ولا يهمك ي حبيبتي..انتي كنتي فين
ديچا/الهانم ال صغيره دي ال خلت كريم يعترف بكل حاجه وبعتت الفويس نوت ل حمزه
سما/ها قوليلي؟ اتصالحتو
عائشه ابتسمت/حمزه لما سمع الفويس نوت اعتزرلي واعترفلي انه بيحبني …واتصل ب ماما وبابا وقال لهم ان جوازنا بقي حقيقي وأننا مش هنتطلق
سما بفرحه/بجد
ديچا ابتسمت/الحمد لله.. وانتي اعترفتي ولا لسه
عائشه ابتسمت/لسه لما اربيه شويه الاول علشان فكر يبعد عني ..بعد كدا هعفو عنه
ديچا ابتسمت/ماشي ..اهم حاجه ان انتو مع بعض..والفضل يرجع ل سما طبعا

عائشه/مش عارفه اقولك اي ي سما بجد..لولاكي كان فعلا انا و حمزه هنتطلق..وساعتها انا مش عارفه كان هيحصلي اي
سما ابتسمت/احنا اخوات واعمل اي حاجه علشانكم .اهم حاجه تبقو مبسوطين
حمزه دخل الاوضه بصينيه الاكل
و عائشه خلصت كلام ف الموبايل
حمزه/عملت لك شويه اكل إنما اي..كنت مجهزه وسخنته ع طول
عائشه/ان شاءالله متكنش شربه خضار
حمزه ضحك/لا متخافيش
وقعد جنبها
وبدأ يأكلها
حمزه وهو بيأكلها/لسه زعلانه مني؟
عائشه هزت راسها ب اه
حمزه/ونا ميهنش عليا زعلك..مش هسيبك الا لما اصالحك
وباس خدها
عائشه بتحذير/حمزه
حمزه/نعم
عائشه/انت شكلك بتنسي اننا هنتطلق..لا متنساش ي حبيبي .
حمزه/لا حول ولا قوه الا بالله
عائشه/اي ؟شيفاك زهقت وتعبت
حمزه باس ايدها/مقدرش ازهق منك
عائشه/خلاص انا شبعت وعايزه انام
حمزه/استني خدي الدوا
حمزه حط الاكل ع الطربيزه
وجاب الدوا واداهولها وعائشه شربته ونامت
وغطاها كويس وكان هينام جنبها
عائشه/ممكن اعرف انت بتعمل اي؟
حمزه/اي هنام؟
عائشه/لا روح نام ف اوضتك ..هو انا مش لسه بقول من شويه اننا هننفصل ؟
حمزه نام ف حضنها/انا هنام هنا مش عايز كلام كتير
عائشه /حمزه
حمزه/انا واحد يتيم ومليش حد غيرك اشفقي عليا وسبيني انام بقي
عائشه ابتسمت وخدته ف حضنها ونامو
ف اليوم التاني عند ديچا و جاسر
هما الاتنين فتحوا باب الشقه
وجاسر نزل من فوق وابتسم
جاسر/عامله اي
ديچا ابتسمت/الحمد لله .وانت
جاسر/انا بخير الحمد لله ..ما تيجي اوصلك البنك
ديچا/لاء متتعبش نفسك مازن هيجي يوصلني
جاسر /مازن مين لامؤاخذه
ديچا/واحد زميلي ف الشغل، في حاجه؟
جاسر/احم ..لا ابدا مفيش حاجه
ديچا ابتسمت/تمام عن اذنك
ومشيت
جاسر /اي العبط دة..مين زميلها ال هيوصلها دة ان شاءالله
و في واحد جه ونزل من عربيته و خد ديچا وركبو عربيته ومشيو
جاسر بغيظ رن ع سما
سما ردت/الو
جاسر/مين الأهبل دة ال ديچا رفضت اوصلها وهو ال وصلها ..مين ها ؟
سما/اي حيلك حيلك اهدي. انت بتتكلم عن مين
جاسر/واحد جه ياخد ديچا من البيت بعربيته ومشيو..والله هاين عليا اكسر عضمه
سما ابتسمت/ياااه انت غيرت عليها للدرجه دي عاشان بس واحد وصلها ..انت طلعت بتحبها بجد
جاسر/سما انا مبهزرش .تعرفي مين الشاب دا ولا لا
سما/لا والله معرفش ..بس صدقني هتلاقيه واحد عادي بالنسبه لها لو معجبه بجد هتيجي تحكيلي انا و آش ع طول..ثق ف كلامي
جاسر/ماشي ي سما ..ما نشوف اخرتها مع صحبتك ال مش شيفاني دي

سما/لا بقولك اي اوعي تستسلم بسرعه صحبتي تستاهل تتعب علشانها وتخليها تحبك..تستاهل ولا لا
جاسر ابتسم/تستاهل
سما/ايوا كدا
جاسر/ماشي ي سما ..سلام
سما/مع السلامه
وقفلو
في فيلا حمزه ف الغرفه
عائشه نايمه وحمزه نايم ف حضنها
الموبايل رن وحمزه نايم
ورن تاني و حمزه فصل المكالمه بانزعاج
وبص ع عائشه ال نايمه جنبه وابتسم وباس راسها وبعدين باس خدها
عائشه بدأت تصحي
حمزه /صباح الفل
عائشه ابتسمت /صباح الخير
حمزه/لحظه واحده هجبلك ادويتك
وبصت ع حمزه وهو بيجيب لها الدوا وقالت ف سرها/شكله حلو اوي حتي وهو لسه صاحي ..احم عائشه احنا قلنا اي .هنندمه الاول
حمزه جاب لها الدوا وكوبايه مايه
حمزه/الدوا اهو
عائشه / انا تعبت من الادويه دي
حمزه /خلاص هانت الادويه قربت تخلص دا غير انك اتحسنتي الحمد لله. هنروح بس للدكتوره النهارده نعمل اعاده كشف
عائشه خدت الدوا
عائشه/مفيش داعي .انا بقيت كويسه دا غير أني هروح بيت بابي و اقول لهم ع موضوع الطلاق
حمزه/هو انا مش قلت متفتحيش موضوع الطلاق دة تاني ..مش هطلقك ي عائشه انسيي .مش هعيد كلامي تاني

عائشه بعصبيه/انا بنفذ رغبتك ع فكره ..مش انت من يومين كنت بتقول كنت متجوزك رد جميل و هشوف مأذون ونتطلق .ونا بقولك دلوقتي انا موافقه .يلا نتطلق
حمزه مسك ايدها/انا اعتزرت لك اكتر من ١٠٠ مره .وانتي مش عايزه تسامحيني
عائشه /مش كفايه. اعتزارك مش كفايه
حمزه/طب قومي البسي هنروح للدكتوره وبعدين عاملك مفاجأه بليل
عائشه سحبت ايدها من ايده/مش عايزه منك حاجه
حمزه مسك ايدها تاني وقرب منها/هتعجبك والله .اسمعي الكلام
عائشه بخجل قامت بسرعه/طيب هخش الحمام وبعدين هقوم اغير هدومي
حمزه/طب ما اجي اساعدك تغيري هدومك
عائشه ضربته ب المخده
ودخلت الحمام
وحمزه ضحك
حمزه /ماشي اتهربي براحتك..هنشوف هتقدر تهربي مني لحد امتي
والموبايل رن تاني
حمزه/عايز اي ي رزل
جاسر/اي يابا نموسيتك كحلي .بقالك كام يوم مبتجيش الشركه وسايبها فوق دماغي
حمزه/لا مش هعرف اجي النهارده هنروح انا وعائشه للدكتور نكشف عليها..وبعدين هصالحها بس ياريت اقدر لان العند بتاعها هيجنن امي
جاسر/ربنا معاك بقي شكل مشوارك طويل .هعتبر اجازتك شهر عسل وهشيل ال شركه لوحدي حاضر
حمزه/ايوا كدا خليك جدع مع اخوك
جاسر ابتسم/ماشي ي عم ..سلام
وقفلو
في منتصف اليوم
في كافيه عند سما و إياد
قاعدين بيشربو حاجه ويتكلمو
سما/وبعدين لما نزلت صورتي بالفستان البيج ع الانستجرام دخلت كتبت لي( انتي بتقلديني ونا لبست الفستان دا قبلك ع فكره)انا هقلد واحده متخلفه زي دي؟دي كانت عقربه الشله ايام الجامعه
اياد كان ساند ضهره ومربع ايده وبيبص لها ومبتسم وبيسمع هي بتقول اي ك العاده حتي لو بتقول اي كلام ..بس كان مبسوط وهو بيسمعها
سما/إياد انت مش مركز انا بقول اي؟ للدرجه دي كلامي سخيف
اياد /لا والله العظيم مركز.. هو انا اقدر اعمل غير كدا
سما ابتسمت/انا بجد مبسوطه اني لقيت بيست فريند زيك بيسمعني حتي ونا بقول اي كلام ومهتم ب اي حاجه بقولها
إياد ابتسم
وتليفونها رن
سما /oh my God كان معايا معاد مع احمد ونسيته
اياد/احمد مين
سما/صاحبي
اياد بغضب/صحبك ! هو انتي بجد شايفه انه عادي يكون عندك صحاب ولاد
سما/اه عادي اي المشكله .ما انت ٢٤ ساعه ف شغلك بتتعامل مع بنات .
إياد/اديكي قلتي ..شغل
سما/مش فاهمه برضو اي مشكلتك م انت عرفتني ونا شخصيتي كدا ..بصاحب ولاد وبلبس وبخرج وبعمل ال انا عيزاه
اياد/ماشي بس انا مش قادر اتقبل الوضع دا
سما/ومتتقبلوش لي مش فاهمه. مش احنا صحاب والمفروض تتقبلني زي ما انا .وبعدين اصلا لي حاجه زي دي ممكن تضايقك .طب منا مصحباك اهو..يبقي هما كمان المفروض يدايقو .
إياد اتنهد/لاء مهو المصيبه بالنسبه لي انك بتقارنيني بيهم ..سما انسي كل ال انا قلته..انا همشي .واهو ب المره تلحقي معادك مع احمد ..ل اكون معطلك ولا حاجه..عن اذنك
سما/إياد ا
إياد حط فلوس ع الطربيزه وخد مفاتيحه و موبايله ومشي
عند عائشه وحمزه وصلو المستشفى وحمزه سأل ع الدكتوره هبه وقالو له ف الدور الخامس
طلعو بالاسانسير ووصلو جنب غرفه الدكتوره
حمزه ل ممرضه/لو سمحتي
الممرضه ابتسمت ب إعجاب ل حمزه /افندم
حمزه/غرفه دكتوره هبه فين
الممرضه بابتسامه/ف الاوضه دي بس عندها مرضي جوه ..ممكن تنظروها هنا لحد ما تخلص
عائشه بغيظ وغييره من نظارتها البجحه ل حمزه
عائشه/في اي ي ما تنظبطي ل احسن اظبط …انا مش ماليه عينك ولا اي
الممرضه /في اي حضرتك
عائشه بغضب /شوف البجحه
حمزه يحاول تهدئه عائشه وفرحان من غيرتها
حمزه/خلاص ي عائشه اهدي (وقال للممرضه)اتفضلي انتي
الممرضه بابتسامه/حاضر
ومشيت
عائشه /بجحه
حمزه ابتسم/اهدي وتعالي نقعد
عائشه /مبتسم ع اي ان شاءالله. شكلها عجبتك
حمزه ابتسم/اه عجبتني اوي اوي
عائشه بصدمه/ هي اي دي ال عجبتك ان شاءالله
حمزه قرب منها/غيرتك عليا .عجبتني اوي .بتبين قد اي انك بتحبيني
عائشه بخجل بعدت عنه/احترم نفسك احنا ف نص المستشفى حد يشوفنا..وبعدين انا مبغرش ولا حاجه
حمزه/اه واضح من غير ما تقولي
وقعدو جنب اوضه الدكتوره منتظرين دورهم
وبعد شويه جه قعد قصادهم زوج وزوجته وحامل ف أواخر حملها
الزوج /اقعدي هنا ي حبيبتي ارتاحي
الزوجه قعدت بتعب بمساعدة زوجها/حاضر ي حبيبي
و الزوج قعد جنبها ومسك ايدها
/تحبي اجبلك حاجه تشربيها لحد دا دكتوره مي تخلص؟
الزوجه/لالا ي حبيبي شكرا مش عايزه
عائشه كانت بتبص لهم بابتسامه
حمزه همس لها/عقبالك كدا ان شاءالله وتجبيلنا بنوته شبهك زي القمر
عائشه ابتسمت بعدين تراجعت وافتكرت خطتها ب انها عايزه تأدبه الاول بعدين تسامحه
عائشه بنفس همسه/هو انا مقلتلكش
حمزه/لا مقلتليش
عائشه/احنا هنتطلق .ف مش هينفع للأسف اجبلك البنت ال نفسك فيها
حمزه لف ايده حول وسطها وقربها منه وبقت لازقه فيه
حمزه/تؤ مش هتبعدي عني
عائشه بخجل ضربته/ حمزه الله يفضحك سبني حد يشوفنا
حمزه/ميهمنيش حد الا انتي ..ولو فتحتي موضوع الطلاق تاني مش هتتوقعي هعمل فيكي اي
عائشه /طيب خلاص سبني
حمزه سابها
وعائشه ابتسمت
والمرضي خرجو من غرفه الدكتوره
الممرضه /حضراتكم تقدرو تدخلو
عائشه وحمزه دخلو للدكتوره
جاسر ف الشغل
طول اليوم مش قادر يطلع ديچا من دماغه وبيفكر ف الشخص ال وصلها بعربيته ويتري فيه حاجه بينهم ولا لا وهيتجنن .
جاسر /لالا مفيش حاجه بينهم اكيد هي رافضه الارتباط اصلا ..وبعدين اكيد دا مجرد زميل ليها بيوصلها
قرر جاسر يروح لها شغلها ويتأكد ان مفيش حاجه بينهم وبالمره يوصلها ويروحو البيت سوا
عند البنك ف غرفه ديچا
جاسر خبط ودخل لقي ديچا قاعده مع نفس زميلها ال وصلها الصبح وبيضحكو

يتبع….

في البنك في مكتب ديچا
قاعده مع زميلها بيتكلمو ف شغل
ديچا/تمام زي ما اتفقنا ..وتبعت للفرع التاني الأوراق دي ضروري
مازن/تمام عُلم ي فندم
ديچا ابتسمت/لا مش للدرجه دي
مازن ابتسم/هو انتي حياتك كلها عباره عن شغل و كدا ؟خدي نفس منه شويه
ديجا ابتسمت/لا مقدرش طبعا الشغل دا كل حاجه بالنسبة لي
جاسر فتح الباب
ديچا باستغراب/جاسر!
جاسر بغضب وهو بيبص ل مازن/كنت عايز اتكلم معاكي
مازن اتوتر من نظراته ..هحس انه عايز يضربه
مازن/تمام هستأذن انا بقي
ديچا/اوك
ومازن مشي
ديچا قامت/في اي ي جاسر اي الدخله دي؟ حصل ل حد حاجه؟
جاسر /لا ابدا محصلش حاجه. كنت حابب بس أسألك مين البني آدم السئيل دا ..داخل عليكم لاقيكم بتضحكو ..ووصلك الصبح ليه أن شاءالله. ونا وعربيتي قصرنا معاكي ف حاجه ؟
ديچا ضحكت
جاسر بيحاول ميضعفش قصاد ضحكتها
ديچا/انت مجنون ي ابني؟ دا زميلي عادي ..تعالي بس اقعد
جاسر قعد وديچا قعدت قصاده
جاسر/و زميلك دا بيوصلك الصبح الشغل لي .عربيتك مهي زي الفل
ديچا ابتسمت/وانت بتسأل لي.ما براحتي يوصلني ال يوصلني .متضايق لي ممكن افهم؟

جاسر/احم .. بسال يعني عاشان احنا جيران وصحاب .ولا اي
ديچا/ع العموم هو جه خدني من البيت لأننا كنا رايحين فرع تاني للبنك بسبب عطل ف ورق و الشغل .انا وهو شغالين ع العطل دا ف بدل ما كل واحد يروح بعربيته رحنا ب عربيه واحده. بس مش أكتر
جاسر بارتياح/يعني مفيش حاجة بينكم
ديچا ابتسمت/لا مفيش حاجه بينا طبعا
جاسر ابتسم
ديچا في شعور جواها كان فرحان لانه جاسر غار عليها .. بس هي مش عارفه سبب الشعور دة اي ..معقوله تكون معجبه بيه .ديچا حاولت تنفض الأفكار دي من دماغها .هي مش عايزه ولا تحب ولا ترتبط ولا قلبها يتكسر بسبب الحب .
المغرب
في فيلا حمزه
عائشه وحمزه دخلو بعد ما رجعو من عند الدكتوره واطمنو ع عائشه وبقت بخير
عائشه/هطلع اغير هدومي وانام
وكانت هتمشي حمزه مسك ايدها وقربها منه وحاوط وسطها
حمزه/لاء ..انتي هتطلعي تجهزي نفسك عاشان عازمك ع العشا النهارده
عائشه فرحت و ابتسمت
هيتعشو بره لوحدهم ل اول مره بس طبعا هتبين غير كدا
عائشه/دا بعينك .انا مش راحه معاك ف مكان
وحاولت تبعد عنه بس حمزه مش عايز يسيبها
حمزه قرب منها /متأكده؟
عائشه سرحت ف عنيه وتاهت
عائشه/م متأكده من اي؟
حمزه/انك مش عايزه تتعشي معايا بره
عائشه /م م متأكده
حمزه/ونا مش هسيبك الا لما توافقي
حمزه قرب اكتر وشم عُنقها وباسها من عنقها
عائشه تاهت من لمساته
وبعدت عنه بخجل وتوتر
عائشه /خلاص موافقه. هروح اجهز
حمزه ابتسم/اوك
عائشه طلعت غرفتها وهي في سعاده لا توصف
وهي ف الدريسنج بتختار هتلبس اي موبايلها رن وكان سما
عائشه ردت /عامله اي ي قلبي
سما بزعل/يعني نقدر نقول كويسه .انتي ال عامله اي؟ بقيتي احسن
عائشه /سيبك مني انا ..اي مالك .اي الحصل؟
سما/اتخانقنا انا و إياد..بس ع فكره بقي انا مش هصالحه .هو ال الفروض يجي يصالحني لانه سابني ومشي وروحت ب تاكسي لوحدي
عائشه ابتسمت
لأنها ملاحظه قرب إياد وسما ل بعض
عائشه/طب أي ال حصل بينكم
سما حكت لها ال حصل
عائشه /انتي هبله يبت ..مهو واضح انه اضايق لما عرف انك راحه تقابلي صاحبك .شاب تاني
سما/. يضياق لي بقي ان شاءالله لاني بصاحب شباب.منا متعوده ع كدة منا قبل ما يعرفني ..وبعدين احمد دة صاحبي من الجامعه وخاطب ريم صحبتي اساسا

عائشه/ممكن مثلا عاشان غار عليكي؟ مجاش ف بالك الاحتمال دة
سما ابتسمت/بجد..غار عليا فعلا. بس اكيد غار عليا ك صحبته عادي صح؟احنا صحاب
عائشه/والله انتو ادري
سما/ انا ف الطريق رايحه ل ديچا بيتها..هسيبك ترتاحي وهبقي اكلمك تاني
عائشه /اوك
وقفلو
عند إياد قاعد ف اوضته باصص ل الموبايل
سما وحشته و عايز يتصل بيها بس كل ما يفتكر انها راحت تقابل شاب تاني وبتقول انه صاحبها بيتجنن
وقرر يروح ل جاسر بيته يتكلم معاه
عند عائشه ف الدريسنج روم محتاره تلبس اي
حمزه دخل الدريسنج /ها عرفتي هتلبسي اي
عائشه اتنهدت/للاسف لاء .
حمزه ابتسم/خلاص هساعدك. وريني عايزه تلبسي اي ونا اقولك حلو ولا لا
عائشه طلعت فستان/دا حلو ؟
الفستان كان قصير
حمزه/لاء
عائشه /ليه ماهو حلو اهو
حمزه/قصير ي عائشه شوفي غيره
عائشه ابتسمت وجابت واحد تاني
عائشه/و دا
الفستان كان مفتوح من ورا
حمزه/دا برضو زي الزفت
عائشه بدأ صبرها ينفذ
وجابت فستان تاني
حمزه/فستان دا ولا قميص نوم . مش شايفه مفتوح ازاي؟ الظاهر ان محتاجين نروح المول نجبلك لبس ينفع يتلبس بره البيت
عائشه بغضب/دول ينفعو بره البيت عادي انت مش عارف دول بكام؟ ال ٣ فساتين دول ب ٢٠ الف جنيه
حمزه/ينهارك مش فايت..دول من الفيزا ال ادتهالك؟
عائشه ابتسمت غيظا فيه/ايوة ..وفي غيرهم كتير اشتريتهم
حمزه قرب منها وابتسم/فداكي .خلصي ال فلوس ال ف الفيزا زي ما انتي عايزه ..وهحطلك غيرهم
عائشه بعدت عنه بتوتر/هتشوف هلبس اي ولا لا..هنتاخر
حمزه ابتسم/ماشي .
ودور ف هدومها لحد ما لقي فستان شيك جدا ومش قصير ولا مفتوح
حمزه/دا حلو اوي
عائشه خدته منه/اوك اطلع بقي عاشان اغير
حمزه ابتسم/طب ما تفكري ف الموضوع تاني واساعدك تغيري..دا انتي حتي لسه تعبانه
عائشه/اطلع بره ي حمزه
حمزه ضحك وطلع وعائشه ابتسمت
عند سما و إياد
وصلو أمام بيت جاسر و ديچا ف نفس الحظه
إياد نزل من عربيته وسما نزلت من عربيتها
ووقفو قصاد بعض
اياد/ازيك
سما من غير ما تبصله/انا تمام
إياد بصلها و لاحظ قد اي هي زعلانه منه
يمكن غلط لما سابها ف الكافيه ومشي وكان لازم يتحكم ف اعصابه اكتر من كدا ..بس هو غار عليها ..مش بأيده
إياد/سما انا ا
سما/انا كنت طالعه ل ديچا. لو كنت اعرف اني هشوفك هنا مكنتش جيت ع فكره
اياد/ي سلام ؟ للدرجه دي مش عايزه تشوفي وشي
سما بغيظ/ايوا
إياد بعصبيه/طبعا .. مهو دة كله بسبب البني آدم ال كنتي عايزه تسبيني وتروحي تقابليه ..وقال اي بتقولي عليه صحبك
سما بعصبيه/اولا متعصبش عليا..ثانيا بقي انا اقابل ال انا عيزاه دي حاجه متخصكش

إياد بعصبيه/لاء تخصني ع فكره ومتفتحيش ام الموضوع دا تاني علشان بيعصبني
سما/انا غلطانه اصلا علشان واقفه بتكلم معاك
وكانت هتمشي اياد مسك ايدها
اياد/رايحه فين
سما/سيب ايدي انا طالعه ل ديچا
اياد/استني انوار البيتين مطفيه.هرن ع جاسر اشوفه فين
سما سابت ايده وربعت ايدها بغضب
واياد اتنهد ورن ع جاسر
عند جاسر و ديچا
ف الطريق جاسر بيوصلها ورايحين بتجاه البيت
جاسر/هو انتي بتعملي اي ف يومك غير الشغل ومقابله صحابك عائشه وسما
ديچا/في حجات كتير بحب اعملها يعني مثلا حاليا بتعمل ارقص تانجو
جاسر /بجد؟
ديچا/اها ..انت كمان بتحب التانجو ؟
جاسر بكذب/طبعاا..دا انا بتدرب ديما .دا انا حلمي من ونا صغير ابقي مدرب تانجو ..تعرفي ان صحابي كانو مسميني جاسر تانجو ؟ من كتر ما انا بحب ا
ديچا بمقاطعه/جاسر رقصه التانجو تفتكر تنفع ب ٤ أفراد بس ولا لازم ٥ ؟
جاسر/اعتقد ٥
ديچا ضحكت/عرفت بقي انك كذاب ..انت ولا تعرف التانجو ان ال بيرقصوه بيكونو ٢ كابلز..ومستحيل يبقي ازيد من فردين ..ولا عمرك شفت التانجو بيترقص ازاي
جاسر/هو انا مقفوش اوي كدة؟
ديچا ضحكت/اوي اوي
جاسر هرش ف راسه ب احراج/بقي التانجو لازم تبقي ٢ وكابلز كنان يعني مش ٥؟
ديچا ابتسمت.. مش مصدقه ان في حد مهتم بكل تفصيله بتقولها كدا ..مهتم يعرف هي بتحب اي بتكره اي .يتحجج علشان يشوفها ويتحجج علشان يكلمها. شكل احدهم هيغير فكرتها عن الحب والارتباط
جاسر موبايله رن
جاسر رد /اي ي زوزو عامله اي
الام/تصدق بقي اني معرفتش اربي؟
جاسر/لي بس بتقولي كدا
الام بعصبيه/من وقت ما سكنت بعيد عني وانت بقيت مشغول ولا بتتصل ولا بتيجي تشوف امك و ابوك
ديچا ابتسمت/دي مامتك؟
جاسر/اه
ديچا/سلملي عليها .كان نفسي أتعرف عليها اي
جاسر/استهدي بالله ي زوزو انا اسف والله حقك عليا ..ديچا بتسلم عليكي (وقال بصوت واطي )ال حكيت لك عنها قبل كدا
الام بفرحه/بجد .طب اديني اكلمها يواد
جاسر ابتسم/عايزه تكلمك
ديچا اخدت منه الموبايل/الو ازي حضرتك ي طنط
الام بابتسامه/الحمد لله ي روح قلبي..عامله اي ي حبيبتي
ديچا بابتسامه/بخير الحمد لله
الام/بصي بقي انتي تجيبي الواد جاسر وتيجو تتغدو عندي بكره ..مش انتو جيران؟ تبقو تيجو سوا
ديچا/بس ا
الام/مش عايزه اعتراض ..هتيجي يعني هتيجي.دا انا اكلي هيعجبك اوي ..هعملك شويه محاشي إنما ايه
جاسر وهو مركز ف السواقه/زوزو مينفعش حد يرفض لها طلب..بالذات لو الموضوع في محشي
ديچا ابتسمت/حاضر ي طنط ان شاءالله نيجي
الام/ ماشي ي حبيبه قلبي ..يلا مع السلامه
وقفلت
ديچا/انا بس مكنتش عايزه اتعبها
جاسر/ولا تعب ولا حاجه وبعدين دي اكلها تحفه ..هتنبهري بكره
ديچا ابتسمت وموبايل جاسر رن وكان اياد
جاسر/الو
اياد/انت فين يعم البيت تقريبا فاضي وبرن عليك مشغول ..انا كنت جايلك وسما معايا كانت جايه ل ديچا
جاسر/اه احنا ف الطريق وربع ساعه ونوصل.. في نسخه مفتاح ف صندوق جمب الباب ادخلو لحد ما نيجي
اياد/ماشي
وقفل
عند اياد
اياد/ربع ساعه ويوصلو .تعالي هنطلع نستناهم فوق
سما /لا شكرا اطلع انت انا هستني هنا
اياد شدها من ايدها/يلا ي سما بلاش عيند
سما/اووف
وطلعو فوق واياد خد نسخه المفتاح بتاعت شقه جاسر وفتح و دخلو
وقعدو واياد دخل عمل حاجه سخنه وطلع حط الفنجانين ع الطربيزه وقعد جنبها
إياد/برنسيسه
سما مش بصاله/
إياد مسك دقنها خلاها تبصله/طب بصيلي طيب
سما بصتله/عايز اي
اياد/انا عارف انك زعلانه مني
سما/لاء المفروض مكنتش ازعل خالص ..هزعل لي؟ كل الحصل اني جايه معاك ف كافيه وقاعدين بنتكلم وحضرتك سبتني ومشيت ونا مكنش معايا عربيتي وروحت البيت ب تاكسي ..فضلت نص ساعه ادور ع تاكسي لحد ما دماغي ورمت من الشمس
اياد ابتسم/رجعتي البيت؟ ..يعني مرحتيش قابلني صاحبك دا
سما ربعت ايدها/لاء
اياد/طب انا اسف حقك عليا ..انا فعلا غلطت ..انا بس اضايقت لما قلتي لي ماشيه رايحه اقابل واحد صاحبي
سما/ايوا اضايقت لي؟
اياد/مش احنا صحاب؟ وقريبين من بعض وبنحكي كل حاجه لبعض؟ انا عايزك تبقي صحبتي انا بس ..اعتبريني اناني ي ستي
سما/ع فكره لما بقولك انا عندي صحاب شباب ..بيبقو ٢ او ٣ معانا ف الشله بتاعتي انا والبنات بنبقي جروب .صحابي من ايام الجامعه و زي اخواتي بس من وقت ما عرفتك ونا مبقابلش اي حد فيهم ولا ليا علاقه بيهم بس كنت هقابل احمد عاشان كان في مشكله بينه وبين خطيبته ونا بحلها
اياد ابتسم/ماشي.. انا اسف ..مش هزعلك مني تاني
..ها اتصالحنا؟ حقك عليا والله
سما ابتسمت/ماشي ..اتصالحنا
وخبطته ف كتفه
سما/بس مش مسمحاك علشان سبتني اروح لوحدي
اياد/هصالحك بكره ب ب شاورما عم جابر ال انتي بتطلبي مني نروحها ع طول..
بعد ما اخلص شغل هعدي عليكي
سما بفرحه/الله بجد ..ماشي موافقه..عاشان خاطر عم جابر بس مش علشان حاجه
اياد ضحك/ايوا ايوا
تحت البيت
ديچا وجاسر وصلو ونزلوا من العربيه
ديچا/سما فوق صح؟
جاسر/اه فوق مع إياد..ما تطلعي معايا نقعد فوق سوا كلنا ونشرب حاجه
ديچا/اوك مفيش مشكله
جاسر ابتسم
وطلعو فوق وجاسر فتح الباب ودخلو
سما/اهلا ي ديچا هانم كنتي فين كل دة
إياد غمر ل جاسر لما شافه داخل البيت مع ديچا/اي الدنيا
جاسر بصوت واطي/لو محترمتش نفسك انت عارف انا هعمل فيك اي
ديچا/كان في شغل كتير اوي النهارده
جاسر ل ديچا/ اتفضلي اقعدي
ديچا/ممكن اخش التويلت الاول
جاسر/اه اه طبعا اتفضلي..هو نفس الطريق بتاع بيتك عامة
ديچا/اوك
ودخلت
وجاسر قعد
سما بحماس/ها قولي هتعترف لها بحبك امتي
اياد/يااه هو الموضوع تطور للدرجه دي
جاسر بغضب بصوت واطي/والله ما حد فاضحني غيركم ي صحاب عرر . لو ديچا سمعتكم هولع فيكم والله العظيم
سما/ع فكره هي كدا كدا لازم تعرف ولازم تقول لها
جاسر ابتسم/هقولها بس مش دلوقتي.
سما/ايوا امتي يعني ..لحد ما تضيع من ايدك
اياد/سما عندها حق بصراحه ..الف من يتمناها
جاسر/لا ي حبيبي انت وهي محدش يقدر ياخدها مني..انا بس مش هخاطر واقول لها دلوقتي عاشان ممكن متكونش مستعده واخسرها واخسر صحوبيتها ..وبكدا ولا كسبت حبها ولا كسبتها ك صديقه حتي
اياد/اممم كلام منطقي
سما ابتسمت/بجد انت كيوت اوي ي جاسر ديچا محظوظه بيك ان حد بيحبها اوي كدا وبيعمل كل الحجات دي عاشان تبقي بس جمبها..كفايه بس انك اجرت البيت دا علشان تبقي جمبها
اياد /ع الله بس ميضيعش كل دا ع الفاضي وترزعك واحده خلينا صحاب احسن
جاسر/طب اخرس ي بومه
عند حمزه و عائشه ف مطعم غايه ف الهدوء والجمال
حمزه وعائشه قاعدين ع طربيزه
حمزه قاعد باصص ع جمال عائشه ومبتسم
عائشه كانت لامه شعرها وحاطه ميكب خفيف والفستان الحمزه اختارهولها حلو اوي عليها
عائشه ابتسمت/هتفضل تبص لي كدا كتير
حمزه/هو في كدة؟ في حلاوه وجمال ب الشكل دا؟
عائشه ابتسمت وكانت مبسوطه اوي من قلبها
ل اول مره هي و حمزه يخرجو سوا ف مكان حلو زي دا
حمزه مسك ايدها/من قبل ما تظهري ف حياتي الحياه مكنش ليها معني بالنسبه لي ..معنديش اب ولا ام ولا اخ اتمسك بالحياه علشانهم .اتيتمت من ونا ١٠ سنين والدنيا اسودت ف وشي ..بدأت تتصلح تاني ب كرم ربنا و وقوف المعلم سالم جمبي.. وبدات اشتغل من ونا طفل بدل ما العب كوره اصلح عربيات بدل ما اخرج مع صحابي قاعد ف الورشه بحاول اجيب فلوس اتعلم بيها بدل ما ابقي جاهل. وكبرت واتعلمت ودخلت جامعه واشتغلت اكتر واكتر وبقي معايا بدل العربيه ٣ وبدل ال بيت ٤ و الشركه ٢ ..بس ما زال في حاجه ناقصه ف حياتي برضو وانتي كملتيها بوجودك ي عائشه..انتي لو مشيتي او بعدتي اموت..انتي العوض ال ربنا بعتهولي وهحافظ عليه ل اخر نفس ..زعلتك بغبائي بس عاشان خاطري سامحيني. انا بعشقك بجد ومقدرش اعيش من غيرك
عائشه دمعت /انا كمان بحبك اوي ومسمحاك مش زعلانه منك ابدا ..مقدرش ازعل منك اصلا.. و اوعدك مش هكذب او اخبي عليك حاجه تاني

حمزه ابتسم ومسح لها دموعها/طب خلاص متعيطيش دموعك غاليه اوي..وبعدين قلت لك ١٠٠ مره بضعف
عائشه ضحكت ومسحت دموعها/خلاص مش هعيط
حمزه ابتسم و راح لها مسح لها دموعها وحضنها
وباس ايدها
بعد ما سهروا واتعشو و رقصو سلوو وكان بالنسبه لهم أجمل يوم عدي عليهم
ورجعو البيت ودخلو
حمزه قفل الباب/واخيرا
عائشه خلعت الهيلز وابتسمت/اليوم النهارده كان حلو اوي
حمزه ابتسم وقرب منها /ولسه ..اليوم مخلصش دة هيبتدي
عائشه بتوتر/احم ..آه. انا هطلع انام بقي عاشان تعبانه اوي. تصبح ع خير
وكانت هتمشي حمزه مسكها من دراعها وقربها منه
حمزه وهو باصص ف عنيها/لاء ننام اي..انتي عارفه انا مستني اليوم دا من امتي؟
عائشه /حد قالك قبل كدة انك قليل الادب؟
حمزه وهو مركز ف عنيها ال بتوديه ل عالم تاني/ااه .انتي قلتيلي كتير
عائشه ضحكت
عائشه/طب شيلني
حمزه/ها؟
عائشه بغضب/حمزه بقولك شلني ..هاا ايي هو انا وزني زايد؟ انا اخر مره وزنت كان ٥٤ بس
حمزه/لا مش هقدر والله انا يعتبر عريس جديد ومش عايز ضهري يتقطم
عائشه بغضب ضربته ف صدره/بقي كدة؟طيب ماشي .ملكش دعوه بيا تاني
وكانت هتمشي حمزه ابتسم وشالها
حمزه/والله انتي لو ٩٠ كيلو ..هشيلك ف حضني برضو
عائشه ابتسمت/انا بحبك اوي
حمزه/ونا بموت ف امك
وطلعو غرفتهم

يتبع….

Post Views: 49

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Scroll to Top