الجزء الاخير من هنااااااااا ????
دياب: مالك ياحسام ؟ ملامحك اتغيرت كده ليه؟ في ايه يابني؟ وايه الجواب اللي في ايدك دا؟
حسام :اتفضل اقرا..
دياب: هات وريني كده.
ايه دا احنا ولاد عم انت ابن عمي ياسين
حسام :انا مكنتش اعرف غير دلوقتي لما لقيت الجواب دا في ضهر الصوره بس كان فيه شئ غير طبيعي عشان اساعدك بكل الطرق مكنتش اعرف ان ده السبب
دياب: بس انا طول الوقت كنت حاسس انك مني وانك اخويا فعلا
حسام: انت ابني انا يادياب وهفديك بروحي وحياتي لو تطلب الامر ..بس
دلوقتي احنا هنعمل ايه ?
دياب : هنروحله المستشفي طبعا ونفهمه كل حاجه ونفهم منه اي حاجه.. وطبعا طلع عندك اخت زي العسل اسمها مي ههههه
حسام: احنا في ايه ولا ايه مش كفايه كمية المفاجاءت اللي احنا فيها..
يلا بينا عشان مانتاخرش انا هموت واشوفه
قبل خروجنا من الشقه حسام تليفونه رن اول ماشوفت الابتسامه البلهاء مرسومه علي وشه عرفت انها اكيد ساره خلص المكالمه وقالي اسبقني انت وانا هحصلك ساره بتكلمني وبتقولي انها جابت حسابات والملفات للبنوك بتاعت رحيم اللي برا وكمان بتقول انها عرفت مواعيد عمليات تسليم السلاح وكانها
دياب : طيب انا هاجي معاک
حسام : لا انت روح لعمك وانا هجيب الورق واجيلک
دياب : لا انا برضو هاجي معاك لاني مش مطمن ولا مرتاح لساره دي
حسام: اسمع الكلام بقولک هقابل ساره عايز تبقي عزول متقلقش انا مش هتأخر
ولو حصل حاجه انا هكلمك اطمن ساره عمرها ماتبعني ابدا ولو فكرت هيبقي اخر يوم في عمرها
دياب: ربنا يستر انا هستناك في المستشفي بالله عليك تطمني اول بأول
حسام:سلام بقا هشوفك هناك
وفعلا خرج حسام بس من جوايا مش مطمن فكرت في صاحب ليا اسمه فادي لو طلبت عيونه مش هيتاخر عليا وقولتله عايز منك خدمه وقفلت وروحت لعمي مي اول ماشافتني جات جري عليا وسألتني وقالتلي
مي : مصدومه
دياب: اومال لو عرفتي ان ليكي اخ هتعملي ايه يامي
مي : اخ اكيد انت بتهزر؟؟
فاللحظه دي دخلت الممرضه بتقول الاستاذ ياسين فاق وطالب يشوفوكم والدكتور موجود معاه فعلا دخلنا
مي: بابا انت بخير؟؟ هو مابيردش عليا ليه يادكتور وليه مركز علي دياب ؟؟
الدكتور : لانه لسه تحت تأثير المخدر والدك خارج من عمليه كبيره اوي وبصراحه محدش كان متوقع انه يفوق بالسرعه دي اه وعلي فكره اول مافاق ماقالش غير جمله واحده بس
دياب: قال ايه يادكتور؟؟
الدكتور : قال الحق حسام يادياب حسام في خطر ومن وقتها ماتكلمش تاني زي مانت شايف كده
فيكتور : ازيك ازيك ياحمزه واخبار عمليتنا في مصر ايه؟؟
حمزه: كل شئ تمام ومعمول حسابه والرجاله مستعدين بس ممكن اسألك سؤال بدافع الفضول مش اكتر ليه مصر؟؟
فيكتور : انت عارف ياحمزه ممنوع الاسئله بس هجاوبك.. عشان انت شغال معانا بقالك كتير.. مصر اخطر دوله واهم دوله في الدول العربيه.. لازم تفضل في مشاكل مستمره وصراعات فقر جهل لازم كل اللي عايشيين هناك تبقي اولوياتهم لقمة العيش وبس وميبقاش فيه مجال تاني للتفكير في اي حاجه تانيه يبقي همهم انهم يعدو يومهم علي خير ومش مهم بكرا مش مهم المستقبل ولا ايه بيحصل في الدول العربيه التانيه لو مصر فاقت من اللي هي فيه موازين كتيره هتتغير ومراكز القوه والسياده هتضيع من ايدينا وكل شبر اخدنا هيرجع غصب عننا مش بمزاجنا لو الشعوب العربيه فاقت واتوحدت هتكون نهايتنا احنا ومصر هي النسر اللي كل الشعوب العربيه بتتوحد تحت ظله عشان كده بنعمل المستحيل اننا نخلي النسر دا دايما في غيبوبه فهمت ياحمزه
حمزه: عندك حق شعب خلق من فولاز
فيكتور طيب يلا استعد عشان هتنزل مصر هتكون انت المسئول عن تأمين شحنة السلاح والمخدرات دي انت عارف ان دي اكبر كمية سلاح هتدخل مصر
ومحتاجه تأمين وتخطيط عالي الاسلحه دي كافيه لاشعال حرب عالميه تالته عاوزك اول ماتخلص تروح انت وابوك مزرعه الفيوم تدارو هناك لحد مالدنيا تهدا وبعدين هنسافركوم لينا تاني ولو حصل اي حاجه احنا في ضهركم ماتقلقش
في احدي البيوت المهجورة بالمقطم
حسام : ايوه ياساره انا وصلت انتي فين..؟
ساره : انا جيالك اهو شفتك
حسام:ايه المكان المهجور دا ياساره اشمعني طلبتي نتقابل هنا؟
ساره :عشان هنا المكان مطرف وبعيد عن العيون فامان يعني ماتقلقش
حسام :طيب فين الورق ومواعيد تسليم السلاح امتي ومكانها ايه؟؟
قبل ماترد حد خبط حسام جامد علي راسه وفقد الوعي
مي : انت مشيت وسبتنا ليه سبتني وانا عندي الف سؤال! والفضول هيموتني أنت مين؟؟
دياب: انا دياب احمد الزهار ابن عمك اللي اتقتل زمان مش عارف اذا كان عمي حكالك ولا لا
في احدي البيوت المهجورة بالمقطم
حسام : ايوه ياساره انا وصلت انتي فين..؟
ساره : انا جيالك اهو شفتك
حسام:ايه المكان المهجور دا ياساره اشمعني طلبتي نتقابل هنا؟
ساره :عشان هنا المكان مطرف وبعيد عن العيون فامان يعني ماتقلقش
حسام :طيب فين الورق ومواعيد تسليم السلاح امتي ومكانها ايه؟؟
قبل ماترد عليا حد خبطني جامد علي راسي ومحسيتش باي حاجه تانيه مش عارف فضلت في غيبوبه قد ايه؟؟
بس لما فوقت لقيت سياره قدامي ومعاها خمس حراس شبه المصارعيين وانا مربوط بالكرسي مش عارف اعمل حاجه
ساره: طبعا انت مستغرب مربوط كده ليه؟ وبيه جايبينك هنا؟ بس دلوقتي يجي وتعرف كل حاجه
حسام : قصدك رحيم طبعا بعتيني بكام ياساره عمري ماكنت اتخيل ان الخيانه تيجي منک يارتني سمعت كلامه وبعدت عنك
ساره: لا مش رحيم استني بس ماتستعجلش واكيد قصدك علي دياب اكيد كنت بتحكيله علي كل حاجه وهو حذرك عموما ماتقلقش
حسام: محدش يقرب من دياب اللي يفكر بس يأذيه انا هاكله باسناني ياساره فاهمه هاكله
صوت من العدم ماتقلقش ياحسام علي دياب.. انت وقفت في طريقي من غير
ماتاخد بالك ولا تدري عشان كده جيت هنا
حسام: الصوت دا انا عارفه ده صوت الظابط يوسف عبدالرحمن
الظابط يوسف: صح ياحسام مشاءالله عليك عندك ذاكره قويه جدا لسه فاكر الصوت
حسام: وهو دا صوت يتنسي . وفاكر كل كلامك عن حمزاوي وصفقاته
الظابط يوسف : حكيتلك عشان عارف انك كنت هتدور ورا كلامي وهتساعدني وظني طلع بمحله وغعلا ساعدتني عشان اوصل لرقبة حمزاوي كنت حاسس ان فيه حاجه تربطكم كلكم ببعض تار دم ايه هي مش عارف
حسام: مين اللي جيه خطفك لما كنت معانا؟ مش ياسين الزهار
الظابط يوسف: لا مش ياسين.. دول رجالة حسين المهدي اللي خطفوني ولان حسين مالهوش في الدم امر رجالته ان مافيش حد فيهم انهم مايتعرضوش ليكم ولا يقتلوكم مهما حصل مهمتهم يخطفوني وبس
حسام : مين حسين المهدي دا؟؟
الظابط يوسف : دا ابو ساره كان راجل اعمال كبير وخسر كل فلوسه علي ايد حمزاوي وكان عايز ينتقم منه باي شكل بس للاسف مات قبل مايلحق يعمل اي
حاجه سابلي ارقام حسابته في الخارج وسابلي ساره ووصاني عليها وطلب مني اربيها واجيب تاره مكانش قدامي فرصه للاختيار . المهدي انقذني من الموت زي مااخوك دياب عمل وكده كده كنت عايز اخد بتاري واقتل رحيم فوافقت عملت ساره كل حاجه وغيرتلها بطاقتها الشخصيه وكأها اتولدت من جديد ودخلت في وسط شق التعبان وايذيها بقيت فوق راسه بقيت سكرتيرة حمزاوي ومعاها كل المعلومات اللي ندينه بيها بس ظهورك ياحسام بوظ كل ده قولت لساره عشان توصلي لتارك لازم تقتلي قلبك وعملت كده مع كل اللي قربلها الا انت وحمزاوي لو عرف باللي بينكم هيمحيكو من علي وش الدنيا وهيعرف اصلك بسهوله ياحسام لو حطك في دماغه ظهورك ده كان هيقضي علينا دا لو مقضاش فعلا
رحيم طلب من ساره تقتلك وعرف انك عايز الملفات وفيه ناس هتيجي كمان شويه هتعاين جثتك ويصوروك وساره تثبت ولائها لرحيم
حسام : هتقتليني ياساره؟
ساره : غصب عني ياحسام مقدرش اسيب تار ابويا
من داخل غرفه ياسين الزهار بالمستشفي
مي: حسام مين دا يادياب اللي والدي عايزك تلحقه؟ فهمني ماتسبنيش زي كل مره وتختفي
دياب: حسام دا يبقي اخوكي وانا وهو اتربينا سوا في نفس اللحظه التليفون رن برقم فادي
فادي:ايوه يادياب انا راقبته كويس هو طلع علي المقطم وكان معاه بنت بس فجاءه حسام وقع علي الارض واخدوه علي بيت مهجور هنا انا مستنيك وبعت للرجاله تجيني عالبيت
دياب :طيب خليك عندك ماتتحركش اما في الطريق مش هتاخر . انا لازم امشي يامي خليكي مع ابوكي هيحكيلك كل حاجه
وفعلا روحت لقيت فادي في انتظاري ومعاه رجاله تبعه قبل ماندخل سمعنا صوت ضرب نار دا الشئ اللي خلاني اجري ناحية البيت ملقتش حد غير حسام مرمي علي الارض وجمبه مسدس وفوارغ رصاص مغطيه المكان وفيه كمان جثه قدامه دي جثة ساره
حاولت افوق حسام واعرف منه فيه ايه مافيش نبض برضو بس مافيش اثار لرصاصه في جسمه غير رصاصه في كتفه الرجاله قلبو البيت واللي حواليه لقو الجثث موجوده في كل حته وفي اثار لعربيات دفع رباعي
فادي لمح واحده منهم
فادي : البقاءلله يادياب وربنا يقويك ويصبرك
دياب :البقاءلله في مين حسام مامتش حسام مامتش حسام ماينفعش يموت مهما حصل واخدت حسام في حضني وبكيت ودي كانت تالت واخر مره ابكي كده
حمزه : خلصتوا عليهم ؟؟ قتلتوا كل اللى كانوا موجودين فالبيت وتاكدتوا من موت حسام وسارة ؟؟
طب تمام اوى كده …انزل وانا مطمن وجاهز للعمليه ..غيروا المكان احنا هنتقابل فالواحات هناك اضمن وبعيد عن عين الحكومه ..تمام سلام .
ادي عرفت كل حاجه بنفسك اهو ياياسين بيه ..وبعت حمزه وابوه عاوز فلوسى اللى وعدتنى بيها عاوز 5 مليون دولار .. ياسين : هدهملك طبعا بس بعد مالعمليه تنتهى واخلص ع حمزه ورحيم …انت هتفضل هنا معانا فالامان .. الحارس : لا انا عاوز فلوسى دلوقت …مش كفايا حافظت على روح حسام ده ..وبعت حمزه ولو عرف هيدفنى حى .. ياسين : تصدق فعلا فكرة .. خدوه واقتلوه اللى بيبع واحد يبيع الف ..
حسام : هو عمك ياسين لسه فالمستشفى ؟؟
دياب : انا كنت سايبه هناك بس فايق وهو اللى قالى انقذ حسام وانك فخطر ..
حسام : يعنى هو اللى قالك على مكانى
دياب : بصراحه لا ..انا قلقت عليك فبعت فادى وراك عشان لو جرى حاجه اعرف .حسام : طب وبعدين هنعرف اخباره ازاى ؟؟ انا نفسى اشوفه اوى هو ومى اختى
دياب : مى صح انا خدت رقمها ثوانى اكلمها واعرف منها كل حاجه
دياب : مى معايا ؟؟ اذيك يامى ؟؟اهدى متقلقيش كله تمام ؟؟ عمى عامل اى ؟؟ طب حلو اوى انتوا فين دلوقت ؟؟ خلاص تمام اوى ..هنجيلكوا انا وحسام ..
حسام : فيه ايه ؟؟ مى قالت لك اى بالظبط ؟؟
دياب : ابوك خرج من المستشفى وحالته تحسنت ودلوقت موجودين فاسكندرية ..حسام : طب يلا بينا نروحلهم
دياب : دلوقت؟؟ بس انت لسه تعبان ؟
حسام : لا انا بقيت كويس يلا بينا ..انت عارف المكان ؟
دياب :فى فيلا بالمكس خرجنا فعلا وروحنا لعمى ..اللى هو فنفس الوقت ابو حسام .. اول ماشافنا حضنا اووووووى ..وضم حسام وتاسفلنا على اللى حصل ..وقال ان كل شى?
الي اللقاء في روايه جديده ???
