رواية سر زوج خالتي الفصل الاخير بقلم حماده هيكل
.
.
.
.
رواية سر زوج خالتي
بقلم حماده هيكل
الفصل الاخير
ركبت التاكسي وطلبت منه انه يوصلني للمكان بتاع بيت صاحبتي كنت قاعدة سرحانه وبصه للشباك بفتكر الكلام الي كلهم اتهموني بيه كنت مقهورة من جوايا ازاي يفكروا فيا بكده انا كل همي خالتي بيتها ميتخربش والفلوس ترجع…
فجأه لقيت قدامي جوز خالتي طالع عمارة ومعاه واحدة ماسك ايديها ايوة انا مبحلمش دا فعلا هو
وقف وقف انا هنزل هنا
_ بس حضرتك طلبتي اوصلك في مكان تاني ..
= لا منا هنزل هنا خلاص
نزلت وفضلت واقفه ببص من بعيد لحد ما اتطمنت انهم خلاص طلعوا ولقيت بواب واقف تحت ….
.
.
قولت اروح اديله فلوس واعرف منه معلومات
_ سلام عليكم ممكن تقولي مين الي طلع ده ….
= هو مين حضرتك وبتسألي ليه….
،_ خد بس الفلوس دي عشانك بس المهم متجبش سيرة اني سألتك
= حاضر ياهانم الاستاذ ده جوز مدام صافي لسه متجوزها من ٤ ايام دي كل شوية تطلق وتتجوز ومش عارفنلها حاجه وبتضحك عالرجاله …
.
.
استغربت جدا ازاي واحد مسروق وعاوز يطلق مراته ومعهوش فلوس يتجوز في يوم وليلة كده دا اكيد مخطط الجواز ده من بدري وخالتي الغلبانه نايمة علي ودانها
سيبته وروحت البيت لقيت خالتي سميحه ماسكه ماما وخالتي نجيبه مبهدلاهم وعوزاهم يعزلوا من البيت
.
.
_ بيتي خلاص اتخرب انا الي لمتكم هنا واتحايلت علي جوزي يسكنكم معايا وطلعتوا متستاهلوش خربتوا بيتي وهتطلق بسببكم مش عاوزه اشوف وشكم هنا تاني
دمي غلي بسبب كلامها واتهامها لقيتي بقولها …
.
.
_ جوزك الي عاوزه تخسري اخواتك عشانه متجوز وبيقضي شهر العسل وقافل تليفونه وسايبنا هنا نولع في بعض
وعايش حياته اخر انبساط واتهمنا اننا سرقنا وراح يصرف فلوسه عالعروسه الجديدة….
= ايه يابت انتي الي بتقوليه ده انتي اتجننتي
.
.
_ والله العظيم شوفته بعيني وسمعت الكلام ب وداني وهوديكي لحد هناك تشوفي بنفسك بس اهدي كده عشان نعرف نتصرف ….
= يعني هو عمل كل ده عشان عاوز يتجوز كان يغور يتجوز من غير مايعمل كل ده عاوز يوقعني في اخواتي عشان يعيش حياته ويلاقي حجه يقفل بيها تليفونه ….
انا مش هروحله لا انا هستناه هو لما يجي وساعتها محدش هيرحمه من تحت ايدي
انا عمري ما عملت فيه حاجه وحشه عشان يعمل فيا كده بيسرقني انا واخواتي عشان ياخد الفلوس ويصرفها عالستات
_ ومش اي ستات ياخالتي دي واحده كل سنة تتجوز واحد شكل ولما فلوسه تخلص تطلق وتتجوز واحد معاه فلوس
وشوفته بعيني وهو طالع وماسك ايديها
= وكمان ماسك ايديها دا عمره ما قالي كلمة حلوة وبل ريقي
اتفقنا كلنا علي خطة هنعملها لما يجي فضلنا قاعدين مستنيين الاسبوع يخلص عشان يجي ولما يجي خالتي متبينش اي حاجه …
وبالفعل الاسبوع خلص ولقيناه داخل علينا وبكل جبروت بيزعق
نزلنا كلنا شقة خالتي …
_ ها الفلوس ظهرت …..
= لا مظهرتش ادينا بندور هدي نفسك بس ياعاطف انت عارف انا مقدرش استغني عنك
_ وانا مش هعيش مع واحده حرامية هي واهلها…
جري عليه اخويا وابن خالتي نجيبه كتفوه ب حبل وحطوه علي كرسي متكتف…
= انا حرامية ياراجل ياعره كنت فاكرني مش هعرف ب عملتك السوده بقي انا سايبني هنا نولع في بعض انا واخواتي وداير تتسرمح مع الغندورة وتصرف عليها فلوسك لا وكمان بتتهمني بالسرقه ايه الجبروت ده طب كنت سيبني من غير فضايح وسيبني مع اخواتي
_ ايه مين الي قالك الكلام الفارغ ده محصلش طبعا
وكان قاعد يبلع ريقه….
= الي قالي قالي والله لهعرفك مين هي سميحه يا راجل يا ناقص ومش هتطلع مالبيت ده سليم غير لما تكتبلي البيت ده كله ب اسمي…
_ انتي اتجننتي ولا جرا حاجه لعقلك حاجه ياسميحه
= والله لو مكتبت البيت كله ب اسمي شايف جردل مية النار ده هدلقه كله علي وشك وتبقي تشوف بقي الغندوره بتاعتك هتبصلك ازاي تاني….
امضي هنا بقولك….
وكانت مجهزة عقد بيع للبيت ب اسمها ومضي عليه من خوفه…
_ مشوفش وشك تاني عارف انت لو كنت صارحتني انك عاوز تتجوز كان ممكن اسامحك لكن دماغك السم دي وديتك في داهية ابقي شوف الحلوة بتاعتك هتقدر تستحملك اد ايه بقرفك ومشاكلك الي محدش يستحملها غيري لما كنت مغفلة…
سابنا ونزل وهي قعدت تعيط وتعتذر لينا كتير علي الي حصل …..
ومكملش اسبوع وكانت مراته رمياه عشان عرفت انه مبقاش عنده بيت وبقي يترجي خالتي انها تسيبه بس يبات فالبيت
لكن هي مش موافقه لانها قلبها اتكسر منه ومش هتقدر ترجع معاه زي زمان…
وهي دي نهاية اي راجل يتخلي عن بيته ومراته عشان اي واحده تانيه …
تمت
