سهره مع جدتي
مشيت وراء علشان يكملي ويحكيلي ، وقفت ودامه قلي كلمه واحده بس ، ” الدور عليك ”
اتسمرت في مكاني ، وهو بدا يبعد عني ، وماشي زي الرجل الالي في خط مستقيم ، لقيت ايد بتتحط علي كتفي وانا سرحان وبفكر ، بصيت ورايا لقيتها بسنت بنت عمي …
انا : خير ي بسنت .. اي الي جابك هنا ..؟
بسنت : انا عارفه ي امير انت عايز تعمل ايه
انا : هو اي بقي اللي عايز اعمله
بسنت : انت عايز تدخل ” قصر العزاف ” بس مش عارفه ايه اللي في دماغك بالظبط ، انا بقي دونا عن الناس دي كلها اقدر اساعدك ..
انا : طيب روحي اقعدي عند جدتك ي شاطره وملكيش علاقه بالموضوع ده ..
بسنت : انت مستهزي بيا ليه كدا علي فكره انا بتكلم بجد
انا : اثبتيلي
بسنت : مش هثبتلك دلوقتي انا هجي معاك
انا : طيب انتي تسمعي عني اني ممكن اخدك معايا
بسنت : امير انا خايفه عليك ودي خطوره عليك بجد
انا : انا مش فاهمك بصراحه عايزه تساعديني ولا عايزه تعطليني ..
بسنت : انا عارفه أن اللي في دماغك في دماغك ، ولو الدنيا كلها حاولت تقنعك هتعمل اللي في دماغك بردو وهتدخل القصر ده ، انا عايزه اكون جنبك علشان زي ما قولتلك انا بالذات اللي هعرف اخليك تبعد عن خطوره القصر ده …
طلعت علبه سجايري ولعت سيجاره ، اخدت اول نفس وبدأت أفكر في الكلام اللي قالته ، عم الصمت في المكان دقيقتين ، وبدأت اتكلم من تاني ، حسن ايه رايك في الكلام ده ..؟
حسن : انا معاك في اي حاجه ي امير حتي لو هموت علشانك ..
امير : لا م انا مش عايز فيها موت ولا اذيه لحد
بسنت : متقلقش خير ان شاء الله
امير : سكه القصر ده منين ي بسنت
بسنت : شوف عايز تطلع الساعه كام بالليل ونروح أنا وأنت وحسن
امير : انتي بتفكري غلط ، مفيش حد منكم هييجي معايا ،
كل واحد فيكم هيكون ليه دور لكن بتخطيطي انا ، ومحدش فيكم هيدخل القصر ده معايا ، انا همشي دلوقتي محتاج أنام شويه علشان لما اصحي اعرف افكر صح وأحط كل حاجه في مكانها …
روحت وشغلت المروحه بما أن الجو حر جدا ، وفعلا روحت في النوم ، مش عارف انا نمت قد ايه ساعه ساعتين ثلاثه مش عارف ، لكن صحيت علي صوت قرايبي بيلعبوا في البرندا ، لكن بدأت افتكر حاجه انا حلمت بحاجه وانا نايم …
يا تري انا حلمت بايه ، تفكير ، تفكير ، تفكير
انا حلمت أني داخل ” قصر العزاف” المكان واسع جدا بس ملحقتش اعرف تفاصيل في حلمي عن المكان لان جدي ظهرلي فجاه جوه القصر وقلي ” انت جي هنا بتعمل ايه ، انت غبي ، انت مبتفكرش صح ، فضولك ده كله غلط ، عارف ناس قد ايه ماتت في القصر ده ، مفكر انت سبع البرمبه اللي فيهم هتدخل وتخرج ، ي امير ي ابني بلاش تدخل هنا بلاش تدخل هنا انا كنت اخر ضحيه ووقتها صحيت من النوم …
قمت جري علي اوضه جدتي ، لقيتها بتصلي ” قيام الليل
انتظرتها لما خلصت ، وبدأت اتكلم معاها ، واقول جمله واحده بس ” جدي اي اللي حصله ” فضلت تنكر كتير وكتير لحد ما قررت تحكيلي بعد ما وعدتها اني مش هحكي لحد …
باختصار كدا ، جدك هو الغفير اللي كان بيحرس القصر ولقوه ميت ودام القصر ورأسه مفصوله عن جسمه كل اللي كدبت عليك فيه او بمعني أوضح الغفير ده مسمهوش سليمان ، ده جدك خضيري ، وحصله كدا بسبب أنه حاول يعرف حاجات ملهوش علاقه بيها ولا تخصه ، كانت دماغه ناشفه كيفك كدا …
بدأت نار تخرج من دماغي من التفكير ، قمت جري علي البرندا بره ، بسنت ، بسنت …
بسنت : نعم ي امير
انا : اوصفيلي مكان القصر ده حالا
بسنت : مش هعرف اوصفه والله ي امير هجي معاك
انا : متحلميش أن اللي في دماغك هيحصل وهتدخلوا معايا جوه ..
اخدت حسن وبسنت ، وبدانا نمشي في طريق القصر ، مشينا مسافه كبيره جدا ، لحد ما جه الوقت اللي بسنت قالتلي فيه أن هو ده المكان ، سور القصر من بره عالي جدا جدا ، انا بالنسباله مش ظاهر اصلا ، بوابه القصر الرئيسيه كبيره وضخمه جدا …
بدأت اتكلم واقول ، مش عايز ازعق هنا وأتكلم بصوت عالي ، يلا امشوا روحوا لو جدتي سالتكم عليا قوللها اي حاجه غير اني ودام القصر ، سمعوا الكلام ومشوا حرفيا وهو ده اللي انا عايزه اني اكون ودام المكان الجميل المرعب ده لوحدي وبس ..
بدأت أولع سيجاره والف حولين القصر ، وأشوف اي مدخل ادخل منه لجوه ، ملقتش غير بوابه حديد صغيره في السور لكن مع مرور الزمن بقت شبه مدفونه في الأرض ، بدأت اني اخلي اللي حولين البوابه الصغيره دي واعمل فتحه لنفسي ادخل منها …
سمعت صوت حد بيتكلم وضوء كشاف جي عليا ، وبما ان الجو ظلام دامس ، فردت نفسي علي الطريق علشان استخبي وفي نفس الوقت اعرف مين اللي معدي ده …
الصوت بيقرب جدا عليا ، وتقريبا نور الكشاف بدأ ييجي عليا ، ده حسن وبسنت …
بسنت : اي اللي انت عامله ده ي ابني هههههه
حسن : منظرك وانت مستخبي كدا يضحك اووي ي امير
انا : اي اللي جابكم هنا مش قولتلكم تروحوا البيت
حسن : انا عارف اني بخاف شويه ، بس مش هسيبك وامشي مهما يحصل ..
انا : يعني انت بايع نفسك للدرجادي ، ي ابني انا مش عايش معاكم هنا انا بجي كام يوم ، مش عايز اكون سبب في أذيه حد …
بسنت : امير انت عارف المكان اللي انت كنت عايز تدخل منه للقصر ده هيوديك لفين لو كنت مفكر أنه هيدخلك القصر تبقي غلطان ، دي مقابر القصر اللي تحت الارض …
انا : هههههه هو القصر بيعملوا فيه مقابر تحت الارض
حسن : هي كلامها صح علي فكره ، وبعدين انت ناسي أن المكان ده أصله مقابر وهدموه وبنوا مكانه القصر ..
انا : هندخل منين ي ابو العريف
بسنت : انا اللي هقولك هندخل منين ي امير
سور القصر كان في مكان مخصص لاوضه الغفير اللي بيقعد فيها خارج القصر …
بسنت : الحل الوحيد ي امير اننا نطلع فوق اوضه الغفير دي ونطلع علي السور ونربط حبل في حديد السور من فوق علشان نعرف ننزل جوه القصر من علي السور ، وكمان نعرف نطلع من جوه …
انا : اه يعني بمعني كلامك كدا انكم هتدخلوا معايا …
بسنت وحسن في نفس واحد : اه اكيد مش هنسيبك تدخل لوحدك …
انا : تمم اعملوا حبل نعرف ننزل بيه بس علشان اكيد مش هنخرج من هنا تاني ..
صوت ضحك مننا احنا التلاته ، وبدأت اطلع من علي اوضه الغفير واخد الحبل من بسنت واربطه في حديد السور ، وانزل جوه القصر ، لكن اول ما حطيت رجلي جوه القصر ، سمعت صوت بيزوم زي صوت الكلاب ، حسن كان لسه هينزل ورايا …
انا : خليك عندك ي حسن متنزلش ..
بدأت اطلع الكشاف من شنطتي ، واتحرك ببطئ ، واضرب الكشاف في وش القصر ده ، لقيت علي اول القصر ده ، اسدين أصنام ، علي اليمين واليسار ، وحاسس أنهم بيتحركوا ، مش خيال ده بجد ..
انا شايفهم بيتحركوا حرفيا ، وعينهم بتتحرك عليا مع كل حركه مني …
حسن : اي ي امير ننزل بتعمل اي مع كله
روحت عند السور ومسكت في الحبل ، وبدأت اطلعلهم من تاني …
بسنت : كنت متاكده انك مش هتنسي ، انا قولت ازاي ينزل كدا وعايز ينزلنا من غير تحصين كدا ..
انا : لا اكيد مش ناسي ..
قعدت بسنت ودامي ، واحنا التلاته فوق اوضه الغفير ، وبدأت امسك الشال اللي لابسه واحطه علي رأس بسنت واحصنها …
” اعوذ بكلمات الله التامة ، من كل شيطان وهامة ومن كل عين لامه ”
وبعض التحصين من الجن الخاصه بيا انا وبس …
خلصت بسنت وحصنت حسن ونزلنا احنا الثلاثه …
دلوقتي بقينا واقفين في القصر نفسه من جوه ، طلعت علي السلم وبدأت ازق الباب لكنه كان مقفول ” بالشمع الاحمر ”
اخدنا لفه حولين القصر اللي كان ضخم جدا حرفيا ، ملقتش اي مدخل للقصر غير مدخل واحد بس وهو شباك ازاز … بس بيني وبين الأرض تقريبا 3 متر ، لحسن الحظ اللي كان في جنب الشباك مواسير حديد انا حرفيا معرفش بتاعه ايه …
بدأت اطلع عليها ، وقف ودام حلق الشباك ، سميت الله وبدات افتح الشباك لكن مكنش في اي فائده ، مفيش غير حل واحد بس ودام ومكنتش أتمني أن ده هو اللي اعمله ..
اني اكسر ازاز الشباك ، المشكله مش في كسره المشكله في الصوت اللي هيعمله ، حاولت مره واتنين وتلاته بايدي ، لحد ما صدر …
” صوت تكسير ازاز عالي جدا ، وأيدي اتعورت وتنزل دم .
ناديت لحسن وطلبت منه أنه يطلع يجيب الحبل اللي احنا عاملينه علي السور …
بسنت : اومال هنخرج ازاي ي امير
انا : بقولكم ايه احنا لسه معملناش حاجه ولسه فيها عايزين تخرجوا اخرجوا مش ناقصه شغل عيال صغيره
حسن وبسنت قرروا أنهم يخرجوا ، وخرجوا فعلا ، وفي الوقت ده انا بقيت مطمن اكتر اني مبقاش عليا مسئوليه غير نفسي وبس ..
وفي نفس الوقت بدأ الخوف يقرب مني نوعا ما وانا في المكان اللي يقبض الروج ده لوحدي ، بدأت اعدي ايدي من كسر الشباك ، وافتحه من جوه ..
وفعلا فتح معايا وقدرت ادخل جوه القصر ، انا تقريبا في غرفه من غرف القصر ، شغلت الكشاف اللي معايا ، ودخلت لجوه ، وبدأت اتحرك ببطئ شديد ، كل اللي دايقني بشده الحراره اللي مش طبيعيه جوه القصر …
عدي تقريبا نص ساعه وانا بدور جوه ومكنش في اي حاجه غريبه نهائي ، والمكان كان طبيعي جدا ، القصر واسع جدا لابعد حدود ، طلعت علي السلم للدور التاني من القصر …
الجدران باهته جدا ، بلون قديم يميل للرصاصي ، السجاد اللي ماشي عليه كان ، كان كله تراب واوساخ وغيره ..
اللي لفت نظري في كل الرعب اللي انا فيه ، أن في ريحه عفن شديده انا قريب منها ، تكاد تكون ريحه لجثه الريحه بشعه جدا ، فضلت أوجه الكشاف للاوض حوليا ، لقيت اوضه من ضمن الاوض دي عليها كف بالدم ، زي بتاع الاعياد بس ده علي اوضه في قصر ، والباب باللون الابيض …
والرائحه البشعه دي خارجه من الأوضه دي ، قررت افتح الباب رغم الرائحه الكريهه جدا دي بس انا داخل هنا ومهمتي اني اعرف القصر ده موجود فيه ايه بالظبط ..
خبط الباب برجلي لكنه كان جامد جدا ومش بيتكسر بسهوله ، في طبعه بالدم زادت علي الباب ، دي طبعه رجلي ، ببصي تحتي لقيت دم طالع من الاوضه كتير جدا تحت السجاده …
فضولي زاد اكتر واكتر مع كم الرعب اللي انا حاسس بيه اني اشوف اي اللي في الغرفه دي ، وبعد محاولات كتير قدرت اكسر الباب وأشوف ارعب منظر انا شوفته في حياتي داخل الغرفه البشعه دي ، لقيت …” يتبع ”
تخيلوا انا لقيت ايه جوه الغرفه دي ..؟
هل هعرف اخرج من القصر تاني زي ما دخلت ..؟
هو ممكن يكون بسنت وحسن سابوني ومشيوا فعلا ..؟
مين هو أبو حمزه ده ..؟
..الحزاء الثالث اضغط