” رمضان جاي ”✌️
من سنتين كدا كنت بصلي التراويح في المسجد
وكان في ست دايمًا بتصلي جنبي، كانت كل سجد تقول:
” يارب وكلت ليك أمري، بدعيلك بقلب بيحبك، عوضه خير يارب ”
هي اتظلمت في جوازها وخدت شخص مش كويس،
حرمها من ولادها وطلقها وسمعت كلام جدًا من كل الناس!
كانت بتدعي بشغف رهيب ويقين عجيب جدًا..
وجه رمضان اللي بعده وساعتها فكرت إنها جاية تصلي وخلاص
وحتى لو دعت ربنا فأكيد يقينها قل شوية،
بس والله كانت بتدعي بيقين أكبر وبكاء وإلحاح أنا عن نفسي استغربته!
وبعد سنة بالظبط كان فيه شاب من بلد تانية غير بلد الست دي.
الشاب ده كان معاه فلوس كتيرة جدًا وكان بيسافر ويرجع
ومراته مستتش ظروف شغله وطلبت الطلاق وسابت ولادها وات
وهو اتجوز بعدها مرتين بس يشاء القدر إن واحدة تعامل ولاده والتانية تطلع مادية جدًا.
الشاب ده كلم واحد صاحبه وقاله يشوفله عروسة،
فصاحبه قاله بس مفيش قدامي غير ست أكبر منك ومظنش إنها تنفعك!
فقاله مش مهم هشوفها وربنا يعمل اللي فيه الخير
وخد ميعاد من أهلها و…….. يتبع…… ????اتجوزوا وجابلها عربية وحرفيًا لما بتنزل بلدها كل الناس
بتتكلم على حنية جوزها معاها ولما بيجي يتكلم عليها
كأنه ماسك حتة من السما في إيده،
بيفضل يقول إن دي الوحيدة اللي قدرت تحبه حب ولاده بدون مقابل،
لو سافر أكتر من شهرين مبتزعلش ولما بيرجع بيلاقيها عملاله مفاجئة!
رمضان جاي استغلوه في الدعاء،
عوض ربنا ليه حسابات مختلفة تمامًا عن المستحيلات اللي راسمها في خيالك!
أدعو الله بروح اليقين حتى ترى نور الإستجابة ❤.
