الجزء الثالث والاخير ?????
خاتم غريب ، قلعته .. بصتلي وقعدت تعيط !! .. ووقعت في حضني !! .. ماتت !! ملك ماتت في حضني ..هه !! ..
اخدت الخاتم وفضلت اشوف في ايه ، اكتر من شيخ يقولي ان الخاتم ده مسحور .. مسحور باعمال سفلية غريبة !! ..
مجاش في دماغي غير حل واحد .. انتقم من ال عمل كده ..
حازم .. بيقعد في كافية في وسط البلد ، دخلتله واتعرفت عليه ، عرفت انه محاسب شاطر وشغال في شركة كبيرة ، قولتله اني هفتح شركة استيراد وهو هيمسك كل حاجة ، مع الوقت ارتاحلي ، كنت بصرف كل فلوسي ال مدخرها علي الفشخرة الكادبة ، مع الوقت حازم بقي يرتحلي وحكالي .. مش عارف ده بسبب مهارتي ولا هو بيثق في الناس بسرعة ..
حكالي انه كان بيحب بنت ومتجوزهاش عشان مريضة واتجوز بنت مش بيحبها بس غنية جدا .. مكنتش عارف ابدا ازاي بس هو ساعدني يوم عيد ميلاد اخته ، هدفي !!
— عبدالعزيز انا حاسس ان مراتي بتخوني ..
– سهلة .. ركب كاميرات في البيت ؟ ..
جبتله مهندس اعرفه كويس اوي يركبله الكاميرات ، ووصي الامن ان لو حد داخل يعرفه ويتصل بي ..
اما سلمي انا دارسها كويس ، تاجير عربية مرسيدس عشان الفت نظرها مش قليل عليها ، اتعرفت عليها في عيد ميلادها علي اساس اني شخص غني جدا .. كانت معجبة بيا ، او مش بيا بالفلوس ال مش موجودة اصلا ، واني عايز افتح مشاريع كتير ، وفي ظرف شهر كنا مخطوبين ! .. اتعرفت علي زوجة حازم يوم الخطوبة ..
بعدها باسبوع روحتلها البيت وانا متخفي ..نطيت من السور وخبط عليها فتحت ورحبت بيا .. مكنتش عايز الكاميرات تجبيني غير بضهري .. قولتلها اني محتاج هدية غالية اوي لسلمي وانتي اكتر واحدة عرفها ، وشربنا كاسين .. كنت حاطط في الكاس مخدر !! ..
دروخت وسندتها .. كنت بقول اي حاجة تضحكها عشان اسمع صوت ضحكتها ، وشلتها وطلعت بيها علي الاوضة .. معملتش حاجة .. اتعمدت انزل من الاوضة وكاني بعدل هدومي ..
وبعدها ب يوم كلمت المهندس صديقي ال ركب الكاميرات ، حولنا نظبط الفيديو بحيث ان لو انا باين يشيل ال ملوش لازمة وطلعت علي سلمي واديتها سلسلة جميلة جدا .. واتصلت بحازم
— حازم انا عبدالعزيز المهندس اتصل بيا وقالي انك لازم تفتح الكاميرا ..
تاني يوم صحيت علي خبر كويس جدا .. حازم قتل مراته !! .. وسلمي ملامحها اتشلت ودخلت في حالة نفسية ، الدكاترة بتقول صدمة بسبب دخول اخوها السجن وموت صاحبتها .. بس انا وانتي عارفين الحقيقة
عارف انك بتكرهي السجاير عشان كده دي سابع سجارة انفخ دخانها في وشك .. ، عارف انك بتشوفيهم ، عارف انهم بيظهرولك ، السلسلة ال انتي لابسها منعاكي من الكلام والحركة اقوي الف مرة من الخاتم ال لبستي لملك .. نظرة عنيكي ال مليانة كره ليا دي انا مستمتع بيها .. ، النهاردة عيلتك كلها هتموت .. هقتلهم ومحدش هيحس بحاجة ، محدش غيرك يعرف الحقيقة ومش تعرفي تتكلمي ، يلا ياحبيبتي يلا البسك ، يلا عشان انا محتاج اكمل دور الرحيم ، ومحتاج اهلك يشوفكي في احسن صورة قبل ميودعوا حياتهم
الي اللقاء في روايه جديده ???
