انا واقعه في مشكله

انا واقعه في مشكله صعبه جدا تعجز العقول عن حلها
انا ساكنه في بيت عيله وبيحصل معايا حاجات غـريبه
كنت بتكلم انا وجوزي في اوضه النوم على اننا عايزين نسافر الأقصر واسوان
صحيت ونزلت ثاني يوم عند حماتي لقيت حماتي بتتكلم وكانها كانت قاعده معانا
عماله تقول لجوزي هو في حد يقدر يسافر دلوقتي ويطلع رحله تكلفه مبلغ كبير
مين ده اللي يقدر يروح رحله لقصر واسوان مثلا ويدفع فيها 30 40 الف جنيه
ده القطر لوحده ب 800 جنيه فانا استغربت جدا
وحسيت ان جوزي هو اللي قال لها واشتكى لها مع ان انا كنت بقول له نفسي بس
اروح الرحله دي زعلت من جوزي وسكت وقلت عادي يمكن بيفضفض مع مامته
لحد ما في في مره قاعدين انا وهو بردو وعماله اتكلم معاه واقول له انا نفسي

هفاني
على اني اكل كباب وكفته ومحاشي ايه رايك بكره نتغدى اي كلام
وبعدين نروح نتعشى بعد ما تيجي من الشغل هو وافق
وقال لي تمام ثاني يوم بقى اول ما جه من الشغل واتغدينا قلت له يلا نلبس وننزل
نقعد شويه عند حماتي ونخرج
فعلا عملنا كده واول ما نزلنا سلمنا عليهم وقلنا لهم ان احنا خارجين عادي
لقيت حماتي بتقول والله يا ابني كويس انك هتمشيها وتخرجها دي مراتك
دي ست عاقله مش زي الستات اللي بتلف في الشوارع
وتخلي جوزها يصرف قشي وشويات انا زعلت جدا ونزلت زعلانه
واحنا قاعدين في المطعم انا وجوزي بصيت له وقلت له لو انت مش عايزني اكل بره

كنت قلت لي وبلاش تشتكي لمامتك حلف انه ما اكلمهاش واستغرب من كلامها
فقلت اكيد في حد بيتصـنت علينا عندي احساس مريب
ان في حد بيخش الشقه وبيستخبى في الدولاب وبيسمع كلامنا
وكانه عايش معانا لولا ان السرير سد ومفهوش فتحه قولت حد قاعدلنا
تحت السرير فقررت بقى اعمل خطه بنت لذينه
ما تخرش الميه عشان اعرف مين بيسمعنا قلت لجوزي….. يتبع…… ????
قلت لجوزي تعالى انا وانت هنتكلم في موضوع
وانت تفضل تتكلم وانا هتسحب وامشي على طراطيف رجلي ..
قلت لجوزي تعالى انا وانت هنتكلم في موضوع
وانت تفضل تتكلم وانا هتسحب وامشي على طراطيف رجلي ..
وابص من العين السحريه اشوف مين اللي بيتصنت علينا
وبالفعل سبت جوزي يكلم نفسه وطلعت عند باب الشقه وبصيت من العين السحريه
للاسف كنت طافيه النور بتاع الشقه فما عرفتش ان كان في حد بره ولا لا
وما قدرتش افتحه عشان الخطه تهرش
جيت تاني يوم وعملت نفس الحكايه بس ولعت النور وقلت له فرصه جميله
ان النهارده الخميس وبكره الجمعه فهننزل على طول نشوفهم

هيتكلموا في نفس الموضوع اللي احنا بنتكلم فيه ولا لا
بس سبت نور باب الشقه من قبلها
عشان اعرف مين اللي بيتصنت علينا على الباب
قعدت اكلم جوزي وبعدين شاورت له ان هو يفضل يتكلم وانا هتسحب
واروح ابص على مين …
المصيبه بقى اني لقيت حد غير متوقع هو اللي بيتصنت علينا لقيت حمايا
انا كنت مذهوله بقى الراجل الكبير المحترم هو اللى يطلع منه كده
رجعت تاني لجوزي وقلت له ما فيش حد على باب الشقه
وما رضيتش افضـح حمايا بإن هو اللي بيتصنت على ولاده كلهم
وبينزل يقول للست مراته طبعا انا مش ههز
جوزي فتح الباب وهوا اتوتر واتكسف ونزل ع طول ومن ساعتها الحمد لله الموضوع متفتحش ومحدش بقي يعرف
عننا حاجة☺️