الجزء الثالت من هنااااااا ?????
انت الوحيد اللى تقدر عليه يادياب ..انت سيف الحق ..انت رجعت م الموت عشان ترجع للحق قوته انت قوتك ..وروحك مخلوقه من فولاذ محدش قابل ملك الموت ورجع تانى للحياة غيرك ..وفجاة اختفى وانا صرخت ..لقيت حارس المقابر بيصحينى ..
الحارس: اصحى يابيه اصحى دياب : ايه فى ايه .. الحارس : انا سبتك من ساعه وجيت لقيتك نايم قصاد المقبرة وعمال تعيط وتكلم مفهمتش من كلامك حاجه ..وفجاة بدات تصرخ فصحيتك ..دياب : ياه نمت هنا ساعه كامله دانا حاسس انى مكملتش هنا دقايق ..انا لازم امشى دلوقت ..وانا خارج قابلنى شخص ملامحه مش غريبه عليا حاسس انى شفته قبل كده ..ملامح مالوفه هو نفسه بصلى باندهاش وحسيته عاوز يكلمنى ..
بس مكانش فيه وقت ولازم اسافر اسكندريه ..عشان اشوف عمران وحسام عملوا اى مع الظابط ..روحت فعلا ..ولقيتهم كلهم فانتظارى .. ماعدا واحد .. الظابط اختفى .. عمران : حمد الله ع سلامتك يابنى قلقتينى عليك … دياب : الله يسلمك فين الظابط ..
حسام : انا مش عارف اقولك اى ولا اجبهالك ازاى الظابط ايمن اتخطف ..دياب : اتخطف ؟؟ ازاى ؟؟ومين ؟؟ اللى خطفه ؟؟ عمران : اتخطف قبل متوصل بتلات ساعات كان يدوب فاق وهيبتدى يحكلنا اللى حصل له واى وقعه فطريق رحيم حمزاوى ..
دخل علينا اكتر من 15 واحد شبه الجبال ومعاهم اسلحه .. حاولنا نقاوم بس هما اكتر
شلوا حركتنا لحد مخطفوه واختفوا .. دياب : اكيد ابن حمزاوى هو اللى عمل كده عشان يقتله وينقذ نفسه ..عمران : لا يابنى لو كان رحيم اللى باعت الناس دى كان زمانا كلنا مدبوحين ومدفونين هنا ..اللى خطف الظابط عاوز يسمع منه ويستفيد بالمعلومات اللى معاه ..
دياب : تقصد ايه ؟؟ ..حسام اللى رد المرة دى : يعنى فيه عدو لرحيم عاوز ينتقم منه زينا ..عشان نحارب رحيم لازم نكون فى مركز قوة ولازم نعرف مين العدو ده ونكون معاه ..دياب : صح عندك حق … حسام : عشان كده انا هدخل كليه حقوق ..
وانت لازم تدخل كليه طب وتتفوق ..رحيم عنده اكبر مستشفيات فالبلد .. واغلب وقته بيكون فيها ..وبيعمل شغله كله من هناك .. دى المعلومات اللى قالها الظابط قبل ما يتخطف .. دياب : هتضحى بصحافه واعلام عشان حقوق ؟؟ حسام : لا هضحى بيها عشانك انت ..من خلال حقوق ودراسه القانون هيكون خطرى على حمزاوى اكبر ..هقدر اوقعه فى قضايا باستمرار ..واطلعه منها وابقى قريب منه ..
احنا تعاهدنا نكون سوا يادياب فالحياة والموت ..دخلنا الكليه وتفوقنا فاول سنه
..بس حصل شىء مكنش فالحسبان ..عمران صحته بقيت فالنازل ..
قبل مايموت بيوم طلبينى وقالى شىء غريب جدا .. عمران : دور ع عمك يادياب عمك ياسين جدتك خدته وسافرت وجدك الزهار حاول يوصلها بشتى معرفش ..دياب : عمى ؟؟ طب هربت ليه ؟؟ عمران : جدك الزهار كان طبعه صعب ..وكان ليه فتحضير الجن والارواح ..وليه بدل الخادم الف ..بس عمره ماذى حد جدك كان بيحب يتعلم كل شىء عن السحر وياما فتح مقابر بالجن بتوعه وخدامه ..
جدتك خافت ع عيالها ليبقوا زيه ..وحاولت تهرب كذا مرة بس معرفتش ..
لحد مافى مرة جدك كان واخد معاه ابوك ومسافر وتعب دخل فغيبوبه لمده يومين ..
وسايب عمك ياسين مع جدتك ..جدتك عرفت واستغلت الفرصه وخدت ياسين وهربت ..
ومحدش عرف عنها شىء تانى ولا عن ياسين ..عمك ملامحه قريبه من ابوك …
عمك هو قوتك وهو اللى هيسندك .. وقالى كمان لما لقيتك فالمقابر مكنتش لوحدك …
كانوا حواليك حارسينك باوامر الزهار ..وتانى يوم مات .وبعدها بشهر اخته فريده برضه ماتت…
زعلت عليه بس واضح من كتر مازعلت وعانيت مبقاش بيظهر عليا ..رغم انى كنت بحس بكابة وتعب من كليه بس حسام كان دايما بيقوينى ويسندنى ..حسام خلص كليته بتقدير جيد جداا اول حاجه عملها انه قدم فشركه حمزاوى قدم فى كل فروع شركاته ..
كنت بحس ان ده تار حسام اكتر من كونه تارى .. وانا طوال فترة الدراسه كنت بروح قدم فمستشفيات حمزاوى ..ادرب حتى ..المهم ابقى موجود ..حسام : انا تقبلت يادياب فشركه حمزاوى للاستيراد والتصدير هشتغل فالشؤن القانونيه .. اول خطوه نجحت ياخويا ..
دياب : الحمد لله عقبال الجاى .. حسام : مالك يادياب ؟؟ ليه الفتور ده انت اقوى من كده .. بعدين كلها سنه وتخلص يادكتورنا وترتاح من ضغط الدراسه ده .. دياب : انا مش تعبان من الدراسه بس زهقت ..ليه مسبتنيش اروح اقتله ..ليه خلتنى استنى كل ده ..حسام : عشان هتقتله وهتتحبس وانا هعيش لوحدى يادياب ..انت ابنى واخويا ومينفعش تمشى مهما حصل ..دياب : كلامك بياثر فيا بشكل رهيب ياخى ..
علموك كده فحقوق هههههههه حسام : هههههه مفيش كليه بتعلمك كل حاجه انمت يدوب بتاخد عناوين وبتبحث بقا براحتك انا قريت كتب فعلم النفس وكتب فالتاريخ والحضارات وفى الفلسفه قريت فكل شىء ,,كل كتاب قريته
خلانى شخص جديد ضاف ليا حاجه ..
انا اهتميت بالمخ على عكسك انت اهتميت بعضلاتك هههههه اللى يشوفك يقول مصارع مش حانوتى دانتا بتلعب جيم وفنون قتاليه اكتر مابتذاكر ياخى دياب : ههههههه هو العقل السليم فين ؟؟؟ مش فالجسم السليم برضه ..ثانيا انا بلعب وبجيب امتياز برضه ..
حسام : هموت واعرف بتعملها ازاى دى ..دياب انت ليه بطلت تروح قنا انت روحت تلات مرات وبطلت ..
دياب : مش عارف بس اوقات بخاف اروح هناك او بكسل او بيكون عندى مذاكره ..حسام لازم تروح وتدور ع اى حد عارف عمك ده ..مش جايز يطلع مليونير ولا حاجه ويساعدنا بدل المرمطه دى ..واهو هنعمل اللى عايزينه بسرعه ..دياب : عندك حق فعلا هسافر انهارده ..سافرت وسالت كل حد قابلته فى قريه كوهار ولقيت كل شىء اتغير حتى اشكال المقابر كانهم هدوها وبنوها تانى ..الا مقابرنا ..لسه زى ماهى بنفس الشكل كانى سايبها امبارح ..
قريت الفاتحه وانا خارج قابلت نفس الشخص اللى قابلته قبل كده ..
بس فيه حاجه غريبه غالبا مكبرش ولا ملامحه تغيرت ولو لسنه .. كانه مبيكبرش فالسن ..
دياب : السلام عليكم حسين بيه ؟ حسين : اهلا يادياب كنت منتظر زيارتك من زمان مبسوط بالنجاح اللى وصلتله انا كنت متابعك وعارف كل اخبارك وعارف انك دكتور وحسام بقى محامى وشتغل فشركه رحيم .
دياب : انت عارفنى ازاى ؟؟ وعارف كل ده ازاى ؟؟ قبل مايرد فيه اتنين راكبين عربيه ضربوا علينا رصاص واختفوا ..انا اتصبت وحسين كمان اتصاب ..الرصاصه جت فدراعى ..وحسين الرصاصه جت فكتفه قريبه من القلب ..حاولت اوقف النزيف وطلبت الاسعاف وعلى غير العاده وصلوا بسرعه ..ودخل غرفه العمليات ..واحتاجوا اكتر من 3 اكياس دم وفصيله الدم دى نادره جدااا ومش موجوده فالمستشفى ..
دياب : ممكن تشوفوا فصيله دمى لو متطابقه خدوا كل اللى انتوا محتاجينه …
كنت مرعوب عليه وخايف يموت ..فعلا فصيله دمى طلعت متطابقه ..وبعد نص ساعه بظبط لقيت بنت فى منتهى الجمال ..
عمرى ماشفت حد بالجمال والبراءة دى ..
ع رغم ان ملامحها كانت مغطياها الدموع والرعب اللى انها كانت اجممل من اجمل حاجه شوفتها فحياتى ..قربت منى وقالت : بابا فين جراله ايه بالله عليك طمنى ..حاولت اهديها بصعوبه ..وجت الممرضه ومعاه الاستمارة
وقالت لازم حد قريب المريض يملاها عشان العمليه غرفه العمليات جهزت ومتظرين التوقيع ..
وقعت وشفت التوقيع كويس اوى ..وقعت باسم مى ياسين الزهار .
كنت مرعوب عليه وخايف يموت ..فعلا فصيله دمى طلعت متطابقه ..وبعد نص ساعه بظبط لقيت بنت فى منتهى الجمال ..عمرى ماشفت حد بالجمال والبراءة دى ..ع رغم ان ملامحها كانت مغطياها الدموع والرعب اللى انها كانت اجممل من اجمل حاجه شوفتها فحياتى ..قربت منى وقالت : بابا فين جراله ايه بالله عليك طمنى ..حاولت اهديها بصعوبه ..وجت الممرضه ومعاه الاستمارة وقالت لازم حد قريب المريض يملاها عشان العمليه غرفه العمليات جهزت ومتظرين التوقيع .. وقعت وشفت التوقيع كويس اوى ..وقعت باسم مى ياسين الزهار …
دياب : مين ياسين ده مش والدك اسمه حسين ؟؟
مى : لا ده اسم الشهرة .. لكن الاسم الحقيقى ياسين ..وقالى مذكرش انى من عيله الزهار او اسمه ياسين عشان فيه مشاكل ممكن تحصله بسبب الاسم …انا ليه حاسه انك مندهش اوى انت تعرف حد من عيله الزهار …
دياب : اه اسمع عنهم .. فاللحظه دى الدكتور خرج روحنا عليه انا ومى وسالته اخباره ايه .. الدكتور : اطمنه حالته استقرت كان فيه رصاصه بينها وبين القلب اقل من 5 سم .كان الرصاصه مسارها انحرف …
كمان فيه شىء غريب جدااا انا شغال دكتور بقالى 20 سنه ودى اغرب حاله اشوفها .. فصيله الدم دى نادرة جدااا فصيلة الدم AB- تعتبر أكثر فصائل الدم
ندرة …انت اللى نقذتوا صح انت ابنه .. دياب : لا مش ابنه الدكتور : اكيد فيه صله قرابه كرات الدم وتكوينه متشابهه بنسبه عاليه .. بس بجد برافوا عليك انك قدرت توقف النزيف وتتعامل مع الحالله صح ,.اى غلطه بسيطه كان مات ..
دياب : اه منا تعلمت كل ده انا فاضلى سنه واتخرج من كليه الطب .. الدكتور : ماشاء الله عليك ربنا يزيدك ويوفقك انا اسف مضطر امشى دلوقت بس حابب اطمنكوا حالته استقرت والفضل يرجعلك عن اذنكوا …
مى : انت مين يادياب ؟؟؟ وقبل مجاوب جالى اتصال من حسام : انت فين يادياب انا وصلت لحاجه مهمه اووى ولازم اشوفك حالا ..
دياب : حاضر 3 ساعات بالكتير وهكون عندك .. انا اسف مضطر امشى حالا يامى وهرجع تانى ..
روحت فعلا وحسام اول ماشافنى اتخض وملامح الفزع اترسمت على وشه ..
حسام : اى اللى عمل فيك كده ؟؟ ليه مجبس دراعك ؟ حصلك اى ؟؟
دياب : هحكيلك كل حاجه بس انت فهمنى انت وصلت لايه؟؟
حسيتك مبسوط ووصلت لحاجه مهمه فشركه حمزاوى
حسام : مبسوووووووووط جداااااااااااا بص ياسيدى اول حاجه فاكر اما الظابط اتخطف ..
وخالى عمران قال : ده اكيد عدو لرحيم ,, العدو ده موجود فعلا ..
انا شفت كل ملفات الشركه والصفقات اللى عملوها ..
فيه حد بياخد منهم الصفقات ..دى وبيحاول يوقع الشركات بكل الطرق اللى تتخيلها
غير مصانع الخشب اللى تحرقت فاكتوبر ..وماكينات الغزل والنسيج اللى تم اتالفها فمصنع بالعاشر ..
7 سنين ورحيم فخسارة مبتخلصش ..ده كوم واللى جاى كوم تانى خالص ..
شركات رحيم عليها اكتر من 200 قضيه كل مايكسبه قضيه يطلع لهم غيرها ومع ذلك شغاله ..
كمان صفقات السلاح والمخدرات كانت بتتهاجم ..
رحيم خسر ف 7 سنين اكتر من 800 مليون دولار ..
بس انا متاكد انه ميعرفش مين عدوه ده .
ياما عدوه اكبر منه ..لانه لو عارفه مش هيسيبه وهيخلص عليه ويحمى نفسه من الخسارة ..
دياب : اخبار حلووووة جدااااااااااااا ..حسام : لا وفيه الاحلى يادياب انا حبيت
دياب : حبيت ؟؟ حبيت مين ياخويا ؟؟ حسام : سارة سكرتيرة حمزاوى ..
دياب : انت مجنون ياحسام مش لاقى غير دى ؟؟ انت بتهزر اكيد ..
حسام : لا والله مش بهزر انا تعرفت عليها فالبدايه عشان اعرف معلومات اكتر ..
ولقيتها بتساعدنى وبتدنى بكل حاجه انا محتاجها ,
وقربت منها اوى وروحى تعلقت بيها ونفسى اتجوزها ..
دياب : انت مستحيل تكون حسام العاقل اللى اعرفه ..
مش يمكن متفقه مع حمزاوى عليك ..مش ممكن تبيعك فاى لحظه ..
حسام : مستحيل سارة تبعنى ومستحيل اخسرها انا واثق فيها اوى ..
وهتساعدنا عشان نوصل لرقبه حمزاوى يادياب .
وكمان قالت لى حمزه نازل مصر قريب خلال الاسبوع ده ..
دياب : انا خايف عليك ياحسام خايف لتعانى بسببى فيوم من الايام ..
حسام : اوعى تقول كده تانى احنا اخوات ميفرقش بينا غير الموت ..
احكيلى بقى اى عمل فيك كده ..
دياب : فاكر الراجل اللى حكيتلك عليه قبل كده حسين بيه اللى شوفته فالمقابر وبيزور مقابرنا باستمرار ..
حسام : اه فاكره طبعا ..دياب : ده بقى ياسيدى طلع عمى اللى كنت بدور عليه بس طلع مراقبنى وعارف كل حاجه وعارف حتى عنك كل حاجه ..بس قبل مايحكيلى عرف ازاى انضرب علينا نار ..
ودخلنا المستشفى وسايبه هناك حالته مستقرة …
حسام : طب ازاى اسمه حسين ؟؟؟
دياب : لا ده اسم الشهرة واخده ساتر ليه علشان حمزاوى اكيد ..
لكن هو اسمه الحقيقى ياسين الزهار ..حاسك مضايق ياحسام مالك ؟؟
سكت فجاة كده .. حسام : انت عرفت اهلك يادياب وعمك رجعلك ..
بس انا اتولدت من غير اب عايش بس معرفش مكانه ولا اعرف عنه حاجه ..
كل اللى اعرفه انه سافر وسابنى ..وامى فريده قبل ماتموت كنانت بتقولى سامحنى يبنى ومتزعلش منى اللى اى حاجه حصلت كان غصب ..وابوك لو رجع وهيرجع سامحه ..
كلنا بنرجع وقالت كمان اما اموت ابقى نضف اوضتى كويس ونضف الحيطان والصور اللى عليها … دياب : كلامها غريب فعلا طب انت نضفت الصور وعملت زى ماقالت ..حسام : لا كنت مشغول دايما وبنسى الصور صح عندك حق اكيد فيه حاجه
فالصور فعلا دخلنا دورنا سوا نزلت كل الصور بس مفيهاش حاجه ولا وراها ..
فقدت الامل خلاص ..وافتكرت صورة امى وخالى عمران المتعلقه فالصاله ..
جبتها لقيت مكتوب فضهرها ..
سامحنى ياحسام كل حاجه حصلت غصب عننا جدك كان بطشه شديد وظالم ..ابوك كان مسافر من سنين مع امه .. ولما ماتت رجع لابوه هنا فكفر الكوهار ..وشافنى وحبنى ..وقال لجدك وجدك رفض وزعله ..
ومكنش فيه حل تانى غير اننا نتجوز فالسر كان عمران وواحد صاحبه بس اللى عارفين وشاهدين على الجواز ..
جدك عرف باللى حصل ..جه هددنى وقالى لو تكلمتى هقتلك ..
وهدد ابوك وجوزه بنت من معارفه وخلاه طلقنى ..وسافر خالص وسبنا
فالوقت ده كنت حامل فيك بعدها بتلات شهور اتجوزت صاحب عمران
ومات بعدها ب 5 شهور وعمران سجلك باسمه هشان جدك الزهار ميعرفش عنك حاجه وميذكيش..
بس ابوك الحقيقى يبقى ياسين الزهار ياحسام ..وجالى من 7 سنين عرض عليا نتنقل كلنا معاه ..
بس عمران رفض وحكاله عاللى رحيم عمله وع ان دياب يبقى ابن اخوه
وقاله خليهم معايا بعيد عن حربك انت وابن حمزاوى ..
قولتله ابعدهم عن النار اللى لو قامت هتحرق فالكل سامحنى يابنى ..
وخلى بالك من ابنك عمك احمد الزهار ..خلى بالك من دياب
يتبع……
لمتابعة الجزء الرابع والأخير ????
