ﺍﺣﻤﺪ: ﺳﻮﺭﻱ ﺳﻮﺭﻱ ﻳﺎ ﻋﻢ ﺳﻌﻴﺪ … ﻣﺎﻫﻴﺎ ﺩﻱ
ﻓﻜﺮﺗﻲ ﺍﻟﻤﺠﻨﻮﻧﻪ
ﻋﻢ ﺳﻌﻴﺪ : ﻣﺶ ﻓﺎﻫﻢ ﻗﺼﺪﻙ ﺍﻳﻪ؟
ﺍﺣﻤﺪ: ﻗﺼﺪﻱ ﺍﻥ ﺍﻧﺎ ﺍﻟﻠﻲ ﺩﺑﺮﺕ ﺧﻄﻔﻬﻢ ﻭﺍﻧﺎ ﺍﻟﻠﻲ
ﺍﻗﻨﻌﺘﻪ ﺍﻥ ﺳﻌﻴﺪ ﺍﻟﻤﺠﺮﻡ ﻫﺮﺏ ﻭﺍﻧﺎ ﺍﻟﻠﻲ ﻛﻨﺖ
ﺣﺎﺑﺴﻬﻢ ﺍﻟﺨﻄﻒ ﻭﺍﻟﺤﺒﺲ ﻛﻠﻪ ﺟﺰﺀ ﻣﻦ ﺧﻄﺘﻲ
ﻭﻣﺮﺿﺘﺶ ﺍﻗﻮﻟﻜﻢ ﻻﻧﻜﻢ ﻣﻜﻨﺘﻮﺵ ﻫﺘﻮﺍﻓﻘﻮﺍ ﺑﺲ ﺍﻫﻮ
ﺍﻟﺨﻄﻪ ﺗﻤﺖ ﺑﻨﺠﺎﺡ ﺑﺎﻫﺮ ﻭﺍﻫﻢ ﺭﺟﻌﻮﺍ ﻟﺒﻌﺾ ﻭﺍﻳﻤﻦ
ﻣﻌﺮﻓﺶ ﺣﺎﺟﻪ ﻭﺩﻱ ﺍﻫﻢ ﻧﻘﻄﻪ
ﺍﺣﻤﺪ ﻻﺣﻆ ﺍﻥ ﻛﻠﻬﻢ ﺑﻴﺒﺼﻮﺍ ﻭﺭﺍﻩ ﻓﻘﻠﺒﻪ ﺩﻕ ﻭﺑﺺ
ﻟﻮﺭﺍﻩ ﻭﻟﻘﻲ ﺍﻳﻤﻦ ﻭﺍﻗﻒ ﻭﺭﺍﻩ ﻓﻲ ﺣﺎﻟﻪ ﺫﻫﻮﻝ
ﻭﺻﺪﻣﻪ ……..
ﺍﺣﻤﺪ: ﺍﻳﻤﻦ …. ﺍﺳﻤﻌﻨﻲ ﺍﻧﺎ ﺑﺲ
ﺍﻳﻤﻦ: ﺍﻧﺖ ﺧﻄﻔﺖ ﻣﺮﺍﺗﻲ؟؟؟؟
ﺍﺣﻤﺪ: ﻛﺎﻥ ﻗﺼﺪﻱ ﺑﺲ
ﺍﻳﻤﻦ: ﺍﻧﺖ ﺧﻠﻴﺖ ﺭﺟﺎﻟﻪ ﺗﺨﻄﻒ ﻣﺮﺍﺗﻲ
ﺍﺣﻤﺪ: ﺍﻳﻤﻦ ﺑﺲ ﺍﺳﻤﻌﻨﻲ
ﺍﻳﻤﻦ: ﺍﻧﺖ ﺧﺪﺭﺗﻬﺎ ﻭﻻ ﺿﺮﺑﺘﻬﺎ؟؟
ﺍﺣﻤﺪ: ﺍﺩﻳﻨﻲ ﻓﺮﺻﻪ ﺍﺗﻜﻠﻢ
ﺍﻳﻤﻦ: ﺍﻧﺖ ﺧﻠﻴﺖ ﺍﻟﺮﺟﺎﻟﻪ ﺍﻟﻠﻲ ﺟﺒﺘﻬﻢ ﻳﻀﺮﺑﻮﻧﻲ
ﻭﻳﻜﺘﻔﻮﻧﻲ ﻭﻳﺤﺴﺴﻮﻧﻲ ﺑﺎﻟﻌﺠﺰ ﻟﺘﺎﻧﻲ ﻣﺮﻩ ﻗﺪﺍﻡ
ﻣﺮﺍﺗﻲ
ﺍﺣﻤﺪ: ﻳﺎ ﺍﻳﻤﻦ ﺍﺳﻤﻊ
ﺣﺒﻴﺒﻪ ﻭﺳﻤﻴﻪ ﺧﺮﺟﻮﺍ ﻋﻠﻲ ﺻﻮﺗﻬﻢ ﺍﻟﻌﺎﻟﻲ
ﺍﻳﻤﻦ: ﺍﺳﻤﻊ ﺍﻳﻪ؟ ﺍﺯﺍﻱ ﺧﻄﻄﺖ ﻟﺨﻄﻔﻲ ﺍﻧﺎ ﻭﻣﺮﺍﺗﻲ
ﻭﻻ ﺍﺯﺍﻱ ﺣﺒﺴﺘﻨﺎ ﻭﺍﺣﻨﺎ ﻣﺘﺮﺑﻄﻴﻦ ﻛﺪﻩ؟ ﺍﻧﺎ ﻣﺮﺍﺗﻲ
ﺣﺎﻣﻞ ﻭﻻ ﺩﻩ ﻣﻴﻬﻤﻜﺶ؟؟؟
ﺍﺣﻤﺪ: ﻣﺤﺪﺵ ﻟﻤﺲ ﺷﻌﺮﻩ ﻭﺍﺣﺪﻩ ﻣﻨﻬﺎ
ﺍﻳﻤﻦ: ﻭﻟﻮ ﺳﻘﻄﺖ ﻛﻨﺖ ﻫﺘﻌﻤﻞ ﺍﻳﻪ؟ ﻟﻮ ﺗﻌﺒﺖ؟؟
ﺭﺟﺎﻟﺘﻚ ﻛﺎﻥ ﻋﻨﺪﻫﻢ ﺍﻭﺍﻣﺮ ﺑﺎﻳﻪ؟
ﺍﺣﻤﺪ: ﺍﻳﻤﻦ ﺍﻧﺎ ﻛﻨﺖ ﻣﺮﺍﻗﺒﻜﻢ ﻭﻣﺘﺎﺑﻊ ﻛﻞ ﺣﺎﺟﻪ
ﺍﻳﻤﻦ: ﻭﺍﺳﺘﻤﺘﻌﺖ ﺑﺎﻟﻌﺮﺽ ﺑﺘﺎﻋﻨﺎ
ﺍﺣﻤﺪ: ﺍﻧﺎ ﻛﺎﻥ ﻗﺼﺪﻱ ﺍﻧﻜﻢ ﺗﺘﺼﺎﻟﺤﻮ … ﺗﺘﻘﺎﺑﻠﻮ …
ﺗﺘﻜﻠﻤﻮﺍ ﺗﺴﻤﻌﻮﺍ ﺑﻌﺾ … ﻭﺩﻩ ﺍﻟﻠﻲ ﻋﻤﻠﺘﻪ؟
ﺍﻳﻤﻦ: ﺧﺪﺭﺗﻬﺎ ﻭﺿﺮﺑﺘﻴﻨﻲ ﻭﻛﺘﻔﺘﻨﺎ ﻭﻫﻨﺘﻨﺎ ﻋﻠﺸﺎﻥ
ﻧﺴﻤﻊ ﺑﻌﺾ …. ﺣﺪ ﻗﺎﻟﻚ ﺍﻧﻨﺎ ﻣﺤﺘﺎﺟﻴﻦ ﻣﺴﺎﻋﺪﻩ
ﺍﺣﻤﺪ: ﺍﻧﺘﻮ ﻛﻨﺘﻮ ﻫﺘﻄﻠﻘﻮﺍ؟؟
ﺍﻳﻤﻦ: ﻭﺍﻧﺖ ﻣﺎﻝ ﺍﻫﻠﻚ ﺍﻧﺖ؟؟ ﻧﻄﻠﻖ؟ ﻧﺘﺠﻮﺯ؟ ﺍﻧﺖ
ﻣﺎﻟﻚ؟ ﻭﻻ ﺩﻩ ﺫﻧﺒﻲ ﺍﻧﻲ ﻭﺛﻘﺖ ﻓﻴﻚ ﻭﺍﻋﺘﺒﺮﺗﻚ ﺯﻱ
ﺍﺧﻮﻳﺎ.؟؟؟؟ ﺍﻧﺎ ﺩﺧﻠﺘﻚ ﺑﻴﺘﻲ؟؟؟
ﺍﺣﻤﺪ: ﻭﻋﻠﺸﺎﻥ ﺩﺧﻠﺖ ﺑﻴﺘﻚ ﻛﺎﻥ ﻻﺯﻡ ﻟﻤﺎ ﺍﺷﻮﻓﻚ ﻓﻲ
ﺍﺯﻣﻪ ﺍﺳﺎﻋﺪﻙ ﺗﺨﺮﺝ ﻣﻨﻬﺎ
ﺍﻳﻤﻦ: ﺑﺎﻧﻚ ﺗﻌﻴﺪ ﺍﻻﺯﻣﻪ ﺩﻱ ﺗﺎﻧﻲ؟ ﺍﻗﻮﻟﻚ ﺣﺎﺳﺲ ﺍﻧﻲ
ﺭﺟﻮﻟﺘﻲ ﺍﺗﻬﺎﻧﺖ ﺑﺨﻄﻒ ﻣﺮﺍﺗﻲ ﻭﺍﻧﺎ ﻣﺘﻜﺘﻒ ﻣﺶ
ﻋﺎﺭﻑ ﺍﻋﻤﻞ ﺣﺎﺟﻪ ﺗﻘﻮﻡ ﺗﺨﻄﻔﻬﺎ ﺗﺎﻧﻲ ﻭﺍﻟﻤﺮﻩ ﺩﻱ
ﺗﺤﻄﻨﻲ ﺍﻧﺎ ﻣﻌﺎﻫﺎ ﻣﺘﻜﺘﻒ ﺑﺠﺪ … ﺍﻳﻪ ﻗﺎﺻﺪ ﺍﻳﻪ؟
ﺑﺘﺤﻄﻨﻲ ﻓﻲ ﺍﻭﺿﻪ ﻭﺍﺣﺪﻩ ﺍﻧﺎ ﻭﻣﺮﺍﺗﻲ ﻣﺘﻜﺘﻔﻴﻦ ﺟﻨﺐ
ﺑﻌﺾ؟؟؟ ﻣﺮﺍﺗﻲ ﻗﺪﺍﻣﻲ ﻣﺘﻜﺘﻔﻪ ﻣﺮﺑﻮﻃﻪ ﻣﺘﻮﺟﻌﻪ
ﻭﺍﻧﺎ ﻭﺍﻗﻒ ﻗﺪﺍﻣﻬﺎ ﻭﻻ ﻋﺎﺭﻑ ﻭﻻ ﻗﺎﺩﺭ ﺍﻋﻤﻞ ﺣﺎﺟﻪ؟
ﺑﺘﻌﻴﺪ ﺍﻟﻠﻲ ﺣﺼﻞ ﺑﻄﺮﻳﻘﻪ ﺃﺳﻮﺃ ﻣﻠﻴﻮﻥ ﻣﺮﻩ؟؟ ﻋﻠﻲ
ﺍﻻﻗﻞ ﻓﻲ ﺍﻟﻤﺮﻩ ﺍﻻﻭﻟﻲ ﻣﻜﻨﺘﺶ ﺷﺎﻳﻔﻬﺎ ﺑﺘﺨﻴﻞ ﺑﺲ
ﺣﺎﻟﺘﻬﺎ ﺍﻳﻪ ﺗﻘﻮﻡ ﺍﻧﺖ ﺗﻌﻴﺸﻨﻲ ﻛﻞ ﺣﺎﺟﻪ ﺗﺎﻧﻲ؟
ﺗﺤﺴﺴﻨﻲ ﺑﻌﺠﺰﻱ ﺗﺎﻧﻲ؟ ﻭﺗﻌﻴﺸﻬﺎ ﻫﻴﺎ ﻛﺎﺑﻮﺱ ﺧﻄﻔﻬﺎ
ﺗﺎﻧﻲ؟ ﺍﻧﺖ ﺍﻳﻪ ﻳﺎ ﺍﺧﻲ ﻣﺎ ﺑﺘﺮﺣﻤﺶ؟؟
ﺍﺣﻤﺪ: ﺍﻧﺎ ﻣﺎ ﻓﻜﺮﺗﺶ ﻓﻲ ﻛﻞ ﺩﻩ؟؟ ﺍﻧﺎ ﻛﻞ ﺍﻟﻠﻲ
ﻓﻜﺮﺕ ﻓﻴﻪ ﺍﺟﻤﻌﻜﻢ ﻣﻊ ﺑﻌﺾ ﻭﺑﺲ؟
ﺍﻳﻤﻦ: ﻣﻠﻘﺘﺶ ﺍﻱ ﻃﺮﻳﻘﻪ ﺗﺠﻤﻌﻨﺎ ﺑﻴﻬﺎ ﻏﻴﺮ ﺩﻱ؟؟
ﻳﻌﻨﻲ ﺍﻳﻪ ﺩﻩ؟ ﻋﺬﺭ ﺍﻗﺒﺢ ﻣﻦ ﺫﻧﺐ!!!! ﻣﻌﺮﻓﺘﺶ
ﺗﻘﻮﻟﻲ ﻣﺜﻼ ﺍﻗﺎﺑﻠﻚ ﻭﻫﻴﺎ ﺗﻜﻠﻤﻬﺎ ﻭﻧﺘﻘﺎﺑﻞ!!! ﻣﻌﺮﻓﺘﺶ
ﻣﺜﻼ ﺗﺨﺘﺮﻉ ﺍﻱ ﺳﺒﺐ ﻧﺸﻮﻑ ﺑﻌﺾ ﺑﻴﻪ؟ ﻣﻌﺮﻓﺘﺶ
ﻏﻴﺮ ﺍﻧﻚ ﺗﺨﻄﻔﻨﺎ؟؟؟
ﺍﻃﻠﻊ ﺑﺮﻩ ﺑﻴﺘﻲ ﻟﻮ ﺳﻤﺤﺖ؟؟ ﻭﻣﺎ ﺗﻮﺭﻧﻴﻨﻴﺶ ﻭﺷﻚ
ﺗﺎﻧﻲ؟
ﺍﺣﻤﺪ: ﺍﻳﻤﻦ ﺍﺳﻤﻊ
ﺍﻳﻤﻦ: ﺍﻃﻠﻊ __ ﺑﺮﻩ ___ ﺑﻴﺘﻲ
ﻣﻌﺘﺰ: ﻳﺎ ﺍﺑﻨﻲ ﻳﺎﻻ ﺩﻟﻮﻗﺘﻲ
ﺍﻳﻤﻦ: ﻻ ﻳﺎ ﻋﻤﻲ ﺣﻀﺮﺗﻚ ﻭﺟﻮﺩﻙ ﻫﻨﺎ ﻋﻠﻲ ﻋﻴﻨﻲ
ﻭﺭﺍﺳﻲ …. ﻛﻼﻣﻲ ﻣﻮﺟﻪ ﻟﻴﻪ ﺑﺲ؟
ﺍﺣﻤﺪ ﺳﺎﺑﻬﻢ ﻭﺧﺮﺝ ﻭﺍﻟﻜﻞ ﺳﺎﻛﺖ ﻣﺤﺪﺵ ﻗﺪﺭ ﻳﻨﻄﻖ
ﺍﻳﻤﻦ: ﺍﻧﺘﻮ ﻛﻨﺘﻮ ﻋﺎﺭﻓﻴﻦ ﺍﻧﻪ ﻫﻴﻌﻤﻞ ﻛﺪﻩ؟
ﻋﻢ ﺳﻌﻴﺪ : ﻻ ﻣﺶ ﻛﺪﻩ … ﻫﻮ ﻣﻘﺎﻟﺶ ﻛﺪﻩ ﺧﺎﻟﺺ
ﺍﻳﻤﻦ: ﺍﻣﺎﻝ ﻗﺎﻝ ﺍﻳﻪ؟
ﻋﻢ ﺳﻌﻴﺪ : ﻗﺎﻝ ﺍﻧﻪ ﻫﻴﻀﺤﻚ ﻋﻠﻴﻚ ﻭﻳﻘﻮﻟﻚ ﺍﻧﻪ ﻋﺎﻳﺰ
ﻳﺘﺠﻮﺯ ﺣﺒﻴﺒﻪ ﺍﻭﻝ ﻣﺎ ﻋﺪﺗﻬﺎ ﺗﺨﻠﺺ ﻭﻳﺨﻠﻴﻚ ﺗﻐﻴﺮ
ﻭﺗﺘﺠﻨﻦ ﻓﺘﺘﻤﺴﻚ ﺑﻤﺮﺍﺗﻚ
ﺍﻳﻤﻦ: ﻭﺣﻀﺮﺗﻚ ﻭﺍﻓﻘﺘﻪ ﻋﻠﻲ ﺍﻟﻔﻜﺮﻩ ﺩﻱ؟؟؟
ﻋﻢ ﺳﻌﻴﺪ : ﺍﻧﺘﻮ ﻛﻨﺘﻮ ﻫﺘﻄﻠﻘﻮﺍ ﻛﻨﺖ ﻋﺎﻳﺰﻧﺎ ﻧﻌﻤﻞ ﺍﻳﻪ
ﻧﺘﻔﺮﺝ ﻭﻧﺴﻜﺖ ﺣﺎﻭﻟﺖ ﺍﺧﻠﻴﻜﻢ ﺗﻜﻠﻤﻮﺍ ﺑﻌﺾ ﻭﻣﻌﺮﻓﺘﺶ
ﻫﻴﺎ ﻗﺎﻟﺖ ﻷ ﻭﺍﻧﺖ ﻗﻮﻟﺖ ﻣﺶ ﻓﺎﺿﻲ ﻫﺒﻌﺘﻠﻚ ﺍﻣﻲ
ﻭﻻ ﻧﺴﻴﺖ؟؟ ﻓﻜﻠﻨﺎ ﻭﺍﻓﻘﻨﺎ؟؟
ﺍﻳﻤﻦ: ﻛﻠﻜﻢ ﺍﻟﻠﻲ ﻫﻮ ﻣﻴﻦ؟ ( ﺑﺺ ﻟﻤﺮﺍﺗﻪ) ﺍﻧﺘﻲ ﻛﻨﺘﻲ
ﻋﺎﺭﻓﻪ؟؟
ﻋﻢ ﺳﻌﻴﺪ : ﻻ ﻣﻜﻨﺘﺶ ﺗﻌﺮﻑ ﺣﺎﺟﻪ ﻫﻴﺎ ﺭﻓﻀﺖ ﺍﻱ ﺣﺪ
ﻓﻴﻨﺎ ﻳﺘﺪﺧﻞ …. ﺍﻟﺒﺎﻗﻲ ﻛﻠﻪ ﻋﺎﺭﻑ ﻗﻮﻟﻴﻠﻪ ﻳﺎ ﺳﻤﻴﻪ
ﺍﻳﻤﻦ: ﻭﺳﻤﻴﻪ ﺍﻳﻪ ﻋﻼﻗﺘﻬﺎ؟؟
ﺳﻤﻴﻪ: ﻫﻮ ﻛﻠﻤﻨﻲ ﺍﻧﺎ ﻓﻲ ﺍﻻﻭﻝ ﻭﻗﺎﺑﻠﺘﻪ ﻭﻋﺮﺽ
ﻋﻠﻴﺎ ﻓﻜﺮﺗﻪ ﻭﺑﻌﺪﻫﺎ ﻗﻮﻟﺖ ﻟﻤﺎﻣﺎ ﻭﻭﺍﻓﻘﺖ ﻭﺍﻟﺒﺎﻗﻲ ﻛﻠﻪ
ﻋﺮﻑ
ﺍﻳﻤﻦ: ﻛﻠﻤﻚ ﻭﻗﺎﺑﻠﺘﻴﻪ؟؟؟ ﻭﺍﻧﺘﻲ ﻣﻦ ﺍﻣﺘﻲ ﺑﺘﻘﺎﺑﻠﻲ
ﺷﺒﺎﺏ ﻫﺎﻩ؟ ؟
ﺳﻤﻴﻪ: ﻣﻜﻨﺘﺶ ﻗﺎﺩﺭﻩ ﺍﺷﻮﻑ ﺣﺒﻴﺒﻪ ﻟﻴﻞ ﻧﻬﺎﺭ ﺑﺘﻌﻴﻂ
ﻛﺪﻩ ﻭﻛﻨﺖ ﻋﺎﻳﺰﻩ ﺍﺳﺎﻋﺪﻛﻢ ﺑﺎﻱ ﻃﺮﻳﻘﻪ
ﺍﻳﻤﻦ: ﺟﺎﺏ ﺗﻠﻴﻔﻮﻧﻚ ﻣﻨﻴﻦ ﻭﻻ ﻛﻠﻤﻚ ﺍﺯﺍﻱ؟
ﺳﻤﻴﻪ _____: ﻣﺶ ﻋﺎﺭﻓﻪ ____ . ﻗﺎﻟﻲ ﺍﻧﻪ ﻇﺎﺑﻂ
ﺍﻳﻤﻦ: ﺳﻤﻴﻪ؟؟ ﺟﺎﺏ ﺗﻠﻴﻔﻮﻧﻚ ﻣﻨﻴﻦ؟ ؟ ﻭﻣﺎ ﺗﻜﺪﺑﻴﺶ
ﻟﻮ ﺳﻤﺤﺘﻲ … ﻣﺎ ﺗﻘﻀﻴﺶ ﻋﻠﻲ ﺷﻮﻳﻪ ﺍﻻﺣﺘﺮﺍﻡ ﺍﻟﻠﻲ
ﻓﺎﺿﻠﻴﻨﻠﻚ
ﺳﻤﻴﻪ: ﺟﺎﺑﻬﺎ ﻣﻦ ﺗﻠﻴﻔﻮﻧﻚ
ﺍﻳﻤﻦ: ﺗﻠﻴﻔﻮﻧﻲ؟؟؟؟ ﺍﻧﺘﻲ ﺑﻘﻲ ﻛﻨﺘﻲ ﻋﺎﺭﻓﻪ ﺍﻧﻪ
ﻫﻴﻌﻤﻞ ﺍﻧﻬﻲ ﻓﻜﺮﻩ؟؟؟ ﻫﻴﺘﺠﻮﺯ ﻣﺮﺍﺗﻲ ﻭﻻ
ﻫﻴﺨﻄﻔﻨﺎ؟؟؟؟
ﺳﻤﻴﻪ: ﻳﺎ ﺍﻳﻤﻦ ﺣﺎﻭﻝ ﺗﻔﻬﻢ ﻫﻮ ﻋﻤﻞ ﻛﺪﻩ ﺣﺒﺎ ﻓﻴﻚ
ﺍﻳﻤﻦ: ﺍﻧﻬﻲ ﻓﻜﺮﻩ ﻛﻨﺘﻲ ﻋﺎﺭﻓﺎﻫﺎ؟؟
ﺳﻤﻴﻪ: ﺍﻧﺖ ﺭﺟﻌﺖ ﻟﺤﺒﻴﺒﺘﻚ ﺑﺴﺒﺒﻪ
ﺍﻳﻤﻦ: ﺍﻧﻬﻲ ﻓﻜﺮﻩ؟؟؟
ﺳﻤﻴﻪ: ﻛﻨﺖ ﻋﺎﺭﻓﻪ ﺍﻻﺗﻨﻴﻦ!!! ﺍﻧﺎ ﺍﻟﻠﻲ ﺧﺪﺭﺕ ﺣﺒﻴﺒﻪ
ﻭﻧﻘﻠﺘﻬﺎ ﻣﻌﺎﻩ ﺍﻟﺸﻘﻪ
ﺍﻳﻤﻦ: ﻭﻫﻮ ﺷﺎﻟﻬﺎ ﻭﻃﻠﻌﻬﺎ ﺻﺢ؟
ﺳﻤﻴﻪ: ﻷ ﻣﺤﺪﺵ ﻟﻤﺴﻬﺎ …
ﺍﻳﻤﻦ: ﻭﻣﺎ ﺧﻔﺘﻴﺶ ﻋﻠﻲ ﺍﺧﺘﻚ ﻟﻤﺎ ﺧﺪﺭﺗﻴﻬﺎ؟؟؟
ﻣﺨﻔﺘﻴﺶ ﻋﻠﻲ ﺍﻟﻠﻲ ﻓﻲ ﺑﻄﻨﻬﺎ؟؟؟
ﺳﻤﻴﻪ: ﺍﺗﻔﻘﻨﺎ ﻣﻊ ﺍﻟﺪﻛﺘﻮﺭﻩ ﺑﺘﺎﻋﺘﻬﺎ ﻭﻫﻴﺎ ﺍﻟﻠﻲ ﺧﺪﺭﺗﻬﺎ
ﻭﺑﻌﺘﺖ ﻣﻌﺎﻧﺎ ﺍﺗﻨﻴﻦ ﻣﻤﺮﺿﺎﺕ ﻳﺴﺎﻋﺪﻭﻧﻲ ﻓﻲ ﻧﻘﻠﻬﺎ …
ﺍﻳﻤﻦ ﺍﺣﻨﺎ ﻋﻤﻠﻨﺎ ﻛﺪﻩ ﻋﻠﺸﺎﻥ ﺗﺘﺼﺎﻟﺤﻮﺍ
ﺍﻳﻤﻦ: ﻣﺠﺒﺘﻴﻬﺎﺵ ﻋﻠﻲ ﻫﻨﺎ ﻟﻴﻪ؟ ﺧﺪﺭﺗﻴﻬﺎ ﻫﺎﺗﻴﻬﺎ
ﻫﻨﺎ !! ﻭﻻ ﻣﺘﺨﻴﻠﻪ ﺍﻧﻲ ﻟﻮ ﻟﻘﻴﺘﻬﺎ ﻫﻨﺎ ﻫﻄﺮﺩﻫﺎ؟؟
ﻫﺮﻣﻴﻬﺎ ﻓﻲ ﺍﻟﺸﺎﺭﻉ ﻣﺜﻼ؟؟؟ ﺍﻧﺎ ﻛﻨﺖ ﺑﻌﺘﺒﺮﻙ ﺯﻱ
ﺍﺧﺘﻲ ﺍﻟﺼﻐﻴﺮﻩ ﻭﺭﺑﻨﺎ ﻋﺎﻟﻢ ﺑﺲ ﻣﻦ ﻫﻨﺎ ﻭﺭﺍﻳﺢ ﺍﻧﺘﻲ
ﻣﺠﺮﺩ ﺍﺧﺖ ﻣﺮﺍﺗﻲ ﻣﺶ ﺍﻛﺘﺮ …
ﺳﻤﻴﻪ: ﻭﺍﻧﺎ ﺑﻌﺘﺒﺮﻙ ﺯﻱ ﺍﺧﻮﻳﺎ ﻭﺍﻛﺘﺮ ﺻﺪﻗﻨﻲ
ﻗﺎﻃﻌﻬﺎ: ﺧﻠﺺ ﺍﻟﻜﻼﻡ … ﺍﻩ ﻋﻠﻲ ﻓﻜﺮﻩ ﺍﺣﻤﺪ ﻋﺎﻳﺰ
ﻳﺘﺠﻮﺯﻙ ﺭﻭﺣﻲ ﻭﺍﻓﻘﻲ ﻋﻠﻴﻪ ﻭﺍﺗﺠﻮﺯﻳﻪ ﻋﻠﺸﺎﻥ ﻻﻳﻘﻴﻦ
ﻋﻠﻲ ﺑﻌﺾ ﻗﻮﻱ …. ﺑﻌﺪ ﺍﺫﻧﻜﻢ
ﺍﻳﻤﻦ ﺍﺧﺪ ﻣﺮﺍﺗﻪ ﻭﺩﺧﻞ ﺍﻭﺿﺘﻪ ﻭﻗﻔﻞ ﻋﻠﻴﻬﻢ
ﻓﻀﻞ ﺭﺍﻳﺢ ﺟﺎﻱ … ﺭﺍﻳﺢ ﺟﺎﻱ ﺯﻱ ﺍﻟﻤﺠﻨﻮﻥ ﺑﻴﻜﻠﻢ ﻓﻲ
ﻧﻔﺴﻪ
ﺣﺒﻴﺒﻪ: ﻣﻤﻜﻦ ﺗﻬﺪﻱ ﻭﺗﻘﻌﺪ
ﺍﻳﻤﻦ: ﺍﺣﻤﺪ ﺩﻩ ﺻﺎﺣﺒﻲ ﻣﻦ ﺳﻨﻴﻦ ﺍﻧﺘﻲ ﻓﺎﻫﻤﻪ؟
ﺻﺎﺣﺐ ﻋﻤﺮﻱ؟؟ ﺩﻩ ﻋﺎﻳﺰ ﻳﺠﻮﺯ ﺍﺑﻮﻩ ﻻﻣﻲ
ﻣﺘﺨﻴﻠﻪ؟؟؟
ﺣﺒﻴﺒﻪ: ﻃﻴﺐ ﺍﻫﺪﻱ
ﺍﻳﻤﻦ: ﺍﻧﺎ ﻣﺶ ﻋﺎﺭﻑ ﺍﻧﺘﻲ ﺍﺻﻼ ﻫﺎﺩﻳﻪ ﻛﺪﻩ ﺍﺯﺍﻱ؟
ﺣﺒﻴﺒﻪ: ﺍﻧﺖ ﻫﺘﺘﺠﻨﻦ ﻻﻧﻚ ﺣﺎﺳﺲ ﺯﻱ ﺍﻭﻝ ﻣﺮﻩ ﺍﻥ
ﺭﺟﻮﻟﺘﻚ ﺍﺗﻬﺎﻧﺖ ﻭﺍﺗﻬﺰﻳﺖ ﻭﺍﻟﺘﻔﻜﻴﺮ ﺩﻩ ﻣﺠﺎﺵ ﻓﻲ ﺑﺎﻟﻲ
ﻻ ﺍﻟﻤﺮﻩ ﺍﻻﻭﻟﻲ ﻭﻻ ﺍﻟﻤﺮﻩ ﺩﻱ!!! ﻭﺑﻌﺪﻳﻦ ﺍﻧﺎ ﺍﻭﻝ
ﻣﺮﻩ ﻛﻨﺖ ﺧﺎﻳﻔﻪ ﻻﻧﻲ ﻋﺎﻳﺰﻩ ﺍﺣﺎﻓﻆ ﻋﻠﻲ ﻧﻔﺴﻲ
ﻋﻠﺸﺎﻧﻚ ﻟﻜﻦ ﺍﻟﻤﺮﻩ ﺩﻱ ﺍﻧﺖ ﻛﻨﺖ ﻣﻌﺎﻳﺎ ﻓﻤﻔﻴﺶ ﺍﻱ
ﺷﻴﺊ ﻣﻤﻜﻦ ﻳﻬﺰﻧﻲ ﻋﻠﺸﺎﻥ ﻛﺪﻩ ﺍﻧﺎ ﻫﺎﺩﻳﻪ … ﺍﻧﺖ
ﻛﻤﺎﻥ ﺍﻫﺪﻱ ﻭﺣﺎﻭﻝ ﺗﺸﻮﻑ ﻫﻤﺎ ﻋﻤﻠﻮﺍ ﻛﺪﻩ ﻟﻴﻪ؟
ﺍﻳﻤﻦ: ﺍﺣﻨﺎ ﻛﻨﺎ ﻫﻨﻼﻗﻲ ﻃﺮﻳﻘﻪ ﻧﺮﺟﻊ ﺑﻴﻬﺎ ﻟﺒﻌﺾ ..
ﻓﺎﻫﻤﻪ؟ ﻣﻜﻨﺘﺶ ﻫﺴﻴﺒﻚ ﺗﺮﻭﺣﻲ ﻣﻨﻲ؟ ﻣﻜﻨﺘﺶ
ﻣﺤﺘﺎﺝ ﻟﺤﺪ ﻳﺮﺟﻌﻠﻲ ﻣﺮﺍﺗﻲ؟؟
ﺣﺒﻴﺒﻪ: ﺍﻧﺖ ﻛﻨﺖ ﻫﺘﻄﻠﻘﻨﻲ ﻳﺎ ﺍﻳﻤﻦ
ﺍﻳﻤﻦ: ﻭﻣﻄﻠﻘﺘﻜﻴﺶ ﻟﻴﻪ؟ ﻋﺮﻓﺘﻲ ﺍﻟﻐﻴﺐ ﺳﻴﺎﺩﺗﻚ ..
ﺩﻱ ﺣﺎﺟﻪ ﻛﺎﻧﺖ ﻟﺴﻪ ﻓﻲ ﻋﻠﻢ ﺍﻟﻐﻴﺐ
ﺣﺒﻴﺒﻪ: ﺍﻟﻠﻲ ﺍﻋﺮﻓﻪ ﻭﺍﻓﻬﻤﻪ ﺍﻥ ﺍﺣﻨﺎ ﺭﺟﻌﻨﺎ ﻟﺒﻌﺾ
ﺑﺴﺒﺐ ﺍﻟﻠﻲ ﻋﻤﻠﻮﻩ ﻭﺑﻌﺪﻳﻦ ﻓﻌﻼ ﻣﺤﺪﺵ ﻟﻤﺴﻨﻲ ﻭﻻ
ﺣﺪ ﻟﻤﺴﻚ ﻭﺟﺎﺑﻮﻟﻨﺎ ﺍﻛﻞ ﻭﺷﺮﺏ ﻭﻣﺤﺪﺵ ﺿﺎﻳﻘﻨﺎ ﻭﻟﻮ
ﺑﻜﻠﻤﻪ ﺯﻋﻼﻥ ﻣﻦ ﺍﻳﻪ ﺑﻘﻲ؟
ﺍﻳﻤﻦ: ﻣﺶ ﻫﺮﺩ ﻋﻠﻴﻜﻲ ﻳﺎ ﺣﺒﻴﺒﻪ ﺍﻗﻔﻠﻲ ﺍﻟﻜﻼﻡ ﺑﻘﻲ
ﺍﻳﻤﻦ ﺗﺎﻧﻲ ﻳﻮﻡ ﺭﺍﺡ ﺷﻐﻠﻪ ﻭﺩﺧﻞ ﻟﻠﻤﺪﻳﺮ ﺑﺘﺎﻋﻪ
ﺍﻟﻤﺪﻳﺮ : ﺍﻫﻼ ﻳﺎ ﺍﻳﻤﻦ ﺍﺗﻔﻀﻞ
ﺍﻳﻤﻦ: ﺣﻀﺮﺗﻚ ﺍﺯﺍﻱ ﺗﺪﺧﻞ ﻓﻲ ﻟﻌﺒﻪ ﺭﺧﻴﺼﻪ ﺯﻱ
ﻛﺪﻩ؟ ﺍﻟﻤﺪﻳﺮ: ﻛﻞ ﺍﻟﻮﺳﺎﺋﻞ ﻣﺒﺎﺣﻪ ﻓﻲ ﺍﻟﺤﺮﺏ
ﻭﺍﻟﺤﺐ … ﺍﻗﺘﻨﻌﺖ ﺑﻮﺟﻪ ﻧﻈﺮﻩ ﻭﻫﻮ ﺻﺎﺣﺒﻚ ﻣﻦ
ﺻﻐﺮﻙ ﻭﺧﺎﻳﻒ ﻋﻠﻴﻚ ﻓﻜﺎﻥ ﻻﺯﻡ ﺍﺳﺎﻋﺪﻩ
ﺍﻳﻤﻦ: ﺍﻧﺘﻮ ﻫﺘﺠﻨﻨﻮﻧﻲ؟؟؟ ﺍﻱ ﻣﻨﻄﻖ ﺑﺘﺘﻜﻠﻤﻮﺍ ﺑﻴﻪ؟
ﺗﺨﻄﻔﻮﻧﻲ ﺍﻧﺎ ﻭﻣﺮﺍﺗﻲ ﻭﺗﻜﺮﺭﻭﺍ ﻣﺄﺳﺎﻩ ﺣﺼﻠﺖ ﻭﺗﻘﻮﻟﻮﺍ
ﺑﺘﺴﺎﻋﺪﻭﻧﺎ؟؟؟ ﺩﻱ ﻣﺴﺎﻋﺪﻩ ﺍﻳﻪ ﺩﻱ؟ ﺍﻧﺎ ﻣﺶ ﻗﺎﺩﺭ
ﺍﻓﻬﻢ
ﺍﻟﻤﺪﻳﺮ : ﺍﻭﻝ ﻣﺎ ﺗﻬﺪﻱ ﻭﺗﻔﻜﺮ ﺑﻌﻘﻠﻚ ﻣﺶ ﻋﻮﺍﻃﻔﻚ
ﻫﺘﻔﻬﻢ ﻟﻮﺣﺪﻙ ﺍﺣﻨﺎ ﻋﻤﻠﻨﺎ ﻛﺪﻩ ﻟﻴﻪ ﻭﺍﻱ ﻣﻨﻄﻖ
ﺍﺗﻌﺎﻣﻠﻨﺎ ﺑﻴﻪ …
ﺍﺣﻤﺪ ﺣﺎﻭﻝ ﻣﻊ ﺍﻳﻤﻦ ﻳﺼﺎﻟﺤﻪ ﺍﻭ ﻳﻜﻠﻤﻪ ﺑﺲ ﺍﻳﻤﻦ
ﺭﻓﺾ ﻳﺴﻤﻌﻪ ﻧﻬﺎﺋﻲ
ﺍﻟﺤﻴﺎﻩ ﺟﻤﻴﻠﻪ ﺑﻴﻦ ﺣﺒﻴﺒﻪ ﻭﺍﻳﻤﻦ ﻭﺣﻤﻠﻬﺎ ﺑﻴﻜﺒﺮ ﻭﻳﻜﺒﺮ
ﺟﻪ ﺭﻣﻀﺎﻥ ﻭﺩﻩ ﻛﺎﻥ ﺍﻭﻝ ﺭﻣﻀﺎﻥ ﻳﺠﻲ ﻋﻠﻴﻬﻢ
ﻭﺍﺗﻌﺰﻣﻮﺍ ﻛﻠﻬﻢ ﻓﻲ ﺑﻴﺖ ﻋﻢ ﺳﻌﻴﺪ
ﺍﻳﻤﻦ: ﺍﻧﺎ ﻣﺶ ﻋﺎﻳﺰ ﺍﺭﻭﺡ ﺭﻭﺣﻲ ﺍﻧﺘﻲ ﻭﻣﺎﻣﺎ
ﺣﺒﻴﺒﻪ: ﺩﻩ ﺍﻭﻝ ﺭﻣﻀﺎﻥ ﻟﻴﻨﺎ ﻣﻊ ﺑﻌﺾ ﻭﺍﻧﺖ ﻋﺎﻳﺰ
ﺗﻔﻄﺮ ﺑﻌﻴﺪ ﻋﻨﻲ؟ ﺍﻧﺘﻲ ﻣﺶ ﻭﻋﺪﺗﻨﻲ؟؟
ﺍﻳﻤﻦ: ﻭﻋﺪﺗﻚ ﺑﺈﻳﻪ ﺍﻥ ﺷﺎﺀﺍﻟﻠﻪ؟
ﺣﺒﻴﺒﻪ: ﻭﻋﺪﺗﻨﻲ ﺗﻔﻄﺮ ﻋﻠﻴﺎ ﺍﻧﺎ ﻗﺒﻞ ﺍﻻﻛﻞ ﻭﻻ ﻛﺎﻥ
ﻛﻼﻡ؟؟ ﺍﻳﻤﻦ: ﺍﻟﻠﻬﻢ ﺍﻧﻲ ﺻﺎﺋﻢ … ﺍﻟﻠﻬﻢ ﺍﺧﺰﻳﻚ ﻳﺎ
ﺷﻮﺷﻮ
ﺣﺒﻴﺒﻪ: ﻣﻔﻴﺶ ﺷﻮﺷﻮ ﺩﻟﻮﻗﺘﻲ ﻛﻠﻬﻢ ﺍﺗﺴﻠﺴﻠﻮﺍ
ﻫﻨﻔﻄﺮ ﻣﻊ ﺑﻌﺾ ﻭ ﻫﺘﻨﻔﺬ ﻭﻋﺪﻙ
ﺍﻳﻤﻦ: ﺍﻣﺮﻱ ﻟﻠﻪ
ﺣﺒﻴﺒﻪ: ﻭﻧﻌﻢ ﺑﺎﻟﻠﻪ … ﻫﺮﻭﺡ ﺍﻧﺎ ﻭﻣﺎﻣﺎ ﺩﻟﻮﻗﺘﻲ ﻣﻌﺎﻙ
ﺗﻮﺻﻠﻨﺎ ﻭﺍﻧﺖ ﻧﺎﺯﻝ ﺷﻐﻠﻚ ﻭﺍﻧﺖ ﺗﺮﺟﻊ ﻋﻠﻴﻨﺎ ﺍﻭﻙ
ﺍﻳﻤﻦ: ﺍﻭﻙ ﺑﺲ ﺑﺴﺮﻋﻪ ﺑﻘﻲ ﻳﺎﻻ
ﺍﻳﻤﻦ ﺟﻪ ﻗﺒﻞ ﺍﻟﻤﻐﺮﺏ ﺑﺪﻗﺎﻳﻖ ﻭﺍﻟﻌﻴﻠﻪ ﻛﻠﻬﺎ ﻣﻌﺰﻭﻣﻪ
ﻭﻣﻦ ﺿﻤﻦ ﺍﺣﻤﺪ ﻭﺍﺑﻮﻩ ﻣﻌﺰﻭﻣﻴﻦ
ﺍﻳﻤﻦ ﺩﺧﻞ ﻭﺳﻠﻢ ﻋﻠﻲ ﺍﻟﻜﻞ ﺣﺘﻲ ﺍﺣﻤﺪ ﺳﻠﻢ ﻋﻠﻴﻪ
ﺑﺲ ﺳﻠﻢ ﻋﻠﻴﻪ ﻛﺄﻧﻪ ﻭﺍﺣﺪ ﻳﺪﻭﺏ ﻳﻌﺮﻓﻪ ﻣﺶ ﺻﺎﺣﺒﻪ
ﻭﺭﻓﻴﻖ ﻋﻤﺮﻩ
ﺣﺒﻴﺒﻪ ﺑﺘﻬﻤﺲ: ﻓﺎﻛﺮ ﻭﻋﺪﻙ؟؟؟
ﺍﻳﻤﻦ ﺑﺎﺑﺘﺴﺎﻣﻪ : ﻓﺎﻛﺮﻩ ﺑﺲ ﺍﺯﺍﻱ؟ ﺍﻳﺪﻱ ﻋﻠﻲ ﻛﺘﻔﻚ
ﺣﺒﻴﺒﻪ: ﻣﺎﻟﻴﺶ ﺩﻋﻮﻩ ﺍﻧﺖ ﻭﻋﺪﺕ ﺍﻧﺖ ﺗﻨﻔﺬ
ﺍﻳﻤﻦ ﺑﺼﻠﻬﺎ : ﻧﻌﻢ ﻳﺎ ﺍﺧﺘﻲ
ﺻﻮﺗﻪ ﻃﻠﻊ ﻋﺎﻟﻲ ﻓﺎﻟﻜﻞ ﺑﺼﻠﻬﻢ
ﺍﻳﻤﻦ: ﻣﻮﺿﻮﻉ ﺑﻴﻨﺎ ﻣﺎ ﺗﺸﻐﻠﻮﺵ ﺑﺎﻟﻜﻢ … ﻫﻮ ﻓﺎﺿﻞ
ﻗﺪ ﺍﻳﻪ ﻋﻠﻲ ﺍﻟﻤﻐﺮﺏ؟؟؟
ﻋﻢ ﺳﻌﻴﺪ : ﻳﺪﻭﺏ ﻧﻮﺻﻞ ﺍﻟﻤﺴﺠﺪ ﻳﺎﻻ ﺑﻴﻨﺎ ﻛﻠﻨﺎ ﻧﺼﻠﻲ
ﻭﻧﻴﺠﻲ ﻧﻔﻄﺮ … ﺍﻳﻤﻦ ﻣﺘﻮﺿﻲ ﻭﻻ ﺗﺘﻮﺿﻲ
ﺍﻳﻤﻦ: ﻻ ﻣﺘﻮﺿﻲ ﺍﻟﺤﻤﺪ ﻟﻠﻪ ﻳﺎﻻ
ﺭﺍﺣﻮ ﺍﻟﺮﺟﺎﻟﻪ ﻳﺼﻠﻮﺍ ﺍﻟﻤﻐﺮﺏ ﻭﺍﻟﺒﻨﺎﺕ ﻣﻊ ﺑﻌﺾ
ﻓﺎﻃﻤﻪ : ﺣﺒﻴﺒﻪ ﻓﻲ ﺣﺎﺟﻪ؟ ﺍﻳﻤﻦ ﻋﻠﻲ ﺻﻮﺗﻪ ﻛﺪﻩ ﻟﻴﻪ؟
ﻫﻮ ﻣﺘﻀﺎﻳﻖ ﻣﻦ ﺍﺣﻤﺪ؟
ﺣﺒﻴﺒﻪ: ﻻ ﻻ ﺍﺑﺪﺍ … ﺑﺲ ﻫﻮ ﻭﻋﺪﻧﻲ ﻭﻋﺪ ﻭﻣﺶ
ﻋﺎﺭﻑ ﻳﻨﻔﺬﻩ
ﺯﻳﻨﺐ: ﻭﻋﺪ ﺑﺎﻳﻪ؟
ﺣﺒﻴﺒﻪ: ﺍﻭﻝ ﻳﻮﻡ ﻟﻴﻨﺎ ﻓﻲ ﺭﻣﻀﺎﻥ ﻳﻔﻄﺮ ﻋﻠﻴﺎ ﺍﻧﺎ
ﺯﻳﻨﺐ: ﻳﻠﻬﻔﻚ ﻗﻠﻤﻴﻦ ﻳﻌﻨﻲ؟ ؟ ﺗﻌﺎﻟﻲ ﻭﺍﻧﺎ ﺍﻓﻄﺮ
ﻋﻠﻴﻜﻲ ﺍﻧﺎ
ﺣﺒﻴﺒﻪ ﻭﺍﻟﻜﻞ ﺿﺤﻚ
ﺣﺒﻴﺒﻪ: ﻻ ﻃﺒﻌﺎ … ﻗﻠﻤﻴﻦ ﺍﻳﻪ؟ ؟ ﻳﻔﻄﺮ ﻋﻠﻴﺎ … ﻫﻮ
ﺍﻳﻪ ﺍﻟﻠﻲ ﺑﻴﻔﻄﺮ ﻓﻲ ﺭﻣﻀﺎﻥ ﺑﻴﻦ ﺍﻟﺰﻭﺟﻴﻦ؟؟؟
ﺯﻳﻨﺐ: ﻧﻬﺎﺭﻙ ﺍﺑﻴﺾ ﺍﻟﺮﺍﺟﻞ ﺻﺎﻳﻢ ﻭﻃﻮﻝ ﺍﻟﻨﻬﺎﺭ ﻓﻲ
ﺷﻐﻠﻪ ﻭﻋﻴﺰﺍﻩ ﻳﻨﺎﻡ ﻣﻌﺎﻛﻲ ﻗﺒﻞ ﻣﺎ ﻳﺒﻞ ﺭﻳﻘﻪ ﺍﻧﺘﻲ
ﻋﺎﻳﺰﻩ ﺗﻤﻮﺗﻴﻪ ﻭﻻ ﺍﻳﻪ؟
ﺣﺒﻴﺒﻪ: ﺑﻌﺪ ﺍﻟﺸﺮ ﻋﻠﻴﻪ ﻻ ﻃﺒﻌﺎ … ﻫﻮ ﺍﻟﻨﻮﻡ ﺑﺲ
ﺍﻟﻠﻲ ﺑﻴﻔﻄﺮ … ﺍﻱ ﺣﺎﺟﻪ ﺗﺤﺮﻙ ﺍﻟﻤﺸﺎﻋﺮ ﺑﺘﻔﻄﺮ …
ﻣﻤﻜﻦ ﺑﻮﺳﻪ ﺗﻔﻄﺮ !! ﻧﻈﺮﻩ !! ﻟﻤﺴﻪ ﺍﻳﺪ !! ﻣﺶ ﺷﺮﻁ
ﻳﻌﻨﻲ ﺍﻟﻨﻮﻡ !!
ﺯﻳﻨﺐ: ﻃﻴﺐ ﻫﻴﻔﻄﺮ ﻳﺎ ﺍﺧﺘﻲ ﻣﻊ ﺍﺑﻮﻛﻲ ﻓﻲ ﺍﻟﺠﺎﻣﻊ
ﺍﺗﻬﺪﻱ ﺑﻘﻲ ﻭﻳﺎﻻ ﺟﻬﺰﻭﺍ ﺍﻟﺼﻔﺮﻩ ﻳﺎﻻ
ﺣﺒﻴﺒﻪ: ﻣﺶ ﻫﻴﻔﻄﺮ
ﺯﻳﻨﺐ: ﻫﻴﻔﻄﺮ ﺗﺮﺍﻫﻨﻲ؟؟
ﺣﺒﻴﺒﻪ: ﺍﻩ ﺍﺭﺍﻫﻦ ﻋﻠﻲ ﺍﻳﻪ؟
ﺯﻳﻨﺐ : ﻟﻮ ﺧﺴﺮﺗﻲ ﺗﺒﺎﺗﻲ ﻫﻨﺎ ﻟﻴﻠﺘﻴﻦ ﺟﻮﺯﻙ ﻣﺎ
ﻳﺸﻔﻜﻴﺶ ﻓﻴﻬﻢ
ﺣﺒﻴﺒﻪ: ﻭﻟﻮ ﻛﺴﺒﺖ ﺗﻴﺠﻲ ﺍﻧﺘﻲ ﻣﻌﺎﻳﺎ ﻟﻴﻠﺘﻴﻦ ﻓﻲ
ﺑﻴﺘﻲ
خديجه قدوتي غير متواجد حالياً …
الجزء الرابع عشر من القصة هنا