رواية ورد الفصل السابع نيوز ميديا

 

بعدين حب يغير الموضوع بعد ما حس بحزني فقال” وناوية تروحي فين بقى وتعملي إيه في القاهرة؟”، جاوبت “لسه معرفش”، اتردد قبل ما يسأل” هو إنتِ هربانة من أهلك ليه؟”، قلت بدهشة “بس أنا ماقولتش إني هربانة! “، فقال” مش محتاجة ذكاء يعني يا

 

ورد، إيه إللي هيخلي واحدة في سنك تسافر لوحدها في نص الليل! ماظنش التصرف ده بعلم أهلك “، سكتّ شوية بعدين قلت” كانوا عاوزين يجوزوني غصب عني لراجل من سن جدي”،

 

 

انفعل وقالي” امته الناس هتفهم إن الجواز بالذات ماينفعش بالغصب ثم إنك صغيرة”، ابتسمت بسخرية وقلت” الصغيرة دي متطلقة! “، ماكنش لاقي حاجة يقولها فسكت بعدين قال” طيب ليه مافكرتيش تروحي القسم تبلّغي؟”، ضحكت بسخرية وبعدين

 

قلت بغضب ” وكنتوا عملتولي إيه يوم ما لجأتلكم تحموا أزهار؟؟”، ظهر الضيق على وشه ففضل ساكت ومركز في الطريق وأنا كمان فضلت ساكته براقب الطريق لحد ما نعست.