وعدا اليوم وسليم مارجعش البيت ونمت انا والاولاد والصبح لما صحيت لقيت سليم رجع البيت ونايم ولما جيت افتح اللاب توب بتاعي لقيت فيه مشكله ولما فتحته بصعوبه لقيت كل شغلي ومقالاتي اللي عليه ممسوحه انهرت من العياط وقولت ازاي ده يحصل ،
مين اللي بوظ اللاب توب بتاعي ومسح كل شغلي ، حرام والله ده شغل وتعب ايام وسهر ليالي ، اعمل ايه بس ياربي
لقيت جوزي وقف قصادي وهو مليان حقد وغل وقالي ايوه يايسرا انا اللي بوظتلك اللاب توب ومسحت كل الشغل اللي تعبتي فيه ، عارفه ليه عشان اثبتلك انك مهما روحتي وجيتي هتفضلي ضعيفه ، اوعي تفرحي بالناس اللي حواليكي اللي واهمينك انك ناجحه انتي ولا حاجه
.قولتله كتر الف خيرك ، انا مش هرد عليك انا بنت اصول وهفضل بنت اصول للنهايه ، ومش هسيب بيتي بس لو سمحت مالكش دعوه بيا اعتبر نفسك عايش لوحدك وانا عايشه لوحدي
وفضلت في بيتي زي مانا بعمل كل حاجه في البيت وكنت مشفقه علي سليم وعقليته وماكنش ينفع اسيب بيتي واحسس اولادي أن في اي مشاكل بيني وبين باباهم
ولحسن حظي اني كنت عامله نسخه لكل شغلي وبعتاها لواحده صاحبتي وناسيه ومشكلتي اتحلت
وبعد شهر لقيت المحرره بتكلمني وبتقولي الف مبروك يا يسرا انتي اثبتي نفسك ومعروض عليكي فرصه ماينفعش تفوتيها وهو انك تبقي مقدمه برنامج تلفزيوني
قولتلها انا عن نفسي موافقه بس مش هينفع اخد اي قرار من غير ما ارجع لجوزي ، هاخد رأيه وابلغك
وروحت قعدت جنب سليم وقولتله انا جايه اخد رايك في حاجه تخص شغلي أنا معروض عليا اني ابقي مقدمه برنامج
قالي خير ياست هانم عايزاني اشتغلك سواق اوديكي الاستوديو واجيبك
قولتله لا انا جايه اخد موافقتك ولو رفضت انا مش هضايق
لقيته اتكسف من حسن تصرفي وادبي معاه وباس راسي وقالي كسفتيني بكرم اخلاقك وذوقك ، حقك عليا يا يسرا كنت غلطان في كل اللي عملته معاكي انا
بس خوفت لما تنجحي وتعلي تتغري وتتكبري عليا وتنسيني حبيت اكسر نفسك بس انتي عرفتي تكسريني قدامك بعقلك وحكمتك
قولتله احنا واحد يا سليم ونجاحي من نجاحك ، والبيت ده مش هيفضل مفتوح الا بالتعاون مابينا انا معاك ياحبيبي معاك لحد ماتلاقي وظيفه تناسب امكانياتك العظيمه وصدقني طول مانت بتسعي هتوصل لكل اللي بتتمناه
وعدت الايام وانا بقيت مقدمه برنامج تلفزيوني وكاتبه كبيره وسليم اتعين في شركه محترمه براتب شهري كويس جدا ، وعرف أنه متجوز زوجه مثاليه ناجحة …اوعي تخاف من الست القويه الناجحه اللي عارفه تفصل بين شغلها وبيتها وأولادها ، واوعي تستهون بيها دي ساعات الست بتبقي سند لكل اللي حواليها وبتقدر تثبت نفسها بنجاحها وشغلها
تمت…. الي اللقاء في روايه جديده ???
