قصة الخارقه كاملة جميع الفصول ميوز ميديا

= ياسيدى انا مش هتوه ولا اى حاجة وبعدين هقولهم انى هروح لواحدة صاحبتى

خدت العنوان من حامد ، بعد ماحسيت من صوته انه احسن شوية ، لكن قلقى عليه بقى اكتر من الاول طبعًا كان يهمنى ان والدته وحماتى المستقبلية تشوفنى فى احسن هيئة ممكنة ، دخلت خدت شاور ، ولبست واتشيكت وروحتله على العنوان ، المكان كان بعيد جدًا وفعلا توهت عقبال
ماوصلت لكن كله يهون علشان خاطره ، المكان واضح انه من المدن الجديدة مفيش سكان كتير ، اول ماطلعت وخبطت على باب الشقة فتحلى واحد شكله من العيال السرسجية بتاعة اليومين دول بصلى من فوق لتحت وضحك وشد ايدى ودخلنى جوه الشقة ….

ح4..الخارقة

لما فتحولى الباب مبقتش عارفة اعمل ايه ولا اتصرف ازاى ، كل الصورة بقت ضباب فى ضباب ، زى مابيقولوا فى الشعر مسكت حبيبي وفجأة ساب ، حسيت بالغدر فى عيون العيل اللى فتح ، بس قولت يمكن خبطت غلط ، طلعت التليفون من شنطتى وفى لحظة لقيته شدنى ومسك التليفون ورماه ، قعدت اصرخ لقيت حامد خارج من الاوضة لابس شورت وفانلة بحمالات وفى ايده