ﺯﻳﻨﺐ: ﺍﺗﻔﻘﻨﺎ ﻭﺍﻟﻜﻞ ﺷﺎﻫﺪ
ﻓﺎﻃﻤﻪ : ﺑﺖ ﻳﺎ ﺳﻤﻴﻪ ﺟﻬﺰﻱ ﻻﻣﻚ ﻏﻴﺎﺭﻳﻦ ﻋﻠﺸﺎﻥ
ﻫﺘﺨﺴﺮ ﺭﻫﺎﻧﻬﺎ … ﺯﻳﻨﺐ ﻳﺎ ﺣﺒﻴﺒﺘﻲ ﺍﻳﻤﻦ ﻋﻤﺮﻩ ﻣﺎ
ﺭﺟﻊ ﻓﻲ ﻛﻠﻤﺘﻪ ﺩﻩ ﺍﻭﻻ ﻭﺛﺎﻧﻴﺎ ﺑﻘﻲ ﺑﻴﻤﻮﺕ ﻓﻲ ﺑﻨﺘﻚ
ﺯﻳﻨﺐ: ﺭﺑﻨﺎ ﻳﻬﻨﻴﻬﻢ ﺑﺒﻌﺾ ﺑﺲ ﺩﻩ ﺭﻣﻀﺎﻥ ﻭﻫﻴﻔﻄﺮ ﻣﻊ
ﺍﻟﺤﺞ ﻓﻲ ﺍﻟﺠﺎﻣﻊ ﻫﻴﻘﻮﻟﻬﻢ ﺍﻳﻪ ﺍﺻﻼ؟ ﻣﻌﻠﺶ ﺍﺻﻠﻲ
ﻫﺮﻭﺡ ﺍﻓﻄﺮ ﻋﻠﻲ ﻣﺮﺍﺗﻲ ﺍﻻﻭﻝ؟؟؟
ﺍﻟﻤﻐﺮﺏ ﺍﺫﻥ ﻭﺣﺒﻴﺒﻪ ﻣﺮﺿﻴﺘﺶ ﺗﻔﻄﺮ ﻭﺍﺧﺪﺕ ﻛﻮﺑﻴﺘﻴﻦ
ﻋﺼﻴﺮ ﺍﻭﺿﺘﻬﺎ ﻭﺟﻬﺰﺗﻬﻢ
ﺯﻳﻨﺐ: ﺷﻜﻠﻚ ﻫﻴﺒﻘﻲ ﻭﺣﺶ ﻗﻮﻱ ﻟﻮ ﺭﺟﻊ ﻓﺎﻃﺮ
ﺣﺒﻴﺒﻪ: ﻣﺶ ﻫﻴﺮﺟﻊ ﻓﺎﻃﺮ ﻭﺑﻌﺪﻳﻦ ﺣﺘﻲ ﻟﻮ ﻓﻄﺮ
ﻫﻴﺒﻘﻲ ﻏﺼﺐ ﻋﻨﻪ ﻋﻠﺸﺎﻥ ﺑﺎﺑﺎ
ﺍﺧﻴﺮﺍ ﺍﻟﺮﺟﺎﻟﻪ ﺟﺖ ﻭﺍﻭﻝ ﻣﺎ ﺩﺧﻠﻮﺍ
ﻋﻢ ﺳﻌﻴﺪ : ﻳﺎ ﺣﺒﻴﺒﻪ
ﺣﺒﻴﺒﻪ: ﺍﻳﻮﻩ ﻳﺎ ﺑﺎﺑﺎ
ﻋﻢ ﺳﻌﻴﺪ : ﺻﻠﻴﺘﻮﺍ ﻭﺟﻬﺰﺗﻮ ﺍﻻﻛﻞ ﻳﺎ ﺑﻨﺘﻲ
ﺣﺒﻴﺒﻪ: ﻛﻠﻪ ﺟﺎﻫﺰ ﺍﺗﻔﻀﻠﻮﺍ
ﻋﻢ ﺳﻌﻴﺪ : ﻃﻴﺐ ﻓﻄﺮﻱ ﺟﻮﺯﻙ ﺩﻩ ﺍﻟﻠﻪ ﺍﻋﻠﻢ ﻣﺎ
ﺭﺿﻴﺶ ﻳﻔﻄﺮ ﻣﻌﺎﻣﺎ ﻣﻌﺮﻓﺶ ﻣﺴﺘﻨﻲ ﺍﻳﻪ؟ ﺧﺪﻳﻪ
ﻭﺑﻠﻲ ﺭﻳﻘﻪ ﺑﺒﻠﺢ ﻳﺎ ﺑﻨﺘﻲ ﻭﻻ ﺍﻱ ﺣﺎﺟﻪ
ﺣﺒﻴﺒﻪ ﺑﺼﺖ ﻻﻣﻬﺎ ﻭﺍﺑﺘﺴﻤﺖ ﻭﺍﻟﻔﺮﺣﻪ ﻣﻜﻨﺘﺶ
ﺳﺎﻳﻌﺎﻫﺎ
ﻓﺎﻃﻤﻪ : ﻣﺶ ﻗﻠﺘﻠﻚ ﻳﺎ ﺯﻳﻨﺒﻮ
ﺯﻳﻨﺐ: ﺧﺪﻱ ﻳﺎ ﺣﺒﻴﺒﺘﻲ ﺟﻮﺯﻙ ﻓﻄﺮﻳﻪ ﻭﺗﻌﺎﻟﻮ ﺑﺴﺮﻋﻪ
ﻧﻠﺤﻖ ﻧﺎﻛﻞ
ﻭﻫﻤﺎ ﻃﺎﻟﻌﻴﻦ
ﺯﻳﻨﺐ: ﻣﺎ ﺗﻄﻮﻟﺶ ﺑﺴﺮﻋﻪ
ﺍﻳﻤﻦ ﺑﻴﺒﺼﻠﻬﺎ ﺑﺎﺳﺘﻐﺮﺍﺏ : ﻗﺼﺪﻙ ﺍﻳﻪ؟
ﺣﺒﻴﺒﻪ: ﺗﻌﺎﻝ ﺍﻧﺎ ﻫﻔﻬﻤﻚ
ﺍﻳﻤﻦ ﻭﺣﺒﻴﺒﻪ ﻃﻠﻌﻮﺍ ﻭﺩﺧﻠﻮﺍ ﺍﻭﺿﺘﻬﺎ ﻭﻛﺎﻧﺖ ﻣﺠﻬﺰﻩ
ﺍﻟﺒﻠﺢ ﻭﺍﻟﻌﺼﻴﺮ
ﺍﻳﻤﻦ ﻣﺴﻚ ﻛﻮﺑﺎﻳﻪ ﺍﻟﻌﺼﻴﺮ ﻭﺣﺒﻴﺒﻪ ﺣﻄﺖ ﺍﻳﺪﻳﻬﺎ ﻓﻲ
ﻭﺳﻄﻬﺎ
ﺣﺒﻴﺒﻪ: ﻳﻌﻨﻲ ﺍﻧﺖ ﻣﺎ ﻓﻄﺮﺗﺶ ﻋﻠﺸﺎﻥ ﺗﻴﺠﻲ ﺗﻔﻄﺮ
ﻋﻠﻲ ﺍﻟﻌﺼﻴﺮ؟ ﻣﺎﺵ
ﻣﻜﻤﻠﺘﺶ ﺍﻟﻜﻠﻤﻪ ﻻﻥ ﺍﻳﻤﻦ ﺳﻜﺘﻬﺎ ﻧﻬﺎﺋﻲ
ﻭ ………..،
ﻧﺰﻟﻮ ﺗﺤﺖ ﻳﻠﺤﻘﻮﺍ ﻳﻔﻄﺮﻭﺍ ﻣﻊ ﺍﻟﻌﻴﻠﻪ
ﺧﻠﺺ ﺍﻟﻔﻄﺎﺭ ﻭﺟﻪ ﺍﻟﻌﺸﺎ ﻭﺻﻠﻮﺍ ﺍﻟﺘﺮﺍﻭﻳﺢ ﻭﺭﺟﻌﻮﺍ
ﻭﺍﻟﻜﻞ ﻣﻠﻤﻮﻡ
ﻋﻢ ﺳﻌﻴﺪ : ﺑﻤﺎ ﺍﻥ ﺍﻟﻌﻴﻠﻪ ﻛﻠﻬﺎ ﻣﻠﻤﻮﻣﻪ ﻓﺪﻱ ﻓﺮﺻﻪ
ﻧﺘﻜﻠﻢ ﻓﻴﻬﺎ
ﻣﻌﺘﺰ: ﺭﺑﻨﺎ ﻳﺪﻳﻢ ﺍﻟﻤﺤﺒﻪ …. ﺍﻳﻤﻦ ﻳﺎ ﺍﺑﻨﻲ
ﺍﻳﻤﻦ: ﺍﻳﻮﻩ ﻳﺎ ﻋﻤﻲ
ﻣﻌﺘﺰ: ﺍﺣﻤﺪ ﻃﺎﻟﺐ ﺍﻳﺪ ﺳﻤﻴﻪ ﻭﺑﺼﺮﺍﺣﻪ ﻣﺴﺘﻨﻴﻦ
ﻣﻮﺍﻓﻘﺘﻚ ﻋﻠﺸﺎﻥ ﻧﺤﺪﺩ ﻣﻌﺎﺩ ﻟﻠﻔﺮﺡ
ﺍﻳﻤﻦ: ﻭﺍﻧﺎ ﻋﻼﻗﺘﻲ ﺍﻳﻪ ﺑﻤﻌﺎﺩ ﻓﺮﺣﻬﻢ .. ﺍﻟﻌﺮﻭﺳﻪ
ﻭﺍﻫﻠﻬﺎ ﻣﻮﺍﻓﻘﻴﻦ ﺧﻼﺹ ﺍﻧﺘﻮ ﺣﺮﻳﻴﻦ … ﺷﻮﻓﻮ ﺍﻟﻠﻲ
ﻳﻨﺎﺳﺒﻜﻢ
ﻋﻢ ﺳﻌﻴﺪ : ﺍﻳﻤﻦ ﺍﻻﺗﻨﻴﻦ ﺳﻮﺍﺀ ﺍﺣﻤﺪ ﺍﻭ ﺳﻤﻴﻪ
ﺑﻴﻌﺘﺒﺮﻭﻙ ﺍﺧﻮﻫﻢ ﻭﻣﺎ ﻳﻨﻔﻌﺶ ﻓﺮﺡ ﻳﺘﻢ ﺍﻭ ﻳﺘﺤﺪﺩ ﺍﻻ
ﺑﻤﻮﺍﻓﻘﻪ ﺍﻻﺥ
ﺍﻳﻤﻦ: ﻭﻣﺎ ﻳﻨﻔﻌﺶ ﺑﺮﺿﻪ ﺍﺥ ﻳﺨﻄﻒ ﺍﺧﻮﻩ ﺍﻭ ﻣﺮﺍﺗﻪ
ﻋﻤﻲ ﺑﻨﺘﻚ ﻭﺍﺗﻘﺪﻣﻠﻬﺎ ﻋﺮﻳﺲ ﺍﻧﺘﻮ ﺣﺮﻳﻴﻦ ﺑﻘﻲ ﺗﻮﺍﻓﻘﻮ
ﺍﻭ ﻷ؟ ﺑﺮﺍﺣﺘﻜﻢ
ﻋﻢ ﺳﻌﻴﺪ : ﻳﺎ ﺍﻳﻤﻦ ﻗﻮﻟﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ :
( ﺗﻌﺮﺽ ﺍﻷﻋﻤﺎﻝ ﻓﻲ ﻛﻞ ﺇﺛﻨﻴﻦ ﻭﺧﻤﻴﺲ ﻓﻴﻐﻔﺮ ﺍﻟﻠﻪ
ﻟﻜﻞ ﺍﻣﺮﺉ ﻻ ﻳﺸﺮﻙ ﺑﻪ ﺷﻴﺌﺎ ، ﺇﻻ ﺍﻣﺮﺃ ﻛﺎﻧﺖ ﺑﻴﻨﻪ
ﻭﺑﻴﻦ ﺃﺧﻴﻪ ﺷﺤﻨﺎﺀ ﻓﻴﻘﻮﻝ ﺍﺗﺮﻛﻮﺍ ﻫﺬﻳﻦ ﺣﺘﻰ
ﻳﺼﻄﻠﺤﺎ ) ﺭﻭﺍﻩ ﻣﺴﻠﻢ.
ﺍﻳﻤﻦ: ﻋﻤﻲ ﺍﻧﺎ ﻋﺎﺭﻑ ﻛﻞ ﺍﻟﺤﺎﺟﺎﺕ ﺩﻱ ﺑﺲ ﻫﻘﻮﻟﻚ ﺍﻧﺎ
ﺑﻘﻲ ﺍﻧﺎ ﻣﺶ ﻣﺨﺎﺻﻢ ﺣﺪ ﺍﻟﻠﻲ ﺟﻮﻩ ﻓﻲ ﻗﻠﺒﻲ ﺍﻧﺎ ﺣﺮ
ﻓﻴﻪ ﻫﻮ ﺍﻧﺎ ﻣﺶ ﺩﺧﻠﺖ ﺳﻠﻤﺖ ﺍﻧﺎ ﻣﺶ ﻣﺨﺎﺻﻢ ﺣﺪ
ﻋﻢ ﺳﻌﻴﺪ : ﺍﻣﺎﻝ ﺩﻩ ﺍﺳﻤﻪ ﺍﻳﻪ؟
ﺍﻳﻤﻦ: ﻭﺍﻟﻠﻪ ﺍﻧﺎ ﺑﺸﻮﻓﻪ ﺑﺴﻠﻢ ﻋﻠﻴﻪ ﺑﻜﻠﻤﻪ ﻋﺎﺩﻱ …
ﺍﻣﺎ ﻧﺮﺟﻊ ﺯﻱ ﺍﻻﻭﻝ ﻓﺪﻩ ﻣﺎ ﻳﻨﻔﻌﺶ ﻓﻲ ﺣﺎﺟﺎﺕ ﻟﻮ
ﺍﺗﻜﺴﺮﺕ ﻣﺎ ﺑﺘﺘﺼﻠﺤﺶ ﺗﺎﻧﻲ
ﻋﻢ ﺳﻌﻴﺪ : ﻫﻘﻮﻟﻚ ﺗﺎﻧﻲ
( ﺃﺭﺑﻊ ﻣﻦ ﻛﻦ ﻓﻴﻪ ﻛﺎﻥ ﻣﻨﺎﻓﻘﺎ ﺧﺎﻟﺼﺎ ﻭﻣﻦ ﻛﺎﻧﺖ ﻓﻴﻪ
ﺧﺼﻠﺔ ﻣﻨﻬﻦ ﻛﺎﻧﺖ ﻓﻴﻪ ﺧﺼﻠﺔ ﻣﻦ ﻧﻔﺎﻕ ﺣﺘﻰ ﻳﺪﻋﻬﺎ،
ﺇﺫﺍ ﺍﺅﺗﻤﻦ ﺧﺎﻥ ﻭﺇﺫﺍ ﺣﺪﺙ ﻛﺬﺏ، ﻭﺇﺫﺍ ﻋﺎﻫﺪ ﻏﺪﺭ ﻭﺇﺫﺍ
ﺧﺎﺻﻢ ﻓﺠﺮ ) ﺍﻧﺖ ﻓﺠﺮﺕ ﻓﻲ ﺍﻟﺨﺼﺎﻡ ﻛﺎﻡ ﺷﻬﺮ ﻋﺪﻱ
ﻭﺍﻧﺖ ﻛﺪﻩ؟ ﻣﺮﺍﺗﻚ ﺍﻫﻲ ﻗﺮﺑﺖ ﺗﻮﻟﺪ ﻭﺍﺣﻨﺎ ﻓﻲ ﺍﻳﺎﻡ
ﻣﻔﺘﺮﺟﻪ ﻓﺎﻳﻪ ﺑﻘﻲ؟
ﺍﻳﻤﻦ ﺍﺗﻨﺮﻓﺰ: ﺍﻧﺎ؟ ﺍﻧﺎ ﻓﺠﺮﺕ ﻓﻲ ﺍﻟﺨﺼﺎﻡ ﻳﺎ ﻋﻤﻲ؟؟
ﻭﻫﻮ ﻋﻤﻞ ﺍﻳﻪ؟ ﻣﺎﻫﻮ ﺍﺅﺗﻤﻦ ﻭﺧﺎﻥ؟؟ ﻭﺣﺪﺙ
ﻭﻛﺬﺏ؟؟؟ﻭﻋﺎﻫﺪ ﻭﻏﺪﺭ؟؟؟ﺍﺟﺮ ﺭﺟﺎﻟﻪ ﻳﻀﺮﺑﻮﻧﻲ؟ ﺧﺪﺭ
ﻣﺮﺍﺗﻲ ﻭﺧﻄﻔﻬﺎ؟ ﻓﺘﺢ ﺗﻠﻴﻔﻮﻧﻲ ﻭﺳﺮﻕ ﺣﺎﺟﺎﺕ ﻣﺎﻟﻮﺵ
ﺣﻖ ﻳﺴﺮﻗﻬﺎ؟ ﻛﻠﻢ ﺍﺧﺖ ﻣﺮﺍﺗﻲ ﺍﻟﻠﻲ ﺑﻌﺘﺒﺮﻫﺎ ﺯﻱ
ﺍﺧﺘﻲ ﻣﻦ ﻭﺭﺍﻳﺎ؟؟ ﻋﺎﻳﺰﻧﻲ ﺍﺯﺍﻱ ﺑﻌﺪ ﻛﻞ ﺩﻩ ﺍﺭﺟﻊ
ﺍﺛﻖ ﻓﻴﻪ ﺗﺎﻧﻲ؟ ﺧﺎﻥ ﺛﻘﺘﻲ ﺑﻜﺬﺍ ﻃﺮﻳﻘﻪ ﺟﺎﻱ ﺑﻘﻲ
ﺗﻘﻮﻟﻲ ﺍﻧﺎ ﺍﻧﻲ ﻓﺠﺮﺕ ﻻ ﻳﺎ ﻋﻤﻲ ﻭﺍﻟﻠﻪ ﺍﻧﺎ ﺣﺮ
ﺍﺻﺎﺣﺐ ﻣﻴﻦ ﻭﺍﻋﺮﻑ ﻣﻴﻦ … ﺩﻩ ﻛﺎﻥ ﻓﻲ ﻳﻮﻡ ﺍﻛﺘﺮ
ﻣﻦ ﺍﺧﻮﻳﺎ ﻭﻫﻮ ﻣﺤﺎﻓﻈﺶ ﻋﻠﻲ ﺍﻻﺧﻮﻩ ﺩﻱ … ﻭﺍﻧﺎ
ﻣﺶ ﻣﻘﺎﻃﻊ ﺣﺪ ﻭﻻ ﻣﺨﺎﺻﻢ ﺣﺪ
ﺑﺲ ﺍﻧﺎ ﺣﺮ ﻓﺎﻧﻲ ﺍﺧﺘﺎﺭ ﻣﻴﻦ ﻳﻘﺮﺏ ﻣﻨﻲ ﻭﻣﻴﻦ ﺍﻛﺘﻔﻲ
ﻣﻌﺎﻩ ﺑﺎﻟﺴﻼﻡ ﻭﺑﺲ ﺍﻧﺎ ﺣﺮ …
ﻗﺎﻡ ﻭﻗﻒ ﻭﺑﺺ ﻻﻣﻪ ﻭﻣﺮﺍﺗﻪ
ﺍﻳﻤﻦ: ﻫﺘﺮﻭﺣﻮ ﻭﻻ ﻗﺎﻋﺪﻳﻦ؟؟
ﻋﻢ ﺳﻌﻴﺪ : ﻳﺎ ﺍﺑﻨﻲ ﺍﻗﻌﺪ ﻫﻨﺴﻬﺮ ﻣﻊ ﺑﻌﺾ ﺑﻄﻞ
ﺭﺧﺎﻣﺘﻚ ﺩﻱ ﺳﻴﺐ ﺍﻟﺒﻨﺖ ﻣﻊ ﺍﺧﻮﺍﺗﻬﺎ
ﺍﻳﻤﻦ: ﺍﻧﺎ ﺑﺴﺄﻟﻬﺎ ﻫﺘﺮﻭﺡ ﻭﻻ ﻫﺘﻘﻌﺪ ﻳﻌﻨﻲ ﻫﻴﺎ ﺣﺮﻩ؟
ﺍﻣﺎ ﺍﻧﺎ ﺍﻛﻴﺪ ﻫﻴﺎ ﻗﺎﻟﺘﻠﻚ ﺍﻧﻲ ﻣﻦ ﺍﻟﺼﺒﺢ ﺑﺮﻩ ﺍﻟﺒﻴﺖ
ﻓﺘﻌﺒﺎﻥ ﻭﻋﺎﻳﺰ ﺍﺭﻳﺢ ﺩﻩ ﻟﻮ ﻣﻌﻨﺪﻛﻤﺶ ﻣﺎﻧﻊ؟
ﻋﻢ ﺳﻌﻴﺪ : ﺍﻃﻠﻊ ﺭﻳﺢ ﻓﻮﻕ
ﺍﻳﻤﻦ: ﻻ ﻣﻌﻠﺶ ﺍﻧﺎ ﻣﻤﻜﻦ ﺍﻧﺎﻡ ﻟﻠﺼﺒﺢ ﻣﺶ ﺷﻮﻳﻪ
ﻭﺍﺻﺤﻲ …. ﻫﺘﺮﻭﺣﻮ ﻭﻻ ﻗﺎﻋﺪﻳﻦ؟؟؟
ﺣﺒﻴﺒﻪ ﻭﻗﻔﺖ: ﺍﻧﺎ ﻫﺮﻭﺡ ﻣﻌﺎﻙ ….. ﻣﺎﻣﺎ؟؟
ﻋﻢ ﺳﻌﻴﺪ : ﻣﺎﻟﻬﺎ ﺍﻣﻚ؟
ﺣﺒﻴﺒﻪ: ﻫﺘﻴﺠﻲ ﻣﻌﺎﻳﺎ ﻭﻻ ﻧﺴﻴﺘﻲ؟
ﺯﻳﻨﺐ: ﻳﻌﻨﻲ ﺍﻧﺘﻲ ﺷﺎﻳﻔﻪ ﻳﻨﻔﻊ ﺍﺳﻴﺐ ﺍﻟﻨﺎﺱ ﻫﻨﺎ
ﻭﺍﺟﻲ ﻣﻌﺎﻛﻲ؟
ﺍﻳﻤﻦ: ﺍﻟﻔﻄﺎﺭ ﺍﺻﻼ ﻋﻨﺪﻧﺎ ﺑﻜﺮﻩ
ﺣﺒﻴﺒﻪ: ﺍﻫﻮ ﻳﺎﻻ ﺑﻘﻲ
ﺯﻳﻨﺐ: ﻻ ﻳﺎ ﺣﺒﻴﺒﺘﻲ ﻫﺠﻴﻠﻚ ﺍﻭﻝ ﻣﺎ ﺍﺻﺤﻲ ﺧﻼﺹ؟
ﺍﻳﻤﻦ: ﻋﻢ ﻣﻌﺘﺰ ﺍﻟﻔﻄﺎﺭ ﻋﻨﺪﻱ ﺑﻜﺮﻩ ﺍﻥ ﺷﺎﺀﺍﻟﻠﻪ
ﻣﻌﺘﺰ: ﻻ ﻣﻌﻠﺶ ﺍﻋﺬﺭﻧﺎ ﺍﺣﻨﺎ
ﺍﻳﻤﻦ: ﻟﻴﻪ؟ ﺍﻧﺖ ﺯﻱ ﻭﺍﻟﺪﻱ ﻭﺩﻩ ﺷﻴﺊ ﻣﺶ ﻫﻴﺘﻐﻴﺮ؟
ﻭﺍﺣﻤﺪ ﺧﻄﻴﺐ ﺍﺧﺖ ﻣﺮﺍﺗﻲ؟ ﻓﻴﻦ ﺍﻟﻤﺸﻜﻠﻪ؟
ﻣﻌﺘﺰ: ﻟﻮ ﺍﻧﺎ ﺯﻱ ﺍﺑﻮﻙ ﻳﺒﻘﻲ ﺍﺣﻤﺪ ﺯﻱ ﺍﺧﻮﻙ ﻣﺶ
ﺧﻄﻴﺐ ﺍﺧﺖ ﻣﺮﺍﺗﻚ؟؟
ﺍﻳﻤﻦ: ﻳﻌﻨﻲ ﺣﻀﺮﺗﻚ ﻣﺶ ﻋﺎﻳﺰ ﺗﻴﺠﻲ ﻋﻨﺪﻱ؟؟
ﻣﻌﺘﺰ: ﻻ ﻣﺶ ﺣﻜﺎﻳﻪ ﻣﺶ ﻋﺎﻳﺰ ﺍﺟﻲ ﺑﺲ ﺍﻋﺬﺭﻧﺎ
ﺍﻳﻤﻦ: ﺍﻣﺎﻝ ﺣﻜﺎﻳﻪ ﺍﻳﻪ؟
ﻣﻌﺘﺰ: ﺣﻜﺎﻳﻪ ﺍﺗﻨﻴﻦ ﺍﺧﻮﺍﺕ ﻣﻦ ﺳﻨﻴﻦ ﻭﻓﺠﺄﻩ ﻳﺒﻘﻮﺍ
ﺍﻏﺮﺍﺏ ” ﺍﻧﻤﺎ ﺍﻻﻋﻤﺎﻝ ﺑﺎﻟﻨﻴﺎﺕ ﻭﻟﻜﻞ ﺍﻣﺮﺉ ﻣﺎ ﻧﻮﻱ ”
ﻳﻌﻨﻲ ﻫﻮ ﻣﻤﻜﻦ ﻳﻜﻮﻥ ﻃﺮﻳﻘﺘﻪ ﻏﻠﻂ ﻟﻜﻦ ﻧﻴﺘﻪ ﻛﺎﻧﺖ
ﺧﻴﺮ ﻭﺩﻱ ﺣﺎﺟﻪ ﻟﺼﺎﻟﺤﻪ ﻣﺶ ﺿﺪﻩ ﻓﺎﻳﻮﻩ ﺍﻧﺖ ﻣﻦ
ﺣﻘﻚ ﺗﺰﻋﻞ ﻣﻨﻪ ﺷﻮﻳﻪ ﺑﺲ ﻣﺶ ﺗﻘﺎﻃﻌﻪ ﻭﺗﻨﻬﻲ
ﻋﻼﻗﺘﻚ ﺑﻴﻪ ﺍﻧﺘﻮ ﻣﺶ ﻣﻌﺮﻓﻪ ﻳﻮﻣﻴﻦ
ﺍﻳﻤﻦ: ﻳﻌﻨﻲ ﺍﻧﺎ ﻳﻨﻔﻊ ﻣﺜﻼ ﺍﺭﻭﺡ ﺍﺳﺮﻕ ﻣﻦ ﺍﻻﻏﻨﻴﻪ
ﻭﺍﻭﺯﻉ
ﻋﻠﻲ ﺍﻟﻔﻘﺮﺍ ﻭﺍﻗﻮﻝ ﺍﺻﻞ ﺍﻧﺎ ﻗﺼﺪﻱ ﺧﻴﺮ؟ ﻣﺶ ﻓﻲ
ﻛﻞ ﺣﺎﺟﻪ ﻓﻴﻬﺎ ﺍﻻﻋﻤﺎﻝ ﺑﺎﻟﻨﻴﺎﺕ
ﻣﻌﺘﺰ: ﺧﻼﺹ ﻳﺎ ﺍﺑﻨﻲ ﻭﺯﻱ ﻣﺎ ﺍﻧﺖ ﻟﺴﻪ ﻗﺎﻳﻞ ﺍﻧﺖ ﺣﺮ
ﺗﻌﺮﻑ ﻣﻴﻦ ﻭﺗﺼﺎﺣﺐ ﻣﻴﻦ؟ ﺍﻧﺖ ﺣﺮ ﺑﺲ ﻣﺘﺠﻴﺶ
ﺗﻘﻄﻊ ﻣﻦ ﻧﺎﺣﻴﻪ ﻭﺗﻮﺻﻞ ﻣﻦ ﻧﺎﺣﻴﻪ ﺗﺎﻧﻴﻪ ﻣﺎ ﻳﻨﻔﻌﺶ
ﻻﻥ ﺍﻻﺗﻨﻴﻦ ﻧﺎﺣﻴﻪ ﻭﺍﺣﺪﻩ … ﺍﻧﺖ ﺑﺘﺮﻣﻲ ﻋﺸﺮﻩ ﺳﻨﻴﻦ
ﻓﻲ ﺍﻻﺭﺽ ﺑﺴﺒﺐ ﺍﻧﻪ ﻏﻠﻂ ﻋﻠﺸﺎﻥ ﻣﻬﻨﺶ ﻋﻠﻴﻪ ﺍﻧﻚ
ﺗﺘﺤﺮﻡ ﻣﻦ ﺍﻻﻧﺴﺎﻧﻪ ﺍﻟﻠﻲ ﺑﺘﺤﺒﻬﺎ … ﻣﻬﻨﺶ ﻋﻠﻴﻚ
ﻳﺸﻮﻓﻚ ﺑﺘﺘﻌﺬﺏ ﻭﻳﻘﻒ ﺳﺎﻛﺖ ﺩﻩ ﻏﻠﻄﻪ ﻓﻤﻌﻠﺶ ﺣﻘﻚ
ﻋﻠﻴﺎ ﺍﻧﺎ ﺍﻧﻪ ﻏﻠﻂ ﻭﺍﺗﺴﺒﺐ ﺍﻧﻚ ﺭﺟﻌﺖ ﻟﻤﺮﺍﺗﻚ ﻭﺍﻥ
ﺍﺑﻨﻜﻢ ﻫﻴﺘﻮﻟﺪ ﺑﻴﻨﻜﻢ ﻣﻌﻠﺶ … ﻛﺎﻥ ﺍﻟﻤﻔﺮﻭﺽ ﻗﺎﻝ
ﻭﺍﻧﺎ ﻣﺎﻝ ﺍﻫﻠﻲ ﺯﻱ ﻣﺎ ﺍﻧﺖ ﻗﻮﻟﺖ ﻭﻫﻮ ﻣﺎﻝ ﺍﻫﻠﻪ
ﻛﻨﺘﻮ ﺍﺗﻄﻠﻘﺘﻮﺍ ﻭﻻ ﺭﺟﻌﺘﻮ ﻭﻫﻮ ﻣﺎﻝ ﺍﻫﻠﻪ ﺍﺻﻼ؟
ﺣﻘﻚ ﻋﻠﻴﻨﺎ ﻳﺎ ﺍﺑﻨﻲ … ﺑﺲ ﻣﻌﻠﺶ ﺑﻘﻲ ﻣﺎ ﺗﺠﻴﺶ
ﺩﻟﻮﻗﺘﻲ ﻭﺗﻘﻮﻟﻲ ﺍﻧﺖ ﺯﻱ ﺍﺑﻮﻳﺎ ﻳﺎ ﻋﻢ ﻣﻌﺘﺰ ﻻﻥ ﺍﻧﺎ
ﻣﺶ ﺍﺑﻮﻙ ﻃﺎﻟﻤﺎ ﻫﻮ ﻣﺶ ﺍﺧﻮﻙ ﺍﺗﻜﻞ ﻋﻠﻲ ﺍﻟﻠﻪ
ﻭﺷﻮﻑ ﺍﻧﺖ ﺭﺍﻳﺢ ﻓﻴﻦ؟
ﺍﻳﻤﻦ ﺍﺧﺪ ﻣﺮﺍﺗﻪ ﻭﺍﻣﻪ ﻭﺭﻭﺡ ﻭﻃﻮﻝ ﺍﻟﻄﺮﻳﻖ ﺳﺎﻛﺖ
ﻭﺍﻭﻝ ﻣﺎ ﻭﺻﻠﻮﺍ ﺑﻴﺘﻬﻢ ﺳﺎﺑﻬﻢ ﻭﺩﺧﻞ ﺍﻭﺿﺘﻪ
ﻓﺎﻃﻤﻪ : ﺍﺩﺧﻠﻲ ﻳﺎ ﺑﻨﺘﻲ ﻟﺠﻮﺯﻙ ﻣﺎ ﺗﺴﻴﺒﻴﻬﻮﺵ ﻟﻮﺣﺪﻩ
ﺣﺒﻴﺒﻪ: ﺣﺎﺿﺮ ﻳﺎ ﻣﺎﻣﺎ ﺗﺼﺒﺤﻲ ﻋﻠﻲ ﺧﻴﺮ
ﻓﺎﻃﻤﻪ : ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ ﺭﺑﻨﺎ ﻳﻬﺪﻱ ﺍﻟﻨﻔﻮﺱ ﻳﺎ
ﺭﺏ
ﺣﺒﻴﺒﻪ ﺩﺧﻠﺖ ﻟﺠﻮﺯﻫﺎ ﺍﻟﻠﻲ ﻛﺎﻥ ﺭﺍﻗﺪ ﻓﻲ ﺍﻟﺴﺮﻳﺮ
ﻏﻴﺮﺕ ﻫﻴﺎ ﻛﻤﺎﻥ ﻫﺪﻭﻣﻬﺎ ﻭﻗﻌﺪﺕ ﺟﻨﺒﻪ
ﺣﺒﻴﺒﻪ: ﺍﺍﺍﻩ
ﺍﻳﻤﻦ: ﺗﻌﺒﺎﻧﻪ؟
ﺣﺒﻴﺒﻪ: ﻫﻠﻜﺎﻧﻪ ﻣﺶ ﺗﻌﺒﺎﻧﻪ … ﺧﻼﺹ ﺑﻘﻲ ﺗﻌﺒﺖ ﻭﺟﺒﺖ
ﺍﺧﺮﻱ
ﺍﻳﻤﻦ: ﻫﺎﻧﺖ ﺍﻧﺘﻲ ﻓﻲ ﺍﻟﺴﺎﺑﻊ ﺍﻫﻮ
ﺍﻳﻤﻦ ﻧﺎﻡ ﻋﻠﻲ ﺣﺠﺮﻫﺎ ﻭﺍﻳﺪﻳﻪ ﻋﻠﻲ ﺑﻄﻨﻬﺎ ﺑﻴﺴﺘﻤﺘﻊ
ﺑﺤﺮﻛﺎﺕ ﺍﺑﻨﻪ
ﺍﻳﻤﻦ: ﻫﻴﺎ ﺧﺒﻄﺎﺗﻪ ﺩﻱ ﺑﺘﻮﺟﻌﻚ؟؟
ﺣﺒﻴﺒﻪ: ﻻ ﻣﺶ ﺗﻮﺟﻌﻨﻲ ﺑﺲ ﺳﺎﻋﺎﺕ ﺗﻀﺎﻳﻘﻨﻲ ﻟﻤﺎ
ﻳﺨﺒﻂ ﻛﺘﻴﺮ ﻓﻲ ﺣﺘﻪ ﻭﺍﺣﺪﻩ ﺍﻭ ﻳﺼﺤﻴﻨﻲ ﻣﻦ ﺍﻟﻨﻮﻡ
ﺍﻳﻤﻦ: ﺭﺑﻨﺎ ﻳﻜﻮﻥ ﻓﻲ ﻋﻮﻧﻚ ﻭﻳﻘﻮﻣﻚ ﻟﻴﺎ ﺑﺎﻟﺴﻼﻣﻪ
ﺣﺒﻴﺒﻪ ﺑﺘﻠﻌﺐ ﻓﻲ ﺷﻌﺮ ﺟﻮﺯﻫﺎ ﻭﺍﻻﺗﻨﻴﻦ ﺳﺎﻛﺘﻴﻦ
ﺍﻳﻤﻦ: ﺍﻧﺘﻲ ﻋﻤﺮﻙ ﻣﺎ ﺍﺗﻜﻠﻤﺘﻲ ﻋﻦ ﻋﻼﻗﺘﻲ ﺑﺎﺣﻤﺪ
ﺣﺒﻴﺒﻪ: ﺩﻱ ﺣﺎﺟﻪ ﺗﺮﺟﻌﻠﻚ ﺍﻧﺖ
ﺍﻳﻤﻦ ﻣﺴﻚ ﺍﻳﺪﻫﺎ ﻭﺑﺎﺳﻬﺎ ﻓﻲ ﺍﻳﺪﻳﻬﺎ
ﺍﻳﻤﻦ: ﺑﺮﺿﻮﺍ ﻣﻘﻮﻟﺘﻴﺶ ﺭﺍﻳﻚ ﺍﻳﻪ؟
ﺣﺒﻴﺒﻪ: ﻃﺒﻌﺎ ﻓﻲ ﺍﻻﻭﻝ ﻭﺍﻻﺧﺮ ﺩﻱ ﺣﺎﺟﻪ ﺗﺮﺟﻌﻠﻚ
ﺑﺲ ﻳﺎ ﺍﻳﻤﻦ ﻫﻮ ﻗﺼﺪﻩ ﺍﻧﻪ ﻳﺮﺟﻌﻨﺎ ﻟﺒﻌﺾ ﻓﺎﻋﺘﻘﺪ ﺍﻥ
ﺩﻩ ﻳﻐﻔﺮﻟﻪ ﻭﺑﻌﺪﻳﻦ ﺍﺣﻨﺎ ﻓﻌﻼ ﺭﺟﻌﻨﺎ ﻟﺒﻌﺾ ﺑﺴﺒﺒﻪ
ﺑﻐﺾ ﺍﻟﻨﻈﺮ ﺑﻘﻲ ﻛﻨﺎ ﻫﻨﺮﺟﻊ ﺑﻌﺪﻳﻦ ﺍﻭ ﻫﻨﻼﻗﻲ
ﻃﺮﻳﻘﻪ ﺍﺣﻨﺎ ﺭﺟﻌﻨﺎ ﺑﺴﺒﺒﻪ
ﺍﻳﻤﻦ: ﺍﻧﺘﻲ ﻋﺎﻳﺰﺍﻧﻲ ﺍﺻﺎﻟﺤﻪ ﻭﺍﻋﺘﺒﺮ ﻛﺄﻥ ﻣﻔﻴﺶ ﺣﺎﺟﻪ
ﺣﺼﻠﺖ !!!!!!!
ﺣﺒﻴﺒﻪ: ﺍﻧﺖ ﺳﺄﻟﺘﻨﻲ ﻋﻦ ﺭﺃﻳﻲ ﻭﺍﻧﺎ ﻗﻮﻟﺘﻬﻮﻟﻚ ﻟﻜﻦ
ﺗﻌﻤﻞ ﺍﻳﻪ ﺑﻘﻲ ﺩﻱ ﺣﺎﺟﻪ ﺗﺮﺟﻌﻠﻚ ﺍﻧﺖ
ﺍﻳﻤﻦ: ﻣﺎ ﻋﻠﻴﻨﺎ ﻏﻴﺮﻱ ﺍﻟﻤﻮﺿﻮﻉ
ﺣﺒﻴﺒﻪ: ﻣﺶ ﺍﻟﻨﻬﺎﺭﺩﻩ ﺍﺗﺮﺍﻫﻨﺖ ﺍﻧﺎ ﻭﻣﺎﻣﺎ
ﺍﻳﻤﻦ: ﺍﻟﺮﻫﺎﻥ ﺣﺮﺍﻡ ﺍﻟﻤﻬﻢ ﺍﺗﺮﺍﻫﻨﺘﻮ ﻋﻠﻲ ﺍﻳﻪ؟
ﺣﺒﻴﺒﻪ: ﻋﻠﻴﻚ
ﺍﻳﻤﻦ: ﻋﻠﻴﺎ ﺍﻧﺎ؟؟؟ ﺍﺯﺍﻱ؟ ﻭﻣﻴﻦ ﻛﺴﺐ؟؟
ﺍﻳﻤﻦ ﺍﺗﻌﺪﻝ ﻭﻫﻴﺎ ﺑﺎﺳﺘﻪ
ﺣﺒﻴﺒﻪ: ﺍﻧﺎ ﻛﺴﺒﺖ ﻃﺒﻌﺎ ﻭﺍﻟﺒﺮﻛﻪ ﻓﻲ ﺣﺒﻴﺐ ﻗﻠﺒﻲ
ﺍﻳﻤﻦ: ﻣﻴﻦ ﺣﺒﻴﺐ ﻗﻠﺒﻚ ﺩﻩ؟ ﺍﻧﺘﻲ ﺗﻌﺮﻓﻲ ﺣﺪ ﻣﻦ
ﻭﺭﺍﻳﺎ
ﺣﺒﻴﺒﻪ: ﺑﻄﻞ ﻏﻼﺳﻪ ﺍﻧﺖ ﻃﺒﻌﺎ ﺣﺒﻴﺐ ﻗﻠﺒﻲ ﺍﻟﻤﻬﻢ
ﺍﺗﺮﺍﻫﻨﺎ ﺍﻥ ﺍﻧﺖ ﻣﺶ ﻫﺘﻔﻄﺮ ﻭﻫﺘﻴﺠﻲ ﺗﻔﻄﺮ ﻋﻠﻴﺎ
ﻭﻣﺎﻣﺎ ﻗﺎﻟﺖ ﻷ ﻫﻴﺘﺤﺮﺝ ﻣﻦ ﺍﺑﻮﻛﻲ ﻭﻫﻴﻔﻄﺮ ﺑﺲ
ﻭﺍﺗﺮﺍﻫﻨﺎ ﻭﺍﻟﻜﻞ ﻛﺎﻥ ﺷﺎﻫﺪ
ﺍﻳﻤﻦ: ﻫﻮ ﺍﻧﺘﻲ ﻗﻮﻟﺘﻴﻠﻴﻬﻢ ﻋﻠﻲ ﺍﻻﺗﻔﺎﻕ ﺍﻟﻠﻲ
ﺑﻴﻨﺎ؟ ؟ ﺗﺼﺪﻗﻲ ﺑﻘﻲ ﻛﺪﻩ ﻏﻠﻂ
ﺣﺒﻴﺒﻪ: ﻣﺎﻣﺎ ﻭﺍﺧﻮﺍﺗﻲ ﻣﻔﻴﺶ ﺣﺪ ﻏﺮﻳﺐ ﻓﻴﻦ
ﺍﻟﻤﺸﻜﻠﻪ؟
ﺍﻳﻤﻦ: ﻳﺎ ﺣﺒﻴﺒﻪ ﺍﻟﺤﺎﺟﺎﺕ ﺍﻟﺨﺎﺻﻪ ﺍﻟﻠﻲ ﺑﻴﻨﻲ ﻭﺑﻴﻨﻚ ﻳﺎ
ﺭﻳﺖ ﻣﺎ ﺗﺘﻘﺎﻟﺶ ﻟﺤﺪ ﻭﺑﻌﺪﻳﻦ ﻳﻌﻨﻲ ﺍﺧﺘﻚ ﺳﺎﺭﻩ ﻓﻲ
ﻣﺸﺎﻛﻞ ﻋﻠﻲ ﻃﻮﻝ ﻣﻊ ﺟﻮﺯﻫﺎ ﻭﻣﺶ ﻣﺘﻔﻘﻴﻦ ﺗﻴﺤﻲ
ﺍﻧﺘﻲ ﺗﺤﻜﻲ ﻗﺪﺍﻣﻬﺎ ﻗﺪ ﺍﻳﻪ ﺍﻧﺘﻲ ﻣﺒﺴﻮﻃﻪ ﻭﺟﻮﺯﻙ
ﻭﺍﺛﻘﻪ ﻣﻦ ﺣﺒﻪ!!! ﺭﺍﻋﻲ ﻣﺸﺎﻋﺮﻫﺎ ﻣﺎ ﺗﺘﻜﻠﻤﻴﺶ ﻋﻦ
ﺍﻟﺴﻌﺎﺩﻩ ﻗﺪﺍﻡ ﺣﺪ ﻣﺤﺮﻭﻡ ﻣﻨﻬﺎ ﻭﻻ ﻋﻦ ﺍﻟﺼﺤﻪ ﻗﺪﺍﻡ
ﺣﺪ ﻣﺮﻳﺾ ﻭﻻ ﻋﻦ ﺍﻟﻔﻠﻮﺱ ﻗﺪﺍﻡ ﺣﺪ ﻓﻘﻴﺮ ﻫﻮ ﺍﻧﺎ
ﺍﻟﻠﻲ ﻫﻘﻮﻟﻚ ﻳﺎ ﺣﺒﻴﺒﻪ
ﺣﺒﻴﺒﻪ: ﺍﻧﺎ ﻣﻔﻜﺮﺗﺶ ﻓﻴﻬﺎ ﻛﺪﻩ ﺧﺎﻟﺺ
ﺍﻳﻤﻦ: ﻋﺎﺭﻑ ﺑﺲ ﺍﺑﻘﻲ ﺧﻠﻲ ﺑﺎﻟﻚ
ﺗﺎﻧﻲ ﻳﻮﻡ ﺑﻌﺪ ﺍﻟﻔﻄﺎﺭ ﺳﻤﻴﻪ ﻗﻌﺪﺕ ﻣﻊ ﺍﻳﻤﻦ
ﺳﻤﻴﻪ: ﻋﻠﻲ ﻓﻜﺮﻩ ﺍﻧﺎ ﻣﺶ ﻫﺘﺠﻮﺯ ﻏﻴﺮ ﻟﻤﺎ ﺍﻧﺖ
ﻭﺍﺣﻤﺪ ﺗﺘﺼﺎﻟﺤﻮﺍ
ﺍﻳﻤﻦ: ﺣﻴﺎﺗﻚ ﻭﺍﻧﺘﻲ ﺣﺮﻩ ﻓﻴﻬﺎ ﺗﺘﺠﻮﺯﻱ ﻣﺎ ﺗﺘﺠﻮﺯﻳﺶ
ﺍﻧﺘﻲ ﺣﺮﻩ؟؟ ﻭﺑﻌﺪﻳﻦ ﺍﻧﺎ ﺳﺒﻖ ﻭﺟﻴﺖ ﻋﻠﻲ ﻧﻔﺴﻲ
ﻣﺮﻩ ﻋﻠﺸﺎﻧﻚ ﺳﺎﻋﻪ ﻣﺎ ﺍﺗﺴﺒﺒﺖ ﻓﻲ ﻓﺸﻞ ﺟﻮﺍﺯﺗﻚ
ﺍﻻﻭﻻﻧﻴﻪ ﻭﺳﻮﺭﻱ ﻣﺶ ﻫﺎﺟﻲ ﻋﻠﻲ ﻧﻔﺴﻲ ﺗﺎﻧﻲ
ﻋﻠﺸﺎﻧﻚ
ﺳﻤﻴﻪ: ﻭﺍﻧﺖ ﺯﻋﻼﻥ ﻋﻠﺸﺎﻥ ﺟﻴﺖ ﻋﻠﻲ ﻧﻔﺴﻚ
ﻭﺍﺗﺠﻮﺯﺕ ﺣﺒﻴﺒﻪ؟
ﺍﻳﻤﻦ: ﺍﻧﺘﻲ ﻋﺎﺭﻓﻪ ﺍﻥ ﺩﻩ ﻣﺶ ﻗﺼﺪﻱ ﻓﻤﺎﺗﺤﻮﺭﻳﺶ
ﻓﻲ ﺍﻟﻜﻼﻡ
ﺳﻤﻴﻪ: ﻃﻴﺐ ﻓﻜﻬﺎ ﺑﻘﻲ ﻳﺎ ﺍﻳﻤﻦ ﻛﻔﺎﻳﻪ
ﺍﻳﻤﻦ: ﻋﻠﻲ ﻓﻜﺮﻩ ﺍﻧﺎ ﻓﺎﻛﻜﻬﺎ ﺍﻧﺘﻮ ﺍﻟﻠﻲ ﻣﺶ ﻭﺍﺧﺪﻳﻦ
ﺑﺎﻟﻜﻢ
ﺳﺎﺑﻬﺎ ﻭﻣﺸﻲ ﻭﺭﺍﻓﺾ ﻳﺴﻤﻊ ﻟﺤﺪ
ﺭﻣﻀﺎﻥ ﻋﺪﻱ ﻭﺧﻠﺺ ﺑﺘﻌﺪﻱ ﺍﻻﻳﺎﻡ ﻭﻓﺎﻃﻤﻪ ﺟﺎﺗﻠﻬﺎ
ﻗﺮﻋﻪ ﺍﻟﺤﺞ ﺍﻟﺴﻨﻪ ﺩﻱ ﺍﻟﻔﺮﺣﻪ ﻣﻜﻨﺘﺶ ﺳﺎﻳﻌﺎﻫﺎ
ﺍﻳﻤﻦ: ﻣﺒﺮﻭﻙ ﻳﺎ ﻗﻤﺮ
ﺍﻟﻜﻞ ﻣﺘﺠﻤﻊ ﺑﻴﻬﻨﻴﻬﺎ
ﻓﺎﻃﻤﻪ : ﺑﺲ ﻳﺎ ﺣﺒﻴﺒﻲ ﻣﻜﻨﺘﺶ ﻋﺎﻳﺰﻩ ﺍﺳﻴﺐ ﺣﺒﻴﺒﻪ
ﺩﻟﻮﻗﺘﻲ ﺧﺎﻟﺺ ﺩﻱ ﻫﺘﻮﻟﺪ ﻋﻠﻲ ﺍﻟﻌﻴﺪ ﺍﻭ ﻗﺒﻞ ﺍﻟﻌﻴﺪ
ﺍﻳﻤﻦ: ﻭﻟﻮ ﻭﻟﺪﺕ ﻓﻴﻦ ﺍﻟﻤﺸﻜﻠﻪ؟ ﻫﺘﻀﻴﻌﻲ ﺍﻟﺤﺞ
ﻋﻠﺸﺎﻥ ﺣﺒﻴﺒﻪ ﻫﺘﻮﻟﺪ؟؟ ﻭﺑﻌﺪﻳﻦ ﻣﺎ ﺍﺣﻨﺎ ﻛﻠﻨﺎ ﻣﻮﺟﺪﻳﻦ
n
ﺯﻳﻨﺐ: ﻣﺎ ﺗﺨﺎﻓﻴﺶ ﻋﻠﻴﻬﺎ ﺍﺑﺪﺍ ﺭﻭﺣﻲ ﻭﺗﻮﻛﻠﻲ
ﻭﺍﺩﻋﻴﻠﻬﺎ ﺭﺑﻨﺎ ﻳﻘﻮﻣﻬﺎ ﺑﺎﻟﺴﻼﻣﻪ
ﻓﺎﻃﻤﻪ ﻓﻌﻼ ﺳﺎﻓﺮﺕ ﻭﺍﻳﻤﻦ ﻭﺣﺒﻴﺒﻪ ﺍﻭﻝ ﻣﺮﻩ ﺍﻟﺒﻴﺖ
ﻳﻔﻀﻲ ﻋﻠﻴﻬﻢ ﻛﺪﻩ
ﺣﺒﻴﺒﻪ: ﻛﻨﺖ ﻣﺘﺨﻴﻠﻪ ﺍﻧﻲ ﻫﺒﻘﻲ ﺑﺮﺍﺣﺘﻲ ﺍﻛﺘﺮ ﻟﻮ ﻛﻨﺎ
ﻟﻮﺣﺪﻧﺎ ﺑﺲ ﺍﻟﺒﻴﺖ ﻣﺎﻟﻮﺵ ﻃﻌﻢ ﻣﻦ ﻏﻴﺮﻫﺎ
ﺍﻳﻤﻦ: ﺍﻧﺘﻲ ﻋﺎﻳﺰﻩ ﺗﻘﻌﺪﻱ ﻟﻮﺍﺣﺪﻙ؟؟
ﺣﺒﻴﺒﻪ: ﻓﻜﺮﺕ ﺑﺲ ﺩﻟﻮﻗﺘﻲ ﻷ ﻣﺎﻣﺘﻚ ﺑﺘﻤﻠﻲ ﻋﻠﻴﺎ
ﺍﻟﺒﻴﺖ ﻭﺍﻧﺖ ﻣﻔﻴﺶ ﻭﺍﻫﻮ ﺑﻨﺴﻠﻲ ﺑﻌﺾ ﻭﺑﻌﺪﻳﻦ ﻣﻊ
ﺍﻟﺒﻴﺒﻲ ﻫﺘﺴﺎﻋﺪﻧﻲ ﻻﻧﻲ ﻣﺶ ﺣﺎﺳﻪ ﺍﻧﻲ ﻫﻌﺮﻑ
ﺍﻋﻤﻞ ﺍﻱ ﺣﺎﺟﻪ
ﺍﻳﻤﻦ: ﻛﻠﻪ ﺑﻴﺘﻌﻠﻢ ﺍﻟﻤﻬﻢ ﻫﺘﺴﻤﻴﻪ ﺍﻳﻪ؟
ﺣﺒﻴﺒﻪ: ﻓﻲ ﻛﺎﻡ ﺍﺳﻢ ﻓﻲ ﺑﺎﻟﻲ
ﺍﻳﻤﻦ: ﺯﻱ ﺍﻳﻪ؟
ﺣﺒﻴﺒﻪ: ﺍﻧﺲ ….. ﺣﻤﺰﻩ ……. ﻳﺰﻳﺪ …… ﻳﻮﺳﻒ …
ﻳﺲ .. ﻋﻤﺮ
ﺍﻳﻤﻦ: ﺍﻧﺘﻲ ﺑﺘﻨﻘﻲ ﺍﺳﻢ ﻻﺑﻨﻚ ﻭﻻ ﺍﻟﺸﺨﺼﻴﺎﺕ ﺍﻟﻠﻲ
ﺑﺘﺤﺒﻴﻬﺎ؟؟
ﺣﺒﻴﺒﻪ: ﺍﻟﻤﻬﻢ ﺍﻳﻪ ﺭﺃﻳﻚ؟ ﺍﻧﺎ ﻛﻠﻬﻢ ﺳﻴﺎﻥ ﺑﺎﻟﻨﺴﺒﺎﻟﻲ
ﺍﻳﻤﻦ: ﺑﺤﺐ ﺣﻤﺰﻩ ﻭﻋﻤﺮ ﺍﻧﺎ ﻛﺎﻧﻮﺍ ﺷﺨﺼﻴﺎﺕ ﻟﻴﻬﺎ
ﻭﺿﻌﻬﺎ ﻭﻭﺯﻧﻬﺎ ﺳﻮﺍﺀ ﺣﻤﺰﻩ ﻋﻢ ﺍﻟﺮﺳﻮﻝ ﺍﻭ ﻋﻤﺮ ﺑﻦ
ﺍﻟﺨﻄﺎﺏ
ﻛﺎﻥ ﺭﺳﻮﻝ ﺍﻟﻠﻪ ﺻﻞ ﺍﻟﻠﻪ ﻋﻠﻴﻪ ﻭﺳﻠﻢ ﻳﻘﻮﻝ ﺍﻟﻠﻬﻢ ﺍﻋﺰ
ﺍﻻﺳﻼﻡ ﺑﺎﺣﺪ ﺍﻟﻌﻤﺮﻳﻦ : ﻋﻤﺮ ﺑﻦ ﺍﻟﺨﻄﺎﺏ ﻭﻋﻤﺮﻭ ﺑﻦ
ﻫﺸﺎﻡ ﻭﺭﺑﻨﺎ ﺍﺧﺘﺎﺭ ﻋﻤﺮ ﺑﻦ ﺍﻟﺨﻄﺎﺏ
ﺣﺒﻴﺒﻪ: ﻳﺒﻘﻲ ﻋﻤﺮ
ﺍﻳﻤﻦ: ﻳﺒﻘﻲ ﻋﻤﺮ …. ﻳﺎﻻ ﻳﺎ ﺳﻲ ﻋﻤﺮ ﺷﺪ ﺣﻴﻠﻚ
ﻭﺗﻌﺎﻝ ﺑﻘﻲ ﺍﺷﺘﻘﻨﺎﻟﻚ ﺭﺑﻨﺎ ﻳﻘﻮﻣﻜﻢ ﺑﺎﻟﺴﻼﻣﻪ
ﺍﺧﻴﺮﺍ ﻳﻮﻡ ﻭﻗﻔﻪ ﻋﺮﻓﻪ ﺍﻳﻤﻦ ﻛﺎﻥ ﻣﻘﻀﻴﻪ ﺍﺟﺎﺯﻩ ﻓﻲ
ﺑﻴﺘﻪ ﻣﻊ ﻣﺮﺍﺗﻪ ﻭﺑﻴﺸﺎﺭﻛﻮ ﺑﻘﻠﻮﺑﻬﻢ ﺍﻟﻠﻲ ﻭﺍﻗﻔﻴﻦ ﻓﻌﻼ
ﻋﻠﻲ ﻋﺮﻓﻪ ﻛﻠﻤﻮﺍ ﻓﺎﻃﻤﻪ ﻭﺍﺗﻄﻤﻨﻮﺍ ﻋﻠﻴﻬﺎ
ﺯﻳﻨﺐ ﺍﺗﺼﻞ ﺑﺒﻨﺘﻬﺎ ﺑﺎﻟﻠﻴﻞ
ﺯﻳﻨﺐ: ﺍﻳﻮﻩ ﻳﺎ ﺣﺒﻴﺒﻪ ﻫﺘﻴﺠﻲ ﺍﻧﺘﻲ ﻭﺟﻮﺯﻙ ﺍﻣﺘﻲ
ﺣﺒﻴﺒﻪ: ﺍﻟﺼﺒﺢ ﺑﺪﺭﻱ ﺍﻥ ﺷﺎﺀﺍﻟﻠﻪ
ﺯﻳﻨﺐ: ﻣﺎ ﺗﻴﺠﻲ ﺗﺒﺎﺗﻲ ﻣﻊ ﺍﺧﻮﺍﺗﻚ ﻫﻨﺎ ﺳﺎﺭﻩ ﺍﺧﺘﻚ
ﻫﻨﺎ ﻭﺍﻫﻮ ﺍﻟﺼﺒﺢ ﺑﺪﺭﻱ ﻧﺪﺑﺢ ﺑﺪﺭﻱ
ﺣﺒﻴﺒﻪ: ﺍﺩﻳﻨﻲ ﺩﻗﻴﻘﺘﻴﻦ ﻭﺍﻛﻠﻤﻚ ﻳﺎ ﻣﺎﻣﺎ
ﺭﺍﺣﺖ ﻟﺠﻮﺯﻫﺎ
ﺣﺒﻴﺒﻪ: ﺣﺒﻴﺒﻲ ﻣﺎﻣﺎ ﺑﺘﻘﻮﻝ ﻧﺮﻭﺡ ﻧﺒﺎﺕ ﺍﻳﻪ ﺭﺃﻳﻚ؟
ﺍﺧﻮﺍﺗﻲ ﻛﻠﻬﻢ ﻣﻊ ﺑﻌﺾ ﻭﺳﺎﺭﻩ ﺑﺎﻳﺘﻪ ﻫﻨﺎﻙ
ﺍﻳﻤﻦ: ﻋﺎﻳﺰﻩ ﺗﺮﻭﺣﻲ ﺍﻭﺩﻳﻜﻲ ﺗﺒﺎﺗﻲ ﻣﻊ ﺍﺧﻮﺍﺗﻚ
ﺣﺒﻴﺒﻪ: ﻭﺍﻧﺖ؟
ﺍﻳﻤﻦ: ﻣﺎ ﺗﺸﻐﻠﻴﺶ ﺑﺎﻟﻚ ﺑﻴﺎ ﺍﻧﺎ ﻫﺠﻴﻠﻜﻢ ﺍﻟﺼﺒﺢ ﺑﺪﺭﻱ
ﺣﺒﻴﺒﻪ: ﺍﻳﻮﻩ ﺑﺲ ﺩﻱ ﻟﻴﻠﻪ ﻋﻴﺪ ﻭﺍﻧﺎ ﻋﺎﻳﺰﻩ ﺍﻓﻀﻞ ﻓﻲ
ﺣﻀﻨﻚ
ﺍﻳﻤﻦ: ﻭﺍﻟﻠﻪ ﺩﻱ ﺑﻘﻲ ﻋﻨﺪﻙ ﺍﻧﺘﻲ ﺍﺧﺘﺎﺭﻱ ﻳﺎ ﺗﺒﺎﺗﻲ
ﻓﻲ ﺣﻀﻨﻲ ﻳﺎ ﻭﺳﻂ ﺍﺧﻮﺍﺗﻚ؟؟
ﺣﺒﻴﺒﻪ: ﺣﻀﻨﻚ ﻃﺒﻌﺎ ﻫﻜﻠﻢ ﻣﺎﻣﺎ ﺍﻗﻮﻟﻬﺎ ﻫﻨﺮﻭﺣﻠﻬﺎ
ﺑﺪﺭﻱ
ﺍﺧﺮ ﺍﻟﻠﻴﻞ ﻛﺎﻧﻮﺍ ﻧﺎﻳﻤﻴﻦ ﺣﺒﻴﺒﻪ ﺻﺤﻴﺖ ﻋﻠﻲ ﻣﻐﺺ
ﻭﻭﺟﻊ ﻓﻲ ﻇﻬﺮﻫﺎ
ﻗﺎﻣﺖ ﺩﺧﻠﺖ ﺍﻟﺤﻤﺎﻡ ﻭﺧﺮﺟﺖ ﺍﻟﻮﺟﻊ ﺑﻴﺰﻳﺪ ﻭﻓﻲ ﺧﺒﻂ
ﻓﻲ ﻇﻬﺮﻫﺎ ﺟﺎﻣﺪ
ﺣﺒﻴﺒﻪ: ﺍﻳﻤﻦ ﻳﺎ ﺍﻳﻤﻦ
ﺍﻳﻤﻦ ﺻﺤﻲ : ﺍﻳﻪ؟ ﻋﺎﻳﺰﻩ ﺣﺎﺟﻪ؟
ﺣﺒﻴﺒﻪ: ﺍﻧﺎ ﺗﻌﺒﺎﻧﻪ ﻗﻮﻱ ﺍﺍﺍﻩ
ﺍﻳﻤﻦ ﺍﺗﻌﺪﻝ ﺑﺴﺮﻋﻪ : ﺗﻌﺒﺎﻧﻪ ﺍﺯﺍﻱ ﻓﻲ ﺍﻳﻪ؟
ﺣﺒﻴﺒﻪ: ﺍﻋﺘﻘﺪ ﺍﻧﻲ ﺑﻮﻟﺪ ﻭﺩﻳﻨﻲ ﺍﻟﻤﺴﺘﺸﻔﻲ
ﺍﻳﻤﻦ: ﻧﻜﻠﻢ ﻣﺎﻣﺘﻚ؟؟
ﺣﺒﻴﺒﻪ: ﻷ ﻳﻤﻜﻦ ﻣﺎ ﺗﺘﻄﻠﻌﺶ ﻭﻻﺩﻩ ﻭﺍﻟﺴﺎﻋﻪ 3 ﻭﻛﻠﻬﺎ
ﺳﺎﻋﻪ ﻭﻻ ﺍﺗﻨﻴﻦ ﻭﻳﺼﺤﻮﺍ ﻳﻤﻜﻦ ﺍﺑﻘﻲ ﻛﻮﻳﺴﻪ ﻭﻣﺎ
ﺗﺒﻘﺎﺵ ﻭﻻﺩﻩ ﺩﻱ ﻟﻴﻠﻪ ﻋﻴﺪ ﻣﺎ ﺗﻌﻤﻠﺶ ﻗﻠﻖ
ﺍﻳﻤﻦ ﺳﺎﻋﺪﻫﺎ ﺗﻠﺒﺲ ﻭﻧﺰﻟﻮﺍ ﺍﻻﺗﻨﻴﻦ ﻣﻊ ﺑﻌﺾ
ﺣﺒﻴﺒﻪ: ﺳﻮﻕ ﺑﺴﺮﻋﻪ ﻳﺎ ﺍﻳﻤﻦ ﺍﺭﺟﻮﻙ
ﺍﻳﻤﻦ: ﻃﻴﺐ ﺍﺭﺑﻄﻲ ﺣﺰﺍﻣﻚ
ﻭﻓﻌﻼ ﺍﻳﻤﻦ ﺳﺎﻕ ﺑﺴﺮﻋﻪ ﺟﺪﺍ ﻭﻓﻲ ﺍﻟﻌﺠﻠﻪ ﺍﻟﻨﺪﺍﻣﻪ
ﻇﻬﺮﺕ ﻋﺮﺑﻴﻪ ﻓﺠﺄﻩ ﻗﺪﺍﻡ ﺍﻳﻤﻦ ﻣﻌﺮﻓﺶ ﻳﺘﻔﺎﺩﻫﺎ ﻻﻥ
ﺍﻟﻠﻲ ﺳﺎﻳﻘﻬﺎ ﺷﻜﻠﻪ ﻛﺎﻥ ﺳﻜﺮﺍﻥ ﻻﻧﻪ ﺑﻴﻄﻮﺡ ﻳﻤﻴﻦ
ﻭﺷﻤﺎﻝ ﻭﺑﺴﺮﻋﻪ ﻭ ﺧﺒﻄﻬﻢ ﻭﺟﺮﻱ
ﺍﻳﻤﻦ ﺍﺗﺨﺒﻂ ﺟﺎﻣﺪ ﻭﻓﻘﺪ ﺍﻟﻮﻋﻲ ﻟﺪﻗﺎﻳﻖ ﻭﻓﺎﻕ ﻋﻠﻲ
ﻣﺮﺍﺗﻪ ﺑﺘﺼﺮﺥ
ﺍﻳﻤﻦ: ﺍﻧﺘﻲ ﻛﻮﻳﺴﻪ ﺣﺼﻠﻚ ﺣﺎﺟﻪ؟
ﺣﺒﻴﺒﻪ: ﻣﺤﺼﻠﻴﺶ ﺣﺎﺟﻪ ﺑﺲ ﻫﻮﻟﺪ ﻳﺎ ﺍﻳﻤﻦ ﺍﺍﺍﺍﻩ
ﺍﺗﺼﺮﻑ
ﺍﻳﻤﻦ ﺟﻪ ﻳﺘﺤﺮﻙ ﺑﺲ ﺍﻟﻌﺮﺑﻴﻪ ﺍﺗﺨﺒﻄﺖ ﺟﺎﻣﺪ ﻣﻦ ﻧﺎﺣﻴﺘﻪ
ﻭﺍﻟﺪﺭﻛﺴﻴﻮﻥ ﻧﺎﺯﻝ ﻋﻠﻲ ﺭﺟﻠﻴﻪ ﻭﻣﺶ ﻗﺎﺩﺭ ﻳﺘﺤﺮﻙ ﺍﻭ
ﻳﺨﺮﺝ ﺑﺮﻩ ﺍﻟﻌﺮﺑﻴﻪ
ﺣﺒﻴﺒﻪ: ﻓﻲ ﺍﻳﻪ ﻣﺎﻟﻚ؟ ﺍﻳﻤﻦ ﻓﻲ ﺩﻡ ﻓﻲ ﻭﺷﻚ
ﺍﻳﻤﻦ: ﺩﻱ ﺧﺒﻄﻪ ﺑﺴﻴﻄﻪ ﻣﺎ ﺗﺸﻐﻠﻴﺶ ﺑﺎﻟﻚ ﺍﻟﻤﺸﻜﻠﻪ
ﺍﻧﻲ ﻣﺶ ﻗﺎﺩﺭ ﺍﺗﺤﺮﻙ ﺍﻟﺪﺭﻛﺴﻴﻮﻥ ﻧﺰﻝ ﻋﻠﻲ ﺭﺟﻠﻴﺎ
ﻭﻣﺘﻜﺘﻒ
ﺣﺒﻴﺒﻪ: ﻫﻨﻌﻤﻞ ﺍﻳﻪ ﻛﻠﻢ ﺣﺪ ﺍﻱ ﺣﺪ ﺍﺍﺍﺍﻩ ﺍﺗﺼﺮﻑ
ﺍﻳﻤﻦ: ﺍﻛﻠﻢ ﺍﺑﻮﻛﻲ؟
ﺣﺒﻴﺒﻪ: ﺑﺎﺑﺎ ﻷ ﻣﺶ ﻫﻴﻌﺮﻑ ﻳﻌﻤﻞ ﺣﺎﺟﻪ ﻭﻫﻴﺨﺎﻑ
ﻭﻳﻘﻒ ﻣﻜﺎﻧﻪ
ﺍﻳﻤﻦ: ﻣﻴﻦ ﻃﻴﺐ؟ ﺍﻻﺳﻌﺎﻑ ﻣﺤﺪﺵ ﺑﻴﺮﺩ ﻭﺩﻱ ﻟﻴﻠﻪ
ﻋﻴﺪ ﻳﻌﻨﻲ ﻣﺤﺪﺵ ﻫﻴﻌﺒﺮﻧﺎ
ﺣﺒﻴﺒﻪ: ﻛﻠﻢ ﺍﺣﻤﺪ
ﺍﻳﻤﻦ: ﺍﺣﻤﺪ؟
ﺣﺒﻴﺒﻪ: ﻣﺶ ﻫﻴﻌﺒﺮﻧﺎ ﻫﻮ ﻛﻤﺎﻥ ﺍﺍﺍﺍﺍﺍﻩ ﺍﺍﺍﺍﻩ ﺍﻳﻤﻦ
ﺍﻟﺤﻘﻨﻲ
ﺍﻳﻤﻦ ﻛﻠﻢ ﺍﺣﻤﺪ ﺍﻟﻠﻲ ﺍﺗﻔﺎﺟﺊ ﺑﺎﺗﺼﺎﻟﻪ ﺑﺲ ﻣﺎ ﺍﺗﺄﺧﺮﺵ
ﻭﺧﻼﻝ ﺧﻤﺲ ﺩﻗﺎﻳﻖ ﻛﺎﻥ ﻭﺍﺻﻠﻬﻢ
ﺍﺣﻤﺪ: ﻗﻮﻟﻲ ﺍﻋﻤﻞ ﺍﻳﻪ؟
ﺣﺒﻴﺒﻪ ﺑﺘﺼﺮﺥ ﻭﺑﺘﺘﻮﺟﻊ ﺟﺎﻣﺪ
ﺍﻳﻤﻦ: ﺧﺪﻫﺎ ﻋﻠﻲ ﺍﻗﺮﺏ ﻣﺴﺘﺸﻔﻲ
ﺍﺣﻤﺪ: ﺍﻳﻤﻦ ﺍﻧﺖ
ﻗﺎﻃﻌﻪ :. ﻫﺸﺸﺶ ﺍﺳﻜﺖ ﺧﺪﻫﺎ ﻋﻠﻲ ﺍﻟﻤﺴﺘﺸﻔﻲ
ﻭﻣﺎﻟﻜﺶ ﺩﻋﻮﻩ ﺑﻴﺎ ﻫﻴﺎ ﻣﺶ ﻫﺘﺴﺘﺤﻤﻞ …. ﻛﻠﻢ ﺍﻱ
ﺣﺪ ﻳﺠﻴﻠﻲ ﻭﺭﻭﺡ ﺍﻧﺖ ﺑﺤﺒﻴﺒﻪ ﺍﻟﻤﺴﺘﺸﻔﻲ
ﺍﺣﻤﺪ: ﻣﺶ ﻫﻴﻨﻔﻊ ﺍﺳﻴﺒﻚ ﻛﺪﻩ؟
ﺣﺒﻴﺒﻪ: ﺍﺣﻤﺪ ﻫﻮ ﻓﻲ ﺍﻳﻪ؟
ﺍﻳﻤﻦ: ﻣﻔﻴﺶ ﺑﺲ ﻣﺶ ﻋﺎﻳﺰ ﻳﺴﻴﺒﻨﻲ ﻣﺘﻜﺘﻒ ﻛﺪﻩ
ﺧﺪﻫﺎ ﻭﺍﺗﺤﺮﻙ ﺭﻭﺡ … ﺣﺒﻴﺒﻪ ﺍﻣﺎﻧﻪ ﻓﻲ ﺭﻗﺒﺘﻚ ﺭﻭﺡ
ﻭﺻﻠﻬﺎ
ﺍﺣﻤﺪ ﺳﻨﺪ ﺣﺒﻴﺒﻪ ﻭﺧﺮﺟﻬﺎ ﺑﺮﻩ ﺍﻟﻌﺮﺑﻴﻪ ﺑﺲ ﻣﻘﺪﺭﺗﺶ
ﺗﻤﺸﻲ ﻓﺒﺺ ﻻﻳﻤﻦ
ﺍﻳﻤﻦ: ﻣﺴﺘﻨﻲ ﺍﻳﻪ؟ ﺷﻴﻠﻬﺎ ﻭﺍﺗﺤﺮﻙ
ﻳﺪﻭﺏ ﻫﻴﺸﻴﻠﻬﺎ ﺣﺒﻴﺒﻪ ﺻﻮﺗﺖ ﻭﺯﻗﺘﻪ
ﺣﺒﻴﺒﻪ: ﻣﺶ ﻫﻮﺻﻞ ﺍﻟﻤﺴﺘﺸﻔﻲ ﻫﻮﻟﺪ ﺩﻟﻮﻗﺘﻲ
ﻫﻴﻨﺰﻝ ﺧﻼﺹ … ﺍﻫﻪ ﻣﺶ ﻫﻮﺻﻞ …. ﺍﺍﺍﻩ
ﺍﺣﻤﺪ: ﺍﻳﻤﻦ ﺍﻋﻤﻞ ﺍﻳﻪ؟
ﺣﺒﻴﺒﻪ: ﺍﺍﺍﺍﻩ ﻣﺶ ﻗﺎﺩﺭﻩ
ﺍﻳﻤﻦ: ﺧﺪﻫﺎ ﻓﻲ ﻋﺮﺑﻴﺘﻚ ﻭﻭﻟﺪﻫﺎ … ﻛﻠﻨﺎ ﻭﺍﺧﺪﻳﻦ
ﺩﻭﺭﺍﺕ ﻣﻜﺜﻔﻪ ﻓﻲ ﺍﻻﺳﻌﺎﻓﺎﺕ ﺍﻻﻭﻟﻴﻪ …
ﺍﺣﻤﺪ: ﺑﺲ ﻣﺶ ﻭﻻﺩﻩ
ﺣﺒﻴﺒﻪ: ﺣﺮﺍﻡ ﻋﻠﻴﻜﻢ ﺍﺍﺍﺍﻩ ﺍﻋﻤﻠﻮﺍ ﺍﻱ ﺣﺎﺟﻪ
ﺍﺣﻤﺪ ﻓﺘﺢ ﻋﺮﺑﻴﺘﻪ ﻭﻧﻮﻣﻬﺎ ﻋﻠﻲ ﺍﻟﻜﻨﺒﻪ ﻭﺭﻱ ﻭﻛﺎﻥ
ﻣﻌﺎﻩ ﺑﻄﺎﻧﻴﻪ ﻏﻄﺎﻫﺎ ﺑﻴﻬﺎ ﻭﻫﻴﺎ ﺑﺘﺼﺮﺥ ﻭﺗﺼﻮﺕ
ﻭﺗﻨﺎﺩﻱ ﻋﻠﻲ ﺍﻳﻤﻦ ﺍﻟﻠﻲ ﻣﺶ ﻋﺎﺭﻑ ﻟﻴﻪ ﺩﻳﻤﺎ ﻓﻲ
ﺍﻻﻭﻗﺎﺕ ﺩﻱ ﺑﻴﺒﻘﻲ ﻣﺘﻜﺘﻒ ﻛﺪﻩ
ﺣﻂ ﺍﻳﺪﻩ ﻋﻠﻲ ﺟﻨﺒﻪ ﺍﻟﻠﻲ ﺑﻴﻨﺰﻑ ﻭﻏﻤﺾ ﻋﻨﻴﻪ ﻓﻲ
ﺍﺳﺘﺴﻼﻡ
ﺍﻳﻤﻦ ﻣﻜﻨﺶ ﺍﻟﺪﺭﻛﺴﻴﻮﻥ ﺍﻟﻠﻲ ﻭﺍﻗﻊ ﻋﻠﻴﻪ ﺑﺲ ﻛﺎﻥ
ﺑﺎﺏ ﺍﻟﻌﺮﺑﻴﻪ ﻟﻤﺎ ﺍﺗﺨﺒﻂ ﺍﺗﻜﺴﺮ ﻭﺣﺪﻳﺪﻩ ﻣﻨﻪ ﺩﺍﺧﻠﻪ ﻓﻲ
ﺟﻨﺒﻪ
ﺑﻴﻨﺰﻑ ﺟﺎﻣﺪ ﻭﺑﺪﺃ ﻳﻔﻘﺪ ﺍﺣﺴﺎﺳﻪ ﺑﻜﻞ ﺟﺴﻤﻪ
ﻣﻔﻴﺶ ﺍﻟﻢ … ﻣﻔﻴﺶ ﻭﺟﻊ …. ﻣﺶ ﺳﺎﻣﻊ ﻏﻴﺮ ﺻﻮﺕ
ﺣﺒﻴﺒﻪ ﻭﻣﺶ ﺷﺎﻳﻒ ﻏﻴﺮﻫﺎ ﺑﺲ ﺣﺘﻲ ﺻﻮﺗﻬﺎ ﺑﻴﻐﻴﺐ
ﻭﻳﺒﻌﺪ ﺷﻮﻳﻪ ﺷﻮﻳﻪ …….. ﺍﺧﻴﺮﺍ ﺻﻮﺕ ﻋﻴﺎﻁ ﺑﻴﺒﻲ
ﺻﻮﺕ ﺍﺗﻤﻨﻲ ﻛﺘﻴﺮ ﻳﺴﻤﻌﻪ
ﺍﺣﻤﺪ ﺟﺎﻟﻪ ﺑﺴﺮﻋﻪ: ﺍﻳﻤﻦ ﺍﺑﻨﻚ ﺍﻫﻮ ﻛﻮﻳﺲ ﺷﺎﻳﻔﻪ؟
ﺍﻻﺳﻌﺎﻑ ﻓﻲ ﺍﻟﻄﺮﻳﻖ ﻭﻛﻞ ﺯﻣﺎﻳﻠﻨﺎ ﻓﻲ ﺍﻟﻄﺮﻳﻖ ﻭﻛﻠﻬﺎ
ﺩﻗﺎﻳﻖ ﻭﻫﻨﺨﺮﺟﻚ ﻣﻦ ﻫﻨﺎ
ﺍﻳﻤﻦ: ﺣﺒﻴﺒﻪ؟
ﺍﺣﻤﺪ:
الجزء الخامس عشر من القصة هنا