اشرف _ حقك عليا يا حماتي والله انا اسف وعايزه اقولك ان انا كمان زعلان جدا
كريمه _ خلاص بقى يا ماما مش وقته المهم ان هما الاتنين مع بعض وبعدها ماما مشيت
اشرف _ معلش يا ندى انا تعبان جدا وعايزه انام
ندي _ هو انت ناوي تسكت على اللي حصل ده لو انت تسكت اشرف انا مش هسكت
اشرف _ ارجوكي انا مش ناقص اي كلام بجد
انا تعبان اوي وفعلا دخل نام وسمعت
صوت وروحت اسمع من ورا الباب فيه اي
لقيت سميره بتقول
سميره _ خلاص يا راجل فيه اي نزلني بقي
مش عارف تشيل من الفستان
محمود _ ابدا والله لطلعك شقتنا وانا شايلك
علي ايدي وبعدها طلع بيها وروحت انا
نزلت لحماتي. كانت وافقه قدام الدولاب
وفتاحه
ندي _ انتي ام انتي حرام عليكي يا شيخه
اللي بيحصل فينا ده
حماتي _ جرا اي ياختي مالك فيه اي مانتي
عارفه ان اخو جوزك كان مسافر ورجع يوم فرحك
وبعدين بدل ما تطلعي لعريسك واقفه تحاسبيني كده
ندي _ هو علشان رجع يوم فرحي يروح عامل عيد جوازه يوم فرحي يا حماتي
حرام عليكم. والله
وفي شقه سميره كانت قاعده ومحمود
خرج قالها
محمود _ بجد متعرفيش أنا فرحان ازاي
بالمفاجاه الحلوه اللي انتي عملتيها ليا
ده ربنا يخليكي ليا يا حبيبتي وما يحرمني
منك ابدا
سميره _ علشان تعرف انا بحبك ازاي وبعدها
راحت وقفت علي الباب
محمود قرب منها وقال$ مالك يا سميره في ايه واقفه كده ليه
سميره _ مش عارفه في حد طالع من عند امك تفتكر اشرف ساب عروسته ونزل ولا ايه
محمود _ واحنا مالنا ما تيجي بقى انتي وحشاني قوي والله
سميره _ احنا مالنا ازاي مش لازم ننزل نعرف ايه اللي حصل هو ده مش اخوك برده ولا ايه
محمود _ اخويا اللي مهنش عليه يجي يسلم عليا قوي علشان رجعت
سميره _ اعذرو يا حبيبي ما تعرفش يا بنت اللي هو متجوزها دي مش سهله خالص
ربنا يبعدها عننا وبعدها سمعوا صوت صويت
محمود _ ايه ده في ايه مالها عماله تصوت ليه كده
سميره _ معقول يكون بيضربها طيب يلا بينا ننزل بسرعه ونعرف في ايه وبعدها نزلوا
شقتي وانا قولت
ندي _ منك لله انتي سبب في كل حاجه وحشه حسبي الله ونعم الوكيل فيك يا شيخه
محمود $ في ايه مالك اوعى يكون اخويا جرله حاجه
سميره _ هو انت لسه واقف تتكلم ما تروح تجيب دكتور اكيد اشرف تعبان مش كده
ندي _ مش عايزه منكم حاجه انا طلبت
دكتور اتفضلوا اخرجوا برا يلا وبعدها خرجتهم
وحماتي طلعت مع الدكتور وكانت قاعده في الصاله وخرجت انا والدكتور وقالت
حماتي _ في ايه يا دكتور والنبي طمني على ابني ايه اللي حصله
الدكتور _ شكله يتعرض لساعه الكبير ج
دا ما قدرش يستحمله هو مش هيقدر يقوم من السرير الفتره دي
حماتي _ يا حبيبي يا ابني الف مليون
سلامه عليه والنبي عايزه ادخله
ندي _ مافيش حد هيدخل عندو انتي فاهمه ولا لا انت. السبب في اللي حصل ده ومحدش
ليه دعوه بيه خالص
الدكتور _ ياريت بلاش الضغط ده عليه هو
مش مستحمل وبعدها اداني الروشته
وقال الدوا ده ياخدو ب انتظام وبعدها مشي
ونزلت سميره ومحمود
محمود _ هو في ايه بالظبط اللي حصل لاشرف يا ماما طمنيني عليه
حماتي _ حبيب قلبي شكله زعل من اللي حصل امبارح انت غلطان برده يا محمود مكانش ينفع تعمل كده
سميره _ هي اي تلاكيك وخلاص هو كان كويس لحد ما راجع الشقه هنا شوفي بقى حصل ايه هو اللي عمل فيه كده
ندي _ انا لولا الدكتور محرج عليا ان ما فيش اي مشكله تحصل قدامه مكنتيش تعرفي انا اعمل فيكي ايه دلوقتي
محمود _ وليه الغلط ده بس يا ندى طب وهي مالها واحده كانت عايز تفرح بمجي جوزها برده
واظن ده حقها
ندي _ بعد اذنكم بقي هو عايز يرتاح
وفعلا الكل خرج وانا دخلت جمب
اشرف اللي بقي لا عارف يتحرك ولا عارف
يعمل حاجه
وجت ماما ودخلت
الام _ معقول يا بنتي الكلام اللي حماتك قالته ده انا اول مره زعلت قوي عليه والله
ندي _ ماما انا عايزه اجيب اشرف واجي اقعد عندي الفتره دي بجد مش عايزين نقعد في البيت هنا
الام _ والله يا ندى كان نفسي اقولك تعالي يا حبيبتي بس انتي عارفه مش صغيره جدا
دي اوضه وصاله
ندي _ انا لازم امشي من هنا في اسرع وقت
الام _ يابت متبقيش عبيطه
تمشي تروحي فين بس خليكي قاعده في مالك
ولازم تخدي بالك منه
ندي _ ارجوكي يا ماما انا مش ناقصه والله.ومش عايزه منهم اي حاجه كل اللي
عايزه أن جوزي يبقي كويس
الام _ انا عارفه والله ان مش وقت كلامي اللي انا هقوله ليكي ده بس هو كمان غلطان في اللي حصل كان يسمع كلامهم في كل حاجه
ندي _ اللي حصل حصل بقي واقعدنا شهر
عالحال ده وفي شقه محمود كان
قاعد قدام التلفزيون وخرجت سميره وقالت
ليه
سميره _ هو جنابك هتفضل قاعد لي كده ولا ايه مش المفروض ترجع بقى وتشوف اكل عيشك
محمود _ امشي ازاي بس يا سميره مش لما اطمن على اخويا الاول
سميره _ في تليفون يا حبيبي نبقى نطمنك بيه احنا عايزين مصاريف وانت قاعد هنا وعاملين نصرف جامد عليك وعلى امك وعلى اخوك
محمود _ بصراحه كده انا بفكر ناخد شقه بره مش مرتاح في البيت هنا ومصاريف زادت عليا قوي انا مش مجبر أن اصرف عليهم
سميره _كل حاجه بوقتها المهم يلا يا محمود واحجز تذكره علشان تسافر
محمود _ طيب خليها بعد الغداء انا جعان قوي
وبعدها جرس رن وفتحت سميره وكانت
حماتي
حماتي _معلش يا سميره كنت عايزه محمود دقيقه واحده هو صاحي ولا نايم
محمود _ تعالي يا ماما خير انا قاعد هنا هو في حاجه ولا ايه
حماتي _ خدي حبيبي الروشته دي هات لاخوك الدوا احسن خلاص ده خلص
محمود _ بصراحه يا ماما كده بقى انا زهقت هو هيفضل في السرير ولا ايه لا انتي ما تعرفيش علاجه بكام
حماتي _ حقك عليا يا ابني ابقى انزل خد غويشه من دهبي وبيعهم وهات لاخوك العلاج
سميره _ اخص عليك يا ماما والله هو ما يوصل هو يقصد مراته تنزل تشتغل وتساعدو
مش المفروض ان ده جوزها برضه
حماتي _ده فين هي عايشه معاهم شايلاه ولحد دلوقتي ما طلبتش الطلاق
سميره _ طلاق ليه بقى ان شاء الله هي كانت تتطول تتجوز واحد زي اشرف
حماتي _ على العموم يا حبيبي هات الدوا المره دي وبعد كده انا هتكلم معاها في موضوع الشغل
سميره _ معلش يا ماما انا صحيح بعز اشرف بس اسمعي كلامي لو هي لقت العلاج بيجي مش هتنزل تشتغل
محمود _ صح يا ماما انزلي وقولي لمحمود مسافر مش معاه فلوس، وفعلا حماتي
نزلت عندي
ندي _ تعالي يا ماما ادخلي وبعدها دخلت قعدت وقالت
حماتي _ والله يا ندى انا مش عارفه اقولك ايه بس محمود مش عايز يجيب العلاج لاخوه ومراته تنزل تشتغل وتصرف عليه
ندي _ انا قولتلك الف مره يا ماما انا مش عايزه منهم فلوس بس انتي اللي مصممه ان هو يجيب علاج اخوه
حماتي _ اسمعي يا ندى انا معايا دهب خدي بيعي لحد ما يقوم بالسلامه حبيبتي
ندي _ هم عندهم حق ماما انا اللي ملزمك جوزي وانا اللي هنزل اشتغل واصرف على البيت
حماتي _ عايزاكي تسامحني يا ندي انا مكنتش اعرف انك البنت اصول قوي كده والله
ندي _ ربنا يخليكي يا ماما بس الفتره اللي هكون فيها في الشغل مش هينفع تسيبي اشرف لوحده علشان لو احتاج حاجه
حماتي _اكيد يا حبيبتي ربنا يوفقك بس وتلاقي شغل وفعلا اشتغلت في مصنع ملابس
كنت شغاله علي مكنه وفي يوم بعت ليا صاحب
الشركه حسن ودخلت مكتبه وقولت
ندي _ قالوا ليا ان حضرتك عاوزني خير يا استاذ حسن في ايه
حسن _ اقعدي يا ندى مالك واقفه ليه عايزه اتكلم معاكي شويه هو ايه موضوع انك مش عايزه تسهري مع البنات البنات كلها بتسهر
ندي _ انا بعتذر لحضرتك بس عندي ظروف مش هتقدر تخليني ان انا اسهر وده كان شرطي من اول يوم جيت في الشغل
حسن_ والله انا عامل عشانك انتي علشان تزودي مرتبك وبرده مش هكذب عليكي عندي ضغط شغل كثير الفتره دي
ندي _ والله غصب عني ولو مش هينفع ان انا اكمل في الشغل حضرتك تعرفني وانا هقعد ما فيش مشكله
حسن _ انا مقلتش كده عالعموم برحتك
اتفضلي يلا علي شغلك وبعدها
روحت علي شغلي ونانسي قالت
نانسي _ مش ملاحظه ان استاذ حسن بيبعتلك كثير في المكتب عنده خدي بالك منه الراجل ده مش كويس
يتبع….