رواية ” سلفتي بتغير مني ” كاملة جميع الفصول بقلم هويدا زغلول
حماتي _ جرا اي ياختي مالك فيه اي مانتي
عارفه ان اخو جوزك كان مسافر ورجع يوم فرحك
وبعدين بدل ما تطلعي لعريسك واقفه تحاسبيني كده
ندي _ هو علشان رجع يوم فرحي يروح عامل عيد جوازه يوم فرحي يا حماتي
حرام عليكم. والله
وقبل ما نبدا الحكايه اعرفكم بنفسي أنا
ندي مخطوبه وفي يوم لقيت اختي كريمه
داخله تقول
كريمه _ الحقي امك وحماتك برا ماسكين في
بعض بسبب العفش، وانا قومت وقفت وقولت
ندي _ ربنا يستر ده انا مصبرا ماما علي الجوازه
بالعافيه وخرجت ولقيت ماما قالت
الام _ تعالي يا حبيبتي اسمعي حماتك
بتقول اي لما اشوف آخره الجوازه دي
الحما _ جرا اي يا ام كريمه مالك يعني انا غلطانه اني جايه اقولك تعالي ننزل ننقي العفش كنت نزلت لقيته من نفسي
ندي _ عفش اي يا حماتي مش خلاص نقنا
وراح علي الشقه
الحما _اصل سميره سلفتك شافت العفش وجبها معرفتش اقولها لا اخدته كله وباعا عفشها القديم تعالي ننزل ننقي عفش تاني اصل انا نزلت الراجل على نفس الاوضه قالي ما فيش
ندي _ ازاي حماتي تعملي كده ده فاضل اسبوع على الفرح هلحق انزل انقي عفش جديد
الحما _ ما تنسيش يا نن عين امك ان الفلوس دي كلها فلوس ابني اللي مسافر يعني مراته من حقها تاخذ العفش واجيبلك غيره هو انتي فاكره ان جوزك هو اللي دافع الفلوس دي كلها
الام _ لسه ما بقاش جوزها وشكله كده مش هيبقى انتي موافقه على الكلام ده يا ندى
ندي _ وأشرف مالو بس يا ماما اهدي بس
الام _ بلاش الجوازه دي يا ندى تتعبي والله يا بنتي فيها
الحما _ ما تخليكي محضر خير مالك يا ام كريمه في ايه تعالي يا ندى يا حبيبتي انزلي معايا واي عفشه هتختاريه انا هتجيبه ليكي
وانا قربت من ماما وقولت ليها
ندي _ اصلا العفش مكانش عاجبني والله تعالي وهننزل ونقي غيره ارجوكي
الام _ والله انتي حره خدي اختك وانزلي انما
انا مش نازله خالص وبعدها فعلا نزلنا
ورجعنا وكريمه قالتي
كريمه _ اوعي كده على القرف اللي انتي جبتيه ده ده منظر عفش
ندي _ ارجوكي وطي صوتك علشان ماما انتي عارفه ان هي بتتلكك علشان تخرب الجوازه دي
كريمه _ تخرب ايه يا بنتي ده اشرف ملوش راي خالص وحماتي كمان ملهاش راي قدام سميره
وسلفتك اللي هامشي الدنيا
ندي _ يا ستي بعد الجواز مش هيكون كده
وفي الوقت ده لقيت اشرف بيرن عليا رديت
عليه
ندي _ كده يا اشرف ما تقوليش ان مرات اخوك اخدت العفش بتاعنا كمان متجيش النهارده معانا واحنا بنجيب العفش بتعنا
اشرف _ والله ورايا شغل كتير على العموم يا حبيبتي تتعوض بس ماما بتقولك عايزين القايمه عشان نغيرها
ندي _ وتغيرها ليه يعني مش فاهمه
اشرف _ المفروض ان العفش اتغير والجديد
ارخص من القديم ف سميره قالت القايمه لازم
تتغير
ندي _ سميره برضه ولقيت كريمه اختي
ضحكت وقالت
كريمه _ اشربي يا من عين امك بقي
وبعدها دخلت الاوضه
ندي _ اي اللي انت بتعمله معايا ده حرام
عليك أنا مسكته ماما بالعافيه ارجوك
كفايه بقي
اشرف _ ده حقنا طلما جبنا عفش ارخس يبقي من حقي نغير القايمه
ندي _ ارجوكي اشرف بلاش تقولي الكلام ده لماما علشان جوازنا يتم ولو انت عايز بعد الجواز امضيلك تنازل عن القائمه ما عنديش مشكله والله
اشرف _هو انت فاكره ان انا بني ادم مش كويس كده انا ممكن اخليك تمضي على تنازل عن القائمه لا طبعا انا لا يمكن اعمل كده حقوق لازما تضمنيها بس حقوقك اللي احنا جبناها
ندي _ طيب ارجوك ممكن ناجل اي كلام دلوقتي
اشرف _ صحيح انا لحد دلوقتي ما عرفتش مين اللي هيكون وكيلك وانتي ولا ليكي عم ولا خال
ولا اب
ندي _ ما انت عارف ان اللي مربينا عم حسين جارنا وهو المسؤول عننا
اشرف _ بالله عليكي مش مكسوفه من نفسك وانتي بتقولي ان جاركم هو اللي هيبقى وكيلك اقفلي السكه اقفلي وبعدها قفلت معاه
وهو كان قاعد عند حماتي ومعاهم سميره
سميره _ والله يا ابني مش عارفه دي نصيبك جه في البنت دي ما كان قدامك بنات كثير
اشرف _ ايه اللي حصل بقى المهم يا ماما جبتي حاجات رخيصه زي ما اتفقنا ولا ايه اصل انا مش حاسس ان الجوازه دي هتتم للآخر
الام _ طب ما هي قالتلك دلوقتي تتنازلك عن القايمه ايه المشكله لو حسيت انك مش مرتاح معاها قولها تمشي تنازل عن القايمه
سميره _ وبرده ليه ما اشيل ده من ده يرتاح ده عنده وخلاص
اشرف _ ازاي بس يا سميره ما انتي عارفه ان انا خلاص حجزت القاعه والفرح الاسبوع الجاي
سميره _ اه عندك حق واخوك محمود بصراحه تعب قوي في الفلوس دي مهو كل شي علينا
احنا
حماتي _ ربنا يخليهم لبعض مالك يا سميره في ايه ما احنا كنا كويسين كفايه ان انا نزلتلك عفشها كله وجبتلها عفشه اقل من عفشك انتي
سميره _ هو انتي كنتي عايزه يا حماتي ان هي يكون عندها عفش احسن مني ولا ايه لا طبعا ده الفلوس فلوسي هو انتي ناسيه ان انا لما اخذت مراثي من ابويا اديت ابنك يسافر يعني انا اللي هي فاضله عليكم
حماتي _ يا حبيبتي عمرنا ما نسينا وشايلينك على دماغنا من فوق
سميره _ ايوه كده يا حماتي انا طالعه شقتي ارتاح شويه ولما تبقي تخلصي الغداء ابقي انزلي
وبعدها طلعت
اشرف _ بصراحه يا ماما انا اتخنقت من اسلوبها قوي مش عشان يعني هي اللي اديت اخويا الفلوس تعمل معانا كده على فكره لولا اخويا بيشتغل كويس لولا لما ابقى عنده الفلوس دي كلها
الحما _ يا ابني اقعد ساكت لا تسمعك انت عارف ان هي ملمعه اوكر مش عايزين مشاكل مع اخوك انت عارف ان اخوك بيسمع كلامها في كل حاجه
اشرف _ وانا بدات اتخنق قوي من اني عمال اوضح فيها اني مش بحب ندى زي ما انت ما مفهماني
الحما _ والله يا حبيبي انا عامله كل ده علشان خاطرك انت انت عارف ان هي بتغير من اي حد لو عرفت ان انت بتحب خطيبتك ما تعرفش هي ممكن تعمل معاها ايه
اشرف _ بس اعملي حسابك كفايه على ندى كده انا مش همضيها على تنازل عن القايمه
يتبع….