الجزء الثاني ?????
– ملك حالها اتقلب ياعبدالعزيز ، ملك بقيت رفيعة جدا .. ملك بقيت تقول انها بتشوف حاجات غريبة ، كنت بعدي كل ده واقول توتر قبل الجواز ، بس اني اصحي الاقيها في الحمام بتقطع شراينها بالموس وبتضحك .. ده مقدرش اسكت عليه ياخويا ..
— الخبر ده متقولش لحد .. ومطلعش الكلام ده برا ، هبعتلك دلوقتي ٥ الاف دولار ، ملك تتعالج في احسن مستشفي ، ملك ملهاش غيرنا ياتوفيق ؟ ..وهتتجوز وهتبقي احسن بنت في الدنيا وهنزل فرحها .. فاهم انا بقول ايه ؟؟ هنزل فرحها ياتوفيق ومش هكررها تاني ..
الوضع بقي اسواء واسواء ، مكنتش بحاول ارد عليه عشان عارف هيقول ايه .. بس اخر مكالمة بيني وبين توفيق كانت صعبة .. اتصل بيا الساعة ٢ بليل وهو بيقولي
— عبدالعزيز .. انا خايف !
– في ايه ياتوفيق خير ؟
— كانت قاعدة .. قاعدة قدام التفلزيون انا وهي ، الجو كان ساقعة ، سالتها ..
— ملك انتي سايبه باب البلكونة بتاعتك مفتوح ..
+ ملك انا بكلمك انتي بتبصلي كده ليه ؟ ..
— خوفت من نظرتها ياعبدالعزيز ، واتحججت اني داخل اشوف البلكونة والبرد ده منين ، دخلت اوضتها اتفجأت .. كانت نايمة .. نايمة ياعبدالعزيز ، امال مين ال معايا براا !!.. انت لازم ترجع .. لازم ترجع صدقني انا خايف ..
كلامه رعبني في التليفون ، صوته ورعشته !! .. قررت اني انزل .. سيبت الشركة وصفيت ، كنت مكون مبلغ محترم .. قولت هظبط حياتي في مصر ..
توفيق مستقبلنيش في المطار ، ولما روحت الحي بتاعنا كان الناس بتبص ليا بحزن .. ملقتش حد في البيت ، بيقولوا ان توفيق انتحر من الدور السابع بتاعنا !! .. كمان بيقولوا ان ملك في مصحة نفسية بالمجان ، الخبر كان صدمة وقررت اروح المصحة
— لو سمحت في مريضة هنا اسمها ملك التهامي
– امم تقربلها ايه ؟
— انا اخوها
— طيب هي هتلاقيها في الدور التاني ..
طلعت ودخلت عليها ، مكنتش عرفاني .. مهما اتكلم مش بترد عليا ، بتضحك ضحكة هبلة .. مسكت اديها وبوستها ، لقيت في اديها…. يتبع…
لمتابعة الجزء الثالث من هنااااااااا ???
